ليالي الغيث

جزء 13

تماسات العشية وهيا مزال ناعسة غطت فنووم عميييق عالاقل ينسيها فالي هيا فيه ....وصلت ديك ستة لعشية...حتى كتحس بشي حد كيوخزها من ضهرها...هييييه نوضي نتي اديك اااه ....اممنن ايي خليني عليك..مزال الحال اماما...اننن ماماااا اجي غي اجي اهئ اهئ ...ايييه نوضي نتي اديك اه...حتى ناضت قافزة ووجهها كلو مزنك...ليالي : هييييييه افففف ايييي ...ضورت ايديها كتسخن في جنابها ضرها البرد بزاف...ببغيت نت نتغطا عف عففف عفاك...بان ليها لغطا عند رجليها....يلاه بغات تمد ايديها كيقفقفو ليه حتى حيدتتو ليها ....فريحة : ايييه نوضي تگعدي ماشي وقت لغطا هنا كاين الخدمة ماشي داركم هادي الي تفششي فيهاليالي : عفاك غير نتغطا الله يخليك...افففف غطيني غطييني... فريحة : هاي هاي خدامة عند ل**مك نوض تگعدي اجي تكلمي لالة فيروز...نوضي تگعدي...كتهز فيها بزز مقدراتش تحرك عضامها وكلشي فاشل عليها...ووجها مزنك...بقات مضاربة معاها ...فريحة : حطت عليها موس...اييه غاتنوضي تگدي ولا بربي تتوادعي مع خنشوشك...طيري نوضي....ليالي : رغم الفشل والبرد...حست بخوف...ناضت وهيا فشلانة وكلها كترعد...مشات معاها بزز حتى وصلو لعند المدعوة فيروز وهيا اكثر وحدة واخدة اكبر عقوبة وهيا سجن خمسة وعشرين سنةفي عدة قضايا...وهيا الشافة ديال واحد الفئة من سجينات الي فالشومبر الي فيها ليالي....فريحة : ختي فيروز هاهيا..فيروز : اجي ابنتي اجي..اجي كلسي حدايا..دفعتها هديك حتى قربت ليها بزز وكلست حداها وهيا كترعد..مالك كترعدي...ومال وجهك هكا..فريحة اش درتي ليها ...ياك قلت ليك قوليها تجي بخاطرها...بلاتي حسابي معاك من بعد...مدت ايديها قاستها لقات وجهها سخون بزاف ...حرارتها مرتافعة...اي هادي را فيها سخانة...اجي نتي هنا ديها لبلاصتها وغطيها وعيطي لديك نويعيمة (نعيمة) تشوفها...ومرة اخرى ال***جيبيها عندي بخاطرها..شدتها وغادية بيها كتقفقف وتنين من الحرارة المرتافعة..داتها لبلاصتها غطاتها بالنفخة ومراضياش...تخمدي..ومشات تعيط ليها لنعيمة الي كانت هيا ولبنات لوخرين خارجين لساحة كيوجدو لترتيبات حيت غذا فصباح غايجي لمدير يدير واول تفتيشية ليه....--في واحد من اكبر ريسطو الي متواجدين بافران...شاد كاس ديال جاك دانييل مع ثلج ...خذا سيجارة من نوع مارلبورو...يلاه كيشعل فيها حتى وقف عليه..مهدي : هيلو...تصافحو بالايدين ...غيث : هاي ...تشرب شي حاجة ولا نطلبو العشا..مهدي : غاطلب طلب فياش ميشرب فيا جوع..غيث : اوكاي..هييي ..طرطق صباعو بجوج..عيط لناذل الي جا وطلبو لعشا مهدي طلب عشا ثقيل اما غيث اكتفا غير بشي حاجة خفيفة ...مهدي : ايوى صاح...كيف دوزتي اول نهار...غيث : عوج فمو شوي..مزيان..عادي ..همم بغيت نسولك انا دابا غير في اوطيل بغيت شي دار تكون فشي بلاصة كالم ومفيهاش صداع مكرهتش تكون غير هيا وحدها فالمحيط...مهدي : نشوف ليك متخممش ضرف سيمانة هكاك نضيك...مقلتيش ليا..علاش بدلتي رايك مكنتيش بغيتي تجي لمغرب بمرة كتتي كتجي غير مرة فعلمين وغير نهار ولا يومين...