#نـصـيـبـي_فـيـك
الـحـلـقـة الـرابـعـة والـثـلاثـون والأخـيـرة
(طبعا الحلقة حنقسمها جزأين لانها طويله وعشان تفتح عندكن كلكن وراه الحلقة هي اللي جزأين مش الرواية)
""
نبيل ولع سيارته وطلع ومشو الحوش عمه
""
ايمان رنت علي بيسان
بيسان:خيرات ياعروس
ايمان:خيرات حبيبتي شن جوك
بيسان:تمام شن جوك انتي
ايمان:تمام ها قوليلي طلعو
بيسان:اها طلعو توا اكيد قريب يوصلو
ايمان بفرحة:مش مصدقة اليوم بيكون نبيل حلالي
بيسان:لا صدقي وبكرا بتكوني عنده وفي حوشه
ايمان:حاسه قلبي بيوقف من الفرحة وهدا كله بفضلك مستحيل ننسالك اللي درتيه
بيسان:ولو ياقلبي لكي انتي احسن ماايكون للمغرورة هدي وانا هكي تريح قلبي وفرقتهم بس المهم مازال نبو مساعدتك عشان بسنت تاخد صهيب وتفرح زيك
ايمان:اكيد من عيوني واللي تطلبوها انديرها اكيد
بيسان:تمام وعدي توا ارجي جيت عريسك اكيد وصل
ايمان;صح سلام توا وسكرت
"""
نبيل وصل هو وباته الحوش عمه وخشو للمربوعه وكانت مليانة خوت ايمان وعمهم لاخر وضناه وخوال ايمان واعيالهم وجيران اهل ايمان وخالطة وعم نبيل كان عازم لان داير عشا خشو نبيل وباته وسلمو عاللي قاعدين وقمعزو واشوي وجا الشيخ وبدو يحكو
بات نبيل:ها ياخويا قول طلباتك من شروط ومهر وحق البنت
بات ايمان:والله ماعندي اشروط هي بنتي وعطيها الولدي وبالنسبة للمهر بناخد زي سنة الرسوله ربع دينار
بات نبيل:كيف ياحاج هذا حق البنت والخير واجد والحمدلله
بات ايمان:عارف وربي ايزيدكم لكن زي ماقتلك بنتي وعطيها الولدي
بات نبيل تحشم وقعد يقنع فيه ان ياخد حتى مهر بسيط
ونبيل ساكت وايبحت فيهم وخلاص
الشيخ:كان اتفقتو بنبدو في الاجراءات عشان نقرو الفاتحة
بات نبيل:خلاص ياشيخ اتفقنا ابدى
نبيل:لا ياشيخ ارجى انا عندي كلام العمي
بات ايمان:تفضل يانبيل شن بتقول
نبيل;صح ياعمي انت عتبرتني ولدك ومن يوم اللي جيتك وطلبت عطيتني من غير مااتفكر ومارديتني وتوا لارضيت تشرط لا شي وبارك الله فيك لكن بنتك مانقدر ناخدها
بات ايمان:انت شن اتقول يانبيل
نبيل:زي ماسمعت معش نبيها
بات نبيل عصب:انت شن اتقول يانبيل
أكرم خو ايمان:انت تلعب يانبيل
نبيل:لا مانلعبش بس مع احترامي لكم لكن ماايشرفني اتكون زوجتي
الكل انصدمو
قصي خو ايمان صبى ايتحزز ومسكوه الرجاله;تي حولو خلوني انكسرله اسنونه عشان معش يفتح فمه مرة اخرى
بات ايمان بصوت عالي:قصي اسكت وخلينا نفهمو شن هالكلام اللي تحكي في يانبيل
نبيل:اللي سمعته ياعمي بنتك كانت سبب في خراب زواجي الاول وفبركت خطة واتهمت مراتي في شرفها بات نبيل:انت شن اتقول
بات ايمان:اي خطة فهمنا القصة شنو
نبيل:وحكالهم كل اللي صار واللي حكاه له وليد من بدايته النهايته
بات ايمان:معقوله ايمان دارت كل هدا
نبيل:اها وظلمو انسانة بريئة وخربو زواجها واطلقت بسبتهم واتهمت بشرفها وانها خاينة زوجها
قصي ماتحمل وخش جو وقعدو يسمعو في صوت ايمان اتعيط
اكرم خوها جا يبي ايصبي وايخش ايوقف قصي بس باته امنعه وقاله خليها تستاهل
""
قصي يضرب في ايمان وايمان تبكي وضربها طريحة رباش القبور وامه وخواته ايحاولو ايبعدوه ماقدروه بعد عطاها طريحة سمحة سيبها ووجها كله دم وتبكي
