ادم :صبرني يا رب ..ولكي يخرج من الموضوع الا قوليلي كابتن حمزة لسه بيجي
ادم:ايوة بيجي يشقر كل كام يوم وجاي النهاردة لما عرف انكم جايين
ادم :طب كويس اروح اشوفه انا بقي
انشراح:لا خليك وانا هقول لعادل اول ما يشوفه يقولي وانا اقولك
وبصوت مرتفع واجش ولا يا عادل انت يالا
اقبل عليها فتي في العاشرة من عمرة:ايوه يا يا انشراح
انشراح :ايه يالا ساعة بنده عليك ومش قولتلك متقوليش انشراح حاف
عادل: امال اقولك ايه ......
انشراح:قولي يا ابله
ادم:..ابله.... ده انتي داهيه
عادل:متقولي عايزة ايه بقي
انشراح :بقولك ايه اول ما الكابتن حمزة يجي
تيجي حمامه تقولي علشان سي ادم عايزة
عادل بتأفف :حاضر حاجة تانيه
انشراح :مالك ياض مش علي بعضك ليه متثبت وانا بكلمك ولا عايزني اعدلك
عادل :الله مالي مانا كويس اهو ..ااااااااه .... اي..بلاش ضرب طيب
ادم لنفسه ... اخلع انا من هنا بسرعة قبل ما تاخد بالها ياساتر
انشراح:منتا مش بتيجي غير بالضرب ..الله امال سي ادم راح فين
عادل: مشي من شويه ..وانتي بتضربيني
انشراح :طب غور من وشي جاتك الهم ...راح فين ده لما ادور عليه
>>>>>>>>>>>>>>>>>>>>>>>>>>>
وصلت فريده الي منزل عم ابراهيم
منزل مكون من بعض الطوابق مبني علي الطريقة القديمه
تشعر فيه بالالفة والمحبة والراحه منزل عم ابراهيم وزوزو
ذلك المنزل الذي يعتبر ملاذ و مأوي للجميع حيث يعتبرهم الجميع بمنزله الاب و الام لهم
فبعد ان فقد زوزو و ابراهيم ابنائهم الثلاثة في حادث زلزال 92
ولم يرزقهم الله باطفال وهم يعتبرون كل من في الحي ابنائهم
وسنعرف قصتهم مع ادم وفريدة مع الاحداث
فريده وهي تطل براسها الي داخل غرفه ما:
ادخل ولا الجميل مشغول
زوزو بفرحه:فريده حبيبتي ....تعالي طبعا
وقامت زوزو باحتضان فريده
كدة برضو يا فريده الغيبة الطويله ديه اخص عليكي ده انا افتكرتك نسيتينا
فريده:انساكم ده برضو معقول ..... معلش غصب عني يا زوزو
ظروف الشغل مانتي عارفه وخلاص بقي
انا هبقي مقيمه هنا الفترة اللي جايه علشان اتابع الشغل
زوزو:بجد انا مبسوطه اوي... لما عمك ابراهيم قالي انك جايه مصدقتش
فريده :لا صدقي وانا اهو معاكي
ادم من الخلف وعلي وجهه الضيق:كده برضو يا فريده
ديه عمله تعمليها فيا بقي تسلميني لانشراح
فريده :ههههههههههه
ادم:بتضحكي علي ايه
شفتي يا زوزو عمايلها
زوزو:هههههههه انتي عملتي فيه ايه يا فريده
فريده ببراءة مصطنعه:ابدا والله يا زوزو كل الحكايه
اني سبته مع انشراح وجيت اشوفك فيها حاجة ديه
زوزو وهي تضربها برقه علي كتفها:برضو كده مش هتبطلي حركاتك ديه
معلش يا ادم سامحها علشان خاطري
ادم:علشان خاطرك انتي بس يا قمر هسامحها خلاص
يا فر يده عفونا عنك بس قوليلي يا زوزو انتي بتحلوي كل مرة كده ازاي
من الخلف :ايه يالا انت بتعاكس مراتي قدامي ماتلم نفسك شويه
ادم بطريقم مسرحيه:يالهووووووووووي عم ابراهيم
انت ايه اللي جابك .....قصدي جيت امته
ابراهيم:من لما كنت بتتغزل في مراتي.....
