#نـصـيـبـي_فـيـك
الـحـلـقـة الـعـشـرون
سالمة حلت فون نبيل وبعدين فكرت;انا شن دخلني انفتشه وعليش بنفتشه مش من حقي الشي هدا وانا مازال ماحبيته وبعدين نبيل مش زي وليد ويستاهل نوثق فيه سكرت الفون ونزلت النبيل فطرو مع بعصهم وطلعو يدهورو
"""
في حوش هل سالمة صهيب قاعد علي اعصابه ويرجى في رسالة نهى وكل اشوي ايشوف في فونه وكان لابس ومأنق روحه اشوي وجاته رساله من نهى مكتوب فيها(نحنا طالعين توا المول وكتبتله اسمه تعال توا)
صبى دغري خذا مفاتيح سيارته وطلع بسرعه ولحقهم وشافهم لما درسو عالمول وبوهن عدى وخشن وخش وراهن وقعد ايراقب فيهن من بعيد
نهى:نرمين راقية للطابق الثاني بنشوف الاكسسورات
نرمين:تمام وانا بنقيس البلوزة هدي
نهى رقت ونرمين قعدت في المحل بروحها وطبعا صهيب شافهن واستغل الفرصة وخش علي نرمين وكانت تختار في لون بلوزة
نرمين;ياربي الوردي ولا الابيض
صهيب:الوردي عليك احلى😍
نرمين بصدمة:انت شن ادير هنا
صهيب:جيت عشان بنشوفك
نرمين;وشن عرفك ان انا هنا
صهيب:راقبتكم اول ماطلعتو
نرمين;هدي اسمها قله ذوق
صهيب:مش حنرد عليك لاني جاي في موضوع ثاني
نرمين:مانبيش نعرفه وجت بتمشي
صهيب مسك يدها;لا لازم تعرفيه وضروري
نرمين:احكي بسرعه قبل مااتجي نهى اتشوفنا
صهيب:سؤال واحد وجاوبي عليه انتي هيا اللي كنتي لابسة وردي في بيان سالمة وطالقة شعرك صح
نرمين:وانت عليش تسأل
صهيب:جاوبيني وحنقولك عليش
نرمين:حنجاوبك لانك سكنت علي نفس السؤال اها انا هي نفس البنت اللي شفتها
صهيب زادو نبضات قلبه;واخيرا بجد فرحتيني
نرمين بهزوة:وعليش فرحتك 😒
صهيب:بصراحة من اول ماشفتك يوم البيان ومع اني شفتك من الخلف صارلي شي غريب وماعرفتش انتحكم في قلبي ولما رديت شفتك في الصالة نفس الشي صارلي
نرمين:باهي والمعنى
صهيب:يعني من اول ماشفتك ماانقولش عجبتيني لا بصدق حبيتك وانا اول مرة قلبي ايدق البنت وحاجة اسمها بنات في حياتي مافيش ابدا
نرمين تضحك:حبيتني 😂😂
صهيب:شن اللي ايضحك في كلامي ياانسة
نرمين:ضحكتني كلمة حبيتك
صهيب:يعني انتي ماحسيتي نفس الاحساس او ماعجبتك
نرمين:اكيد لا
صهيب:لا امالا ليش كنتي خاشة علي صفحتي واتقصقصي لو ماكنت عاجبك
نرمين ارتبكت ومعش عرفت اترد
صهيب:شفتي كيف معش عرفتي تحكي لان فعلا انتي حاسة بشء تجاهي
نرمين:شكلك تحلم انا خشيت علي صفحتك كنت بنعرف اسلوبك عالفيس نفس اسلوبك عالواقع لانك في الواقع قليل اسلوب وعدت وسيباته
صهيب مصدوم من ردها:عليك السان لكن ساهل اتحبيني اتحبيني وطلع
""
وليد في سيارته ويرجى في امه اشوي وجت وركبت ومشو الهديل وكان واخد امعاه (طبق حلو وكيس شكولاطات من اللي اتحبهن هديل)ووصلو للشقة ونزلو ودقو وفتحتلهم هديل وكانت مجهزة روحها الجيتهم وطالعه اتهبل سلمت علي ام وليد وبعدها سلمت علي وليد
وليد يحكي بينه وبينها من غير ماامه تسمعه:طالعه اتهبلي هدولي
هديل انحرجت:تفضلو جوا وخشو وسلمو علي امها وقمعزو جنب امها في الدار وقعدو ايهدرزو وصبت هديل بتوتي العصير
وليد:انجي انساعدك
هديل تحشمت:لا نبيش انتعبك
ام وليد:خليه ايساعدك هدول