من نهار ماتو عائلتك فزلزال الحسيمة 2004 ونتا كاره باغي غير تغبر من لبلاد حتى سهل عليك الله وطرتي متسنيتيش حتى نهار داك لاخر تزيدو فيها...اشنو سبب جاني عجب ملي قلتي ليا راني جاي كن ماشفتك قدامي مكنتش غانتيق ...غيث : بغيت...بدلت. رايي مزاج ..دونت كير نتا عارفني انا وكانتي...مهم نتا عنداك تنسا ليا الدار...وقولها ليا باش نحول ليك لفلوس فالكونت..مهدي : عيب اصاحبي لفلوس من بعد سكن بعدا ويكون خير...يلاه قل بسم الله..اجي تتقول بسم الله...ولا لا ...غيث : غانعطي ل*** تمك لعين..😡..مهدي : على بركة الله 😶..اممم ماماا تعالي نقوليك كلشي ...مضلومة اناا هو هو ...اننن...هففف...اااا..راسييي....فاتي سيري ابنتي جيبي ليا شي قرعة باردة من ثلاجة وخويها فلبانيو وجيبي ليا شي زيف يكون نقي...فاتي : وخا اختي نعيمة انا غانقطع شي حاجة من حوايجي زيوفة مكاينينش غايكونو عند فيروز ورباعتها مبغينا صداع...انا مشيت...نعيمة : بنتي شوية...بلاتي ابنتي هزي راسك نجمع ليك شعرك...ليالي : اننن بغيت مامانشوفها...مخلاونيش...اهئ..نعيمة : صبري ابنتي شوية...فاتي دغيا...جابت ليها بانيو عامر ما بارد وزيف غطساتو حطاتو ليها على جبهتها حتى قفزت...ودارت واحد اخور...دارتو ليها فوق كرشها ..اييي فففف...اممم....دازت ساعتين ولحرارة مهبطتش ليها...شافو الوضع متحسنش وعيطو لكارديانة الي فالممر ديال ليشومبر...دغيا عيطت لفرملية وجابو كرسي متحرك وداوها لمستوصف ديال سجن لداخل...فحصوها وضربو ليها ابرة خافضة لحرارة...وخلاوها تبات تم حتى تولي حالتها قابلة انها تخرج...اصبح يوم جديد ...خرج من الاوطيل حاذر راسو كيبقشش فتيليفون حتى هزو دارو فودنيه كيهضر هز لكونطلكت حل طوموبيل وركب ورك بسرعة كبيرة موقف حتى لباب سجن من جيهة المدير هاد المرة حلو ليه الباب ...ودخل بلاصة كيف العادة وخرج من طوموبيل فاتجاه الادارة حتى تلقا ليه المسؤل على ليكارديان...المرابي الممتاز : سي المدير كاع لي كود غاتلقاهم فالمكتب كيف طلبتي ورا نضمنا كلشي على حساب تفتيشية يعني كلشي واجد وحتى تقارير نزلاء كلهم عندك فلاليست فلابتوب ...غيث : كيشوف قدامو... ساعة ورجع لعندي غانبدا بالمستوصف هو لول ...دخل هو المكتب ولقا داكشي كيف ماقاليه اول حاجة مشا لتقارير هما لولين بقا كيطالع عليهم شوية بشوية غير من بابا المعرفة واخد فكرة اما لا جا يقراهم كلهم را مغايساليش حيث كاينين اكثر من الف نزيل فالسجن...دازت ساعة حتى دق عليه المرابي ... شاف فساعة لقاها لوقيتة المناسبة باش يبدا في الجولة اللولة ليه والي غايبداها بالمستوصف...وقف وحيد الفيستة دارها في العلاقة ...كان لابس كومبلي فالكري قميجة بيضة وفوق منها جيلي فالكري..وسروال توب گري وصباط اسود...حل صدفة ديال ليدين ولواها حتى لفوق عند المرفق...حتى بانو ايديه مزغبين ومعرقين...لقميجة بغات طرطق عليه..حال ليها صدايف تلاتة لولين ...وقف وبدون ميتكلم...فقط اشار ليه باش يسبقو قدامو هو والمسؤولة عالمرابيين الي فالجهة ديال نساء...ومشاو فاتجاه المستوصف...لقا فاستقبالو طبيب المسؤول وحوج فراملية تما...