فريده والتي كانت في صدمه وبدموع في عينيها:اااا...اااسر..
ايه اللي بيقوله الراجل ده..
هما جايبن صورة بابي في التلفزيون ليه..
انتبه اسر الي التلفاز ليقرأ في شريط العناوين:مصرع رجل الاعمال
سليم الحسيني اثر انفجار سيارته علي الطريق العام..
واكمل المعلق:حيث وجدت سيارته مشتعله في الطريق المؤدي الي المطار...
وقد قاموا بنقل جثته الي المشفي..والكل في انتظار تفاصيل عن سبب الحادث..
فريده بعدم تصديق وخوف ورجاء:اسر..قولي فيه ايه..
ده كدب مش كده..بابي لسه مرجعش من السفر..
اسر بتوتر:استني يا فريده انا..انا هتصل
ببابا واشوف ايه اللي بيحصل..
اتصل اسر علي والده الذي اخبره باسف ان الخبر صحيح..وانه الان في المشفي..
اغلق اسر الهاتف وهو لا يعرف كل سيخبر فريده بالامر..
فريده بعصبيه خفيفة وخوف:مالك فيه ايه..قالك ايه..
الكلام ده مش صحيح..ماترد..
اسر بحزن وقد امسك فريده من كتفيها:اهدي يا فريده..
فريده ببكاء وهي تلمح نظرة الاسف و الاسي في عينيه:طب ..
طب قولي ان ده كدب..بابي لسه مسافر..مش كده..ها...
اسر وهو يحتضنها وبحزن:لا يا فريده باباكي رجع النهارده..
..وهما الوقتي في المستشفي..
فريده وهي تبتعد عنه:حادثة..ااااه..حادثة... وهو هيكون كويس...
انت عارف الاعلام بيحب يعمل هليله علي حاجات فاضيه..وهي تسرع
الي خزانتها..يلا بينا طيب نروحله ونشوفه..وهوا هيبقي كويس انا عارفة..
اسر وهو يمسكها:لا يا فريده باباكي خلاص اتوفي..انا ..
انا عارف ان الموضوع صعب .بس لازم تهدي..
فريده ببكاء :يعني ايه..يعني بابا خلاص مات..مش هشوفه
تاني..مش ممكن..انا مش مصدقة..يعني هيسيبني لوحدي..
اسر بحزن عليها:عارف يا فريده ان صعب عليكي..
بس يا حبيبتي انا جمبك اهو ومش هسيبك..
فريده بعصبية وحدة: وانا اعمل بيك انت ايه..انا عايزة بابا..انتو كلكم
بتكدبوا..وديني عنده وهوا اول ما هيشوفني هيصحي علي طول ..
يلا انت ماسكني كده ليه..ابعد خليني البس
علشان نمشي..ونروحله ..زمانه مستنيني..يلا,,
اسر:مش هينفع يا فريده..اهدي بقي..خلاص باباكي مات..
فريده بعصبيه:اخرس..متقولش كده..بابا مامتش..انتو كلكم كدابين..
هزها اسر بعنف علها تستوعب ما يحدث:قولتلك خلاص..اهدي شويه..
فريده بانهيار:يعني ايه..بابا مات يا اسر ..طب ليه ..ليه يعمل كده..انا ..انا مش..
اصاب فريده ضيق تنفس وافقدها الوعي.. حملها اسر سريعا
وحاول افاقتها ولكنها لم تفق..اسرع وحملها وخرج بها ليذهب الي المشفي..
