ليالي الغيث

جزء 48

غيث : ايه كملي واشنو تاني

ليالي : وكيشدوه يديروه فوق صينية ويحطوه يكحلو ليه ويحددو ليه حجبانو بالكحل

غيث : ايييه يكحلو ليه لدري يلاه زايد..

ليالي : ااه

غيث : والله وشي زا*** ولا شي ق*** تحط ايديها على ولادي تنفرگع مها قاليك يكحلو ليهم ..

ليالي : زوينة هاد العادة انا كنت كنحضر ليها خليها زوينة عفاك غانتجمعو حنا العيالات عشقت نشوفها فولادنا...

غيث : والله يامك ولقا شي واحد هازهم كيماكي ليهم تنكحل ليك بالعما ...قاليك تحناك...تفرقو ليا على ولادي لا 😡😡😡

ليالي : كيماكي 😳... اععععننن اهئ اهئ حشومة علييك

غيث : جربي غاااا جربيش نشوف واش غادي يحط شي حد ايديه عليهم بربي تنطير ليكم رااااس ايوى مزيان...دوزي ترگدي ...تسرح على كرشو وضور وجهو لجيهة لاخرى وخلاها هيا كتغلي فبلاصتها....والله تا حشومة عليك 😭😭😭...

غيث : هز راسو مخنزر ...را غا نوض ليك نولدك قبل وقتك 😡..."صقلت معاودتش هضرت"...قالت ليك يكحلو ليهم ...جينيفر لوبيز هما رجالة هكاك تكحلو ليهم ...

اصبح يوم جديد يوم اخر مر بعد ايااام اخرى مضت ..كان بايت فالفيلا فافران هذيك الليلة حيث تعطل ومكفاهش لوقت باش يمشي لفاس فامشا لفيلا بات فيها ....حل عينيه واول حاجة دار ناض دوش وتوضى ...كان ديجا مصلي الفجر فوقتو..."ملي رجع يصلي وهو الوقت مكيفوتوش ومواضب وكل نهار كثرا ما تيسر من الذكر الحكيم"...خرج لبس حوايجو ...قميجة بلومارين وسروال مارون ديال گطيفة ...وسباط موكاسان فلون القميجة....رجع شعرو لور ورش بارفانو المعتاد...دار ساعتو سواتش من تصميم خاص في ايدو ...تاكد مزيان انه مقاد ...هز الفون ديالو ودوز الاتصال مباشرة ليها ...

غيث : نتي لما فيقتك متفيقي تايدوي المغرب ...

ليالي : ههنن ونتا خاصك تفيقني وسلام كانت حلمة زوينة...اففف ..

غيث : هههه اش حلمتي...

ليالي : وااالو 🙄

غيث : هههن اشنو والو اش حلمتي ههه كاين شي حد حلم وتيقوليك والو...

ليالي : ماحلمت والو يلاه انا مشيت بغيت نتوضى ...

غيث : تقطعي نجي لحبك طاير...

ليالي : هههننن اشنو بغيتي...

غيث : اش حلمتي 😈...

ليالي : واحلمت بيك صافي يلاه سير فحالك...طووووطط

غيث : ههههههههه بلاتي تنجي لمك...خرج لبرا من بعد ماشرب قهوة ديالو صباحية وكما كارو ...خرج وركب ديمارا نيشان وفي طريق ...دوز الاتصال لرقم مهدي ...جاوبو فالحين...