ايه مش مالي عينك ولا ايه
ادم:لا ده انت تملي عين الصيرة .... بس اعذرني
يعني حد يبقي قدامه الجمال ده كله ويقدر يسكت قالها ادم وهو يقبل يد زوزو
ابراهيم وهو يمسك ادم من اذنه:يعني انت مش ناوي تجيبها لبر
انت بتعاكس مراتي وكمان بتبوس ايديها قدامي ما ناقص تاخدها بالحضن
ادم: ااااااااه...... ااااه ...... استني بس وانا هفهمك .....
ماهو ده اللي كان هيحصل لولا انت طبيت علينا كده قطعت علينا كلامنا
زوزو وهي تضحك:ههههههههه يوه جاتك ايه يا ادم
لسه زي مانتا بكاش خلاص سيبه يا ابراهيم علشان خاطري انا
ابراهيم وهو يترك اذن ادم:علشان خاطرك انت يا جميل انا بس هسيبه
فريده :الله ده انت كمان بتعاكس اهو....لا كده مش هينفع
ادم:طب ايه اجيب شجرة واتنين لمون ولا اخد البت ديه علشان تاخدوا راحتكم
فريده :علي رايك يا ادم يلا بينا شكلنا كده بقينا عازول
زوزو:ايوة انتو هتشتغلوا من دلوقتي ده انتو لسه واصلين
ابراهيم:لا كده انا هربيكم تعالوا هنا
ادم:اجري يا فريده احنا هنضرب
فريده:يالهوووووووووي ....يلا يا ادم بسرعه ........
بعد ان خرجوا
زوزو:ربنا يحميهم شفت اول ماجم عملوا حس ازاي
ابراهيم:ايوه يا زوزو عندك حق
ادم وقد اطل الي الغرفة:علي فكرة انا لسه مامشيتش ها ....ها...
انا رايح الموقع وشويه وجاي اوعي يابو خليل تعمل حاجة كده ولا كده ها انا لسه موجود
ابراهيم وهو يهم لضرب ادم:امشي يالا من هنا
ادم وهو يضحك ويركض:ماشي.. ماشي..... هسيبهالك بمزاجي المرادي
>>>>>>>>>>>>>>>>>>>
بعد ان خرجوا ظلت فريده تتامل المكان بفرحه
فريدة:بص يا ادم بقي عمل ازاي رغم ان هوا اتجدد بس لسه زي ماهوا متغيرش
ادم:فعلا عندك حق .... فاكرة اول مرة جينا هنا من سنتين
فلاش باك
تعاقدت احدي الشركات الكبري مع شركه اومجا نصر
ان تتولي الاشراف علي بعض المواقع في احدي المناطق الشعبية
وذلك لبناء ما يسمي بناطحات السحاب و الابراج
ذهب كل من ادم وفريده لمعاينه الموقع للبدء في الاستعدادات
وذهبوا بسيارة فارهة جذبت الانتباه وتجمع حولها الصبية
ادم وهو يزفر بضيق:هوا ده المكان اللي قالوا عليه
انا مش عارف هما ازاي اختاروا المكان ده
فريده:اووووف ايه الزحمة ديه وايه الناس ديه كلها
وبعدين مين ممكن يرضي يقعد في مكان زي ده
ادم:شايفة البيوت كلها مهدمه كده ازاي
فريدة:طب بص اسالنا حد عن المكان علشان نخلص
ادم وقد اشار لاحد الصبيه
ادم للفتي:انت يا شاطر بص
الفتي :ايه ده سياح انتو تايهين ولا ايه الله ومين المزة اللي معاك ديه
ادم:مزة وسياح انت فاكرنا اجانب ولا ايه
الفتي:ايوة بس انتو بتتكلموا زينا اهو
ادم:شكلك زكي ...بص يابني انا كنت بسال علي الريس منصور
الفتي :انت عايز عم منصور المقاول.....
