ليالي : اممن ...غيث اححح راسيي...
صافية : جات لعندها ...على سلامتك ابنيتي ...
ليالي : بصوت عيااان...الله يسل مك...فين غيث ؟
صافية : را مع علي ومهدي مشاو يشوفو البجاغط هههه
ليالي : ههه تا انا بغيت نشوفهم...بغات تگعد...
صافية : بلاتي نعاونك نوضي غا بشوية عليك...دراري دابا تشوفيهم خاصك تبدلي حوايجك وطرفي حالتك را جبت ليك صاك ديالك وعطيتهم حويجات الوليدات يلبسوهم ....
ليالي : يلاه بغات تسولها وهو يتحل الباب ودخل غيث ...
غيث : على سلامة زين ديالي ...مشاا حداها وباس راسها وكلس جنبها...شوية ؟
ليالي : همم شوية...شفتي الولاد ..
صافية : انا نمشي نشوفهم ونجي متنسايش تبدلي ابنتي...
غيث : وخا الوليدة انا غانعاونها...
خرجت مع الخدامة وبقا هو وياها ضار لعندها...
غيث : اححح سبوعة واحد شهيب شوي وثاني شعرو كحل هههه والي شعرو كحل مسكتش من البكا وعندو بكية كتصمك ...
ليالي : هذااك هو الي غانسميوه نيار هههه
غيث : هذاكشي نيت فاش لقيتيني كنفكر...شافها حذرت راسها كتعض فشفايفها بحال الى بغات تحبس البكية...هز ليها راسها بايديه وهي تشوف فيه وانفاجرت بالبكا قدامو ...
غيث : "جرها وحط راسها على صدرو خلاها تبكي على راحتها حتى بدا بكاها كينقص تدريجيا....شش احبيبتي براكة عليك بكاك كيقطعني من لداخل انا يمكن اكثر منك ولكن ...شوفي فيا...غاتنسااااي سمعتيني حنا تافقنا نساو ونزيدو لقدام ياك ...جاوباتو وخا عينيها دايزين بدموع ...اممم...دابا غاتنوضي تبدلي وتقادي ويلاه نديك لعند ولادنا را علي قاليا خاصك ترضعيهم...مبغيتيش تجربي رضاعة ؟؟
ليالي : هههه اه اه ديني...جر ليها نيفها بصبعو وباس راسها...عاونها تا ناضت دخلت لدوش ومشا جاب ليها لحوايج الي خلات ليها صافية كاملين محطوطين ...عطاهم ليها وتسناها حتى كملت ،،لبست بيجامة شوية سخونة وخا الجو ديال صيف...وجامعة شعرها وخا خلات ليها صافية زيف مدارتوش...قادت راسها وهي تخرج لقاتو كيتسناها...شدها من ايديها ودار ايدو لاخرى ورا كتفها مشا معاها دقة دقة حتى لاصال الي فيها دراري ...دخلتها لفرملية مكانش علي ومهدي...لبسوها لباس ودخلوها حتى لعندهم شافتهم وهي تحط ايدها على فمها وعينيها محابسينش من دموع....هزت راسها شافت فغيث وهو يغمزها ورسليها قبلة من بعيد...
لفرملية : خاصك ترضعيهم...
ليالي : كيفاش ندير...عاونتها ووراتها كيفاش دير حلت صدافي ديال بيجامة وهي تجبد ثديها وراتها كيفاش دخل ايديها وتقرب لواحد فيهم ودخل ثديها لعندو....بدات بداك الي كيبكي بزااف وذقنو كيترعد...غير عطاتها ليه وهو يسكت وبقا كيتنخصص شوي بشوي ...مدت ايدها لايدو كمش فيها...وييينوو حبيب ماما هاني امامي هاني احبيبة ديالي مالك احنينة زعتي...ههه شافت فغيث لقاتو كيشوف فيها وكيبتاسم...شبع وهي دوز لاخور الي نااعس مجايب لدنيا خبار عطاتو يرضع وتاهو شد ليها فايديها وزير اكثر من لاخور بدات كترضع فيه وهي تحس بوجعة شدتها حتى غوتت...ااااي..
أنت تقرأ
ليالي الغيث
Teen Fictionقصة مليئة بالتشويق البطلة مسكينة غاذي يدوز عليها بزااااف و بالخصوص منين مغتلقا تواحد جنبها وهنا غادي يجي دور البطل لغادي يزيد يكمل عليها انتقاما ليها فيا ترى ماذا فعلت البطلة باش تستاهل هادشي؟ قصة منقولة بقلم: Sana Mina