ام ايمان بعصبية وادف فيه:معقوله ادير في خيتك هكي شن دارت هي
قصي:قولي شن مادرات الحقيرة جابتلنا العار
ام ايمان خافت:شن اللي صار
قصي:ادير في خطط هي والصايعة بيسان وايخربو في البيوت واطلقت مرات نبيل بسببهن وياريت اطلقت عادي الا لا دارن خطة واتهمن البنت في شرفها وبانت قدام نبيل انها اتخون فيه شوفي الحقارة وين وصلت بيهن والله مااتحشمن لكن الفرخة هدي من يوم وغادي لا اطلوع لا خشوش ولا قرايا ولاتليفون ولا نت لا شي حبس هنا وضرب وتوا انوريك المعاملة الحقيرة ياحقيرة وطلع
ام ايمان تضرب فيها:حشمتي بيا قدام الناس معقوله شن دارتلك المسكينة عشان تخربي بيتها وتاخدي راجلها """"""
نبيل تأسفو منه عمه وعيال عمه وطلع هو وباته وركبو في السيارة ومشو
بات نبيل:معقوله ايمان يطلع منها كل هدا وانا كنت انقول طيبة
نبيل:مافيش حد طيب ومازال الحقيرة بيسان والله انوريها
بات نبيل:بس انت كيف صدقت معقوله تسرع هكي
نبيل:انا شفت بعيوني ولما سومة قالت انها ماتعرف شي انا ماصدقتها انا خسرتها ياباتي مستحيل اتسامحني
بات نبيل:يعني انت بتردها توا
نبيل:اكيدة بنردها بس ان شاءلله اتسامحني عاللي درته بات نبيل:ان شاءلله وكلنا حنصبو امعاك لين اتردلك
وصلو للحوش ونزل هو وباته واول ما خشو لقو امه وخواته مقمعزين وكأنه عندهم عزا ومقمعزة امعاهم انتصار
بات نبيل:السلام عليكم
الكل:وعليكم السلام
مع نزلت بيسان من فوق تجري وجت قدامهم
بيسان فرحانة:خلاص قريتو الفاتحة واخيرا
نبيل عطاها كف نين طاحت
انتصار صبت:انت شن درت من سمحلك اتمد يدك عليها
بيسان تبكي وحاطه يدها علي خدها:انت شن تحساب روحك
نبيل;بتعرفي ياعمتي ليش ضربتها لان بنتك مش متربية وتبي من ايربيها
انتصار:احترم نفسك بنتي متربية وغصبن عنك ربي اولدك ياخويا وعلمه كيف يحكي
بات نبيل:سامحيني ياخيتي بس نبيل كلامه صح
ام نبيل وخواته كانو مصدومات من اللي صار
ام نبيل:شن صاير فهمونا
نبيل بيحكي وقفه باته
بات نبيل:اللي صار وحكالهم كل اللي داراته بيسان وايمان ووليد
انتصار انصدمت:مستحيل بيسان ادير هكي
نبيل:دارتها وخلتني انشك في زوجتي وانطلقها وخربت بينا وحرمتنا من بعضنا بنتك معبية شر لو اتوزع عالدنيا كلها بيقعد مازال عندها النص
نهى:انتي وحدة حقيرة واديريها بس ليش سومة شن دارتلك من شر عشان اديريلها تهمة زي هدي
ام نبيل:اخسارة مامعتبرينك وحدة منه اتخربي بيت اولدي الوحيد معقوله هكي
انتصار:ليش يابيسان هكي ليش
بيسان تبكي:انقهرت لما شفتهم متريحين ليش هي تلقى شخص ايحبها هكي وماايتحمل فيها شي وانا مافيش حد ايحبني وكانت مغرورة بحبه لان معيشها زي الاميرة وكل حاجة تبيها ايديرها وكانت مستحقرتني وحتى ماغارتش مني برغم كل اللي درته لانه واثقة من حبه قلت لازم نقهرها ولازم نحرق قلبها يوم اللي شفتحها طالعة من هنا وهي مكسورة تريح قلبي
نبيل:وااااو الحقد هدا كله في قلبك السومة انتي مستحيل اتكوني من البشر اكيدة شيطان قاعد بينا
بيسان تضحك زي المجنونه:هههههه اهم شي اللي نبيه درته وفي بلاد الهم هدي ودراه الكبد مش قاعدة مسيبتها لكم وطلعت وامها طلعت وراها
