#نـصـيـبـي_فـيـك
الـحـلـقـة الـواحـد والـثـلاثـون
ايمان قررت تحكيش البيسان وانها اتخليي نبيل ايعيش حياته مع البنت اللي اختارها
""
صباح ثاني يوم وكان عيد ميلاد نبيل
نبيل وعى وكانت سومة في حظنه باسها علي خدها وحولها من عليه وصبى دوش وغير ادبشه وجا جيهة سومة
نبيل بصوت هادي وحنون:سومتي سومتي
سالمة بصوت ناعس;صباح الخير
نبيل:صباح الورد حبي
سالمة:حبيبي الساعة كم
نببل:8حبيبي
سالمة:وكنك واعي ولابس من توا
نبيل:سومتي عندي شغل مهم اليوم
سالمة:شنو الشغل المهم حبيبي مش وقته بكل اليوم
نبيل بإستغراب:عليش مش وقته
سالمة فطنت الروحها:لالا حبيبي بس كنت نبيك تطلعش اليوم مرايفتلك
نبيل ابتسم:مرايفتيلي حاظر حبيبي انحاول ماانطولش
سالمة:يعني امتى بتروح
نبيل:حبيبي اليوم عندي شغل واجد وعندي اجتماع مهم بكل اليوم بندير شراكة مع واحد وبنوسع المعرض اكثر وانديرو كم فرع
سالمة:مشاءلله بس في العشية اتروح صح
نبيل:لالا حبي في العشية الاجتماع ومانقدر انسيبه انروح عالعشا هكي
سالمة:معقوله حبيبي واجد هكي
نبيل قرب وباسها علي خدها:تحمليني اليوم بس حبيبي ونوعدك معش انتأخر
سالمة زعلت;بس انت حطول واجد
نبيل:معليش حبي اليوم بس
سالمة:باهي
نبيل:سومتي فكينا من الشطانة وتقعدي ادزي في صور اتلخبطيني
سالمة بخبث:مانوعدكش
نبيل:احسن حل اليوم مش حنفتح نت بكل ولا حنرد علي حد عشان نقعد طبيعي مش انتلخبط قدام الرجاله
سالمة:لا حبيبي مش هكي
نبيل:لا هكي احسن وتحملي لين انجي في الليل وكان بتغيري جو عند هلك انكلم صهيب ايجي ياخدك
سالمة:لالا نبيش نبي نقعد هنا
نبيل:براحتك وتوا كملي نومتك انا بنمشي
سالمة:باهي حبيبي
نبيل قرب وباسها علي شفايفها وسومة شاركاته في البوسه ونبيل حس من بوستها بانها فيها ارياف عليه كملو بوستهم
نبيل ايشوف السومة بكل حنية:شكلك تبينيش نمشي للشغل صح
سالمة بدلع:اها خليك امعايا
نبيل:والله حبيبي لو ماعندي شغل مهم اليوم نقعد امعاك ومانمشيش بكل لكن اليوم يوم مهم وفيه فائدة لنا وفرصة عشان عويلتنا مستقبلا
سالمة:ماشي حبيبي خلاص عدي
نبيل باسها علي خدها:انحبك سومتي
سومة:انموت فيك
نبيل طلع وسومة قعدت اتفكر كيف اتخليه ايجي عالعيد ميلاد وهو قاللها مش حنرد علي حد لين انكمل شغلي
صبت دوشت وغيرت دبشها ونزلت تحت لقتهم يفطرو
سالمة:صباح الخير
الكل:صباح النور
ام نبيل:نبيل كنه طلع بسرعه ومااستنش حتى الفطور
سالمة:قال عنده شغل مهم اليوم
نرمين:قصدك مش مروح
سالمة بزعل:اها والمشكلة قالي ماايرنش عليا حد ومش راد علي حد لين انكمل شغلي في الليل
نرمين:اوووف مثقله نبيل
ام نبيل:حي بعدها انا وانتصار عزمنا عيت سالم وعيت فيصل(طبعا هذوما عمام نبيل عيت سالم هل ايمان وعيت فيصل عمه لاخر)
سالمة:عليك قصة تخيلو ماايجيش شن بنقولو
انتصار:شكلنا استعجلنا ياريت ماعزمنا
بات نبيل:وانتن عليش مركبات وعزمتن
ام نبيل:قلنا لنا زمان ماالتمينا تقعد فرصة العيد ميلاد في العشية وانتعشو مع بعضنا عشاء عائلي وانهدرزو زي زمان
مع جيت بيسان:صباح الخير وقمعزت
الكل:صباح النور
