#نـصـيـبـي_فـيـك
الـحـلـقـة الـرابـعـة
نبيل وصل البنات للفيلا نزلن من السيارة ونبيل نزل وراهن ورن فونه
نبيل:ايوا حودة
محمود:تي وينك ياراجل نرجو فيك
نبيل:ماادورنيش بكل اليوم
محمود:كيف صار مش انت خططت المشية
نبيل:ماصار شي عندي ظرف اليوم مانقدر نمشي انتو امشو
محمود:من جدك مااتسير بكل المشية بلاك حاول باي طريقة اتجي ياراجل
نبيل;تي لا وين انجيك اليوم انسوني بكل
محمود:كيف صار شنو الحاجة اللي اهم منا بس
نبيل يضحك:قلت اهم منكم وسكتت خلاص فوتني اليوم وجك
محمود يضحك😂ماشي ماشي يانبيل احسابي امعاك بعد انتلاقو سلام ياباشا
نبيل:سلام
خش نبيل للفيلا لقى سالمة مازال اتسلم عالبنات وامه ولقى ايمان بنت عمه عندهم شافت نبيل وجت بتسلم عليه
ايمان مدت يدها:اهلين نبيل
نبيل:اهلا ايمان شن اخبارك
ايمان:الحمدلله بخير وانت
نبيل:الحمدلله تمام بكل
وجا بيرقى الداره
نهى:نبيل كان تبي شنطتك اهي مازال هنا
ام نبيل:شنطت شنو وين بتمشي
نهي;ماشي مع اصحابه السوسه
نبيل:لا خلاص ماصارش منها الشباب مش فاضيين
نهى فهمت عليش نبيل قعد:اها ماشي المهم اهي شنطتك ومدتها له وحكتله بشويش بينها وبينه;نبيل عارفه انك قعدة عشان سالمة ياريت مااتضايقها
نبيل ابتسم وخذى الشنطة وطلع الداره خش وهو فرحان ان حبيبته قاعده عندهم وحس ان القدر بيقربهم من بعضهم لان لما قرر ايطلعها من حياته صار الشي هذا وبعدين اذكر صهيب خذا فونه وبدا ايرن علي اصحابه كلهم مقفل
نبيل:مش عارف وين رايحين كلهم بس واذكر هاني ولد جيرانهم وصاحب صهيب مازال مارن عليه حط علي رقمه واتصل بيه
هاني:اووو نبيل
نبيل:كيف حالك هاني
هاني:مية مية شن خطرني عليك
نبيل;والله اندور علي صهيب رنيت علي شلتكم كلها مقفل
هاني:اها الشلة كلها في راس الهلال
نبيل:غادي
هاني يضحك😂:غادي لكن انت شن تبي منه
نبيل:نبيه في موضوع مهم يعني مافيش اي طريقة نوصل فيه
هاني:شن انقولك توا كنت نحكي امعاهم علي رقم عدي المدار عندك
نبيل:لا والله مش عندي دزه ليا توا
هاني:تم اندزه لكي توا سلام
نبيل:سلام
هو سكر اشوي وجاه الرقم رن عليه مرتين خارج التغطية وبعدين ضرب
نبيل:اهلا عدي
عدي:اهلين نبيل شن جوك
نبيل:تمام الحمدلله شن جوك انت
عدي:تمام
نبيل:صهيب امعاك صح
عدي:اها امعايا انشاءلله خير كنك
نبيل:لا خير غير نبيه في موضوع عطيه ليا
عدي:تمام استنى اشوي
وقعد اينادي صهيب صهيب جاه صهيب وعطاه عدي الفون وقاله نبيل يبيك
صهيب;ايوا نبيل انشاءلله خير شن فيه
نبيل:لا خير من بدري انرن عليك فونه مقفل
صهيب:مافيش تغطية هنا بكل لكن كنك فيه شي صاير
نبيل:بنقولك ان هلك عند عمتك راجلها توفى وسالمة الضي شكله فيه التماس فصل في حوشكم خافت رنت علي نهى وخذيناها للفيلا عندنا
صهيب:ان لله وان اليه راجعون خاطرة علي مامشيت لكن قولي سالمة صارلها شي
