قصة جنونى وعنادك

الفصل ٦٩

ضربت فريده اوامر اسر بعرض الحائط حيث انه لم يحادثها منذ ان خرج من المشفي
وهذا زاد من غضبها ولم تتصل هي الاخري به.. وذهبت مع كاميليا لتساعدها
في الاستعداد لزفافها...مر اكثر من اسبوع وفريده
منشغله مع كاميليا وايضا في تزيين قاعه الزفاف...
ذهبت فريده الي القاعة لتري التحضيرات وتشرف علي التجهيزات
حيث ان الزفاف بعد ثلاثه ايام..كانت فريده تتحدث مع احد الاشخاص وتعد القائمه..

الشخص:كده كله تمام يا فندم ...فيه حاجة عايزة تضيفيها تاني..
فريده:مبدئيا كده كل حاجة كامله...لو فيه حاجة تانيه
هبقي اقولك عليها علي طول..

من خلفها:حلو قوي اللي انتي عملاه ده..

التفتت فريده لتجد اسر جالس علي احدي المقاعد
وعلي ما يبدو انه قد قام بفك الجبس..

اسر بهدوء:يعني انا قولتلك متخرجيش من البيت غير لما تقوليلي..
وانتي عماله تتنططي من هنا لهنا ولا كأن..

فريده ببرود:حمدلله علي سلامتك يا بشمهندس..شايفة انك ابتديت
تعرف تمشي كويس اهو..كان بودي اقف اتكلم معاك ..بس زي منتا شايف مشغوله..

اسر:بجد..وقف اسر واتجه ناحيه فريده ووقف بمواجهتها
واكمل بهدوء..يعني انتي دايما مصرة انك تمشي
زي الشريط المخالف..اقولك يمين تروحي شمال..اعمل فيكي ايه..

فريده:ولا حاجة يابشمهندس..وبعدين انا مش بروح اي حته انا بعمل شغلي ..
اسر:شغلك..مش انا برضو قلتلك لا يا فريده...

فريده:الكلام ده ميمشيش عليا..انا حرة..انت مش هتتحكم فيا..

اسر وهو يجذ علي اسنانه:عارفة وربنا لولا اني ماسك نفسي
عليكي بالعافيه كان زماني مروقك الوقتي..كلامي
ده يمشي علي رقبتك..انتي مراتي يا هانم..امشي قدامي..

فريده بنبرة متعبه:بص يا اسر انا مش رايحة حته الوقتي..
انا ورايا شغل..وكمان مش قادرة اني اتخانق معاك..
فياريت تمشي وتسيبني اكمل شغلي..

اسر وقد امسكها من ذراعها:طب امشي قدامي بقي..
علشان مخليش منظرك وحش قوي الوقتي..

فريده بدموع:قولتلك سيبني انا مش هروح حته..
انت عايز مني ايه..حرام عليك بقي..

اسر:مش هنتكلم هنا..اتفضلي قدامي علي العربيه..
فريده :قولت مش..

اسر بنظرة تحذيريه:كلمه زياده يا فريده ...واعصابي هتفلت
ومش هعرف انا بعمل ايه..قدامي علي العربية من سكات كده..

اتجه كل من اسر وفريده الي السيارة ولكن توقفت فريده..
فريده:عربيتي هنا مش هسيبها..

اسر:هبعت السواق ياخدها..اتفضلي..
فريده في السيارة:احنا رايحين فين..

اسر بسخريه:يعني هخطفك مثلا..هنروح ناكل ونتكلم..
فريده بضيق:مش عايزة اكل...انا..

اسر بحده:مش عايزة تاكلي..انتي مش شايفة نفسك بقيتي
عامله ازاي..واللي وصلني انك حضرتك حتي مش بتاكلي في البيت..