ليالي الغيث

Part 20

اصبح يوم جديد ...حلت عينيها على ايديدات صغيورين وفم كيقطر منو ريوگ على وجهها ...شافت فيه وابتاسمت ...

ليالي : جراتو خشاتو حداها..اجي لمك هنا كاع جلختي ليا وجهي..كتهر فيه ..محشمتيش فين سكاتة ديالك..هو ميت بالضحك...ههههه يلاه اجي نمشيو عند ماما نخليك عندها ونمشي نغسل وجهي ونجي...داتو عند ماماه ومشات غسلات وجهها وبدلت حالتها مع كانت في فترة حيض..وخرجت لقات حنان والبنات حطو الفطور اصلا السجينات الي معاها مكيتشكاوش شكون يدير ولا الي مايدير فطور ولا يشقا الي فاقت لولة تصايب لفطور ومعاونين بيناتهم عكس الشومبر لاخور الي دايرين وحدة خدامة عليهم وشافة هيا فيروز والي خالفها تخرج عليه باي طريقة وهذا هو حال سجون وهذا هو الواقع فسجون والي كضرگو صحافة ومكتبينش الواقع المر الي عايشينو السجناء كتبين غير السطحي فقط المسلسلات والافلام هيا الي كتكشف الحقيقة ...فطرو فجو عادي وكملو كلا مشات لاشغالها كاينين بعض سجينات الي كيقراو وكاينات الي كتعلم الحرفة والي كتقرى الفندقة وبالضبط شعبة الطبخ...كان اليوم يوم الخميس وهو احد ايام زيارة دخلت لكارديانا كيف العادة عيطات على بعض النساء الي عندهم زيارة ليوم ....كانت كالسة حنان وليالي وفاتي ونعيمة كيهضرو حتى عيطت عليهم الكارديانا. بقات غير ليالي وحنان هاد الاخيرة الي فاجئتها الكارديانا بالنداء ليها ...

حنان : واش متاكدة انا اختي...

الكارديانا : وي نتي يلاه دغيا متعطلوش...

حنان : شافت فليالي باستغراب...لعجب شكون غايجي عندي هههعع..

ليالي : وسيري وشوفي ماعرفتي...ناضت وقفات ودات معاها حتى يوسف وخرجت وبقات ليالي بوحدها جمعت دنيا تما وملي كملت مشات لفرسها هزت مذكرتها وبدات كتكتب فيومياتها والي بيها كتنفس شوية على راسها شوية انتاقلت لهوايتها الي هيا الرسم...هزت قلم رصاص وطلقت لعنان لمخيلتها هيا الي ترسم بقات تخطط وترسم ونسات راسها وهيا كترسم حتى دخلو البنات جمعت المذكرة بدون متشوف اش رسمت .... ودخلت حنان هازا ولدها وعينيها حمرين بالبكا...شافتها ليالي ومشات تجري لعندها...ليالي : مالك اش واقع !! حنان : كن نصحاب هاد الزيارة غانسمع فيها هادشي كن مامشيتش ولا سمعت هكا اهئ اهئ...ليالي يلاه بغات تسولها حتى عيطت ليها لكارديانا...ليالي يلاه معايا لمكتب المدير

ليالي : شافت فيها بدهشة ..ويكن ليوم قلتو ليا قاليكم ليوم مكاين ميناج !!

الكارديانا : معندكش ميناج غير يلاه دغيا...ليالي : الله يستر وصافي ..ضارت عند حنان ختي حتى نجي وقولي ليا ومديريش فراسك هنا مكاين غير صبر هو الي تعلمنا والقوة...مشات مع الكارديانا حتى لمكتب لمدير دقت ودخلت هيا وياها وهيا تفاجئ بشخص الي ليها شحاااال مشافت وجهو والي انقاطعت اخبارو مؤخرا...كالس غير وحدو...