قصة جنونى وعنادك

الفصل ٦٨

عند اسر اسرع اليه والده ..

سيف بغضب:ايه اللي حصل ده يا اسر..
انت تعمل كده تقتل طارق..

اسر بعدم فهم:طارق مين يا بابا اللي قتلته..

سيف:اتفضل اقري الجرنال وانت تفهم..

قام اسر بقراءة الخبر وصدم مما رأي..واكمل:والله ما ليا دعوة
باللي حصل يا بابا..انا معرفش حاجة عن ده..

سيف بغضب:امال مين..مين له مصلحة انه يقتله غيرك..

اسر مدافعا:والله يا بابا انا ماعملت حاجة...بعدين مانا قاعد
في المستشفي قدامك..هقتله ازاي..وبعدين انا لايمكن اني اقتل

انسان مهما كان اللي عمله فيا..اينعم كنت هنتقم
منه علي اللي عمله فيا..بس مش للدرجة ديه..

سيف باستغراب:امال مين..مين له مصلحة..وبتفكير..
واشمعني في الوقت ده..اللي عمل كده قاصد ..

اسر:قصدك ايه يا بابا..انا مش فاهم..

سيف:قصدي ان اللي قتله قاصد انه يلبسك التهمه ديه..

اسر:نعم...وانا مالي..

سيف:يابني افهم..انت بعد اللي حصل فيك..والكل عارف انك انت وطارق اعداء..
يعني هيقولوا انك انت اللي قتلته علشان تنتقم منه..

اسر:طب ومين له مصلحة في كده...مين اللي عايز يأذيني..

سيف بشرود وبتفكير:مش يأذيك انت,,

اسر:امال مين..بابا انت عارف حاجة ومخبيها عليا.. قول يا بابا..

سيف بتنهيده:بص يا اسر..انا مش متأكد..بس اعتقد انك لازم تعرف اللي
بيحصل..علشان تقدر تحمي نفسك..وتحمي فريده معاه...

اسر بعصبيه:فريده..وايه اللي دخلها في الموضوع....قول يا بابا وخلصني..

سيف:انا وسليم كنا داخلين في صفقه وكانت في مزاد المهم الصفقه
ديه كان داخلها مجموعة من المافيا يعني صفقة خشب وحديد مسلح
كانوا عايزين يهربوا فيها سلاح ومخدرات..احنا مكناش نعرف كده الاول..

المهم بعتوا ناس يحاولوا يخلونا نتنازل عنها بس انا رفضت وخليت
سليم يوافق اننا نفضل فيها..حاولنا كتير لغايه ما الصفقه رسيت علينا..

بعدين لقيناهم بيبعتوا رسايل تهديد...انهم مش هيعدوا اللي حصل ده علي خير ..
وخصوصا لسليم بيهددوه بفريده وانهم هيأذوها..علشان كده

انا طلبت منك انك تتجوزها ونبعدهم عنها..بس الواضح انهم لسه عايزين
ينتقموا مننا...واكيد هما اللي ورا موضوع قتل طارق..يعني هما لما مقدرش
يقتلك هما قتلوه علشان يلبسوك التهمه..
وخصوصا اني سمعت قبل كده ان طارق بيشتغل معاهم..

اسر بغضب:يعني كل ده يحصل وانا معرفش..
.وحضرتك كنت ناوي تقولي امته..وكمان فريده..

سيف:اهدي يا اسر علشان نعرف نفكر..