نرمين:يعني قصدك مش حيصير منه عيد ميلاد نبيل اليوم
سالمة:مش عارفه
بيسان:قصدكم بديرو عيد ميلاد نبيل
سالمة:اها
بيسان تضحك:ماايحبش يحتفل بيه تذكرو زمان درتله مفاجئة واحتفلت بعيد ميلادة تعقد وغمتله
نرمين:هالمرة تفرق سومة هي مجهزة كل شي
بيسان:باهي توا انشوفو مع ان عارفه ردت فعله
سالمة درهت كبدها بيسان:نرمين كان كملتي هيا نمشو ورانا حاجات واجد بنجهزوهن
نرمين;هيا ومشن
طبعا نرمين وسومة ايجهزن للعيد ميلاد وام نبيل وانتصار ايجهزن للعشاء العائلي ووتو كل شي وسومة كانت دايرة عيد ميلاد ايهبل ومزينه الفيلا كلها هي ونرمين زينه اتهبل ولبسن ووتن ارواحهن وجو الضيوف وطبعا ايمان جت ومش فاهمة شي وعليش عزموهم
واول ماجت تلقتها بيسان
ايمان:شن فيه انا قالولي عيت عمك عزمونا ومافهمت شي
بيسان:سالمة دايرة عيد ميلاد النبيل
ايمان:علي حد علمي نبيل ماايحبش يحتفل بعيد ميلاده بكل
بيسان:هي هدي وانا قاعدة علي نار نرجا في اللحظة اللي ايجي فيها نبيل وايتعقد وايهزبها بالك ايطلقها ونفتكو منها
ايمان:توا انشوفو شن ايصير حسني اشوقت حتى انا
وقعدو يرجو وجت اللحظة اللي لازم ايرنو علي نبيل رنت سومة مارردش عليها بعدين اقترحو ان ايرن بات نبيل عليه وايقوله نبيك ضروري لكن نبيل ماردش وكل مرة واحد مافيش فايدة عمكم نبيل في الاجتماع ومابش ايرد علي حد
سالمة ونرمين غمتلهن بكل وايمان وبيسان متشمتات ونهى ونسمة قاعدات مع سالمة وايفكرن في طريقة اتخلي نبيل ايجي
نهى:القيتها اللي اتخلي نبيل ايجي بسرعه
كلهم:شنو
نهى:نرمين دزي رسالة من فونك النبيل وقوليله سومة طاحت علينا ومش عارفين كنها وبابا مش قاعد
بيسان:وقصدك بيسيب اجتماع مهم علي خاطر سومة
نهى:اها انا متأكدة ان بيجي بسرعه
كلهم عارضوها علي ان اجتماعه اهم من الشي اللي بديره لكن نهى اصرت اتجرب ونرمين دزت الرسالة
نبيل في الاجتماع وامعاه قريب خمس رجاله ويتفقو عالشروط امتاع المشروع الجديد وطبعا نبيل من مكالماتهم كلهم حس ان فيه شي وقعد قالق ولما جاته الرسالة وشافها خاف علي سومة وصبى
الراجل:وين نبيل مازال ماكملنا كلامنا
نبيل:معليش اسمحولي لو فيه مجال انكملو بكرا فيه مشكله صايرة في الحوش
الراجل:بس هدا اجتماع مهم
نبيل:والله تسمحولي موضوع مهم والمدام تاعبه
الراجل لاخر:اذا القصة فيها مرض معذور ماعندك مشكله بكرا انكملو اجتماعنا
نبيل:صحيت بارك الله فيكم وطلع
ركب في السيارة ومشى بكل سرعه وصل للفيلا
نهى سمعت السيارة:اهو قلتلكم ايجي وجهزو ارواحهم الاستقباله
نبيل خش بسرعه يجري فتح باب الفيلا وانصدم لما شافهم كلهم قاعدين الا سومة مابانت عليه وطبعا من خوفه ماركزش علي زينه الفيلا
نبيل بخوف وايشوفلهم كلهم:وين سومة
سالمة كانت فوق ونزلت
نهى:اهي سومة
نبيل جاها يجري ومسكها;شن فيك سومة شن اتحسي
سومة تضحك:مافيا شي كنت نبيك اتجي عشان
نبيل قاطعها وهو عاقد حواجبه;شنو الشي المهم يعني عشان اتجيبوني بالطريقة هدي
سومة ابتسمت ومسكت ايديه:عشان اليوم اهم يوم في الدنيا اليوم اللي جا فيه اميري