هديل طلعت ووليد طلع وراها وخشو للمطبح
وليد:وين كاسات العصير انطلعهن
هديل تضحك:في الدولاب من فوق
وليد نزلهن وحطهن في سفرة وهديل جهزت الشوكلاطة في الحلاية وحطتها في السفرة وجابت العصير وبدت اتصب فيه وليد ايشوفلها ومبتسم كملت وحطت العصير عالمرمار وليد جا من وراها وحظنها
هديل بخوف;وليد شن ادير انت افرض اتخش امك
وليد:وكان خشت انتي مراتي شن فيها
هديل بخجل:عيب اتشوفنا😊
وليد باسها علي خدها:نجيلي الخجولة ياربي
هديل:خلاص حبيبي حول خليني انشيل العصير طولنا
وليد:اه امتى نجوزو بس ومعش اتقولي حد ايشوفنا
هديل:ان شاءلله حبيبي بس توا خليني انشيل العصير
وليد بعد عليها:هيا ياسموحتي اطلعي
وطلعت وقدمت العصير وتمت كل ماتبي اتوتي حاجة وليد امعاها في المطبخ واخر شي حطت مكسرات وفواكه وياكلو وايهدرزو ووليد اعيونه علي هديل ماشالهنش بكل
وليد:هدولي تعالي نبيك اشوي
هديل بحتت في عمتها وامها وانحرجت😊
ام وليد:اطلعي مع راجلك ياابنيتي
طلعت وطلع وليد وراها وقمعزو في الصالة
وليد:معش تقعدي تنحرجي انا راجلك بعد انقولك نبيك معناها تعالي
هديل:حاظر
وليد:ناعلي منك وقعد يتغزل فيها وايهدرزو
هديل:حبي عادي انشوف فونك
وليد:عادي بس انتي مش واثقة فيا ولا كيف
هديل:بالعكس واثقة فيك بس هكي حابة انشوف
وليد;من عيوني اهو فوني تحت امرك شوفيه
خذت هديل الفون ودارت جوله تفتيشية
وليد:ها طمنيني براءة
هديل تضحك:براءة
وليد:باهي عادي انا انشوف فونك
هديل:مش واثق فيا
وليد:اكيد واثق فيك لكن حاب انشوف زيك
هديل:حاظر اهو شوفه
وخذاه وليد ودار حتى هو جوله تفتيشية
وليد:براءة هدولي
هديل تضحك:😂
وليد قرب منها:تعرفي اني انموت في ضحكتك ولما تضحكي انحس الدنيا كلها ضكتلي
هديل:لانك اتحبني موت وانا نعشقك
وليد قرب اكثر وخدا بوسة حلوة من شفايفها
هديل بعد البوسة قعدت محروجة وطبست راسها
وليد رفع راسها بأطراف اصابعه:عليش تنحرجي مني انا راجلك
هديل:مش محروجة بس وليد ماخلاها اتكمل كلامها وهوب بوسه ثانية علي شفايفها وبعدها قعدو ايهدرزو وليد:هدولي انتو كيف عايشين يعني من وين تصرفو
هديل;عادي بمرتب ماما لان مرتب بابا بعد انقرت فاتحتي قطعوه
وليد:قصدك مرتب امك بس وفيه دواء امك ومصاريف الحوش ومصاريف جامعتك
هديل:اها
وليد طلع فلوس من جيبه ومدهن الها
هديل:لا وليد انا ماحكيت عشان انت ادير هكي
وليد:اسمعي انا راجلك ولازم تاخديهن مني واي شي ينقصك انا ملزوم منك
هديل:بس
وليد:لا بس لاشي وكل شهر حنديرلك مبلغ نعطيه لكي واديري بيه كل اللي تبيها لان اكيد ناقصاتك حاجات واجدة انا مرات مانعرفهن تمام حبيبي
هديل باساته علي خده:شكرا حبيبي
وليد:عليش تشكريني هدا واجبي انتي مراتي ومسؤوله مني
وقعدو ايهدرزو اشوي وبعدها وليد خدا امه وروحو
"""
بعد اسبوعين وتحديدا عا الساعة 6المغرب عرسانا رجعو لليبيا واستقبلوهم العيلتين في المطار ماعدا صهيب ماكان عالم برجعه سالمة لان له يومين زارد مع اصحابه وروحو الكل علي فيلا اهل نبيل وكانو فرحانين برجعتهم ومرايفين عليهم
نبيل:تعالي جنبي ياام السان والله رايفت عالعرايك امعاك
