The Badass Babysitter Vol.2 ✓

Chapter 15: Cloud 9

CHAPTER FIFTEEN

_

SOUTHERN'S POV

"Kainis! Ginalaw mo kasi ako Atarah eh!"

"Hindi ah! Hindi nga ako gumagalaw eh!"

"Liar! Ginalaw mo ang braso ko para magkamali ako sa pagpulot ng isang bato!"

"Hoy! Hindi ko 'yon ginawa! Si Vape 'yon!"

"What the fvck? I didn't do anything!"

Palipat-lipat ang tingin ko kina Coby, Vape at Atarah. Nagbibintangan sila sa pagkamali ng pulot ni Coby sa bato ng Jackstone. Para lang silang mga tanga.

"Tss, h'wag na kayong magbintangan. Ako na ang sunod!" sabi ko at inagaw kay Rucc ang bola ng Jackstone. Dinampot ko ang mga bato at huminga ng malalim bago ko iyon kinalat sa sahig.

"Go! Go! Landlord!"

"Kaya mo 'yan, Landlord!"

"Kyaaahh! Galingan mo, Landlord!"

Sigaw iyan ng mga taga kabilang selda. Iyong mga borders ko. Halos tumagos na sila sa mga bakal makita lang ang paglalaro ko ng Jackstone. And yes, sa kamalas-malas napilit akong maglaro at hindi ko akalain na magugustuhan ko rin pala ito. Boring e. Walang ibang pagkakaabalahan dito sa loob ng kulungan kundi eto lang.

"Idilat niyong mabuti ang mga mata niyo, mahirap ng madayaan" sabi ni Atarah at pinalaki ang mga mata.

"Hindi ako mandaraya na katulad mo" usal ko.

Nag-iwas siya ng tingin. "H-hindi ako mandaraya ah! Hindi ko nga siniko ng palihim si Coby para magkamali siya sa paglalaro eh. Hindi ko rin hinipan ang bola ng ihagis ito ni Rucc kanina. At mas lalong hindi ko nilipat ang isang bato ni Vape dahilan para hindi niya ito madampot kaagad. Hindi talaga ako mandaraya! Bintangera!" sabi nito. Matalim pa niya akong tinignan.

Napatitig sakanya sina Rucc, Coby at Vape. Ilang sandali lang ay sabay-sabay na silang napamura.

"Kapag nagkamali ako, sasabunutan kitang babae ka" mariing kong sabi.

Sumimangot siya at umismid. "Wala akong balak na ipagdasal na magkamali ka!"

Napailing nalang ako at tinignan ang mga batong nakakalat sa sahig. Pinagiisipan kong mabuti ang unang batong dadamputin ko.

"Go! Landlord! Kaya mo 'yan!"

"Kapitan! Cheer mo naman si Landlord!"

"Yeah. Go and win." Tipid na salita ang narinig ko mula sa isa sa mga borders ko. Iyon ang leader nilang tinatawag nilang Kapitan. He's the one I twisted his finger. Magaling na iyon ngunit may benda pa ang daliri niya. Masama ang tingin nito sa akin at kita ko roon na gusto niya akong sakmalin kahit na anong oras.

I just tsked and focus on my game.

"H'wag ka ng mag-isip, Milagro. You'll lose anyway" sabi ni Vape kaya masama ko itong tinignan.

"Porket nakaabot ka na sa kweba-kweba? Ang yabang mo ah! Tignan mo, maabot ko rin ang round na 'yan!" hamon ko.

Ngumisi siya. "We'll see."

I clenched my jaw. Ang yabang ng Vape na ito. Makikita mo ang galing ko!

Humugot ako ng malalim na hininga bago hinagis pataas ang bola ng Jackstone at mabilis na dinampot ang isang bato malapit sa akin. Kaagad ko ring sinalo ang bola pagkatapos. I smirked when I succeeded.