#نـصـيـبـي_فـيـك
الـحـلـقـة الـخـامـسـة
نبيل بخوف:كنك سالمة شن صايرلك وجا شورها
سالمة;لو سمحت اطلع مافيا شي خليني بروحي
نبيل بحت في فونها اللي في يدها وشافها حاطه علي صورت وليد حس بقهر ونار في قلبه
نبيل بحزن;من حبيبك
سالمة;قعدت تبكي نبيل قمعز جنبها:صدقيني مافيش حاجة تستاهل ادموعك والله ادموعك غاليات
سالمة تبكي وفي داخلها اتقول ليش هالكلام مش من وليد وزادت في البكي
نبيل;وراس اللي غالي عليك خلاص بطلي تبكي ولو حابه احكي شن صاير امعاك تنهد وقال واعتبريني صديق ومااتخافي مني واحكي صدقيني حتريحي واجد
سالمة حست بتفاهتها بعد كلامها اللي قالاته له وهو بعد مالقاها تبكي وجعاته وقعد ايواسي فيها لو حد غيره كان قال تستاهل تريحتله وحست بقلبه الابيض وطيابته:وحكتله اللي صار امعاها وعلي معاملة وليد الها
نبيل سالمة تحكيله وكأنه تطعن فيه بموس في قلبه وفي عقله ياريت انا اللي اتحبيني هكي مستحيل نجرحك وانزل منك حتى دمعه
نبيل:للدرجة هدي اتحبيه
سالمة تبكي:واكثر
نبيل;انا عارف شعور الحب اكويس لذلك مانقدر انقولك فوتيه او هكي لاني عارف مستحيل تقدري لكن ننصحك نصيحة وحدة معش تهتمي بيه واجد حتلقيه هو يهتم بيك سالمة:يعني شن اندير
نبيل:معش اترني واجد يعني رنة وحدة ماردش خليه نين هو ايرن عليك معش ادزيله عالنت احكي امعاه اشوية وبعدين قوليله بنرقد وسكري لان الشباب لما يلقو وحدة تهتم بيهم يقعدو يتكربو لكن لما تتجاهلهم يقعدو بيموتو عليها
سالمة:انحاول لكن طبعكم غريب في حد يكره الاهتمام
نبيل يضحك;اهو تفكيرنا عوج(اكيدة استغربتو كيف نبيل ايدير هكي وينصحها كيف ادير الحبيبها عشان تسقم علاقتها امعاه بس هو في اللحظة هذي كان يبي يتقرب من سالمة باي طريقة وايحاول يسعدها حتى لو صديق اهم شي ماتقعد كارهته لان بجد لما اتحب شخص تبي تقعد اقريب منه وخلاص مهما كانت صفتك)
نبيل;شن رايك انقولك نكته
سالمة:باهي
نبيل;مرة فيه واحد حول ازحلق طاح مرتين 😂
سالمة تضحك بدموعها;😂😂😂😂
نبيل يضحك;عجباتك😂
سالمة تضحك;😂😂بكل
سالمة سكتت وبعدين قالتله:نبيل اسفة علي كلامي اللي امبدري قلته لكي
نبيل ابتسم;عادي سالمة وحتى انا اسف علي حركتي اللي درتها ماعرفتش شن صارلي
سالمة:خلاص معناها متساويين
نبيل ;واحد واحد
سالمة صبت تبي تطلع:تصبح علي خير بنرقد مشت اشوي وبعدين لفت
سالمة:شكرا لانك سمعتني بجد تريحت لما حكيت امعاك انا كنت فاهمتك غلط انت شخص طيب وتستاهل كل خير
نبيل بغرور:عارف روحي😎
سالمة نظرتله بنظره عالجنوبي وقلبت وجها 😒
نبيل:تي انبصر امعاك شكرا علي كلامي ومدحك ليا فرحت بيه من قلبي واعتبريني صديقك ولو احتجتي لأي شي ولا بتحكي انا قاعد ونسمعك في اي وقت
سالمة ابتسمت:اكيدة حنقعدو اصدقاء
نبيل بغرور;اعتبري روحك خشيتي التاريخ بصداقتي😎
سالمة تضحك;مجنون وطلعت