ادم:ايوة ....الاقيه فين
الفتي: بص هتلاقيه هناك عند القهوة ديه اللي واقف هناك
ادم :اللي لابس تي شيرت رمادي ده
الفتي :ايوة ......هوا ...الا يا كابتن العربيه ديه نوعها ايه
ادم:....فورد مونديو...... بس بتسال ليه
الفتي:اصل شكلها غاليه قوي هي بتاعتك ولا سالفها
ادم:سالفها ......لا بتاعتي ووسع بقي علشان اشوف الريس منصور
الفتي :طيب خلاص متزوقش
مش علشان معاك عربيه معديه ومزة حلوة هتتنطط علينا وتركه ورحل
ادم:عربيه معديه ومزة......ربنا يعدي المشروع ده علي خير
اذا كان العيال هنا بالشكل ده امال الكبار عاملين ازاي
فريدة:ها يا ادم عرفت فين الريس منصور ده
ادم بضيق:ايوة اللي واقف عند القهوة ده
فريده:طب يلا روح اندهله انا مش ممكن انزل في المكان ده
ادم وقد ذهب للريس منصور
ادم:صباح الخير ..حضرتك الريس منصور مش كده
منصور:ايوة انت مين بقي
ادم:انا البشمهندس ادم سيف الدين المسئول عن المشروع الجديد
منصور :اااااه .....بتاع شركه بويا نصر
ادم:ايه بويا نصر.......قصدك اوميجا نصر ....ايوة انا
بص احنا كنا جايين نعاين الموقع انا ومهندسه معايا علشان نبدا في الشغل علي طول
منصور :تمام بس عايز اقولك قبل ما نروح هناك
ان الناس هنا مضايقين من الموضوع ده وممكن يعني يضايقوك شويتين
ادم بضيق:ربنا يسهل ممكن نمشي
ذهب ادم وفريدة الي الموقع ووجد فيه الكثير من الناس
ادم لمنصور:ايه ده مين دول يا ريس منصور
منصور: .منا قولت ليك من شويه ان الناس هنا مش متقبله الموضوع
ادم وهو يزفر:.يعني ايه مش هنعرف نشوف شغلنا
منصور :.ماني قولتلك ..بس استني انا هتكلم معاهم
ذهب منصور الي الموجودين في الموقع
فريدة:.ها يا ادم ايه اللي بيحصل
ادم:.ابدا شويه ناس مش عاجبهم الموضوع ورافضين يخلونا نشوف شغلنا
فريدة: .طب وبعدين هنعمل ايه طب ما يطلبولهم البوليس ونخلص
ادم:.استني يا فريدة لما نشوف .حضر منصور فحدثه ادم.ها يا ريس منصور ايه الاخبار
منصور :.لسه برضو مصممين ومش هيتحركوا
ادم.:اوووووف احنا مش هنخلص بقي انا هروح اكلمهم
منصور:.يابني استني مش هتعرف تتفاهم معاهم
ادم: هنشوف
باك
ادم:ااااااه احنا هنقعد نعيد الذكريات ولو ان بعضها مش لطيف خالص
بصي يلا بينا علي الموقع وبعدين نشوف ذكرياتك يا فريده هانم
فريده:اوك يا ادم يلا بينا
انشغل ادم وفريده في عملهم ومتابعة العمال ومر الوقت سريعا
ولم يخلو من تواجد انشراح الدائم بجانب ادم وتزمر ادم وضحكات فريده عليه هي و كابتن حمزة
كابتن حمزة هنعرف مين ده مع الاحداث
>>>>>>>>>>>>>>>>