نبيل:قصدك اليوم عيد ميلادي وانتبه للفيلا وكيف مزينة وقعد ايشوفلها
سالمة:اها وحبيت انديرلك مفاجئة ونحتفلو بيه
نبيل باس ايديها:يعني هدا كله درتيه عشاني
سالمة:وهذا اقل شي مستحيل نقدر نعطيك حقك وانوصلك قد شنو انحبك
نبيل ابتسم;انحبك موت سومتي
ام نبيل:خلاص نبيل تعال عشان نحتفلو
نبيل مسك سومة من يدها ونزل بيها واحتفلو وطفى الشموع زي ماسومة طلبت منه
طبعا بيسان وايمان كانن بيموتن قهر لانهن توقعن شي وجاهن شي اخرى
كملو العيد ميلاد وخوات نبيل وامه كل وحدة جايبة هدية النبيل وعمته انتصار حتى هيا جايبتله هدية عطنهن له ومازال هدية سومة جابت علبتين هدايا وحدة كبيرة وحدة صغيرة (وكانت جايبتله لبسه حلوة بالكاويش والساعة يعني كاملة)لما مدتها له نبيل ابتسم ونسى كل الموجودين
نبيل باسها علي جبينها:انحبك سومتي
سالمة:انموت في حبك
""
ايمان معش قدرت اتحمل كل اللي شفاته وفي لحظة ومن قهرتها كلمت بيسان من غير ماحد يفطن ورقن فوق وحكتلها اللي صار امعاها ومعرفتها الوليد
بيسان بفرحة:تحكي جد تعرفتي عليه
ايمان:اها امس
بيسان;ومتأكدة ان هو
ايمان:اها متاكدة ومقهور واجد ان خسرها نفس ماانا مقهورة بزبط
بيسان:اندور فيها في السما القيتها في الوطى انا نبي اي طريقة اتوصلني له والصدفة اتجيبه ليا
ايمان:شفتي وكأن ربي يبينا انفرقوهم
بيسان:فعلا المهم اسمعي توا افتحي نت وقوليليه يعطيك رقمه
ايمان:مستحيل كيف انقوله مانقدرش
بيسان:انت قوليله في وحدة تبيك في موضوع ضروري
ايمان:يعني انتي بتحكي امعاه
بيسان:اها ونحكيله ونتفقو امعاه وانفكرو في خطة مع بعضنا
ايمان:تمام كان القيته فاتح انقوله
بيسان:تمام شوفيه
فتحت ايمان ولقت وليد فاتح وطلبت منه الرقم وقالتله فيه وحدة تبيه في موضوع مهم وعطاه الها وخذاته بيسان وحكت امعاه في الاول رفض وقاللها ان هي متجوزة وخلاص وطبعا بيسان بخططها اللي في راسها قدرت تقنعه بعد ماطمعاته ان اتفرق سالمة ونبيل ويفضاله الجو مع سالمة ويقدر ياخدها وتقعد له ووليد بعد محاولات بيسان وافق واقتنع واتفقت امعاه انها باي طريقة ادبرله موعد مع سومة عشان يقدر يحكي امعاها وفي نفس الوقت اتخلي نبيل ايشك في سومة
"""
العيد ميلاد كمل وتعشو كلهم مع بعضهم وروحو عمامه وسومة ونبيل ورقو مع بعضهم فوق
نبيل اول ماخشو كرها جيهته وحظنها:انحب
العيد ميلاد كمل وتعشو كلهم مع بعضهم وروحو عمامه وسومة ونبيل ورقو مع بعضهم فوق
نبيل اول ماخشو كرها جيهته وحظنها:انحبك انحبك انحبك
سالمة زادت حظناته:انموت في حبك ياقلبي
نبيل باسها علي شفايفها ونزل علي رقبتها ووزع بوساته بكل حنية وشالها وحطها عالسرير والباقي #مششششفر
"""
طبعا بعد كمل التشفير خشو دوشو وبعد طلعو نبيل امتد عالسرير وخذا سومة في حظنه غمضت عيونها وبترقد
نبيل:رقدتي سومتي
سالمة:ماردتش
نبيل:سومة نحكيلك
سالمة:مااتردش
نبيل بعدها اشوي وباسها علي شفايفها
سالمة:حبيبي خليني نرقد
نبيل:انلا فيش نوم اليوم عيد ميلادي واللي انقولها اديريها
سالمة:وشن تبي مني
نببل ايفكر:خليك واعية واقعدي شوفيلي لين نرقد
سالمة:والله وعليش بندير هكي من سماحتك يعني انشوفلك
