ليالي الغيث

جزء17

بقات في زنزانتها....دايرة ايدها على خدها و كالسة جامعة رجليها...كتخمم عينيها ناشفين من الدموع ....بدا الجوع كيدق بابها...دارت يديها على كرشها كتبرك و تماصي عالله و عسى تخفف عليها علاما ترجع ...هزات يديها لسما ...

ليالي : يااارب ياااارب نتا شايف و عالم بكلشي ياربي رزقني صبر و فرج همي يارب فرجها عليا .... نقزات دمعة هبطت عليها على خدها مسحتها ورجعت هبطت راسها و مرة مرة كتبرك في كرشها على جوع و العطش ...

في احد الملاهي الليلية الكبيرة في مدينة فاس .... الموسيقى علجهد مع اكبر ديدجي في فاس ...ملهى ليلي كيدخلو ليه غير تاس من الطبقة الفنيةVIP .... دخل مهدي كيقلب وسط ناس كتشطح و كلشي مرفوع ماهواش هنا....بقا غادي كيدور و يقلب هنا و هنا عليه ...حتى لمحو كالس فوق الفوطوي متكي بديك الكسدة الى عطاه ربي ... ضخم ..لابس قميجة فالاسود و سروال فنفس اللون ..مع كاط...طاوي كمايمها كيف العادة...و موقف شعرو...داير رجل فوق رجل و طاوي رجلو و حاطها فوق ركبتو لاخر شاد كاس ديال زاج فيه ثلج مع ويسكي...ومغوبش...كيف كمل خدمتو خرج من السجن داز على سينتيا و كسيرا شد طريق فاس ...فين داير مع مهدي ويدوز لويكاند ...وقف عليه .. هز عينيه...

مهدي : افين العشير..

غيث :تصافح معاه ... كلس كلس نهضرو قبل متجي سنتيا..

مهدي جبتي معاك زيتونة الكحلة....فينهيا...

غيث مشات لطواليط..مهم را بغيت نقوليك بلاش متشوف ليا دار كنت غانتاصل بيك و لكن طافي تيلفون ملقيتش كيفاش...

مهدي يعني لقيتي نتا شي دار...

غيث: لا اصلا عندي دار من حقي شرعا و قانونا...

المهدي: ينعل ديلمي لا فهمت شي لعبة...

غيث : حيث حمار...بمعنى خرجت ليا دار من احد اقربائي بصيغة ديالكم ورثث دار...

المهدي : من من ورثيتها؟؟

غيث: من مك تبرات منك و خلاتها ليا...واس مخك اش فيه....

المهدي: زبدة تاع دكالة اححح...

غيث: خنزلا فيه...معرفتس شي مرات كضحك فشي اوقات الي ممكن و يجوز نطير ليك راسك فيهم و حلالا...خدم دماغك ينعل دلمك... شكون بقا ليا من عائلتي اصلا تا مال مك مالك ...

مهدي: اااااه عمك الله يرحمو..ايو مزيان هانتا جاتك غير راسها....فين جات هاد دار...

غيث :هيا فيرمة صغيرة جات فنواحي افران .....I thingفي شي بلاصة سميتها عين لوح يمكن ...مهم في فيلاج...

مهدي: اااااه شيييت...عرفتي دار من هديك...

غيث :عرفت