#نـصـيـبـي_فـيـك
الـحـلـقـة الـسـابـعـة والـعـشـرون
سومة في دارها تبكي ومنهارة رن فونها مشت تجري اتشوفه علي أمل ايكون نبيل لانها عارفه ان يتحملش ايزعلها وزادت انقهرت لما لقت اللي ايرن مش نبيل وكانت مرام ردت عليها
مرام;خيرات سومة
سالمة بصوت مخنوق من البكا:اهلا مرام
مرام بخوف;سومه كنه صوتك
سالمة تبكي:نبيل زعل مني
مرام:اكيدة عشان وليد هالبارد شن صار هالمرة
سالمة:اها خش وانا كنت نسمع في اغنيه قهرتني كانت كل كلمة فيها تحكي عليه ماقدرتش انتحمل وقعدت نبكي نبيل سمعها وشافني وعصب بكل وقعد يحكيلي في كلام قهرني بيه
مرام:شن قالك
سالمة:وجعاته ان نبكي علي وليد وانا مراته وقالي ان دار كل شي عشان انحبه وان ذنبه حبني من كل قلبه وان تحمل كل شي مني تحمل اني انفكر في وليد وانا امعاه وكان كله علي حساب مشاعري
مرام:صدق حرام عليك كل اللي داره عشانك وانتي مش حاسه بيه نبيل تحمل عشانك واجد لازم تفهمي مافيش راجل ايدير اللي داره نبيل حطيها في عقلك هدي
سالمة تبكي:والله عارفه
مرام:انتي مش عارفه شي وسي وليد اللي تبكي عليه مش معبرك ولا مدورك
سالمة تبكي:عارفه الشي هدا ونبيل والله ماكان قصدي انزعله والله كنت طول الفترة اللي فاتت شايله وليد من راسي وبديت انتقرب من نبيل بس لما شفته تلخبطن مشاعري وقعدت عايشة بين ماضي وحاظر
مرام:باهي انتي عليش تبكي بزبط فهميني
سالمة:عشان زعلت نبيل وانا ماكان قصدي انزعله هو فهمني غلط وماعطانيش فرصه انفهمه او حتى نعتذرله
مرام:كيف فهمك غلط وانتي تبكي علي وليد
سالمة:انا ماكنت نبكي علي وليد بس اثرن فيا كلمات الاغنية والله الله انا كنت مقررة اني نرجاه لين ايروح اليوم وكنت بنحكي امعاه وانقوله ان وليد خلاص طلع من حياتي وتوا مافيش اي مشاعر تجاهه لا حب ولا كره بس تاثرت اشوية لما شفته
مرام:انتي متأكدة من كلامك هدا سومة
سالمة:اها متأكدة وشوفتي الوليد فاددتني واجد وهي اللي خلتني انحدد شن نبي ورتني الطريق اللي نمشي فيها وفعلا انا توا من كل قلبي بنكمل مع نبيل وكنت بنحكيله الكلام هذا لما ايروح بس توا خلاص انتهى كل شي
مرام:ماانتهش شي واللي كنتي بتحكيه احكيه له
سالمة:نبيل الباين ان قرر ننفصلو
مرام بصدمة;شنو هو قالها لكي
سالمة:لما تاسفتله قالي معش نقدر انسامحك ولا انتحملك أكثر ولما سالته شن قصدك قالي تفهمي بعدين خلاص نبيل مستحيل عاد ايسامحني انا زودتها عليه وامعاه الحق وخلاص اكيد قرر ان ننفصلو
مرام:لا مستحيل نبيل ايدير هكي ممكن حامق بس
سالمة:انتي ماشفتيش كيف كان يحكي والدوة اللي حكاها اول مرة يحكيها ليا طريقته وصوته نبيل كرهني خلاص وقعدت تبكي
