#نـصـيـبـي_فـيـك
الـحـلـقـة الـرابـعـة والـعـشـرون
في الطريق مروحين للفيلا وطول الطريق نرمين وصهيب وهما ايهدرزو بالرسائل لان خذا رقمها امس بعد هدرزو مع بعضهم وكانت بسنت طول الطريق بتموت من القهر لانها فهمت من ابتسامات نرمين انها تحكي مع صهيب وصلو للفيلا وكل واحد خش الداره وبسنت وبيسان خذن دار بروحهن وامهن دار بروحها ونبيل وسالمة رقو الجناحهم نبيل خش ياخد في دوش ولما طلع لقى سومة اترتب في الدبش
نبيل ايمشط في شعره:سومتي تبي حاجة مني بنطلع
سالمة:وين ماشي
نبيل:بنمشي للمعرض ليا كم يوم عليه بنراجع الحسابات وهكي واحتمال انطول
سالمة:باهي تمام وردت اترتب في الدبش
نبيل لف ايديه علي بعضهن:شن باهي هذي
سومة اتحط في عطرها عالزيانة:شن بنقولك يعني
نبيل جا حظنها من لاورة;فيش بوسه طياري
سالمة:انلا بعد اتروح
نبيل باسها علي خدها:باهي هدي تصبيرة لين انروح ومعش فيه هروب مني تمام
سالمة:باهي
نبيل:انحبك سومتي وطلع
سالمة ابتسمت وكملت الترتيب في الدار
"""
صهيب مشى للمعرض وقعد فيه للساعة 11في الليل وكانو امعاه اصحابه وبعد كمل شغله اصرو عليه يمشي يسهر امعاهم لان بعد زواحه معش سهر امعاهم بكل مشى وفي قلبه كان مش راضي عالمشية
ودز السومة رسالة مكتوب فيها(سومتي اسف حنطول اشوية بنسهر مع الجماعة ومرات انتأخر ماتنشغليش وارقدي)سالمة بعد جتها الرسالة قعدت اشوي وبعدين كسدت بروحها وطلعت اتهدرز مع البنات
قاعدين الكل ايهدرزو مع بعضهم
ام نبيل;سومة وين نبيل غريبة تأخر
سالمة:نبيل مشى للمعرض وتوا دزلي رسالة قال بيتأخر مع اصحابه
بيسان تضحك:ووواك راجل ماليش شهرين متجوز ومسيب عروسته وساهر مع اصحابه
سالمة:عادي حتى اصحابه ليهم حق انا مانمنعش منهم
نهى;نبيل كان ديما يسهر مع اصحابه بس من بعد مااتجوز وهو يمشيش بكل اليوم اول يوم بعد زواجه يمشي
بيسان:اكيدة مل منك معناها
انتصار:عيب تحشمي بيسان
ام نبيل:معقوله نبيل ايمل من سومة كان تعرفي شن دار عشان ياخدها ولو ماخدا سومة راه مااتجوز نهائي
بيسان:وشن فيها بالزايد عن البنات عادية يعني
سالمة:نفرق بشيء واحد ان نبيل ايحبني
بيسان بإستهزاء:اها
نهى:خطرها ماما بكرا اهل حسام بيجو
ام نبيل:ايأنسو وايشرفو
بيسان:نهى هدا ايميل نبيل صح
نهى:اها هو عليش تسألي
بيسان:بنبعتله اضافة
سالمة لوت بوزها
انتصار:بيسان بطلي عاد
بيسان:شن درت ماما ولد خالي وبنظيفه كفرت يعني ولا ايكون سومة عندها اعتراض
سالمة;وعليش بنعترض
بيسان;مرات غرتي مني او حاجة
سالمة:لما بنغار ماانغرش منك انتي وصبت
ام نبيل:شن فيه سومة كنك صبيتي
سالمة:نعست اعميمة بنرقد لين ايجي نبيل
ام نبيل:باهي بنيتي تصبحي علي خير
سالمة:وانتي بخير ورقت فوق
بعد اشوي رقو وراها نرمين ونسمة ونهى حتى هما بيرقدو وقعدن بيسان وبسنت بروحهم مع انتصار وام نبيل
"""
نبيل مع اصحابه وكل اشوي ايشوف للساعة
بسام:تي كنك كل اشوي اتشوف للساعة خايف من المدام😂
نبيل:مش خوف لكن تاخر الوقت بكل
بسام:وكان تاخر كنت زمان تقعد لعند الصبح
