ليالي الغيث

جزء 44

 شافت في جارتها بابتسامة وصبحت عليها باليونانية... kalimera كاليميرا...الجارة اسمها لينيا..

لينيا : كاليميرا ليالي ...پوس ايسي سيميرا pós esai simera "كي صبحتي ليوم ؟

ليالي : اينذاكسي entàxei...ابتاسمت ليها وخرجت هبطت حتى لتحت كتمشى على حساب مقاليها طبيب وتعليمات باش تمشى كل صباح غادي يساعدها وباش يتفتح ذهنها وتطرد الهموم والمشاكل والي كانو معششين ليها فراسها...غادية كتسمع لموسيقى هادية ديال "موزارت" حتى تقطعت كان اتصال من صافية الي كل صباح كتعيط ليها تطمان عليها...دارت تيليفون الرد الاوطوماتيكي ...لياالي بنتي صباح الخير...

ليالي : ميييمة حبيبتي صباح نور اش مفيقك ثاني هههه كتفيقي على قبلي ...

صافية : واش عندي غا ليالي وحدة..كيف صبحتي

ليالي : بيييخير ولفت بزااف هنا كلشي زوين لقيت راحتي الحمد لله...

صافية : الحمد لله ...باقي كتشدك هديك الوجعة..

ليالي : هادي يومين لا مافيا والو غير سخفة شوية ...مغاتجيش عندي توحشتك...

صافية : هممم نجي بغيتي نجي غير وحدي..

ليالي : "قلبها ولا يضرب بالجهد" ميمة غيييير نتي غييييير نتي عفاك الله يخليك...بدات تبكي..

صافية : صافي صافي ابنتي متبكيش غادي تعصبي ثاني ...غانجي ان شاء الله هاد الايام نتسنى غير تدها لوقت ونجي واخا غير سيمانة عندك متخافيش ردي لبال لراسك وفكري اش مشهية نجيبو ليك معايا ..

ليالي : اه جيبي ليا معاك زيتون مرقد ومشرمل ..بدات تمطمط في فمها...اححح جيبي منو بزاااف ويكون فيه الحرور...

صافية : هههههههههه وخا ابنيتي كوني هانية يلاه تهلاي فراسك وردي لبال لدوك لبجاغط الي فكرشك...قطعت معاها الاتصال ورجعت كملت موسيقتها بقات كتمشا حتى هبطت لتحت ورجعت وهي فطريق رجعة حتى سمعت صوت من وراها ....Me màvra matia مي ماڤرا ماتيا"ذات العيون السوداء" ضارت وهي تضحك هههههه ياسييين ...واش غا تحيد عليك هاد سمية اسميتي ليااالي اسي هههه مالك مصبح عليا فهاد الصباح...

ياسين : جيت نشوف ولاادي..

ليالي : ياااااسييين 😡

ياسين : ولااادك غاهنينا...

#فلاش_باك

مرت ايام وايام وهو كيقلب عليها ولا اثر تقهر عليها بكل للكلمة من معنى ..النعمة مبقاش كياكلها لخدمة كيمشي غير يطل ويرجع فقط ...مخلا حتى قنت الي ممكن تكون فيه ولا غير يفكر اقدر تكون ما ربما فيه ولكن والو اول حاجة دارها تبع جي بي اس ديال تيليفونها لقاه فلبيت فلمجر ديالها بكارت سيم ديالو مخلات ليه حتى اثر كانت اذكى منو فهاد اللحضة فاش لقاه ضربو بالغدايد والقهرة حتى تشتت شقاف ...