نبيل:لا اطمن ماصارلها شي وانا فصلت علي ضي حوشكم كله لكن انت امتى بتروح
صهيب:اليوم مانقدر انروح بكرا في العشية انكون غادي اكيدة الشايب يبيني انجي للعزا
نبيل:ماشي تمام ومااتشيل همها سالمة قاعدة مع البنات هنا
صهيب:عارفها في امان لكن لو تقدر تعطيها ليا اشوية
نبيل:تمام خليك امعايا اشوي
ونزل لقى سالمة والبنات تحت ايخرفن قاللها صهيب يبك ومدلها الفون سالمة بعدت من جنبهم اشوي
سالمة:ايوا تي وينك انت
صهيب:بشوية سومه انا في راس الهلال
سالمة;وشن ادير غادي عندك العلم قريب متت من الخوف ومن الضي
صهيب;حكالي نبيل اسف والله ماكنت عارف هلي بيمشو
سالمة:روح توا
صهيب;انقولك في راس الهلال وين بنروح بكرا العشية انكون عندك
سالمة:قصدك تبيني انبات هنا
صهيب;اليوم بس والله بكرا انكون عندك لكن قوليلي وين امال
سالمة:عمها في المستشفى وصلاح امعاه لكن اسمع نبيش نقعد هنا بنمشي الحوشنا
صهيب:سومة بلا تسكير راس كيف بتقعدي بروحك والحوش حتى الضي فاصل
سالمة:مش شوري عادي مش حيصيرلي شي
صهيب:سالمة بلا دلع خلاص قتلك ريحيني اليوم اقعدي هنا وبكرا انجيك
سالمة:باهي بكرا عندي جامعه من بيشيلني ترا قولي
صهيب:مش مشكله انقول النبيل ايشيلك
سالمة;لا نبيل لا وبعدين مش امعايا دبشي ولا شيتاتي
صهيب:خلاص يبقى بكرا غيبي وخلاص
سالمة;لا محاظرة مهمة بكرا
صهيب:خلاص ايشيلك عمي بو نبيل
سالمة:امسافر مش قاعد
صهيب;خلاص يبقى بلا تسكير راس ولو ماتبيش اتغيبي ايشيلك نبيل بكرا وانا توا انقولها له توا وانقوله ايشيلك للحوش اتجيبي ادبشك وشيتاتك تم
سالمة لانها محاظرتها مهمه;اوووف باهي لكن والله انوريك ياصهيب غير اتروح
صهيب;باهي لما انروح ساهلة اضربيني كان اتريحي
سالمة:تحسابني ماانديرهش
صهيب يضحك:عارفك اديريها المهم توا عطيني نبيل
سالمة:باهي
عدت وعطت الفون النبيل
نبيل:ايوا صهيب
صهيب:نبيل بكرا عندها محاظرة مهمة ياريت اتشيلها للجامعة
نبيل;مافيش مشكله حاظر
صهيب:انثقل عليك بطلب اخرى مافيش امعاها لا دبش لا شيتات ياريت اتشيلها للحوش اتجيبهم
نبيل: اكيدة حاظر توا انشيلها
صهيب;اسمع كان عندت وسكرت راسها تبيش اتروح جيبها بالقوة تم
نبيل:انشاءلله تم وسكرو
نبيل كلم نهى وقاللها تمشي امعاهم عشان سالمة اتجيب دبشها وطلعو سالمة ونهى ركبو في السيارة وخداهم للحوش خذت سالمة دبشها وشيتاتها ورد بيهم للفيلا نزلو البنات وهو طلع بسيارته اشوي ورد جايب امعاه كيسين امعبيات شكولاطات وعصائر وشبس وكيكات ومافيش حاجة ماحاطها البنات امقمعزات في الجنان
نبيل حطهن تلاهن:تفضلن
نرمين اتبحت للاكياس ومصدومة:هذوما جبتهم انت
نبيل:لا عفريتي
نرمين تصمط:وعليش جايبهن مش عادتك 😒
نبيل:اكيدة حتسهرن كسدن عليهن
نرمين:ديما نسهرو وماانحقو في شي منك يامغرور شن خطرلك اليوم 😒