نبيل يضحك:زمان يفرق مازلتو اصغار بعد تجوزو تفهمو😂
بسام:مافيش فرق بين متجوز وعزابي اهو عادل متجوز ويسهر امعانا كل يوم للصبح
محمود:توا اتقارنلي عادل اللي متجوز تقليدي بنبيل اللي واخد الكبيدة
نبيل فنص فيه
بسام:اووو هدي جديدة انا مش عارف ان نبيل واخد عن حب يعني قصدكم حب ومش قايللنا
نبيل:لاقصة حب لاشي لكن هي قناعة وانا زمان عزابي انطول لكن توا الوضع يفرق
بسام:باهي قولي صح واخد الكبيده
نبيل:لنقنها لكبيدة ولنقنه الوقت تأخر وتوا الساعة 4اسمحولي ياشباب
محمود:خلاص عذرك امعاك روح
نبيل:تصبحو علي خير وطلع
وركب في سيارته ومشى للفيلا وطبعا بيسان كانت ساهرة ترجى فيه واول ماسمعت سيارته نزلت تجري وقمعزت عالدروج(وكانت لابسه شورت راب وكت) ودارت روحها كراعها واجعتها ومفصوعه من الدروج وتبكي نبيل خش وشافها ومابش ايديرلها اي اهتمام ورقى
بيسان علت صوتها وقعدت تبكي اكثر
نبيل خاف ان ايكون صايرلها شي رد نزل
نبيل:كنك شن فيك
بيسان تبكي:نزلت بنشرب مية والتويت رجلي وطحت وشكلها انكسرت
نبيل:لا قولي خير ترا وينها وقمعز بيشوفها وحط يده علي كراعها
بيسان:قعدت ادير في حركات اتحاول تغريه
نبيل;وين المكان اللي يوجع فيك
بيسان:اهو هنا
نبيل;وينه بزبط
بيسان اتاشر علي قلبها ورفعت وجه نبيل باطراف اصابعها:قتلك هنا
نبيل:شافلها وعرف انها تكذب:تعرفي انك مااتحشميش علي وجك والعتب مش عليك عليا اللي كنت بنساعدك ونحسابك صح طحتي
بيسان:انا مانكذبش انا انحبك وفعلا قلبي واجعني لاني انشوف فيك امعاها
نبيل:انتي كيف تفهمي انا قتلك انحب مراتي ولو سمحتي مرة ثانية معش بنشوفك قدامي حتي بالغلط لان حيكون ليا تصرف ثاني امعاك ورقي وسيبها
بيسان:ماشي يانبيل مازال ماشفت شي
""""
نبيل خش للدار لقي سومة راقدة غير ادبشه وجا جيهتها وقعد ايشوفلها وبعدها طبع بوسه علي جبينها وامتد جنبها ورقد
"""
صباح ثاني يوم سومة وعت ولقت نبيل راقد قعدت اتشوفله وهو راقد ومبتسمة نبيل فتح عيونه وشافها
نبيل ابتسم:صباح الورد
سالمة:صباح النور
نبيل:عليش كنتي اتشوفيلي
سالمة:شي بس كان شكلك حلو وانت راقد
نبيل:يعني شكلي حلو وانا راقد بس
سالمة:لالا مش وانت راقد بس حتى وانت واعي
نبيل:ناعليا منك 😍
سالمة ابتسمت;باهي قولي امتى روحت انا استنيتك للساعة 2ماجيت
نبيل:روحت الساعة4
سومة بصدمة:معقوله
نبيل:اسف سومتي عارف انها غلط والله هما اصرو عليا لان من بعد مااتجوزت معش سهرت امعاهم
سالمة:بس واجد للساعة4
نبيل:رايفتيلي
سالمة;طول ماجاني نوم
نبيل;اه ياقلبي نوعدك معش انكررها تمام حبيبي
سالمة:تمام
نبيل:خطرها سومتي بنقولك شي صار عشان ماتسمعيش وتفهمي غلط
سالمة:شنو
نبيل:امس لما روحت وحكالها اللي صار مع بيسان
سالمة لوت بوزها:انت شن قلت مش قلت معش بنحكي امعاها
نبيل:سومتي والله نحسابها مكسورة صح
سالمة:انت مادخلكش بيها المفروض مارديتلها
نبيل;والله مانحسابها تكذب قلت يقعد صايرلها شي عندنا وبكرا اتقول نبيل شافني وماعدل هدا ليش رديت سالمة زعلت:ماشي براحتك وجت بتصبي