""
نبيل قعد مع هله ويحكو في اللي صار وبعدين صبى وقرر يمشي الهل سومة وطلع وركب في سيارته وصل للحوش ونزل ودق الباب صهيب فتح وشاف حال نبيل اللي وجه ماايتفسرش
صهيب:خير يانبيل شن فيه كنك
نبيل:نبي نحكي مع عمي ياصهيب
صهيب:باهي خش تفضل وخششه للمربوعه اشوي وجاه بات سالمة
بات سالمة سلم عليه:خير يانبيل شن فيه
نبيل:عندي كلام مهم بس مش عارف كيف نبدى فيه
صهيب:مش انت اليوم فاتحتك شن صار
نبيل:ماصارش منها لغيت كل شي
بات سالمة:تكلم يانبيل شن فيه شغلتني
نبيل:باختصار نبي انرد سومة
صهيب انصدم
بات سالمة:شن يانبيل هي لعبة يوم اطلق ويوم تبي تجوز ويوم تبي اتردها بنتي راهي مش لعبة عندك
نبيل:والله عارف ياعمي والله اللي صار غصبن عني فيه ناس خشت بينا وكانو يبو ايخربو وانا كيف الهبل صدقتهم لكن مش بيدي انا شفت بعيوني
صهيب:انت شن تحكي ومن الناس هدوما
نبيل:انا طلبت من سومة ان مانحكوش سبب الطلاق الاصلي
صهيب:يعني صح فيه سبب باهي شن هو
نبيل:يوم اللي سومة كانت هنا جيت بالصدفة والقيت وليد في الحوش وسومة حلفت ماعندها علم بس ماصدقتش لاني شفتها بعيوني واليوم عرفت كل شي
بات سالمة;شن عرفت احكي بسرعه
نبيل:حكالهم القصة اللي حكاها وليد كلها وان البنات اعترفن
صهيب عصب عالاخر وصبى ومسك نبيل من تيشرته;وانت مش عارف سومة شنو عشان اتصدق انها خاينه
نبيل:من حقك تضربني وتقتلني حتي القتل انا غبي ومغفل وكل حاجة غير نبيها اتسامحني واتردلي بس
صهيب حامق عالاخر وعطاه بوكس:اكيدة مش حتردلك ولا انا نرضى اتردلك
بات سالمة عصب بعد صهيب:تحشم علي وجك ياصهيب هذا خوك وبعدين نبيل ممكن تسرع صح في الطلاق لكن هو معذور هو شاف بعيونه واي راجل ماايتحملهش صهيب حامق:بس ياباتي
بات سالمة:مافيش بس انت خوها ومش حتصدق وحتى لما اتشوف موقف زي اللي حقة نبيل عندك ردة فعل تضربها تحبسها وتقعد ورا الموضوع لين تعرف الحق لكن هدا زوجها وموعرها عالزوج خيانة زوجته له اقل شي ايحس ان مش راجل مايقدر يضربها ولا ايدير ردة فعل عنده بس الطلاق عشان يثبت رجولته نبيل استعجل كان ممكن يحكلك ولا يحكيلي وكنه فهمنا الموضوع بس انا فاهم نبيل مايبيش يفضح ولا ايكبر ال
بات سالمة:مافيش بس انت خوها ومش حتصدق وحتى لما اتشوف موقف زي اللي حقة نبيل عندك ردة فعل تضربها تحبسها وتقعد ورا الموضوع لين تعرف الحق لكن هدا زوجها وموعرها عالزوج خيانة زوجته له اقل شي ايحس ان مش راجل مايقدر يضربها ولا ايدير ردة فعل عنده بس الطلاق عشان يثبت رجولته نبيل استعجل كان ممكن يحكلك ولا يحكيلي وكنه فهمنا الموضوع بس انا فاهم نبيل مايبيش يفضح ولا ايكبر الموضوع عشان سمعتنا وسمعة سومة لان الناس ماترحم ويكثر الكلام ومش حيصدقو بعد تطلع الحقيقة صح يانبيل انك غلطت وشكيت فيها وماعرفتها اكويس وماوثقت في تربايتنا الها لكن معذور انت شفت بعيونك لكن كبرت في عيني انك مافضحتها وخليت السبب بينكم بس مافيش راجل ايدير هكي واحد غيرك راه كبر الموضوع وخلاها تنفضح
صهيب بعد سمع الكلام هدا هدى اشوية
نبيل:انا ياعمي عارف روحي غلطت لكن والله نادم عارف ان سومة مستحيل ترضى ترجعلي