نرمين جت قمعزت جنبه;وانا كسدت بروحي بلاك
نبيل بغرور;عارف روحي مهم وانكسدكم
نرمين:اوووف مازال مغرور😒
نبيل:ايحقلي الغرور ياام السان
نرمين صبت من جنبه:اصلا انا الغلطانة قمعزت جنبك يامغرور
الكل قعدو يضحكو عليهم وكملو هدرزة وبعد حوالي ساعة هل سالمة روحو ونبيل وسومة طلعو فوق
نبيل امتد عالسرير:اه تعبان بكل
سالمة:الطيارة اتعب
نبيل:بس سفرة اتهبل بكل
سالمة:انا انسجمت عالاخر وغيرت جو
نبيل قمعز:اكيد انسجمتي
سالمة:انسجمت بكل بكل
نبيل ابتسم:هذي اهم حاجة عندي
سالمة:نبيل بكرا بنمشي المرومة مرايفة عليها بكل وفرحها اقريب خلاص
نبيل:حاظر من عيوني بكرا العشية انشيلك
سالمة ابتسمت:بتخش ادوش ولا انخش انا قبل
نبيل:خشي انتي قبل
سالمة:تمام وخذت دبشها وخشت الحمام
ونبيل رد امتد عالسرير اشوي وجت رسالة علي فونه ولما فتح عليها كانت من ايمان ومكتوب فيها(الحمدلله علي سلامتك واخيرا ليبيا نورت كانت مظلمة في غيابك)
نبيل غمتله منها:اووف امتى بتريحني هدي
طلعت سالمة ونبيل خدا ادبشه وخش دوش وطلع ولقى سالمة متمدده عالسرير وماسكة في يدها فونها وخلاص خش في عيونها النوم
نبيل يمسح في شعره;رقدتي سومه
سومه وهي ناعسه بكل:اه
نبيل جا جنبها وقمعز;وعليش الفون في يدك
سالمة:خوده حطه غادي
نبيل خذاه منها وحطه عالكوميدينه:وين انحطه غادي
سالمة ناعسة ومش فاطنة الروحه:عند امه
نبيل يضحك:باهي وين امه
سالمة;في حوشها
نبيل:هي عندها حوش
سالمة:اها
نبيل:هيا نمشولها
سالمة:باهي
نبيل قعد يضحك عليها وبعدين قعد ايشوفلها وقرب منها وباسها بوسه خفيفة علي شفايفها من غير مااتحس بيه ووبعدين امتد جنبها عاالسرير ورقد
""
في الليل صهيب روح وعرف ان سالة روحت قرر يمشيلها في الصبح لان كان مرايف عليها بكل
""
في الصبح صهيب قاعد قدام الفيلا ورن علي سالمة
سالمة وعت علي رنت فونها وردت:اهلين صهيب
صهيب:اهلين سومة
سالمة:والله انوريك كلهم ايجوني وانت لا
صهيب:غير وكلي ربك قبل والله كنت زارد وامس روحت في الليل واهو قاعد برا انزلي مرايفلك واجد
سالمة:حتى انا مرايفتلك خش للحديقة اشوي وننزل
صهيب:باهي ونزل وخش للحديقة وقمعز علي كرسي فيها
مع طلعت نرمين ماسكة مق فيه حليبها ولابسة بيجامة نوم عليها دباديب و
صهيب:غير وكلي ربك قبل والله كنت زارد وامس روحت في الليل واهو قاعد برا انزلي مرايفلك واجد
سالمة:حتى انا مرايفتلك خش للحديقة اشوي وننزل
صهيب:باهي ونزل وخش للحديقة وقمعز علي كرسي فيها
مع طلعت نرمين ماسكة مق فيه حليبها ولابسة بيجامة نوم عليها دباديب واجدات ولافة شعرها فوق ومنظرها كيف البنوته الصغيرة
صهيب اول ماشافها قعد يضحك
نرمين استفزها ضحك صهيب وجت جيهته:انت تقدر اتقول شن جابك هنا
صهيب:وانتي شن دخلك
نرمين:كيف شن دخلني هذي فيلتنا كان حظرتك ناسي
صهيب:وانا اختي هنا كان حظرتك ناسية ولا تحسابي جيت عشانك
نرمين:ومن قالك نبيك اتجي عشاني اصلا انسيت ان سومة اختك
مع طلعت سالمة وشافتهم يحكو وصوتهم عالي استغربت
سومة كنكم من عند الصبح
نرمين:شوفي خوك الجالط ياسومة اتقولي كلمة ايردلك عشرة