نبيل بحزن:مجنون بيكي لو اتحسي بيا بس😔
خشت سالمة الدار نهى وامتدت جنبها عالسرير بعد ماحكت كل اللي في قلبها وحست براحه ورقدت
اما نبيل نزل تحت للجنان وقمعز عالكرسي وقلبه مكسور وواجعه حاله وكيف ايحب سالمة للدرجة هذي وهي بنفس طريقته اتحب شخص ثاني
ايمان كانت واعية وطلعت تبي مية وسمعتهم لما كانو يحكو حست بغصة في قلبها وبكت نين فشت خاطرها علي شخص اتحبه من هي اصغيره وقلبه مع غيرها وماحسش بيها صبت من عالسرير وجت جيهة الروشن فتحاته بتنفس لانها حست بضيقة في صدرها وشافت نبيل امقمعز تحت ماحست بروحها الا هيا عنده تحت في الجنان
نبيل مصدوم;شن جابك هنا
ايمان:ماجاني نوم ونرمين رقدت جيت قلت انخرف امعاك
نبيل:اها باهي قمعزي
ايمان قمعزت:شن مسهرك
نبيل:شي انفكر وماجاني نوم
ايمان:اتفكر في سالمة
نبيل بحت فيها زين:انتي شن عرفك
ايمان;حبك الها واضح من نظراتك فاضح روحك
نبيل:للدرجة هذي باين عليا
ايمان;واكثر بس هي اتحب شخص ثاني
نبيل:شن عرفك انتي
ايمان:هيا امبدري حكتلنا عليه
نبيل:قلبي واجعني بس حبها مسيطر عليا ماقدرتش انطلعها من قلبي بكل
ايمان:سبحان الله الدنيا غريبة انا انحبك ومش قادرة انتخيل روحي مع غيرك وانت اتحب بنت ثانية ومش قادر تتخيل روحك مع غيرها وهيا اتحب شخص ثالث وحتى هو مش مهتم بيها هههه عليك دنيا
نبيل:انتي شن عرفك للشخص اللي اتحبه
ايمان:بصراحة طلعت نبي امية سمعتك وانت تحكي امعاها بس والله ماكان قصدي نسمعكم
نبيل تنهد:هذي الدنيا متلخبطة ومستحيل اتعيش فيها متريح
ايمان:صدقت
نبيل:ايمان نبيكي مااتعلقي روحك بيا خلينا اصدقاء واولاد عم وبس وحاولي اتشوفي حياتك مع غيري احسن ماتتعذبي راه عارفه الشعور هذا وعايش فيه
ايمان تنهدت:قاعدة انحاول انشاءلله نقدر
نبيل:انشاءلله خلاص خشي وارقدي لاني حتى انا نعست وبنرقد
ايمان:تصبح علي خير وخشت اشوي وخش نبيل والكل رقدو
""""
جا صباح ثاني يوم
ام نبيل والبنات وسالمة يفطرن نزل نبيل من داره متأنق ومتشيك وامكمل شيشة العطر عليه وطالع طرف 😍
نبيل:صباح الخير
الكل ردو;صباح النور
ام نبيل;ماتاخدش حتى كباية عصير يااوليدي
نبيل:انتي عارفه ياامي ماانحب نفطر اشوي اخرى وناخد قهوة من الكفي
ام نبيل:علي راحتك امغير دير بالك علي صحتك
نبيل باس علي راسها:حاظر 😊
نبيل;ها نرمين بالك سادك اوكال وهيا نمشو
نرمين شرقت في الاكل😳كح كح مدتلها امها امية شربت وبحتت النبيل:قصدك انت بتشيلني
نبيل يضحك😂كنك قبل متي
نرمين:مستغربة منك من امتى حظرتك اتشيل فيا للمدرسه
نبيل بغرور وايحط في نظاراته علي راسه:حبيتك اتنالي الشرف وتركبي امعايا في سيارتي😎
نرمين:نبيش نمشي امعاك يامغرور 😒
نبيل: باتي مش قاعد مافيش قدامك الا انا خلاص يبقى غيبي
نرمين:انغيب اليوم عندي امتحان جزئي