مرام:خلاص سومة اسكتي وانا متاكدة نبيل ايحبك ومستحيل يكرهك وسعي بالك وارجيه ايروح في الليل واعتذري منه واحكيله الكلام اللي حكيتيه توا واكيدة حيسامحك انا متاكدة
سالمة مازال تبكي
وقعدة مرام تحكيلها واتحاول اتخفف عليها اشوي
"""
نبيل ضاقت بيه الدنيا وكان حامق بكل والنار في قلبه واجعته روحه وحبه السومة اللي ماقدرتش اصلا ومالقش روحه اللي علي شط البحر ومقمعز في سيارته
""'
ايمان جابها باتها الفيلا هل نبيل وخشت سلمت عليهم وبعدين دزتلها بيسان رساله انها تلحقها في دارها من غير ماحد يفطنلها ايمان هدرزت امعاهم اشوي وبعد مالقت الكل كل واحد لاهي في حاجة رقت الدار بيسان وخشت
بيسان:باهي اللي جيتي
ايمان:استنيت نين كلهم يلهو
بيسان:المهم مش هذا موضوعنا
ايمان:احكيلي مافهمت منك شي في الفون
بيسان:هذوما العشاق اللي فوق الباين متعاركين
ايمان:باهي
بيسان:شن باهي كنك مسكرة راسك هكي معناها الفرصة جت لعندنا من غير مانتعبو وتوا المفروض ندخلو عشان نقدرو انفرقوهم
ايمان:وباهي شن نقدرو انديرو
بيسان:حديري اللي انقولك عليه بالحرف
ايمان:باهي
بيسان:توا اول شيء لازم نعرفو ليش تعاركو وشن السبب
ايمان:وكيف نعرفو
بيسان:وووه عليا منك افهمي يابنتي توا لازم اترني علي نبيل بحجة انك تبي تطمني عليه
ايمان:بس نبيل من اول مااجوز لا ايرد علي مكالماتي لا رسائلي
بيسان:توا انتي مش قلتي ان قبل مايجوز كان ايهدرز امعاك ويحكيلك علي سالمة وكيف ايحبها وهي اتحب غيره وايفضفضلك
ايمان:اها بس من قبل لكن توا مستحيل ايرد
بيسان:لا لا انا متاكدة ان حيرد لان اكيدة حامق وخاطرة يحكي الحد وايفضي عاللي في خاطره وبالذات انتي لان كان يحكيلك يعني متريحلك
ايمان:صح معناها خلينا انجربو ومسكت فونها وحطت علي رقم نبيل ورنت عليه
""
نبيل في سيارته والدنيا ضايقه بيه ومش عارف كيف يتصرف رن فونه شافه ولقاها ايمان صمته وفاته فصلت وعاودت ايمان اترن مرة اخرى وفصل وعاودة مرة ثالثة نبيل حس ان فعلا محتاط الحد ايحس بيه وايمان اكثر وحدة حاسة بشعوره فرد عليها
ايمان:اهلا نبيل(وطبعا كانت معلقة سماعات وكانت سماعة في وذنها والثانية في وذن بيسان)
نبيل:اهلين ايمان
ايمان:شن اخبارك
نبيل تنهد:الحمدلله شن اخبارك انتي
ايمان:الحمدلله اكويسه
نبيل قعد ساكت
ايمان:نبيل حسيت من تنهيدتك ان فيه شي صاير امعاك
نبيل:شن عرفك
ايمان:انا نعرفك من صوتك لما اتكون متضايق او فرحان وتوا شكلك متضايق بكل من شي
نبيل:الحمدلله علي كل حال
ايمان:تقدر تحكيلي زي زمان مستعده نسمعك انت كنت اتريح لما تحكيلي
نبيل: اه شن بنحكي لا نحكي
ايمان:احكيلي اللي مضايقك
نبيل:اللي مضايقني ماينحكش لان شي يقهر
ايمان:سببه سالمة صح
نبيل:هي سبب اللي انا فيه توا اصلا هي الوحيدة اللي بسببها نزعل أو نفرح
ايمان:شن دارت
