اسر بتوتر: مش عارف الدكتور بيقول انها هتولد طبيعي..
بس عصبيه وانا سامعها عماله تصرخ مش عارف فيه ايه..كاميليا: اهدي يا اسر هتقوم بالسلامه ان شاء الله..
اسر: بس ده مش ميعادها ده كان لسه قدامها شهر..
يوسف: يمكن لما اتعصبت النهاردة شويه..اسر بأسي: كان باين علي وشها.. بس كنت
فاكرها غيرانه.. مكنتش اعرف انها تعبانه كدة..ادم: معلش يا اسر هتعدي ان شاء الله..
سيف: متقلقش يا اسر كلها شويه وتلاقيهم جايين يبشروك ..
اسر برجاء: يا رب يا بابا انا خايف عليها قوي..في الداخل كانت فريدة غاضبه من الطبيب..
فريدة: خلصني بقي..
الطبيب :هانت يا فريدة خلاص..فريدة بعصبية: اديلك ساعة عمال تقولي
هانت خلاص.. ياتخلصني يا تخرس خالص..الطبيب: طيب خلاص..
فريدة بعصبية: انا عايزة اسر الوقتي..
الطبيب: حاضر.. اندهوا جوزها من برا..لتخرج الممرضة ويسرع اليها الجميع..
اسر بلهفة: خير فيه ايه طمنيني..
الممرضة: الدكتور عايز حضرتك..اسر بقلق: فيه ايه..فريدة جرالها حاجة...
الممرضة: لا يا فندم بس المدام عايزة مامتها او حضرتك..ليسرع اسر الي الداخل بعد تبديل ملابسه..
اسر بقلق: فريدة مالك..
فريدة ببكاء: فين مامي يا اسر مجتش ليه..اسر: اتصلت بيها يا فريدة وجايه في الطريق..
فريدة ببكاء والم: طب قول للدكتور يديني مخدر انا هموت يا اسر..الطبيب: مش هينفع يا فريدة انتي خلاص..
فريدة بعصبيه: خلصت روحك يا بعيد اديك
ساعتين بتقولي خلاص خلاص انت ايه ..اسر بحرج: اسف يا دكتور.. عيب يا فريدة كدة..
الطبيب: معلش انا مقدر اللي هيا فيه..فريدة وهي تمسك بيد اسر: حرام بقي يا اسر انا تعبت..
اسر: معلش يا حبيبتي استحملي شويه..فريدة بتعب وانفاس متقطعة: مش قادرة
خلاص انا.. انا مش قادرة اخد نفسي..اسر بقلق: مالك يا فريدة.. ردي عليا.. وللطبيب مالها يا دكتور..
اسرع الطبيب لفريدة بعد ان فقدت وعيها..
الطبيب: مش هينفع تفقد الوعي الوقتي لازم نفوقها..اسر بخوف: فيه ايه حد يرد عليا..
الممرضة: من فضلك يا فندم اخرج برا الوقتي..اسر بعصبيه: مش خارج غير لما اعرف
ايه اللي بيحصل هنا.. مالها فريدة..اخرج الطبيب اسر من الغرفة وهو في قمه توتره وعصبيته..
سيف بقلق: مالك يااسر ايه اللي حصل..
اسر بغضب: معرفش فجأه لقيت فريدة اغم
عليها ومعرفش مالها.. محدش راضي يقولي حاجة..