#نـصـيـبـي_فـيـك
الـحـلـقـة الـثـامـنـة والـعـشـرون
وليد ايشوف الهديل ومبتسم
هديل مصبية مصدومة وامبلمة عيونها
وليد:كنك هدولي
هديل:انت عليش جيت
وليد:اليوم عيد ميلادك ودرتلك مفاجئة بس انتي لابسة ومأنقة شكلها أمي قالتلك وخربت المفاجئة
ام وليد:لا والله ماحكيتلها زي ماقتلي
وليد:هدولي كنك ماتبيش اتقولي تفضلو
هديل:اه لا شي بس عندنا ضيوف جوا
ام وليد:باهي وكان عندكم ضيوف نحنا مش برانيين عليكم
وليد بشك:كنك هديل شن صاير
هديل:لا شي بس الناس اللي جوا انتو ماتعرفوهم ايصير احراج لكم وليهم بس
وليد:لا مافيش احراج بنتعرفو عليهم
هديل:لالا ماينفعش وكانت باين عليها التوتر واصرت انهم ماايخشوش
ام وليد:خلاص اوليدي بالك اقاربهم وبيقعدو بروحهم
وليد بشك;لا بنخشو وانتعرفو عليهم وبعدها من الباب
خش جوا وكانت الشقة فاضية ومافيهش حد وامها راقدة
وليد:وين الضيوف اللي قلتي عليهم
هديل بتوتر:مازال بيجو
ام وليد ساكته لانها حست بشي غريب في الموضوع
وليد:هديل انتي فيه شي داستيه احكي شنو
هديل:شن بندس يعني مافيش شي
وليد:حاسك متوترة
هديل:لا مش متوترة عليش بنتوتر
وليد بيحكي وسمع صوت التلفزيون على فجأة في دارها
وليد;من في الدار عليش الصوت تعلى فجأة
هديل بخوف وتوتر:لا الاشارة كانت رايحة اكيد جت توا
وليد:الاشارة وين بنشوفها
هديل:لا مش داعي اكيد مش حنخليك اتخش الداري عيب
وليد ايشوف الامه وكانت اتحرك في راسها تبيه ايخش لانها فعلا شكت ان فيه شي غريب
وليد:مافيش عيب انتي مراتي وبنشوف بعدها وخش للدار وكانت الصدمة
وليد مصدوم:امجد
امجد وكان راقد في سرير هديل ومتغطي بالورغان ومن فوق مش لابس شي
امجد;وليد انت شن جابك هنا
امجد جا شورة وخنقه من رقبته;كيف شن جابني هذي شقة خطيبتي
أمجد وهو مخنوق:هديل هيا خطيبتك
وليد:معقوله انت اللي حاسبك صاحبي ادير هكي
امجد:والله ماني عارف والله نعرفها ليا سنة
وليد انصدم:انت شن تحكي
امجد وهو مش قادر يتنفس:اطلقني وانفهمك
وليد اطلقه وهو مصدوم:انت شن تعرفها
امجد:هديل معروفه من زمان وهدا شغلها وانا والله مش عارف ان هدي خطيبتك وانت مارضيت اتقول من لو هدا راه نبهتك انت عارف انك صاحبي وزي خويا
هديل جامدة في مكانها قدام الدار ومش عارفه ماتحكي وام وليد اتهزب فيها
وليد:انت منين تعرفها
امجد:عرفوني عليها شباب اصحابي يعرفوها
وليد فقد طلع يجري ومسك هديل وقعد يضرب فيها وامه اتوقف فيه وماقدرت عليه وهو زاد يضرب فيها وبهستيريا
امجد لبس ادبشه وجا يجري وقفه
وليد:خلوني نقتلها هدي ماتستحق اتعيش
ام وليد تبكي:مااتوسخ ايديك فيها
امجد:لا ياصاحبي ماتستاهل اتضيع روحك عشانها
وليد دفه لين طاح:معش اتقول صاحبي ماايشرفني نقعد صاحب واحد زيك
هديل وجها دم و تبكي:انا اسفة وليد
وليد:علي شنو اتاسفي انا اللي انتاسف الروحي علي اني حبيت وحدة رخيصة زيك
ام وليد:هيا ياوليد نطلعو من هالشقة النجسة
هديل تبكي:انا اسفة بجد انا حبيتك وكنت مقررة انتغير بس اللي ايتعود علي شي معش يقدر ايسيبه ماضيي امسخ بس والله كنت ناوية انتغير بس كنت نبي اشوي وقت
وليد:ياريت ماحبيتك
هديل تبكي:وليد لو سمحت عطيني فرصة ونوعدك انتغير انا والله حبيتك بجد
وليد:حبيتيني واضح ياانسة قصدي يامدام هديل تي نقعد مش راجل كان قعدت مع وحدة زيك وخذا امه وبيطلع وبعدين لف عليها
