#نـصـيـبـي_فـيـك
الـحـلـقـة الـثـانـيـة والـعـشـرون
بعد حوالي ساعة جا بات نبيل وامعاه عمتهم انتصار وخلونا انتعرفو عليها اشوي(عمتهم انتصار اصغر من بات نبيل وكانت مهندسة اتجوزت دكتور مخ واعصاب وكان كبير في العمر جابت منه بنتين وبعدها توفى بعد ماتوفى بكم سنة قررت تمشي اتكمل دراستها في امريكا وخوها ماعارضهش وبعد كملت دراستها جنها فرص عمل غادي وانسجمت وقعدت في امريكا البنتين الكبيرة اسمها بيسان وكانت اصغر من نبيل بسنة وكانت تجمعها صداقة قوية بنبيل وقبل ماتمشي الامريكا اكتشفت ان نبيل الها اكثر من صديق وانها اتحبه حكت الكلام هذا النهى وعطتها رسالة عساس تعطيها له لكن نهى خافت علي مشاعر خوها وخاصتا ان بيسان مطوله مااتروح ماحكتهش له ولما مشو الامريكا كان عمرها 17 سنة
اما بسنت كانت من عمر نرمين ولما مشت الامريكا كان عمرها 12سنة)
وصلو والكل سلمو عليهم بيسان اول ماشافت نبيل جت سلمت عليه بالاحظان نبيل معش عرف كيف يتصرف طبعا الكل حسوه شي عادي لان كانت تجمعهم صداقة قوية يعني زي الخوت الا سالمة قعدت مصدومة من اللقطة نبيل شاف السالمة ولقاها اتبحت فيهم زين جا جيهتها
نبيل:كنك سومة اتبحتي زين شن فيه
سالمة:لا شي
نبيل بخبث:غرتي
سالمة:لا بس استغربت من الجراءة
نبيل:مش جراءة بس معتبرتني زي خوها هذي حدها
سالمة:اها ممكن
وهدرزو امعاهم وخوات نبيل فرحن ببنات عمتهم لان كانو متقربين منهم واجد قبل ماايسافرن
"
الكل مقمعزين ايهدرزو
انتصار:وين كنتك ياام نبيل
ام نبيل:اهي كنتي السمحة
بيسان:يعني انتي مرات نبيل
سالمة ابتسمت:اها انا
بيسان:اها اصلا وين نبولتي يانهى
الكل بحتو فيها زين
نهى:اها قصدك نبيل اكيدة مع صهيب
مع جيت صهيب ونبيل:السلام عليكم
الكل:وعليكم السلام
بيسان صبت تجري ومسكت يد نبيل:نبولتي هيا نمشو انعومو مع بعضنا
نبيل بحت في سالمة اللي كانت مبلمة عيونها فيهم
نبيل سحب يده منها:هيا يابنات نمشو كلنا
صبن البنات الا سالمة مقمعزة وماتحركتش
نبيل:سومة هيا نمشو
سالمة شافت البيسان اللي كانت بتاكلها بعيونها:حاظر
ومشو الشباب كلهم للبحر وسيبو الكبار في الشاليه
بسنت:نرمين من الشاب الحلو هذا😍
نرمين مصدومة:اي واحد
بسنت:نبيل نعرفه نحكي اللاخر
نرمين:تقصدي صهيب هذا خو سومة
بسنت:ايهبل😍
نرمين:مافيش شي حلو زي كل الشباب وبعدين انتي المفروض ماتحكي هكي في امريكا فيه احلى منه بواجد
بسنت:بالعكس هذا ايهبل يفرق عالشباب في امريكا اتحسيه راجل
نرمين:اها مالاحظت هالشي
بسنت وعيونها علي صهيب:بس انا لاحظت
وصلو للبحر وبيسان ماسيبتش نبيل بكل وقاعدة جنبه ونبيل ايحاول يبتعد منها بس مافيش فايدة ووبيخشو ايعومو نبيل وصهيب حولو تشيرتاتهم (الماليات)
بيسان:وااااو نبيل جسمك ايهبل
سالمة مصدومة واتبحت زين
اما بسنت فذابت في صهيب عالاخر
خشو ايعومو بيسان جنب نبيل وامعاه سومة ونهى ونسمة وصهيب جنبه بسنت وبدت تفتح امعاه مواضيع واتهدرز امعاه
نرمين ماخشتش وقعدة عالشط اتشوف فيهم وحست بشي اول مرة اتحسه حست بقلبها ايدق بسرعه