نبيل:سومة قهرتني وجرحتني برغم كل شي اندير فيه عشانها مازال ماحبتني لعند توا
ايمان:معقوله
نبيل;معش عرفت شن اندير خلاص كل شي ايقربها مني درته بس ماقدرت نملك قلبها
ايمان:تعرف انت المفروض تنحب من غير مااتحاول انك اتخلي حد ايحبك لكن هي مش حاسة بالنعمة اللي هي فيها
نبيل سكت
بيسان اتوشوشلها في وذنها تبيها تعرف سبب العركة
ايمان:باهي انتو شن سبب المشكله بينكم
نبيل:السبب كبير وماينغفر ولا يتسامح عليه لأني راجل وانا تنازلت واجد عشان حبها بس توا خلاص معش نقدر انتنازل أكثر من هكي
ايمان:شكله موضوع كبير
نبيل:أكبر ماتصوري
ايمان:احكيلي السبب ممكن انت عاطي الموضوع أكبر من حجمه
نبيل:لا هو كبير بجد وانا مش حاب نحكي فيه
ايمان ماقدرت تضغط عليه لانها حست ان مايبيش يحكي وخافت تضغط عليه ايسكر
ايمان:يعني قررت تنفصل عنها
نبيل تنهد:الباين ان هذا أحسن حل
ايمان طارت من الفرحة بس بيسان قالتلها ديري روحك حزنتي عليه
ايمان:حرام بس انت اتحبها بصدق
نبيل:حبي انا بروحي ماينفع وهي مابادلتني نفس الشعور انا تعبت من الحب من طرف واحد قلبي موجوع بكل تحملت علي خاطرها واجد بس هي ماقدرت الشي هذا
ايمان:ماعنديش ماانقولك الا ربي ايريح قلبك
نبيل:ان شاءلله المهم توا بنسكر عندي مشوار مهم بنديره
ايمان:تمام ولو حسيت روحك متضايق وحاب تحكي انا نسمعك في اي وقت
نبيل:تمام وشكرا ايمان
ايمان:العفو ولو وسكرت
ايمان بفرحة صبت:يبي ايطلقها واخيرا
بيسان:ماتفرحيش واجد هذا ايرد في قراره في اي وقت
ايمان:نبيل عمره ماتخلى عن حبه الها حتى لما كانت مخطوبة الغيره كان متمسك بيها بس توا سمعتي كلامه
بيسان:حتى ولو لازم ناخدو احتياطنا وانديرو الخطة الثانية
ايمان:اللي هي شنو
بيسان:قمعزي وتوا نحكيلك عليها
ايمان قمعزت وبدت بيسان تحكيلها عالخطة
"""
نهى مقمعزة عالكنبة وحاطه راسها علي صدر علي وهو لاف يده عليها ويتفرجو عالتلفزيون
علي:اتصدقي حبيبي حاس روحي نحلم
نهى:عليش تحلم
علي:حبيتك من زمان وطول عمري نحلم بيك امعايا
نهى:وليش مااعترفتلي بحبك
علي:كنت مازال مش واتي وخفت انعلقك امعايا وماكنت جاهز ماديا علي فتح حوش بس كنت ديما ندعي اتكوني حلالي
نهى:وربي استجاب الدعانا لاني حتى انا كنت ديما ندعي اتكون ليا لاني حبيتك من زمان بس ماعمري اتجرات نحكيلك وقلت ممكن مش حاس شي تجاهي واحتفظت بمشاعري النفسي
علي:نحنا الاثنين كتمنا حبنا وربي بس كان عالم بيه وجمعنا مع بعضنا
نهى:الحمدلله انا بعد خذيتك معش نبي شي من الدنيا
علي:بس انا مازال نبي
نهى;وشن تبي
نبيل:نبي بيبي منك وايكون شبهك
نهى ابتسمت:يارب ان شاءلله
""
نرمين في دارها ممتدة علي سريرها وتلعب بشعرها وتحكي مع صهيب
نرمين قمعزت وفنصت عيونها:خمسة تحكي جد