نبيل ايبحت في سالمة; اصلا مش لكي يام السان للضيوف اللي عندنا
نطت ايمان بدلع:بس انا مش ضيفة نبيل
نرمين تضحك;شكله عقلك خضر مش لكي ياايمان للضيوف المهمين ياريتك كل يوم عندنا ياسالمة
سالمة من غير نفس;شكرا
نبيل:العفو😍
اما ايمان وجها قعد الوان وخلونا انتعرفو عليها اشوي(ايمان بنت عم نبيل اتحب نبيل من زمان بكل مافيش حد عارف الشي هذا الا نبيل لانها اعترفتله بحبها بس هو رفض حبها وقاللها ان ايحب بنت ثانية ومايبي يضلمها وقاللها خلينا اصدقاء لكن مازالت مافقدت الامل ومازال اتحاول اتقرب منه سوا باتصلات عساس صداقة او اتجيهم للحوش طبعا ايمان حاولت تعرف من البنت اللي ايحبها نبيل لكن ماقدرت لان خواته ماكانو يحكو عليها بحكم انها رافضته وفي نفس الوقت ماكانت اتحب تسال عليه عشان ماتفضح روحها قدامهم لكن في اللحظة هذي ومن نظرات نبيل عرفتها)
خش نبيل للفيلا ورقى الداره جا للروشن اللي يفتح عالجنان وقعد ايشوف للبنات من غير مايفطنله وكل الوقت اعيونه علي سالمة وفي لحظة تخيل انها مراته وقاعدة مع خواته ابتسم ودعى ربي يجعلها نصيبه
البنات تحت ايخرفن جتهن نسمة وكانت في الدار اتخرف مع خطيبها
نسمة;نهى مسيبة فونك في دارك راه ايرن من بدري
نهى:لالا فوني اهو امعايا
سالمة ;اكيدة فوني حاطته في الشحن نمشي انشوفه وانجي
وخشت سالمة للفيلا وشافها نبيل طلع من داره بيعرف وين ماشية وشافها راقيه عالدروج رد بسرعه الداره ورد الباب وقعد ايشوفلها من وراه خشت سالمة الدار نهى اللي كانت مش بعيد من دار نبيل وهي فرحانة تحساب اللي ايرن وليد بحتت الفونها لقتها مرام خاب املها واتصلت بيها
سالمة:خير مرومة
مرام:خيرات سومة وينك من بدري انرن مااترديش
سالمة:ماكنتش جنب فوني
مرام:وين دودي غريبة ماردت عليا
سالمة:مش قاعدة حتى انا مش في حوشنا
مرام:غريبة وين قاعدة مااتحبي اتباتي برا حوشكم بكل سالمة:في حوش هل نهى
مرام بفرحة:قصدك مع نبيل😍
سالمة بعصبية:قتلك عند نهى
مرام:باهي المهم كيف جيتيهم وهلك وين
سالمة;***حكتلها كل اللي صار
مرام:عظم الله اجرك لكن والنبي قوليلي نبيل شن داير
سالمة:مااتذكريني بيه هالصامط وحكتله علي نظراته الها ولما جابلها الفون وعلي اكياس الشكولاطات
مرام:ياخية ايهبل نبيل والله خيرلك من هالصامط وليد
سالمة بعصبية:هالثقيل ماايجي حتى طشة في ولودي 😍وكان عاجبك حبيه انتي
مرام:كان ماانحب حسام راه حبيته 😂خطرها حسام كان تعرفي شن صار امعايا يانا عليا مازال مش مصدقة سالمة:احكي بسرعه شن صار
مرام:هذا ياحنة ****وحكتلها اللي صار
سالمة شهقت:قصدك حقك😱
مرام:اها وحق ربي قريب متت من الاحراج وبعدين خش للمطبخ وحكتلها اللي صار في المطبخ ولما بحت فيها لما جو بيروحو
سالمة:الله اكبر واخيرا تحرك وقال كلمة
مرام;هذي اشارة اعجاب زي مافهت صح