بسنت:صهيب شن رايك انديرو سباق
صهيب:تعرفي اتعومي اكويس ولا ايسرلك زي وسكت
بسنت:لا نعرف انعوم
صهيب:تمام هيا
وبدو في السباق وهما يسابقو بسنت اشنز كراعها في المية صهيب شالها بين ايديه وطلعها برا وهيا لافة ايديها ورا رقبته واول ماشافتهم نرمين هكي ولعت نار في قلبها صهيب حطها عالشط وقعد ايشوف الكراعها
صهيب:شن اكويسة توا
بسنت:اها نقعد هنا اشوية وحنقعد اكويسه
صهيب:باهي تمام
نرمين قلبها انحرق ومافهمت السبب وجت بتخش للبحر صهيب مسكها من يدها
نرمين:حول يدك توا ايشوفونا
صهيب فك يده:راك اديري زي امس
نرمين:مادخلكش بيا وعدت
صهيب:ان شاءلله حتى تغرقي مادخلني بيك وخذا التيشرت امتاعه وعدى شور الشاليه ولحقاته بسنت
طلعو الباقي من البحر وبيمشو للشاليه
بيسان جت قدام نبيل ومسكت ايديه لثنين وقربت منه زين:نبولتي خليهم هما يمشو وانا وانت نقعدو هنا انا مرايفتلك واجد وبنحكيلك كلام واجد
سالمة اتشوف النبيل زين وعدت وسيباته نبيل فك ايدين بيسان من ايديه وبعدها عنه ولحق سومة
نهي:بيسان شنو الحركات هدينا
بيسان:شن درت عادي انتي اكثر وحدة عارفة نبولتي بالنسبة ليا شنو زمان
نهى:زمان بس توا الوضع يفرق نبيل متجوز
بيسان:يعني قصدك هو ايحبها
نهى:امالا عليش متجوزها
نسمة:نبيل ايحب سومة واجد ولو ماخداها ماكنش اتجوز بكل
بيسان:الكلام هذا وانا ماكنت موجودة بس انا توا روحت وعارفه انا شنو النبيل
نهى:قتلك نبيل ايحب سالمة وهدا شي كلنا نعرفوه فصدقيني وجودك او عدم وجودك كله واحد فياريت يابنت عمتي اتشيلي اي شي من راسك
بيسان ماعجبها الكلام وعدت وسيبتهن
نبيل لحق سومة ومسكها قبل ماتوصل للشاليه
نبيل:مش انقولك وقفي عليش ماوقفتي
سالمة:اهو وقفت شن تبي
نبيل:زعلتي صح
سالمة:لا
نبيل:امالا عليش مشيتي بسرعه هكي
سالمة:بنخليكم علي راحتكم وتحكو الكلام الواجد
نبيل:والله انا ماعندي كلام بنقوله وانتي عارفتيني
سالمة:انا مش عارفه شي
نبيل مسك ايدين سومة:سومتي غرتي عليا
سالمة:لا مش غيرانة بس منظري قعد بايخ بكل وهي تصرف امعاك هكي
نبيل:هي بروحها شن بنديرلها انا والله معتبرها زي اختي
سالمة:انت تقدر اتوقفها عند حدها ومااتخليها ادير الحركات هدينا
نبيل:حاظر والله ياسومة نقعد انتعامل امعاها بالرسمي اهم شي ماتزعلي
سالمة:اها انا قتلك نبيش شكلي يقعد بايخ بعد نقعد انا مش موجودة امعاك ديرو اللي تبوها
نبيل:انتي شن تحكي انا والله مش في عقلي شي ياسومة لا قدامك ولا من وراك
سالمة:ماشي
نبيل:حطي في راسك حاجة وحدة انك انتي الوحيدة اللي في عقلي وقلبي وغيرك مانبيش
سالمة:اها باهي
نبيل مسك يدها;هيا نمشو للشاليه
سالمة:هيا
وصلو للشاليه كلهم نبيل وسالمة في الاول وبعدين الباقي وكان صهيب وبسنت مقمعزين ايخرفو ومنسجمين وضحك نرمين غمتلها وخشت جوا صهيب فطنلها اشوي ولحقتها بسنت
بسنت:يانا عليا ايهبل صهيب
نرمين مااتردش
بسنت:مش قتلك راجل طلع فعلا راجل بكل معنى الكلمة