صهيب بصدمة:انا اللي جالط ولا انتي السانك يبي قص
نرمين:انا نحكي السومة من يحكي امعاك انت وعدت وسيباته
صهيب:بصدق طبيعية البنت هدي
سالمة تضحك:نرمين حالة نادرة صدق نبيل ايقول ام السان
صهيب:فوتيها تعاليلي انتي وحظنها
نبيل حاظن سالمة:وحق ربي رايفت عليك ياسومة
سالمة:وانا اكثر وحق الله
وقمعزو وقعدو ايخرفو وسالمة تحكيله علي تركيا وانها انسجمت واجد وبعدها جاهم نبيل وقعدو ايهدرزو
نرمين كانت اتشفوف فيهم من عند الروشن وماشالت عينها من صهيب واتراقب في كل تصرفاته
""
في العشية شالها نبيل المرام واول ماحقن بعضهن حظنن بعضهن وقعدن يبكن وبعدين قمعزن وكل وحدة بدت تحكي للخرى شن صار في غياب الثانية وبعدين سومة روحت من مرام في الليل وطبعا فرح مرام كان الاسبوع الجاي وحكتها سومة النبيل وانها بتمشي طول الاسبوع ونبيل وافق
"""
جا اسبوع فرح مرام ونبيل قعد ايشيل في سومة كل يوم المرام وخلاها تمشي امعاها للكوافير لكن طبعا وبشروط واولهن الخمار لان غاير عليها من هيثم خو مرام لان هو اللي بيشيلهن للقاعة وسالمة وافقت
وصلن للقاعة ومرام كانت طالعة اتهبل بكل وحتى سالمة لبست ومكيجت في الكوافير وكانت طالعة اتهبل والفرح كان حلو ومرام كانت فرحانة واخيرا حب حياتها من هي اصغيرة قعد حقيقة وخذت حسام
مرام عالمسرح وسومة مقمعزة جنبها:فرحانة ياسومة طايرة من الفرح
سالمة:دوم عليك ياقلبي وان شاءلله بهناك امعاه
مرام:بس خايفة سومة
سالمة:من شنو خايفة
مرام:كيف من شنو من اليوم
سالمة:اها
مرام:شنو اها طمنيني اتخوف ولا عادية
سالمة:شنو هذي
مرام:تي افهمي يااحمارة نحكي عاللي بيصير اليوم
سالمة:مش عارفه
مرام:شن اللي مش عارفه ماعساس اجوزتي قبلي
سالمة:اه وين نندري علي حسب
مرام بخوف:شكلها اتخوف ياريت ماسألتك
بعد اشوي خش حسام اللي كاين باين عليه الفرح وبعدها خدا مرام وسلمو علي هلهم وطلعو برا وهما طالعين جاهم هيثم
حظن مرام زيين وادموعه نزلو الاول مرة وقعد ايحاول ماايخليش مرام اتشوفهن
هيثم:رد بالك منها راه مازال اصغيرة
حسام:في عيوني ياهيثم
مرام تبكي
هيثم يمسحلها في ادموعها:خلاص عاد مش هذا اللي تبيه
مرام طبست راسها وتحشمت
هيثم ابتسم:حسام الدموع هذينا لو ينزلن منها في يوم بسببك انزعلك راه
حسام:مستحيل انزعلها
هيثثم;وانتي مرومة هذا راجلك ولازم تسمعي كلامة لو في يوم ايجي وايقول عاندتني في حاجة احسابك امعايا
مرام:حاظر
وبعدين ركبو مرام وحسام في السيارة وطلعو الحوشهم
"""
نبيل جا خدا سالمة من القاعة وروح بيها للفيلا ورقو فوق
سالمة سلحت عبايتها وخمارها وكانت لابسة(فستان توب اسود ودايرة مكياج حلو وتسريحة) ونبيل شافها بيهم وقعد قلبه ايدق بسرعه وقمعز عالسرير وقعد ايشوفلها وهي اتفك في تسريحتها ونسيت فستانها بكل وان نبيل بسببه شعوره حيتحرك
نبيل:احكيلي شن جو الفرح وشن صار فيه
سالمة;ايهبل بكل ومرومة طلعت اتهبل وتمت تحكيله عالفرح وانها انسجمت وانها فرحانه الصاحبتها ونسيت روحها وهيا اتخرف
نبيل ايشوفلها وهو ذايب عالاخر:راه ادوخ وتقلبها فيلم هندي زيك