صهيب:غير ردي ارقدي كيف ماكنتي وماتنفجعي
نرمين:بسم الله الكريم بس بنعرف من وين اتشوف فيا
صهيب يضحك:تقدري اتقولي دايرلك سحر نعرف بيه كل تحركاتك
نرمين:من جدك انت
صهيب يضحك:يابختي قلنا حافظ حركاتك
نرمين:بختك
صهيب يضحك:يابختي قلنا حافظ حركاتك
نرمين:بختك
صهيب:احلى بخت😍
نرمين ابتسمت:بس خمسة واجد
صهيب:حبي انساعدك فيهم وخطرها نبي البنات يشبهلك والسانهن زيك عارف اني انا حنتعب منك ومنهن لكن انتحملو
نرمين تضحك:والعيال زيك وحتى هما نفس السانك حي تقعد عيلتنا كلها جالطة يقدرش حد يحكي امعاهم
صهيب:عارفها انا نقعدو اي واحد انجوه ايلزنا 😂
نرمين:عادي نبوش نمشو الحد نقعدو في حوشنا
صهيب:وانتي قلتيها نقعدو في حوشنا وانتحملو نحنا هرجتهم
نرمين:تخيل وهما يجارو ويلعبو ونحنا انتناقرو جنبهم عليك جو ايضحك😂
صهيب;وووه اسكتي وسكتيهم وجعولي راسي
نرمين:والله صبي سكتهم انت مش انت باتهم
صهيب يضحك:صار سكتهم انت
وكملو دوتهم علي حياتهم النزيكة مع عيالهم 😂
""'"
جا الليل وسومة مانزلتش طول اليوم من دارها وماكلت شي بكل وترجى في نبيل اللي ماروحش جت الساعة 3و4وخشت5ونبيل ماجش مسكت فونها ورنت عليه لقاته مقفل كملت الليل تبكي وحست فعلا ان نبيل كرها ومعش يبيها قعدت طول الليل واعية وماجاها نوم علي امل ايروح نبيل في اي وقت لكن من غير فايدة
""
جا الصبح وسالمة ماجاها النوم ومازال واعية دق الباب ومشت تجري وفتحت علي امل ان نبيل خاب املها لما لقتها نرمين
نرمين:سومة قالتلك ماما تعالي افطري
سالمة:قوليلها تاعبة وبترقد
نرمين:معقوله من امس ماكليتي شي
سالمة:ناعسة توا بنرقد والله ماعندي نية ولا جيعانه بعد انجوع ننزل
نرمين:براحتك بس ماما حتزعل منك
نرمين:مشيها بكلمتين ومش حتزعل وقوليلها القيتها راقدة
نرمين;تمام وجت بتمشي
سالمة:نبيل ماجش صح
نرمين:لا نبيل كلم ماما من الصبح وقال ان سافر ومش عارف امتى ايروح انتي ماعندك العلم
سالمة:لا ماكلمنيش
نرمين:انتو متعاركين صح
سالمة:اها امس
نرمين:معناها هدا عليش نبيل شكله زاعل اصلا لما يزعل ايسافر
سالمة:وايطول
نرمين:علي حسب الزعله
سالمة:معناها حيطول
نرمين:شكله زاعل بكل
سالمة:بكل بكل اخرى
نرمين:مااتشيلي في بالك نبيل ايحبك وحيرد ايصالحك
سالمة:غير ايروح انا بنصالحه
نرمين معش عرفت ماتحكي بعد شافت حاله سالمة نزلت وهي ساكته وحست ان الموضوع كبير
سومة ردت السريرها التفت في الورغان ادفنت راسها في مخدتها وقعدت تبكي
""
في وقت الغدا الساعة2 تحديدا جت ام نبيل وايمان الجناح سالمة ونبيل ودقن وسومه فتحتلهن وسلمت علي ايمان لانها اصلا ماكانت عارفه بجيتها وخشن امعاها للصالة
ام نبيل:اهو ياسومة جبتلك الغدا هنا ولازم تاكلي معقوله من امس ماكليتي شي