نبيل كرها جيهته وحطها علي صدره:كنك زعلتي
سالمة:مازعلتش بنمشي نغسل
نبيل زاد حظنها:والله نوعدك لو انشوفها اتموت مرة ثانية قدامي معش انردلها
سالمة:وعدتني في المصيف وماصار شي
نبيل:صح وعدتك مانحكيش امعاها لكن قتلك نحسابها مكسورة لكن والله والله لو اتموت قدامي معش انردلها خلاص سومتي اسف والله معش انعاودها
سالمة:اكيدة
نبيل:اكيدة سومتي خلاص وعدتك
سالمة:باهي بس توا خليني انصبي عشان ننزلو
نبيل:وين ننزلو
سالمة:ننزلو نفطرو
نبيل ايشوف السومة;انلا
سالمة بدلع:شن انلا
نبيل باسها علي شفايفها ونزلها عالسرير وجا عليها:خلاص معش في هروب مني وكمل بوساته وسالمة استسلمت وفي لحظة
سالمة:نبيل
نبيل ايبوس فيها:عيونه
سالمة:بنقولك حاجة
نبيل:شنو سومتي
سالمة:ماايصرش منها اليوم
نبيل شاف السومة:ليش
سالمة حكتله في وذنه
نبيل:اها سومتي باهي خلاص عادي مرة ثانية مش طايرين
سالمة:زعليت
نبيل ابتسم:ليش نزعل هدا شي من عند ربي انت مالكي دخل
سالمة ابتسمت;باهي
نبيل باسها بوسه طياري علي شفايفها وصبى
نبيل:بنخش اندوش وبعدين ننزلو نفطرو
سومة:باهي
وخش نبيل دوش وغير دبشه وسومة دوشت ونزلو بيفطرو وبعد كملو الفطور نبيل مشى للمعرض وسومة والبنات قعدن ايجهزن الجية اهل حسام واما بسنت وبيسان كانن راقدات وبعد وعن قعدن عالنت
""
جو اهل حسام وحددو الفرح بعد اسبوعين ونسمة كانت متفقة مع خطيبها ان هي ونهى فرحهن ايكون في يوم واحد وهو موافق لان كان جاهز بس يرجى في اهل حسام ايحددو بات نبيل رفض في الاول ان ايكون فرحهن مع بعضهن بعدين اقتنع وبدو ايجهزو للفرح سومة كانت لاهية مع البنات في تحهيزات الفرح من كوافيرات التجهيز العرايس وتمشي امعاهن للسوق نبيل شافها كيف لاهية وتاعبه امعاهن معش حب يضغط عليها وعنده اهم شي اللي يبيه وصله وان سومه بدت اتحبه وكان حاب ان ماايصير شي بينهم لين سومة اتقوله انحبك هكي حيكون مرتاح اكثر
مر اسبوع في تجهيزات وجو سمح ونبيل مازال علي وعده مع سومة وبمحاولات بيسان كلهن ماقدرتش عليه وهو اصلا معش حكا امعاها ابدا
جت ايمان بنت عمهم بتقعد امعاهم لين ايجي يوم الفرح
""
البنات كلهم مقمعزين في دار نهى وايحطو في دبشها في الشناطي ونرمين ناصبتها مناحة وتبكي علي خواتها اللي بيسيبوها
سالمة جنبها واتسكت فيها:خلاص نرمين عليش تتفاولي عليهم توا
نرمين:بيعدو وايسيبوني هما الاثنين
سالمة;
نرمين:بيعدو وايسيبوني هما الاثنين
سالمة;وحتى انتي سنة اخرى وبتتحوزي انتي وصهيب واتعدي زيهم
بسنت قلبت وجها
نرمين:عارفه بس هما بيخلوني طول الوقت هذا بروحي سالمة: كيف بروحك وانا وين مشيت اهو امعاك
نرمين:وهدا اللي مصبرني
نبيل دق عالباب وخش:السلام عليكم
البنات;وعليكم السلام
نبيل;جوكم تمام
سالمة:كلنا تمام الا نرمين
نبيل:كنها ام السان
سالمة:تبكي عشان البنات بيسيبوها
نبيل:يابختهم بيفتكو من السانها
نرمين تبكي:شفتيه المغرور راجلك شن يحكي
سالمة:حرام عليك نبيل والله واجعينها صح
