ليالي الغيث

جزء 40

 مهدي : حيث اسم مميز وزوين بحال مولاتو "ضار جيهتها وشاف فيها بغمزة " شافتو وهي تحذر راسها وتزنگت....وييينو كتحشمي ههه اجي علاش قبيلة زدتي بهديك طريقة بغيت غا نهضر معاك خليتيني بلاكة ماحشوماش عليك...

سورجان : هههه وانا مكنعرفكش لاش غانهضر معاك ونتا كتهضر بهديك طريقة ...

مهدي : وهانتي راكبة معايا ومكتعرفينش...

سورجان : اييه وتا دابا حطني وخليني ندير اش بغيت...يلاه وقف

مهدي : وصاف غا ضحكنا عماك اناري ....الالة مرحبا بيك ومرحبا بزين سميات سورجان والانسة خودنجال ولالة البنات وزين المسرار انا وطموبيلتي وروايدي وليصانصي وكلشي تحت امرك الالة غاا ماقلقيش لينا داحنا مصدقنا ياختي....

سورجان : ههههه لهلا يخطيك اسيدي...

مهدي : ايوى الالة عرفينا عليك بينما وصلنا...

سورجان : انا اسمي سورجان وحيدة مي وبا ولدتني بعد معاناات مع الحمل ...

مهدي : وصراااحة صبرت وربي جازاها بقوقة بحالك...كملي..

سورجان : ههههههه والله تا حمق،، ايوى قريت وتخرجت من كلية طب الاسنان وانا دابا فاتحة عيادة ديال جراحة الاسنان ...وفعمريي 24 عام

مهدي : والزين علاش مارتابطش ...

سورجان : مع الاسف كنت ولكن مكتابش

مهدي. : ولد لحمارة هذا الي فرط فيك بغيت ليه اعصار ف ل ف...احم...

سورجان : مع الاسف توفى بحادث سير...😞😞

مهدي : ينعل ديلمي انا فمي لاحسو روكي تنحشمش ...بففف سمحي ليا والله ماعرفت..

سورجان : ههه مديرش فبالك باش غاتعرف...

وصلو لعنوان الي عطاتو شكراتو وبغات تخرج وهو يشدها

مهدي : ممكن الى بغيتي مبغيتش نخسر صداقتك ممكن تعطيني رقم تيليفونك؟؟...ونيت نعيط ليك على قبل طوموبيل الي بقات ...

سورجان : هههه باغي تستغل طوموبيل باش تكثر عليا تعناب ههه 😉

مهدي : ابتي راني وليت موسكا معاك ماشي غا تعناب....ضحكت بعفوية ...عطاتو نمرتها وحتى هو عطاها نمرتو خلا ليها ميسكول...تسالم معاه وزاد مع طريق كيفرنس حتى بانو ليه اضراص اضراصو....

(128)💦ليالي الغيث 💦sana mina هبطت من عيني دمعة سخووونة اول مرة زعمت اول مرة تكشمت هاد تكشيمة!!! ومن هذا كنتستنتج انه خدا على خاطرو بزااف ,,فمي جابها ليا للمرة ثانية وخا يكون الي كان خصام بيننا بجوج منقولش عليه حيوان كيفرغ فيا شهوتو هو راجلي ومدار هكا وتحمل ومبغاش يقيصني الا وفعلا تمس فرجولتو وتهان وخا هكاك ممفرطش ,,راحتي اولا من راحتو ..وبغا يبرهن ليا بالي مهاموش الجنس وانما جامعنا زواج الي هو رباط بيننا وحب وود وحاجات اخرى اهم من المعاشرة ...حسيت براسي هاد المرة زدت فيه اه نعم هو غالط وحتى انا غالطة وتعادلنا ولكن هو برر ليا وفهمني يعني بقات نوبتي انا باش نخليه يسمح ليا وهادشي الي غاندير بيا ولا بيك يا غيث نتا ليا وانا ليك ومستحيل نخلي شي وحدة تديك مني براكة من طيبوبتي زايدة الي فهاد لوقت مبقاتش كتقضي...مسحت دمعتي ومشيت لبيت حيدت حوايجي ودخلت لدوش نيشان غسلت لحمي وشعري وخرجت لويت عليا فوطة مقزبة شوي خرجت حناكي مزنگين مدرت وااالو بقيت على طبيعتي اصلا برودوي الاستحمام كفاو ووفاو ...خديت نفس عمييييق وخرجتو حيدت توتر من عليا والارتباك وخرجت هكاك غادية حتى وصلت لبيتو الي مقابل مع البيت الي انا فيه وحطيت ودني على الباب كنسمع غير تك تك تك ديال لماك...غمضت عيني وقريت شوي من دعاء رددتو وتشجعت"ليالي توگضي راجلك هذا بقاي حتى تديه ليك شي وحدة لاااا اويلي لااا " حليت لبواني وحليت معاه لباب كان كيكتب وهو يهز راسو وقف لكتابة وشاف فيا باستغراب وبحال الى قشعتو حابس ضحكة ....عضيت شفايفي ومشيت وقفت حداه كنعضعض فيهم ولعب بصباعي ...