نرمين بعصبية:باهي اشبعي بيه شن بنديرلكم
بسنت:كنك نرمين
نرنين:ولا شي غير راسي مصدع وبنرقد تمددت وغمضت عيونها
بسنت استغربت من تصرفها وطلعت
""
نبيل خش للمطبخ والبنات كانن فيه
نبيل جا السومة:سومة جهزيلي دبش بندوش
سالمة:حاظر انكمل اللي في يدي بس
سمعتهم بيسان
بيسان:وين شنطته انجهزله انا ادبشه نبولتي
سالمة كانت اتقطع في السلاطة عزقت الموس:توا انجهزله انا دبشه راجلي وبحتت في بيسان
نبيل ابتسم وحس بقلبه ايدق من تصرف سومة ولحقها وخش وراها للدار
سالمة غامتلها واطلع في الدبش جهزاته ومداته له نبيل بيطلع وبعدين لف ورد عليها
نبيل:سومة لاحظتي انك اول مرة اتقولي راجلي
سالمة:مش انت راجلي يعني عادي انقولها
نبيل قرب منها:سومة انت اتغاري عليا
سالمة:قتلك لا بس تقهر فيا جرائتها ووقاحتها
نبيل ابتسم وقرب منها اكثر وباسها علي خدها:صدقتك وطلع سالمة ابتسمت وطلعت وراه
طبعا بيسان لحقت نبيل بعد ما لحق سالمة وراقبتهم وشافاته لما باسها انقهرت
بيسان:صار وقاحتها ماشي ياست سالمة حتشوفي
"""
في الليل الكل مقمعزين مع بعضهم وقاعدين يشوو ومنسجمين واللي كان يشوي نبيل وصهيب ايساعد فيه
بعدها صهيب قمعز وقعد ايخرف هو وبسنت وضحك وجو سمح نرمين اتحق فيهم وبتموت بنار الغيرة
بسنت:صهيب انت بينك وبين نرمين حاجة
صهيب:لا عليش تسالي
بسنت:لا بس لما حكيتلها انك عجبتني وهكي حسيتها اضايقت وعصبت عليا
صهيب:عصبت متاكدة دارت هكي
بسنت:والله الله وحتى توا من بدري اتشوفلنا بحقد
صهيب:ترا وين
بسنت:مااتبحتش توا بعد انقولك بحت
صهيب:باهي
بسنت:شوف توا
صهيب التفت جيهة نرمين وجت عينه في عينها وشاف كيف كانت اتشوفلهم بكل حقد ومقمعزة عالكرسي واتهز في كراعها من التوتر زي وكأنها قاعدة علي نار
ولما شافاته قلبت وجها فيه
صهيب غمتله منها وخذا بسنت وقعدو يتمشو
نرمين زادت انقهرت وخشت جوا
كمل نبيل الشوايات وكانت بيسان طول الوقت جنبه وهو ايحاول يتجاهلها وكلم سومة تقعد جنبه وزعو الشوايات والسلطات والكل بدو ياكلو الا نرمين قالت انها مريضة وماتبيش
كملو العشا والبنات لمن الحوسة نبيل خش للمطبخ وقال السومة ان بيمشي علي شط البحر وبعد اتكمل اتجيب عصير وتلحقه غادي عشان ايهدرزو وسومة قالتله باهي
"""
بسنت قاعدة مع صهيب برا ونرمين اتشوف فيهم من الروشن وتبكي ومقهورة عالاخر
سالمة والبنات كملن وطلعن وقعدن ايهدرزن مع الكبار برا ونست نبيل لكن بيسان مانسيتش ومشتله
بيسان جت من وراه وغ
سالمة والبنات كملن وطلعن وقعدن ايهدرزن مع الكبار برا ونست نبيل لكن بيسان مانسيتش ومشتله
بيسان جت من وراه وغمضلته عيونه
نبيل;سومة جيتي
بيسان:لا مش سومة بسومة وجت قمعزت جنبه
نبيل:اها اصلا نرجى في سومة قلتلها بعد اتكملي تلحقني هنا
بيسان تضحك😂شكلها نساتك
نبيل:عليش نستني
بيسان:كملنا من بدري وهي قمعزت امعاهم برا واتهدرز ومنسجمة
نبيل:اها توا انرن عليها طلع فونه وقعد ايرن عليها سومة نست فونها في المطبخ وماردتش
بيسان:مااتردش عليك
نبيل:اكيد فونها مش جنبها