صهيب:اكيدة مستحيل اتردلك سومة انا عارفها كيف اتفكر مستحيل بعد اتهامك هدا اتردلك
نبيل:ياعمي انا غالط من ساسي الراسي بس نبيك اتخليها اتردلي ردها ليا راه انموت من دونها
بات سالمة: كان عليا انا عارفك وعارف اصلك وشفت ندمك توا وانردها لكي من توا لكن القرار مش بيدي هي اللي اتقرر ترجعلك او لا
نبيل:اسألها ياعمي بالك ترضى ترجعلي
بات سالمة:عدي ياصهيب جيب سومة عشان نسالها قدام نبيل يمكن ربي يهديها وترجع الزوجها
صهيب غامتله:باهي ياباتي وطلع
صهيب خش علي سومة وامعاها امها اللي حكتلها ان نبيل برا وصهيب قاللها يبي ايرجعك وباتي يبي يسألك قدامه
سالمة تبكي واتعيط:مانبيش قولوله مانبيش نرجعله مستحيل نقعد الواحد زيه طلعه ياصهيب طلعه برا مانبيش نسمعه طلعه ياصهيب وتبكي
نبيل يسمع فيها قعد يبكي
بات سالمة انصدم من بكاه:خلاص يانبيل انت راجل معقولة تبكي عشان بنت تي قاعدات غيرها مالحد
نبيل يبكي:ياعمي انا نبيها هي كان سومة ماردتلي انا انموت
بات سالمة:لا اتموت لاشي خليها تهدى وتنسى اللي صار وحتردلك اكيد
نبيل يبكي;عمي خليني نحكي امعاها دقيقة بس
بات سالمة وجعه نبيل:خلاص هي نمشي امعاك وانخشولها جوا وخشو علي سومة في الدار
سالمة حاظنتها امها وهي تبكي
نبيل:سومة انا اسف عارف اني غلطت بس والله كانت خطة وانا كنت ضحية زيك لما شفت بعيوني انجنيت
سالمة تبكي:انا حلفت وحكيتلك مابيت اتصدقني وصدقت اللي دارو الخطة
نبيل:خلوني انشوف بعيوني سامحيني المفروض ماصدقت بس انا مغفل
سالمة;خلاص نبيل اللي بينا انتهى انا كرهتك عدي اجوز بكرا فرحك وعيش حياتك وانساني
نبيل:سيبت كل حاجة عشانك نبيك انتي انا انحبك انتي
سالمة:انت كداب وكل حبك كدب انت طعنتني في شرفي مستحيل عاد انكون لكي لو اتكون اخر راجل في الدنيا
نبيل يبكي:سومة سامحيني شن اندير بس عشان اتسامحيني
سالمة انهارت وقعدت اتعيط:طلعوه معش بنسمعه معش بنشوفه طلعه ياصهيب انا كرهته
صهيب حظنها:اهدي سومة اهو بيطلع خلاص اسكتي
سومة تبكي بكل حرقة واتعيط لين انقطع عليها النفس
وشالوها للمستشفى ونبيل كان امعاهم
"""""
اما بيسان لمت دبشها وتبي اتسافر الامريكا
انتصار:بيسان قتلك مافيش مشي خلاص حنمشو الفيلتنا
بيسان:انا في بلاد التخلف هدي مش قاعدة
انتصار ضربتها;تحشمي هدي بلادك واصلك
بسنت تبكي:اقعدي يابيسان خلاص حنمشو الفيلتنا
بيسان:لا مانشرفش وانا مش قاعدة هنا وخذت شنطتها وبتطلع
انتصار:لو تطلعي من هنا لا بنتي ولا نعرفك
بيسان:احسن وطلعت
انتصار وبسنت اضبطن بعضهن وقعدن يبكن
""""
هل سالمة في المستشفى ونبيل كان امعاهم وكان قلبه نار علي سومة اشوي وطلع الدكتور وجو كلهم يجرو
بات سالمة:طمنا يادكتور
الدكتور:انهيار عصبي فيه شي موترها واجد
ام سالمة:تبكي وتوا اكويسة
الدكتور:اكويسة وتقدرو اتشوفوها(وزي ما شفتو الدكتور ماجاب سيرة الحمل بكل)
وخشولها كلهم واول ما شافت نبيل بدت تبكي واتعيط اخرى والدكتور طلعه ونبيل طلع وقعد برا في سيارته ويبكي علي سالمة انها كرهاته ورجاهم لين طلعت واطمن عليها من بعيد وروح للحوش وحالته حاله وحكا اللي صار الهله وطمنوه وقالوله ان بعد يومين ايخلوها اتريح اشوي ويمشو كلهم ويقنعوها اترد من جديد
