بعد يومان من خطبه ادم وكاميليا..تجهز الجميع للذهاب للقريه السياحيه..
رفض والدي فريده ان تسافر بسيارتها خوفا عليها..وايضا كان ادم وكاميليا
قد انطلقا للقريه منذ ساعات ولم يبقي لديها اي خيار غير سفرها
مع اسر في السيارة ..رغم رفضها في البدايه ولكنها وافقت حتي
لا يشك والديها في امرها هي و اسر حيث انها لم تخبرهم بما حدث حتي الان..
انطلق الاثنان وكل منهما له شعور مختلف عن الاخر ففريده تشعر
بالضيق الشديد من تواجدها مع اسر ..واسر يشعر بسعاده بالغه لانها برفقته..
في السيارة..
فريده بضيق:اووووف..يا مهون ..صبرنا يا رب ع السفريه السوده ديه..
ماتشد شويه..ايه البطئ اللي انت فيه ده..
اسر بانشكاح:ابدا...بس انتي عارفة اخاف نعمل حادثه ولا حاجة..
فريده بتهكم:من امته العقل ده..مانتا بتسوق بجنان...بقولك ايه..
احنا كده مش هنوصل غير ع المغرب..وانا عايزة اخلص..
اسر بابتسامه:وماله..ان شالله نوصل ع الفجر..احنا ورانا حاجة...
وبعدين مسمعتيش..ان في التأني السلامه وفي العجله الندامه..
وانا بحب اتأني..في كل حاجة..
فريده بسخريه:انت هتقولي..فعلا انت مبتتسرعش ابدا..دايما بتتفحص
و تدقق في كل حاجة...علي يدي..
اسر بندم وقد فهم ما ترمي اليه:يا فريده قلتلك اني مكنتش في وعيي..
وبعدين كنتي عايزاني اعمل ايه...تصرفاتك ..وكلامك مع ده وده..
وتصميمك علي رفضك ليا..جنني..انا اسف..سامحيني بقي..
فريده :بالسهوله ديه..بعد اللي عملته فكرك ان كلمه اسف كفيله اني انسي
و اسامحك..تفتكر لو مكنش ادم وصل في الوقت المناسب كنت عملت فيا ايه..
بدات فريده بالبكاء واكملت..انت عارف انا حسيت بايه انت دبحتني يا اسر..
خليتني اكره حبي ليك..خليتني اندم اني حبيتك..دلوقتي مجرد وجودك جمبي
بيخوفني..انت الانسان الوحيد اللي المفروض احس بالامان معاه
بقيت بخاف تقرب مني..كل ما بشوفك بفتكر اللي حصل..
اسر وقد اوقف السيارة وبحزن:انا عارف يا فريده اللي عملته كان غباء مني..
كنت فاكر ان بكده بنتقم منك..بس اكتشفت اني بنتقم من نفسي..
ضيعتك من بين ايديا..انا اسف..قام اسر بالاقتراب من فريده
ولكنها ابتعدت والتصقت بباب السيارة..اسر بحزن...يااااه للدرجادي
بقيتي بتخافي مني..ماشي يا فريده انا مش هقربلك..
بس اوعدك اني هعمل المستحيل علشان تسامحيني..
فريده:ياريت متوعدنيش بحاجة انت مش هتقدر تعملها..انت انسان
عصبي متهور عنيد..اول ما مش بتلاقي حاجة علي كيفك بتقلب..وانا مش هتحمل ده..