نبيل جا قمعز جنب نرمين:انبصر امعاك ياهبله حتى انا واجعيني انهم بيمشو بس سوا توا ولا بعدين هما بيجوزو فلازم ترضي بالشي هدا وبعدين حتى انتي اشوي اخرى وياخدك مني صهيب وعاد انتي اللي فراقك واعر ياام السان
نرمين تبكي:معش اتقول ام السان
نبيل:خلاص نرمين بطلي ادموع
نرمين تبكي مااتخليهمش يجوزو
نبيل حظنها:تعرفي ياام السان انفكر نلغي خطبتك مع صهيب
نرمين بعدت عليه:وليش ان شاءلله
نبيل يضحك:ها شفتي انتي انفجعتي وماتبينيش نلغي الخطبة كيف اتقولي مااتخليهمش يجوزو حتى هما نفس شعورك توا
نرمين سكتت
نبيل مسحلها ادموعها:خلاص عاد بلا اهبال وبطلي تبكي عشان انجيبلك بريوش بعد انجي
نرمين تمسح في دموعها:تحكي جد
نبيل:اها جد بس بشرط تسكتي
نرمين:خلاص سكتت
نبيل يضحك:شفتن طلعت تكذب بدلتكن بالبريوش
نرمين ضرباته:راه نبكي اخرى
نبيل:لالا خلاص انبصر
نبيل صبى:تبن شي من برا
البنات:شي
بسنت:انا نبي بريوش زي سومة
نبيل:حاظر توا انجيبلكن كلكن
نبيل:سومتي تبي حاجة انتي
سالمة ابتسمت:سلامتك
نبيل:باهي تعالي نبيك
سالمة:حاظر وطلعو
بيسان مقمعزة جنب ايمان:حقيرة
ايمان:شنو
بيسان:نحكي عالحقيرة سالمة
ايمان:عليش شن دارتلك
بيسان:قولي شن مادارت
ايمان:احكيلي
بيسان:تعالي نحكيلك في الدار خير شوفي هنا نرمين كيف اتشوفلنا
ايمان:باهي هيا
وصبو وطلعو ومشو الدار بيسان
ايمان قمعزت عالسرير:ها احكيلي شن صاير
بيسان بدت تحكيلها عاللي صار كله
ايمان:مش غريبة علي نبيل عارفته ايحبها واجد
بيسان;وانتي شن عرفك
ايمان;كان ماخداها راهو مات وكان يحكيلي زمان عليها
بيسان:للدرجة هدي
ايمان;واكثر والمشكلة مافيها شي ينحب
بيسان:هدا اللي قاهرني بس شكلك حتى انتي اتحبيها واجد
ايمان;واجد بكل
بيسان:شن سبب كرهك الها
ايمان:انقولك بصدق وماتحكي الحد
بيسان:اكيدة
ايمان:انا انحب نبيل من زمان وصارحته كم مرة بحبي وهو يرفض انديرو علاقة عشان ايحب هالحقيرة
بيسان:معقوله
ايمان بحزن:اها
بيسان: هي عارفه انك اتحبيه او حد اخرى عارف الشي هدا
ايمان:لا نبيل بس عارف مشاعري وانتي توا
بيسان: حلو معناها شن رايك نتحدو وانفرقوهم
ايمان:تمام بس شن تستفادو من الشي هذا
بيسان:كيف شن نستفادو
ايمان:يعني لو انتي بتفرقيهم عشان تبي نبيل انا في الحالة هذي شن بندير
بيسان تضحك;لا مااتخافيش انا مانبيش نبيل ولا نبي ناخدة واصلا انا حبيت نبيل زمان بس نبيل توا انا كارهته فما اتخافيش مني ممكن اول مارجعنا كان في عقلي بس لما شفته واتصرف امعايا هكي عشان خاطر بنت ونسى كل الصداقة اللي بينا حبيت نقهره
ايمان;معناها عليش بديري هكي
بيسان:اول شي لاني سمعتها اتقول وقحة فأنا حابة انوريها الوقحة شن تقدر ادير وثاني شي لاني اول ماشفتها ماحبيتها وبعدين شايفة روحها عليش ورافعه خشمها انا حابة انزله الها ومااتخافيش حنخلي نبيل ايسيبها وياخدك وفيك انتي اولى منها
ايمان بفرحة:باهي انا شن المطلوب مني توا
بيسان:بالنسبة التوا نبيك تحكيلي كل شي عارفتيه عليها
ايمان: تمام وبدت تحكيلها في كل شي تعرفه عن سالمة وحتى علي وليد وعلاقتها بيه وكل شي حاكيه الها نبيل