نبيل:وشن بنديرلك راد الله عليا ناخدك ياام السان وخلاص وبحت في سالمة حتى انتي محاظرتك بدري صح
سالمة:اها 😊
نبيل ابتسم😊كان مازلتي ماكملتي نرجاك
سالمة;لا كملت الحمدلله نمشو خير مانتأخرو
ونرمين اتبحت فيهم
نرمين:اسملا عليا ياكبدي ناس ايشرقوهم وناس يبتسمولهم ياريتك ديما عندنا ياسالمة عشان انحقو الوجه الطيب
سالمة طبست راسها وانحرجت 😊
نبيل بجدية:نرمين بلا طولت السان وهيا
طلع نبيل وطلعن نرمين وسالمة وراه
وطبعا طول الطريق نبيل ونرمين يتناقرو ويشاغبو وسالمة ميتة ضحك عليهم
نرمين;وين ماشي
نبيل;انحط سالمة في الجامعة
نرمين:لالا وقت عليا معش ايخششوني والامتحان الحصة الاولى
نبيل:فنص فيها
نرمين;مااتفنصش فيا نحكي جد ولفت علي سالمة توا انتي ترضي نقرا ونتعب وماايخششوني للامتحان وبذات الابله هذي حطتني في راسها من بداية السنة
سالمة:لا مانرضاها خلاص نبيل عادي حطها هيا قبل
نبيل:ماتتأخريش يعني
نرمين:ريت المطرشق انا اللي اختك وانا اللي نبي نتاخر ويسأل فيها
نبيل;اووووف عليك الجالطة خلاص توا انحطك انتي قبل امغير اسكتي
ومشى نبيل شور مدرسة نرمين وبيحطها هيا قبل نرمين بتنزل
نبيل:امعاكي فطور
نرمين:امعايا بس كان بتزيدني عادي 😂😂
نبيل:اه من السانك وطلع محفظته ومدلها فلوس ولف علي سالمة ومدلها فلوس
سالمة:شن هذا
نبيل:خوديهم عشان تفطري بيهم
سالمة:لا شكرا امعايا
نبيل:عارف امعاك لكن زيك زي نرمين خوذيهم
سالمة:لا والله شكرا اصلا نفطرش في الجامعة
نبيل:تي باهي خوديهم مني هالمرة وافطري
نرمين:تي خوذيهم ازيادة الخير خيرين ديري نفسي 😂
نبيل:مش اتفقنا نحنا اصدقاء خلاص عاد خوديهم مني
سالمة:خذتهم شكرا بس اول مرة واخر مرة اديرلي هكي
نبيل:حاظر😊
نرمين:كملتو ننزل 😂
نبيل يضحك:والنبي تنزلي اتفكيني من هرجتك
نزلت نرمين ونبيل وصل سالمة عالجامعة
نبيل;الساعة كم تطلعي
سالمة:عندي محاظرة وحدة الساعة 10نطلع
نبيل:تمام بعد اتكملي رني علي نهى
سالمة;تمام ونزلت
خشت سالمة واول ماخشت تلقاها العيل اللي نزل صور البنت وقعد ايهدد فيها
سالمة;حول لو سمحت من قدامي
العيل:لا مش محول وريني شن بديري مش امس بطلة وتحظري فيا
سالمة علت صوتها:قتلك حول
العيل عله صوته;شن بديري لو ماحولت بتجيبي خوتك كان عندك رجاله كلميهم توا ايجوني
سالمة:شن تحسابني خايفة منك انكلمهم لكي ودفاته وعدت
العيل بصوت عالي;قاعدلك هنا نين اتجيبيلي خوتك
سالمة مشت للقاعة ترعش وخايفة منه ولقت مرام وحكتلها القصة وخشن للمحاضرة سالمة طول المحاضرة خايفة من العيل واتفكر فيه ساعتين وكملت المحاضرة طلعن مرام وسالمة من القاعة ولقن العيل في اوجوهن وايبحت في مرام زين وايفنص فيها
سالمة:حي عليا هذا مازال هنا والمشكلة حتى صهيب مش قاعد
مرام:تعالي تقعدو عند الباب ورني علي نهى خليها اتجيك بسرعه
مشن والعي