نبيل:اها عشان سمح وبعدين اليوم عيد ميلادي واللي نطلبها اديرها
سالمة بقلة حيله:باهي وقعدت اتشوفله وهو مغمض عيونه سومة معش قدرت ورقدت نبيل فتح عيونه ولقاها راقدة ابتسم وباسها وحظنها زين ورقد
""
مرو يومين وجو سومة ونبيل ايهبل كله حب وغرام وجو سمح وبيسان ووليد قاعدين ايخطولهم
""
ثالث يوم وتحديدا الساعة 4 نبيل ايجهز في روحه بيطلع وسومة كانت ادوش وطلعت واتنشف في شعرها
نبيل حظنها من الخلف:سومتي بنطلع تبي شي مني
سومة باساته علي خده:لالا حبي سلامتك نبيش شي
نبيل باهي وقعد يلبس في جاكته
سومة رن فونها شافت ولقتها امها ولما ردت قالتلها ان امال في المستشفى وتبي اتجيب وقالت السومة تمشي للحوش تقعد مع دودي وعصومي
سالمة قالت النبيل ولبست وطلعت امعاه ونزلو لوطه لقو ام نبيل وانتصار لوطه
ام نبيل:جيتي سومة وربي جابك كنت بنجيك توا عشان صاحباتي بيجوني وبيشوفوك
سالمة:اعميمة سامحيني امال في المستشفى بتجيب وانا بنقعد مع دودي وعصومي في الحوش لان قاعدين بروحهم مافيش حد امعاهن
ام نبيل:باهي جيبيهم هنا وتعالي
سالمة:المشكله عصومي ولد امال يستغرب ويقعد يبكي
ام نبيل:باهي خلاص مرة ثانية وطمنيني علي امال
سالمة:حاظر وطلعت هي ونبيل
طبعا بيسان سمعت القصة فكرت في فكرة شيطانية ولقتها فرصة وجت لعندها مشت ورنت علي وليد واتفقت امعاه
""''
سالمة حطها نبيل في حوش هلها وطلع للمعرض
""
وبيسان اتفقت مع وليد يمشي السومة في الحوش وهي بروحها وقعدت اتفكر كيف اتخلي وليد ايرد للشارع ولقت فكرة ومشت النرمين
بيسان:قتلك نرمين عادي اترني علي نبيل ايجيبلنا بريوش
نرمين;ورني علي انتي انا شن دخلني
بيسان:انا خاطري فيه ومانبيش انقوله واصلا هو يبيش يحكي امعايا مش حيرد عليا وسكنتلها عشان اترن عليه
نرمين:باهي عليك سكنان حنرن عليه ورنت
نبيل رد:اهلا ام السان
نرمين:اهلا يامغرور
نبيل:كنك شن فيه اكيدة عندك طلب
نرمين:اها نبي بريوش
نبيل:توا
نرمين:اها توا خاطري فيه
نبيل:باهي حاظر اشوي وانجيك
""
سالمة في حوش هلها ودودي راقدة وسومة تلعب هي هي وعصومي اشوي ودق الباب وطلعت فتحت وتفاجئت لما شافاته وليد
سالمة بعصبية:انت شن تبي هنا وجت بتسكر الباب
وليد دفها جو وخش مسكها وحط يده علي فمها
سالمة تضرب فيه برجليها ومش قادرة اتعيط لان مسكر فمها
وليد:اسمعي عندي كلام بنقوله لكي ولازم تسمعيه انا انحبك ومش قادر ننساك
سالمة اتحاول اتبعده من عليها وماقدرتش
نبيل وصل وخش للشارع وبيمشي الفيلتهم خطم علي حوش اهل سالمة شاف السيارة استغربها درس وحاسب سومة في البريوش نزل قرعتها ونزل بيعطيها الها قبل ماايعدي للفيلا استغرب لما لقى الباب مفتوح فتحه وخش وانصدم لما شاف وليد ماسك سومة وقريب منها
نبيل;--
#يتبع
زعما كيف حيكون تصرف نبيل بعد اللي شافه وهل حيصدق ان سومة مش عارفه شي كله حنعرفوه الحلقة الجاية 😊
معليش بنات عالتاخير توا غير كملت وان شاءلله نقدر انزلها لان النت ضعيف
أسفة لو فيه لخبطة في الأسماء وأكيد رأيكم ايهمني 😉
گـتـابـتـي Koka Saleh😊
منقولة💖