بيسان:تمام معناها توا نبيك اتقربي من سالمة واديري روحك صاحبتها وخليها تفهم منك انك كارهتيني ونبي نعرف طبيعة علاقتها مع نبيل وهل نسيت حبيها زمان او لا
ايمان:تمام
بيسان:معناها من توا امشي وخليك طول الوقت امعاها هذي فرصتك
ايمان:تمام خلاص بنمشي توا وطلعت
بيسان بخبث:هكي بدينا في الشغل الصح
"""
مرو الايام وايمان قدرت اتقرب من سومة بس مازال ماعرفت طبيعة علاقتهم
مازال عالفرح يومين وسومة ونهى وايمان مقمعزين في الحديقة وكانن مع بعضهن في السوق وسومة عاجبها فستان بكل وتحكي عليه
نهى:حتى انا عجبني حلو بكل
سالمة:مش غير كان ماناخدة مش عارف شن ايصيرلي
ايمان:بكرا امشي انتي ونبيل جيبيه
سالمة:هذي اكيدة
نهى:حيجي عليك ايهبل
مع جيت نبيل
نبيل:شنو اللي ايهبل
نهى:هذا فستان عجب سومة في محل قلتلها حيجي عليك ايهبل
نبيل:اها بتشريه يعني
سالمة:اها بكرا نمشو انجيبوه
نبيل:عليش
سالمة:كيف عليش عشان الفرح
نبيل:بس انتي مازال عروس ودبشك مازال جديد عليش بتشري
سالمة:عارفه بس انا الفستان عجبني
نبيل:بس الفلوس مش لاقيهم في الوطى عشان يقعد عندك فساتين جدد ونشرو واحد اخرى
نهى:نبيل انت شن تحكي
سالمة:وانا مانبيش فلوسك حنكلم بابا ولا صهيب ايجيبه ليا بس انا بنشريه نشريه
نبيل:مش اعناد هيا انا قلت لا
سالمة مسكت فونها:لا عناد وحنكلم صهيب توا ايجي نشريه
نبيل كر منها الفون:لا صهيب لا شي هيا كلمة وقلتها وخش
سالمة ادموعها نزلو:شفتيه
نهى:غريبة نبيل اول مرة ايدير هكي
سالمة:عطيني فونك انرن علي صهيب والله ما قاعدتله فيها
نهى:بلاش هبال سومة معقوله بتمشي وفرحنا مازال عليه يومين
سالمة:نبيل هاني ومستحيل نقعدله فيها عطيني انرن علي صهيب
نهى:عشان خاطري سومة والله تمشي نزعل بعد يكمل الفرح ازعلي منه بس توا عشاني انا صاحبتك
ايمان:معقوله تمشي توا واتخلي بيسان تشمت فيك
نهى:صح ايمان صدقت
سالمة اتفكر:عشان خاطرك بس والله نقعد بس يوم الفرح انروح من القاعة مع صهيب دغري الحوشنا
نهى;خلاص ديري اللي تبيها لكن عشاني معش تبكي اكيدة نبيل متعقد من حاجة
سالمة:متعقد علي روحه مش عليا
اشوي وخشن للدار وسالمة مابتش ترقى فوق وقررت ترقد مع نهى في دارها
جتهن بيسان بعد ما ايمان دزت كل حاجة صارت البيسان في رسالة
بيسان:اووو العروس كنها بترقد هنا
نهى:لا تبيش ترقد هنا بتسهر امعانا وبعدين بترقى الجناحها
بيسان:اها نحسابها متعاركة مع نبيل
ايمان ادير في طروح:وعليش بيتعاركو ربي ماايجيب بينهم عركة
بيسان:ان شاءلله
ايمان طلعت بترقد مع نرمين:تصبحن علي خير وطلعت
بيسان:حتى انا نعست تصبحن علي خير وطلعت حتى هيا
#يتبع
زعما عليش نبيل دار هكي وشن سبب تغيره علي سومة وهل بيسان عندها يد في الموضوع كله حنعرفو في الحلقة الجاية 😊
أسفة عالتأخير بس راه كنت برا الحوش ورحت متأخر وتوا كيف كملت الحلقة وحلقة طويلة زي ماوعدتكن 😊
أسفة لو فيه اخطاء في الأسماء وأكيد رأيكم ايهمني 😉
گـتـابـتـي Koka Saleh😊
منقولة💖
