دلفت إلى النادى تنظر يمينا ويسارا ومادام بحثها طويلا،حيث لوحت لها صديقتها.
إقتربت منها مرحبه بها قائله بحزن.
"إزيك ياريماس.
"تمام يابيبى مالك ياأميره لسه فى مشاكل مع جوزك.
"هيطلقنى ياريماس عمر نسى حبه ليا وهيطلقنى.
"اممم والله ياأميره باين كدا جوزك شايفلو شوفا تانيه.
ضيقت أميره بين حاجبيها قائله بعدم فهم!
"قصدك إيه!
"أقصد تكون فى وحده كدا ولا كدا لفا عليه وضحكه عليه.
"إنتى بتقولى ايه لا طبعا عمر مستحيل يبص لوحده غيرى.
"اومال عايز يطلقك ليه بطلى سذاجه وهبل.
"لالالا عمر راجل ومستحيل يعمل حاجه تغضب ربنا.
"ومين قال انه بيعمل حاجه تغضب ربنا،انا قولت انه ممكن يكون متجوز عليكى.
شهقت أميره عاليا قائله بصدمه.
"مستحيل بطلى كلامك وتوقعاتك دى،عمر بيحبنى.
"لو بيحبك ماكنش طلب أنكم تطلقو.
هو طلب أننا نطلقو من وقت ما انتى دخلتى حياتنا،وغيرتهالى 180درجه.
"قصدك ايه بئا ياست أميره ،هو انا أجبرتك على انك تصاحبينى.
"أنا مقصدتش أنا بس كان قصدى إننا مختلفين عن بعض،ومن ساعه ماعرفتك بتحاولى تشكلينى على مزاجك.
"عشان انتى كنتى بيئه اووى ومعقده،دا جزائى إنى عايزه أغيرك وافتحك واحررك من تحكم جوزك وتسلطه.
"ومين قالك إن جوزى متحكم ومتسلط؟
"لما يمنعك إنك تشتغلى،ويختار ليكى تصاحبى مين وماتصحبيش مين يبقا اسمه ايه.
"بس كل دا كان بإرادتى،وهو مش مخلينى عايزه حاجه،كل طلباتى أوامر وبيحبنى، وبيهتم بيا، أما بئا انا بقيت مهمله وبهتم بنفسى بس.
"مش غلط إنك تهتمى بنفسك....
"بس غلط إنى أهتم بنفسى على حساب عمر وبنتى.
"إنتى بقيتي خنيقه اووى،ماانا أهو قدامك بشتغل وعايشه حياتى وجوزى مايقدرش يتحكم فيا.
"بس جوزك بيصاحب عليكى وبيعرف عليكى بنات.
"ايوا بيعمل كدا بس مش مهم مش فارقه معايا،أهم حاجه لما اعوز فلوس يدينى ولما اعوز أخرج مايعترضش،ابئا حرة نفسى وكل واحد يعمل إلى هو عايزه.
"بس دا اسمه صفقه مش جواز،فين الحب والموده.
"بلا حب بلا بطيخ،الحب بينتهى ياقلبى الفلوس والحرية اهم حاجه،وأنا بملك الإتنين.
"كلامك مش مقنع على فكره.
"مش مهم تقتنعى.
قطع حديثهم قدوم أصدقاء ريماس إحداهما يدعى شاهر والأخر وائل.
أردف وائل قائلا وهو يقبل يد ريماس.
"وانا بقول النادى منور ليه.
قهقهت ريماس عاليا قائله.
"ميرسى يابيبى،دا نورك ياقلبى،اتفضلو اقعدو.
"ايه مش هاتعرافينا ولا ايه.
قالها شاهر وعينه لم تنزل من على أميره.
"أوه سورى نسيت،دى أميره صحبتي.
"أهلا أميره تشرفت بمعرفتك.
تبسمت أميره بتوتر فهى لم يسبق لها أن تحدثت مع رجال فى حدود التعارف وهكذا،وأيضا وجودهم شاعرها بالتوتر...
أردف شاهر قائلا.
"ياريتنا إتعرفنا عليكى من زمان ياأنسه أميره.
ردت أميره قائله بضيق.
"مدام لو سمحت.
إنكفر وجه شاهر حانقا،لتردف ريماس قائله بخبث.
"وهتطلق عن قريب.
إبتسم شاهر بأمل قائلا.
"ياجمالو.
"ماتيجى ياريماس افرجك على حاجه هنا،ونسيب أميره وشاهر شويه ونرجعلهم.
نهضت ريماس مبتسمه له ببلاهه لتوقفها أميره قائله بتوتر ورهبه.
"إنتى رايحا فين إستنى أنا هاجى معاكى.
"تيجى معايا فين هو انا رايحا اتفسح،انا مش هغيب استنينى هنا،وبعدين هو شاهر هايعضك.
قهقه ثلاثتهم أما أميره فشعرت أنها فى ورطه ومأزق.
جلست مره أخرى بعدما ألقت نظره خاطفه على الولهان والسارح بها.
أنت تقرأ
واتيني....بقلم براء السيد
Romanceدلفت إلى الشقة ترفع ذيل فستانها،تتلفت يمينا ويسارا،كل شئ بسيط يمط بذوق صاحبة الرفيع بصلة،دار فى ذهنها العديد والعديد من الأسئلة،ولكن هذا ليس وقت للتفكير،فقلبها تتراقص طبوله وتعالت نبضاتة،مشاعر مختلطة تنتابها،خوف،حزن،رعب من مستقبل مجهول مع ذلك الغامض...
