بعد عده ساعات خرج الطبيب فاسرع الجميع تجاهه..
سيف الدين بلهفه:ها يا دكتور ابني اخباره ايه...
الطبيب باسف:احنا عملنا كل اللي نقدر عليه لكن...
يوسف بسرعه:لكن ايه...ماله اسر..
الطبيب:البقاء لله...اسف..
صعق الجميع مما سمعوه..لم يعوا ما سمعوه لفترة..
ظلت فريده في صدمه مما سمعت ولم تتحرك من مكانها..
سيف بعد استيعاب:يعني ايه...اسر ماله..
الطبيب باسف:البقيه في حياتكم...انا عارف ان الموضوع صعب ...
..بس الحاله جات متأخرة ونزف كتير..
ومقدرناش نسيطر علي النزيف..شدوا حيلكم...
ادم ببكاء:يعني ايه....اسر خلاص راح..مش ممكن..انا مش مصدق..
الطبيب:البقاء لله يا جماعة...شدوا حيلكم..عن اذنكم
يوسف ببكاء:يعني ايه..اسر مات..طب..طب ازاي..
سيف بمراره:ابني..انا..ابني مات يا سليم..مات..مات بسببي..
سليم بأسي:اهدي يا سيف..مش كده..
اهدي علشان نعرف هنعمل ايه..
كان الجميع في حاله من النحيب والبكاء المرير الا فريده
التي كانت جامده لا تتحرك ولا تتكلم ..فهي بظنها انها السبب
في موت اسر كانت تنظر بعيون زائغة لا تري حولها كل ما تشعر به
ان روحها قد سلبت منها..ولكن كيف له ان يتركها..لقد اخبرته
انها لن تسامحه ان تركها ورحل...وها هو قد رحل بلا عودة...
واثناء بكائهم الشديد..
خرج طبيب اخر من غرفه العمليات واتجه اليهم:
حضراتكم اهل المريض اللي كان جاي مضروب بالرصاص مش كده..
سليم بحزن:ايوة يا دكتور..
الطبيب:طيب يا جماعة مالكم فيه ايه..
المريض هيكون كويس مفيش داعي لكل ده...
لم يعي الجميع ما قاله الطبيب..وتقدم يوسف مسرعا..
يوسف بدموع:يعني ايه..انا مش فاهم..انت
بتتكلم عن ايه.. وببكاء..ماهو خلاص مات..
الطبيب باستغراب:مين اللي قالكم كده..
انتم مش اهل اسر سيف الدين..
ادم ببكاء:ايوة احنا..بس الدكتور من شويه قالنا ان اسر مات..
الطبيب:لا...يا جماعة المريض..عايش وهيخرج الوقتي ع العنايه..
واثناء حديثهم مع الطبيب وجدوا اسر يخرج من غرفه العمليات..
لم يفهم احد ما يحدث فاكمل اليهم الطبيب المسئول عن اسر واخبرهم
انه سيكون بخير ولكنه سيظل في العنايه الفائقة لبعض الوقت
يوسف بدهشه:يعني اسر عايش...امال الدكتور اللي
جه من شويه... وقالنا انه مات..هوا فيه ايه..
