ليالي الغيث

جزء 53

 ليالي : "مسحت دموعها" و وخا..يلا بغات تنوض تبدل وهو يصوني تيليفونها شافت نمرة ماعزفتش ديالمن وهي تجاوب...

ليالي : الو..

سعاد : بنتي ليالي متقطعيش عفاك خليني غير نهضر وديك ساعة عمرك تسمعي صوتي...

ليالي : دارت كاتم صوت حتى قالت لغيث شكون...

غيث : فتحي سبيكر وخليني نسمع...فتحاتو...

ليالي : ويي هضري انا كنسمع...

سعاد : انا كنهضر معاك وانا في المطار غاديا عند ولادي وعمري باقي نرجع هنا انا بغيت نسا اي حاجة كتفكرني بالي جرا ليا كنضن غيث غايكون قاليك كلشي ...بغيتك تسمحي ليا بزااااف ابنتي انا درت غلاط كبير كان عليا نعاونك ونوقف معاك ونشهد انه كان كيتحرش بيك و....وكان عليا نعطيهم فيديو الي كيبين انه كان كيبغي يتقرب منك ولكن الحقد والقهرة والانتقام عماوتي حيث تكرفص عليا وانا مزاة كبيرة وطمع فيا وكرفصني وصورتي بغيت نشكر غيث الي سترني ومسحهم شكريه ليا وقولي ليه حصتي فالشركة راني كلفت المحامي يرجع ليك حقك وبغيتك تسمحي ليا بزاف وماشي غير على هادشي انا درت اكبر خطا فحياتي ونتمنى تسمحي ليا ابنتي نتمنى وخا متسمحيش من حقك...

ليالي : الى ربي كيسامح شكون انا الي منسامحش ليك اي كان خطا ديالك ربي يسامحك كيف مكان الحال ربيتيني و...

سعاد : ياريييت ابنتي ولكن ماشي هادشي علاش بغيتك تسمحي ليا انا بغيتك تسمحي ليا حيث انا سباب الي دفعت روة كبيرة حتى وضرو ليك الملف ديالك الي فيه انك تعرضتي لمحاولة اغتصاب وحتى الملف ديال تشريح ديال هذاك شيطان ...

ليالي وغيث : كيفااااش ؟؟؟؟!

سعاد : اهئ اهئ سمحي ليا ابنتي عرفت خطئي ميتغفرش و...قاطعتها...

ليالي : الله يسمح ليك الله يسمح ليك وحسبي الله ونعم الوكيل حسبي الله...عمرك باقي تعيطي ليا عمرك...قطعت عليها وهي ضور عند غيث عنقاتو بكل قوتها وهي كتبكي وتعصر فحضنو حتى بغات تهبل بالبكا ....

بقا معنقها وهي كتبكي تلاقى عليها كلشي دائما خيبة امل جديدة ودائما كتصدم فاقرب الناس ليها...السؤال الي خلاها بغات تهبل هو علاااش دارت ليها هكا علاش خبات تقارير اشنو مصلاحتها الحقد عماها طبعا الحقد كيعمي والقهر والانتقام وكيخلينيا نتصرفو تصرفات خارج ارادتنا وكيخلينا نغدرو اقرب ناس لينا وهادشي الي حاول يفهم غيث ليالي ...

غيث : هي خباتهم ولكن ماغبرتهمش بمرة ..."كيدوز بايديه على ضهرها"شش صافي دابا المهم اعتارفات ليك وطلبت يماحة ونتي تعرفي واش تسامحيها ولا لا الله يخليك براكة عليك من البكا صافي دابا كلشي توضح مبقات حتى حاجة غامضة وهي الى دارت هادشي را ربي كيشوف احبيبتي ...شش صافي .."باس راسها وخشاها فحضنو حتى بكات على خاطرها عاد حس بيها سكتت طل عليها لقاها مشات فنعاس...قادها فوق ناموسية وغطاها وباس شفايفها و بدل حوايجو ومشا خرج لعند توينز لبيت بقا حداهم مدة كيشوف فيهم وجاب لابتوب ديالو شعلو وبقا كيخدم ومرة مرة كيطل عليهم حتى فاتت مدة وهو يجمع لوقفة وناض لكوزينة كانت الفيلا فيها غير هما وحدهم مبغاتش تجيب مربية ولا خدامة تعاونها فضلات تهتم بدارها وولادها وراجلها بنفسها كيف مكان الحال هما بجوج محتاجين لحنان بعضياتهم الي فقدوه وغايعوضوه مع بعضياتهم زائد الحب الكبير الي بناتهم ...وجد شي حاجة خفيفة حيث كان وصل وقت العشا ومشا لعندها لبيت فيقها تعشا والمفرح انها كيف ناضت ،،ناضت وحدة اخرى شخص عادي يمكن قررات ترمي وراها كلشي بصفة دائمة ...دازت الايام وايام كثيرة وتوينز بداو كيكبرو وياخذو ملامح جديدة ...حتى لواحد المهار كالسين كيتغداو بجوج هي وغيث حتى نطق...