مرام:تعالي تقعدو عند الباب ورني علي نهى خليها اتجيك بسرعه
مشن والعيل وراهن;هيا مازال نرجى في خوتك كان عندك رجالة جيبيهم ليا توا
سالمة ومرام سرعن مشيتهن ووصلن عند الباب سالمة طلعت فونها ورنت على نهى
نهى:اهلين سالمة
سالمة:اهلين قتلك انا كملت تعالو
نهى:تمام اهو حتى نبيل قاعد هنا اشوي وانجوك
سالمة:باهي نهى مااطولوش
نهى:كنك في حاجة صايرة امعاك
سالمة;لا امغير في عركة في الجامعة وخايفة بس
نهى:لا مسافة الطريق وانجو
سالمة:باهي سلام وسكرت
اشوي ومرام جاها خوها وروحت وسالمة قعدة بروحها ترجى فيهم وخايفة وحستهم طولو رنت علي نهى
سالمة:ايوا نهى وينكم
نهى:خلاص اقريب من الجامعة غير الدنيا زحمه
سالمة:باهي بسرعة
نهى حست ان فيه شي:كنك في حاجة صايرة امعاك
سالمة;لالا غير بنروح
نهى:خلاص اهو قريب منك وسكرت
نبيل;كنها فيه حاجة صايرة
نهى:مش عارفه حسيت من صوتها فيه شي بس امبدري قالت فيه عركة في الجامعة ممكن خايفة
نبيل:خلاص اهو وصلنا
رنت نهى علي سالمة وقالتلها اطلعي
سالمة جت بتطلع ووقفها العيل ومسكها من يدها
العيل:وين ماشية مش قتلك جيبيلي خوتك
سالمة فكت يدها منه:حول من قدامي احسنلك
العيل قرب منها بتحدي:شن بديريلي يعني 😡
سالمة خافت:ياما نقدر اندير انت مش عارفني
نهى حست بسالمة طولت وقعدت اترن عليها وسالمة مااتردش
نهى بخوف: مااتردش اكيدة فيه شي صاير وبعدين اذكرت العيل اللي ايهدد في سالمة امس
نهى: حي يانبيل هذا اكيدة العيل اللي حظراته في القروب ايهدد فيها
نبيل:اي عيل
نهي;اكيدة حيديرلها شي
نبيل ماتحمل نزل بسرعة غريبة للجامعة وهو خايف علي سالمة ايكون صايرلها شي
الدنيا ملتمة عليهم في الجامعة وماحدش حاول يدخل
العيل:وين الرجالة خوتك جيبيهم ليا توا
سالمة:ماانكلمش خوتي عشان واحد زيك
العيل قرب من سالة:يعني مش جايبتيهم معناها ناخد حقي منك انتي ورفع يده بيضرب سالمة وسالمة غطت وجها بيدها
هو رفعها بيضرب ومسكله يده نبيل وعطاه بوكس نين طاح لوطة
نبيل طبس عليه:انت مش راجل اتمد يدك عليها لو انك راجل راك دورت الرجالة وسيبه
نبيل جا السالمة وهي تبكي;انتي اكويسة
سالمة:اها بنمشي بس
العيل صبى وجا شور نبيل ردله البوكس
نبيل هجم عليه وبدا فيه ضرب فش غله فيه والناس اتحز ماقدرو ايفكوه نبيل مافيه مكان ماضرب العيل فيه
فكوه منه بالغصب
نبيل:اسمعني مرة ثانية انشوفك مقرب منها والله نقتلك
وخذا سالمة من يدها وطلع من الجامعة وركبو في السيارة وسالمة تبكي وحالتها حاله ونبيل كان خشمه ينزف
#يتبع
هل الموقف اللي داره نبيل مع سالة حيفير نظرتها له ولا حبها الوليد مسيطر عليها حنعرفوها في حلقة الجاية 😊
اسفة لو فيه اخطاء في الأسماء ولو فيه اي حد من الفانز من الغرب ومافهمش حاجة يسألني في اي وقت 😊😍
اسفة عا التأخير بي تنزيل عندنا ضيوف 😊
گـتـابـتـي Koka Saleh😉
منقولة💖