بيسان:اها نبيل انت اتحبها
نبيل:اكيدة وانحبها واجد اخرى
بيسان:بس انا لاحظت انها هي مااتحبك
نبيل انقهر من الكلمة:لالا بالعكس سومة اتحبني واجد
بيسان:في وحدة اتحب راجلها مسيبته هنا بروحه وهو طلب منها تلحقه والباين انها نساته لو انا مكانها من اول ماقتلي سيبت اللي في يدي ومشيت امعاك
نبيل:سومة تبيش اتسيب البنات بروحهن لان صحباتها واجد واتحبهن
بيسان:بس انت راجلها والمفروض اتحبك اكثر
نبيل سكت
"""
نهى'سومة وين نبيل
سالمة:يي انسيته نبيل عالشط وقالي جيبي عصير وتعالي انهدرزو
نهى:وفي شن ترجي مقمعزة
سالمة;انعدي انجهز العصير ونمشيله وصبت وتت العصير وطلعت
""
صهيب خاش بياخد مية من المطبخ ولقى نرمين جوا تشرب في مية لف وطلع نرمين شفاته وناداته
نرمين:صهيب
صهيب وقف:نعم
نرمين:شوفلي هنا اشوية بنحكيلك حاجة
صهيب لف:نعم شن فيه
نرمين:ليش اتعامل فيا هكي
صهيب:شي
نرمين:كيف شي انت تتجاهل فيا تمام
صهيب:بتعرفي ليش
نرمين: اها
صهيب:من السانك ومعاملتك ليا وقلتي ماعندك كرامة وانا كرامتي فوق كل شي
نرمين:يعني انت توا مش معجب بيا زي قبل
صهيب:اها
نرمين:معجب ببسنت صح
صهيب:والله حسيتها بنت اكويسة ومتواضعه مايمنعش انها عجبتني اصلا انا وهي نفس التفكير وفيها حاجات واجد القيتهن مشتركات بينا
نرمين:اها ربي ايهنيكم
صهيب:ان شاءلله وربي ايهنيك مع حبيبك
نرمين:ماعنديش حبيب
صهيب:مش قلتي عندي حبيب
نرمين:كنت نكذب
صهيب:اها تعرفي ان بسنت ماتكذبش بكل
نرمين:اها باهي اكويس
صهيب:ان شاءلله تلقي حبيب وايكون شريك حياتك
نرمين:ان شاءلله وانشاءلله حتى انت تلقى شريكة حياتك
صهيب:انا القيتها توا بعد حكينا علي بسنت حسيتها مناسبة ليا بكل ومش حنلقى احسن منها
نرمين:اها واخطبها في شن ترجى احسن مااتضيع منك
صهيب;وانتي قلتيها حنخطبها توا دبينهم كلهم ملتمين اصلا انا حكيت عليها امبدري الباتي وامي ورحبو بالفكرة وقالولي افتح الموضوع امعاهم
نرمين:ربي ايهنيك وطلعت وصهيب طلع وقمعز جنب بات نهى وعمتهم انتصار وكان بوه وامه مقمعزين وباقي البنات
صهيب:في موضوع مهم بنحكيه وباتي قالي انت كبير ومسؤال عن قراراتك وافتحه بروحك
بات نبيل:تفضل
"""
سالمة وصلت للشط وشافتهم من بعيد وهما مع بعضهم حست بنفسها ضاق عليها وسرعت في مشيتها
بيسان شافتها من بعيد وبدت في الخباثة;نبيل يعني انت اتحبها بكل
نبيل:ماقتلك اها انحبها وياريت تمشي قبل مااتجي سومة
بيسان:انا حنمشي توا بس قبل مانمشي بنقولك شي
سالمة قربت
نبيل:شنو
بيسان حطت يدها علي يد نبيل:انا انحبك وباساته علي خده
سالمة شافتهم طاحن من يدها كبابي العصير ونزلو ادموعها
نبيل لف وشافها:سومة
#يتبع
زعما سالمة شن حدير بعد اللي شافاته ونبيل شن حتكون ردت فعله وخاصة بعد ان حس واخيرا سالمة بادلاته اشوي شعور وزعما نرمين شن حيصير فيها بعد ماصهيب قرر يخطب بسنت كله حنعرفوه في حلقة بكرا 😊
اسفة لو فيه اخطاء في الاسماء وأكيد رأيكم ايهمني 😉
گـتـابـتـي Koka Saleh😊
منقولة💖
