تأففت بضجر وهى شاعره بالغيظ والضيق من الجالس بجوارها غير مبالى بوجودها،كل تفكيره فى الأوراق التى فى يده.....
نهضت من مكانها واقفه أمامه جاذبه تلك الوريقات من يده بعند....
نظر لها بتعجب!
"هاتى الورق خلينى أخلص شغلى.
قالها يامن برسميه.
"لا مش هتاخد الورق.
قالتها ميرال بعند.
"ميرال انا مش فاضى للعب العيال بتاعك دا.
"أنت مش فاضيلى خالص اصلا،طول النهار فى الشركه وبليل بتيجي تنام،ولا مهتم بيا وانا بفضل مستنياك وفى الآخر تيجى وتنام...
نهض هو الأخر من مكانه ليكن مواجها لها قائلا بخبث.
"وانتى مش عيزانى اجى انام عيزانى اعمل ايه ها.
"مش عيزاك تعمل حاجه،انا عيزاك تقعد معايا نتكلم بدل الفراغ إلى انا فيه دا...
"فراغ ايه بس انا سايبك الأيام دى على راحتك عشان امتحاناتك.
"مالكش دعوه بإمتحاناتى.
"امممم متأكده من كلامك دا..
قالها يامن وهو يقترب منها بمكر.
"مش اوى يعنى...
قالتها ميرال وهى تبتعد للخلف.
"خليكى أد كلامك ياجبانه..
"يامن بطل هزار.
"طيب انتى مش عندك إمتحان بكره،ادخلى ذاكرى ولا هاتى كتبك وتعالى ذاكرى جنبى.
"خلصت مذاكره.
"اممم طيب انا اخترعت منهج جديد ماتيجى اشرحولهك...
"هههههههه لا شكرا.
"طيب اعمل ايه أنا.
"ماتعملش حاجه انت مابقتش بتحبنى أصلا.
قالتها ميرال ببكاء.
"لا إله إلا الله طيب ليه العياط مين إلى قالك انى مش بحبك..
"تصرفاتك.
"هى إلى قالتلك اخص عليها.
"يامن بطل هزار.
إقترب منها ضاممها إليه مبتسما.
"انتى عارفه انى بحبك،وانى سايبك بمزاجى عشان امتحاناتك،وياستى يتحرق الشغل عشان خاطر عيونك...
"انا عايزه أكل بيتزا.
بعدها عنه قليلا قائلا بتعجب!
"انتى عارفه الساعه كام دلؤقتى،الساعه 3الفجر.
"ماليش دعوه.
"روحى نامى ياميرال وعدى ليلتك على خير،انا هدخل انام الوقت اتأخر وانا عندى شغل الصبح.
"مش بقولك ماعتش بتحبنى.
"استغفر الله العظيم،يعنى البيتزا هى إلى هتثبتلك ان كنت بحبك ولا لا..
"ايوا.
"طيب ياستى هاروح اجيبلك بيتزا،يارب ألاقى محل فاتح بس.
"هاتلاقى ياحبيبى هاتلاقى...
"عايزه تأكل بيتزا الساعه 3الفجر،مفجوعه.
"بتقول حاجه يايامن.
"ماقولتش يا روح يامن ماقولتش.
غادر يامن البيت تاركا ميرال تبتسم بخبث وهى تضع يدها على بطنها.....
دلفت إلى غرفتها مخرجه ذلك الإختبار من تحت الوساده وهى مبتسمه بسعاده،لقد حقق الله لها مرداها وستصبح أم لطفل من رجل عشقته.....
بعد مرور ساعه دلف إلى البيت متأففا مناديا على زوجته البلهاء...
خرجت من الغرفه مبتسمه،لينظر هو لها بذهول وتعجب،مقتربا منها قائلا!
"ايه إلى انتى عملاه فى نفسك دا.
"امممم أصل يعنى بعد تسع شهور بطنى هاتبئا عامله كدا...
نظر لها بعدم فهم متخطيها واضعا علبه البيتزا على السفره.....
شعرت بالغيظ وهى تجذب تلك الوساده من تحت منامتها التى كانت تتصنع بها الحمل دالفه إلى غرفتها...
"انتى رايحا فين،مش هتأكلى البيتزا دى.
"مش عايزه ابئا كولها انتا.
"نعم!
دلف خلفها إلى الغرفه ليجدها تتوسط الفراش ووجهها ملامح الغضب تعتلاه...
جلس بجوارها منحنيا عليها قائلا.
"طيب انا عملت ايه دلؤقتى زعلك.
نظرت له بضيق ثم أشاحت وجهها عنه.
"طيب تعالى عشان تأكلى.
"مش عايزه.
"مش انتى إلى خلتينى نزلت جبتلك البيتزا،دلؤقتى مش عايزه.
"انا عايزه أنام.
نهض من جوارها متأففا غاضبامن طفولتها ودلعها الذائد ليقف مشدوها من ذلك الإختبار الملقى على الأرض،انحنى ليحمله بين كفيه مبتسما،
علم الأن لماذا فعلت كل هذا حتى تعلمه انها تحمل فى أحشائها طفله بطريقه غير مباشره ولكنه لم يفهم عليها....
انحنى على ركبتيه بجوار الفراش جاذبا الغطاء من على رأسها ليجدها تبكى...
نهض مقتربا منها ضاممها إلى صدره قائلا.
"مبروك يا أحلى ماما فى الدنيا..
"لسه فاكر.
"ما انا مافهمتش،بحسبك بتهزرى.
"هى دى حاجه فيها هزار..
"خلاص بئا أسف.
"أنت بجد فرحان.
"طبعا فرحان عشان هايجيلى أجمل بنوته من أجمل بنوته.
"وافرض جيه ولد.
"كل إلى يجيبو ربنا كويس.
"أنت بتحبنى يايامن.
"بحبك دى كلمه قليله،انا بموت فيكى بحبك حب تخطى حدود العشق والهيام...
"انا جعانه.
بعدها عنه قليلا ناظرا لها بغيظ.
"حرام عليكى ضيعتى الجو الرومانسى.
"هههههههه وسع وسع زمان البيتزا بردت. .
"والله ما فى بارد غيرك.
"هههههه حبيبى يامنمون..
"نعم يختى منمون مين.
"أنت يامنمونتى.
"روحى عشان تأكلى واياكى اسمع منك الدلع دا تانى.
"هههههه حاضر يامنمون.
"ميراااااال.
"هههههه خلاص خلاص....
أنت تقرأ
واتيني....بقلم براء السيد
Romanceدلفت إلى الشقة ترفع ذيل فستانها،تتلفت يمينا ويسارا،كل شئ بسيط يمط بذوق صاحبة الرفيع بصلة،دار فى ذهنها العديد والعديد من الأسئلة،ولكن هذا ليس وقت للتفكير،فقلبها تتراقص طبوله وتعالت نبضاتة،مشاعر مختلطة تنتابها،خوف،حزن،رعب من مستقبل مجهول مع ذلك الغامض...
