متهمة مع وقف التنفيذ

الفصل السادس

فى مكان أخر ....................

مجهول 1 : الله يخربيتك يا عوض حتة بت لا راحة ولا جت مش عارف تجبها.

عوض : يا باشا ما أنا فضلت أدور واسأل لحد ما عرفت ان الظابط الى اسمو ليث الشرقاوى دا خدها معاه البيت عند اختوا بس الظاهر بقه ان البنت لبستوا العمة وهربت ومن ساعتها وأنا مش عارف أوصلها .

مجهول 1 (بتفكير) : طب وايه الى هيخلى ظابط ياخد متهمة معاه البيت هى الحكومة باظت ولا ايه .

عوض: مش عارف يا باشا بس الى عرفتوا عن الظابط ليث الشرقاوى انو واصل أوى وكلمته مسموعة .

مجهول 1 : حيث كدة أنا عايزك تخلى رجالتك تراقبوا 24 ساعة مش عايزوا يغيب عن عنيكوا لحظة واحدة , وكمان عايز ملفه يكون على مكتبى خلال 48 ساعة ولو الى قلتوا محصلش ابقى حضر عزا لعلتك , يالا غور من قدامى .

ذهب عوض مسرعا ليتفادى غضب رئيسه , وحينما خرج من القصر هاتف أحد رجاله وأمره بمراقبة ليث الشرقاوى وأمر رجاله الأخرين بالبحث عن نسمة .

عوض : أنا لازم أخفى عيلتى عن عيون الباشا أنا مضمنش يغدر بيا فى أى وقت أصل طول عمروا ناقص صحيح ديل الكلب عمروا ما يتعدل .

وبالفعل ذهب عوض لينقل عائلته الى مكان أخر خوفا عليهم من بطش رئيسه.

فى قنا وبالتحديد فى منزل الحاج رضوان العيسوى ..............

تجلس نور مع أبويها فى غرفة مكتب أبيها تقص عليهم كيف التقت بنسمة وأنها تريد مساعدتها وجعلها تسكن معهم حتى تسترد ذاكرتها .

الحاج رضوان : أنى معك يا بنيتى انها فى مشكلة بس احنا نعرفوا منين انها معتجذبش عليكى .

نور: يا بابا هى باين عليها طيبة خالص وبعدين لو لاقيت منها أى تصرف وحش مشيها على طول ...(ثم تابعت بخبث) وبعدين ينفع حد يستنجد بالحاج رضوان أبو الرجولة كلها والجدعنة وميقدمش المساعدة .

الحاج رضوان : واه اتخبلتى اياك من ميته الحاج رضوان عيرد حد محتاج , اخرجى جوليلها انها عتجعد امعانا لحد ما تسترد ذاكرتها .

نور بابتسامة : الله عليك يا حاج رضوان .

الحاجة صفية: واه اتحشمى يا بت ولا هى جعدت البندر عتنسيكى الأصول .

نور: هو أنا عملت منكر يا حاجة دا أنا بمدح أبويا فلذة كبدى هههههههههه.

الحاجة صفية : شكل شبشبى واحشك يا حببتى .....

وهمت الحاجة صفية بخلع حذائها لتلقيه على ابنتها ولكن نور كانت الأسرع فى الخروج من الغرفة تصحبها ضحكاتها الرنانة وضحكات والدها الخافتة وضيق والدتها من أفعالها الرعناء كما تعتقد .