""
نبيل ماوقف اتصالات ومكالمات السومة بس هي مااتردش وبعدين حطت رقمه في الحظر بس هو ماوقف اسف ورسائل لكن من دون فايدة
"""
ومرو يومين بيسان سافرت الامريكا وانتصار وبسنت لمن دبشهن وعدن الفيلتهم اللي مازال مااشطبت كلها مازال فيها حاجات ناقصات لكن اصرت تمشي لان معش عندها وجه تقعد بعد اللي صار
وهل نبيل مشو كلهم الهل سومة عشان ايردوها بس سالمة عندت وسكرت راسها ورفضت ان ترجعله بعد اتهمها في شرفها وقالت لو يقعد اخر راجل في الدنيا مش حترجعله
وطبعا قبل ماايجوه هل نبيل سومة قنعت هلها انهم ما يحكو قصة الحمل وقالتلهم اليوم بتحكي النبيل هي بروحها واتقوله ان ماتبيش ترجعله واتفهمة انها الطفل يقعد عندها وقنعتهم ان هي تقدر تقنع نبيل لكن لما هله يعرفو ويحكوله معش تقدر تقنعه وهما اقتنعو بكلامها وكان املهم لما ايجو هل نبيل حتقتنع واترد بس سومة كانت مصرة انها ماترجعش وهل نبيل روحو وخاب املهم انها ترجع وحكوها النبيل وطلع غامتله بكل
""
سومة بعد روحو خشت الدارها لقت مكالمات واجدات من مرام اتصلت بيها
مرام:خيرات سومة وينك مااترديش انشغلت عليك
سالمة غامتلها;ماكنتش جنب فوني
مرام:كنك سومة متضايقة
سالمة;من هالهم نبيل اللي مش قادرة انتخلص منه
مرام:شن صار اخرى
سالمة;توا هله كانو عندنا ومصرين انرد امعاهم
مرام;ووافقتي
سالمة:لا مستحيل انوافق انتي عارفه نبيل هاني ومستحيل انكون له مرة اخرى
مرام;بس نبيل بات البيبي وبعدين حكيتولهم علي انك حامل
سالمة:لا ومش حنحكو
مرام:انتي شن تحكي حرام اللي اديري فيه هدا نبيل باته ومن حقه يعرف وبعدين بعد حمله من حقه ايرجعك
سالمة:الحمل اللي كلكم ماسكيلي فيه انا مش حيذلني الحمل ولا حنرد عشان طفل مستحيل
مرام:يعني بتربيه بروحك وماتبيش اتقوليله بلا هبال مصيرة عارف
سالمة:لا مش حيعرف بالحمل
مرام;وكيف هدي ياشاطرة
سالمة:اصلا مش حيقعد فيه حمل عشان يعرفه
مرام بخوف:انتي شن قصدك سومة
سالمة:القيت الحل وجبت حبوب تنزيل بناخدهم ونفتك من كل هالموضوع
مرام:انتي شن تحكي سومة حرام اللي بديريه هدا
سالمة:واللي قاعد ايصير فيا مش حرام هلي وهله وهو كلهم ايزرو فيا يبوني انردله وهلي ماسكيلي في قصة الحمل وكل مرة ايهددوني بيحكو الهل نبيل
مرام:بس البيبي ولدك مش ولد نبيل بروحه حرام اتنزليه هدي نعمة من ربي
سالمة تبكي:ونعم بالله بس انا مانبيش شي من نبيل مانبيش اي حاجة اتدكرني بيه
مرام:يعني الحبوب عندك توا
سالمة:اها عندي وبناخدهم توا
مرام:حرام ياسومة اللي بديريه
سالمة تبكي:خلاص يامرام انا قررت والذنب بنشيله بروحي وقعدت تبكي وسكرت
مرام قعدت اترن عليها وسومة مااتردش بعدين قفلت فونها
#يتبع
زعما شن حيصير وسومة حتنزل البيبي وتنتهى قصة حبهم هكي كله حنعرفوه في الجزء الثاني للحلقة 34والاخيرة انتظروني ساعة اخرى وانزل الجزء الثاني للحلقة 34 لاني مازال نكتب فيه ونفس ماقلنا الحلقة طويله قسمناها جزاين مش الرواية جزأين
اسفة لو فيه لخبطة في الأسماء وأكيد رأيكم ايهمني 😉
گـتـابـتـي Koka Saleh
منقولة💖