سالمة لفت شوره وتضحك:لا مرام ميته اتكون مع حسام احتمال هو ايدوخ وهي لا
نبيل صبى وقرب منها وكرها شوره وحاوطها بيديه:وانتي مش ميته اتكوني امعايا
سالمة تبلع في ريقها:نبيل كنك
نبيل ايشوف العيونها:مش عارفه شن درتي فيا انتي
سالمة:نبيل خلاص بعد
نبيل ايشوف الشفايفها وايعظ علي شفايفة;اتهبلي سومة اتهبلي بكل بالفستان هذا ومعش عندك وين تهربي مني وقعد ايقرب منها
سالمة قعد ترعش وخلاص بين ايديه ومافيش وين تهرب
نبيل باسها علي خدها وبعد عليها
نبيل يضحك:انبصر امعاك ياخوافة 😂
سالمة ضرباته علي كتفه:ياصامط
نبيل:مااتخافي مازلنا علي اتفاقنا ومش حنقرب منك لين اتحبني
سالمة ابتسمت😊وخذت دبشها وخشت للحمام ودوشت وطلعت لقت نبيل مولع بلستيشن ويرجى فيها
نبيل:هيا نلعبو سومتي
سالمة;انمشط اشعري وانجيك
نبيل بخبث:انجي انمشطه لكي انا
سالمة:لالا خليك متريح بس
نبيل يضحك:مش دايرلك شي بلا خوف
سالمة:خلاص كملت وجت قمعزت وبدو يلعبو
"""
مرام دوشت وبعدها صلت هيا وحسام وتعشو وقمعزو يتفرجو
حسام:مرومة كنك مبعدة قربي جنبي
مرام;لا هنا تمام
حسام قرب منها:مرومة خايفة مني حبي
مرام:لا
حسام قعد يلعب بشعراتها:عارفك خايفة بس حبيبي انا راجلك وحلالك مااتخافي وفوق هدا كله انموت فيك
وقعد ايخرفلها وايتغزل فيها وايقرب منها اشوي بشوي لين مرام بطلت خوف منه وتريحتله وبدا حسام في حركاته وبعدين شالها وخشو الدارهم والباقي طبعا مششششششفر 😂😂
"""
صهيب في داره وايفكر كيف يتلاقه بنرمين مرة اخرى وكيف ايخليها اتحبه وخلال تفكيره جت في باله فكرة سمحة ودغري طلع من داره ولقى باته وامه مازال يتفرجو عالتلفزيون
صهيب:خير ياحاج
بات سالمة:شكله عندك طلب
ام سالمة:اكيدة من بدري قاعدين بروحنا جيته هدي فيها ان
صهيب:حرام عليكم ديما ضالميني انا جاي انقوللكم فكرة سمحة اتغيرلكم جوكم
بات سالمة:وشن فكرتك يابو الافكار
صهيب:شن رايك نعزمو سالمة ونبيل وهل نبيل عالمصيف امتاعنا
ام سالمة:وشن خطرها عليك في هالوقت
صهيب:شي غير مش نحنا نبو نعزمو سومة خلونا نعزموها وتدهور وهل نبيل مش برانيين علينا فقلت بدال مانمشو بروحنا حتى هما انكلموهم وانغيرو جو كلنا والايام هذينا وقت حمو ووقت بحر
ام سالمة:انا الفكرة عجبتني وانا بروحي من جيزة سومة وانا مكسده بروحي حتى مع من انخرف ماعندي شن قلت انت ياحاج
بات سالمة:الفكرة اكويسة وانا ماعندي مشكله بكرة انرن علي بو نبيل ونحكيله وكان وافق نمشو كلنا
صهيب:لنقني اصلي شفتوني بعد انفكر
ام سالمة:هابا منك امدرعنك شن وراك لكن توا نعرفوها
صهيب:ماورايا شي غير مرايف علي سومة وغادي تقيدت معش عرفت نمشي
ام سالمة:ماشي ياصهيب مصيري عارفه
صهيب يضحك:باهي بعد تعرفي قوليلي 😂وطلع من جنبهم وهو فرحان ويدعي انشاءلله اهل نبيل ايوافقو
ويقدر ايشوف ويحكي مع ام السان
#يتبع
زعما هل نبيل ايوافقو عالمشية امعاهم ولو وافقو شن حيصير في المصيف بين العشاق الاربعة كله حنعرفوه في الحلقة الجاية 😊
طولتلكم الحلقة واسفة لو فيه اخطاء في الأسماء وأگيد رأيكم ايهمني 😉
گـتـابـتـي Koka Saleh 😊
منقولة💖