سالمة:والله يااعميمه ماعندي نية في شي
ام نبيل:كيف ماعندك نيه لازم تاكلي معقوله هكي تمرضي
سالمة سكتت
ايمان:خلاص يااعميمة توا نقعد امعاها انا ونقنعها تاكل
ام نبيل:خلاص الله ايربحك خليها تاكل انا لازم ننزل تحت عشان انحطلهم الغدا
ايمان:خلاص اعميمة كوني هانية
طلعت ام نبيل وصلتها ايمان لعند الباب وردت علي سومه
ايمان:هيا ياسومة خلينا ناكلو مع بعضنا
سالمة:كولي انتي انا والله ماعندي رقبة تزمط
ايمان:انتي شن تحكي شفتيني وعدت اعميمه كولي علي خاطرها تعبتلك بالغدا لعند هنا ومن امس شايله همك
سالمة:عارفه ومقدرة بس والله ماعندي نية ومش جيعانه
ايمان:شن فيه سومة احكيلي كنك
وهنا سالمة ماتحملت كلمة كنك وقعدت تبكي
ايمان قعدت اتسكت فيها واتحاول اتهديها وجابتلها مية وبعد سكتت
ايمان:انتي متعاركة مع نبيل صح
سالمة:اها وهو زعل مني
ايمان:وشن سبب المشكلة
سالمة:قعدت تحكيلها اللي صار وهي تبكي
سالمة:والله هو فهمني غلط وماعطاني فرصة انفهمة وانا فعلا كنت بنراجيه ايجي في الليل عشان نحكيله ونفتح امعاه صفحة جديدة بس هو جا وشافني نبكي وفهمني غلط وقعدت تبكي
ايمان:سومة نسألك سؤال
سالمة:شنو
ايمان:انتي اتحبي نبيل
سالمة سكتت اشوي
سالمة:اها انحبه وانحبه واجد وحسيت بالشي هذا لما الاسبوع اللي فات معش شفته ولما زعل مني امس تاكدت اني انحبه وقعدت تبكي
ايمان:ووليد مازال اتحبيه
سالمة:لا ماانحبش وماانحس تجاهه شي صح لما شفته تلخبطن مشاعري بس بعدين وبعد نبيل خلاني علي راحتي ومعش شفته ومعش حكى امعايا تاكدت من مشاعري وعرفت ان وليد معش ايهمني
ايمان:نبيل أكيد حيروح وانتي تعذري منه واحكيله اللي حسيتيه
قعدت اتهدرز امعاها واتحاول اتغيرلها جوها وبعدين نزلت
"""
لما نزلت تلقتها بيسان
بيسان:ها شن صار
ايمان:في شنو
بيسان:حكيتي امعاها وفهمتي منها سبب العركة
ايمان بحزن:اها عرفت
بيسان:كنك شن فيك ليش لاوية بوزك
ايمان:وجعتني سالمة
بيسان:مايوجعك غالي كان وجعاتك وتاثرتي معناها انبطلو كل اللي انديرو فيه ومش حتاخدي نبيل
ايمان:لا كيف انا نبيه نبيل
بيسان:خلاص معناها درتي اللي قتلك عليها
ايمان:اها درتها
بيسان:تمام معناها تعالي انكملو باقي الخطة
""""
في العشية وليد خذا كل اللي جهزه امعاه والهدايا وخدا امه ومشو شور هديل دق الباب وهديل فتحت وانصدمت من مفاجئة وليد وليد اول ماشافها ابتسم 😊
#يتبع
زعما نبيل فعلا مقرر ايسيب سالمة خلاص وزعما شن ردة فعله لو سومة اعترفتله بحبها وهل حتلق اصلا تعترف ولا حينفذن خطتهن قبل ماتعترف واصلا شن هي خطتهن كله حنعرفوه في الحلقة الجاية ☺
أسفة لو فيه لخبطة في الأسماء وأكيد رأيكم ايهمني 😉
گـتـابـتـي Koka Saleh😊
منقولة💖