وليد;خطرها انتي طالق وطلع
وركب هو وامه في السيارة ومعش قدر ايتحمل وقعد يبكي
ام وليد:خلاص يااوليدي اهدى والله ماتستاهل
وليد:حبيتها ياامي حبيتها هدي المشكله
ام وليد:وهي ماتستاهل هاالحب هدي وحدة استغفر الله العظيم
وليد ايخبط عالدومان:ماكنتش متخيلها هكي ابدا
ام وليد;الحمدلله ربي طلعها علي حقيقتها قبل لا تجوزها المفروض تفرح تخيل خذيتها واكتشفت بعدين انها هكي بعد ماجابتلك اعيال شن ادير بعدها
وليد سكت وولع سيارته وطلع وكان ماشي بسرعه رهيبة وصلو للحوش ونزلت امه اما هو طلع وقال الامه بيقعد بروحه
""
سالمة في دارها وحالتها حاله ومش عارفه كيف توصل في نبيل اللي حتى النت مش فاتح ومنهارة وتبكي رن فونها مسكاته بسرعه عساس مرات نبيل لقاته صهيب ردت عليه
صهيب:خيرات سومة شن جوك
سالمة بصوت تاعب:الحمدلله اكويسه شن جوك انت
صهيب:انا اكويس بس كنه صوتك انتي مريضه
سالمة:اها شكله برد
صهيب:برد خلاص وتي روحك انجيك توا انشيلك للمستشفى
سالمة:لا مافيش داعي حنقعد اكويسه
صهيب:تي شنو تقعدي اكويسه قتلك وتي روحك وبلا اعناد
سالمة قعدت تبكي:صهيب انت عارف انا ماانحبش المستشفى
صهيب:سومة عليش تبكي توا خلاص علي راحتك
سالمة زادت تبكي
صهيب:سومة كنك شن صاير امعاك نبيل مزعلك
سالمة:لالا
صهيب:كيف لالا باهي شن قصة سفرته فجأة
سالمة:مش عارفه شكله شغل
صهيب حس سالمة تبيش تحكي:باهي خلاص سومة جهزي روحك انجي ناخدك اتكسدي عندنا اليوم
سالمة:لا مش خاطري ونبيش ماما اتشوفني وانا هكي
صهيب:باهي خلاص معناها وتي روحك نطلعو ندهورو انا وانتي ونشريلك حلو من المحل اللي تبيه وهالمرة مافيش لا
سالمة:صهيب والله ماعندي نية
صهيب:خلاص عاد عشاني جهزي روحك وانجي توا ناخدك وسكنلها
سالمة:باهي خلاص وانت سكان
صهيب:خلاص جهزي روحك انجيك توا وسكر
سالمة صبت غسلت وجها وبدت اتجهز في روحها
صهيب وصل ورن علي سومة قالتله خش للحديقه لين انجيك صهيب خش ورن علي نرمين تطلع نرمين طلعت من غير حد ايحس عليها وكانت لابسة(توته راب ومدايرة شعرها ظفيرة وماحطت شي علي وجها لانها كانت حلوة)
صهيب اول ماشافها ابتسم;نجيها الطشة
نرمين ابتسمت وخدودها انحمرو
صهيب:اول مرة نحكي حاجة مااتردي عليها
نرمين:ووه علينا نسكت مش عاجبكم نحكي مش عاجبكم وين انطير
صهيب:انا انحبك تحكي انحب السانك ياام السان
نرمين زعلت:حتى انت اتقول ام السان ولوت بوزها
صهيب:زعليتي ياسموحتي باهي شن انديرلك السانك طويل
نرمين بحتت فيه بنص عين ولوت وجها للجيه الثانية
صهيب ابتسم وقرب منها وباسها علي خدها
نرمين بصدمة:انت شن درت
صهيب:مراتي وبستها
نرمين:مراتك في عينك مازال ماقعدت مراتك
صهيب:قريب تقعدي
نرمين:شنو اللي قريب
صهيب:اليومين هدينا بيجي باتي ايحدد موعد الفاتحة والبيان
نرمين:تحكي جد
صهيب:اها خلاص انتي كملتي امتحاناتك معش فيه مانع ولا تبيش تقعدي مراتي
نرمين:لا اكيدة بنقعد
صهيب:خلاص متفقين بس هاتي بوسة ثانية قبل مااتجي سومة
نرمين:انلا بعد الفاتحة ياشاطر سلام وخشت
صهيب يضحك:باهي يانرومتي
مع طلعت سومة وطلع هو وياها
بس كان في عين اتراقب في صهيب ونرمين من فوق وهي بسنت حست بنار في قلبها وانقهرت
بسنت لفت وجها شور بيسان:بيسان انتي شن قلتي يومتها في المصيف
بيسان:شن قلت
بسنت:مش قلتي بتفرقي صهيب ونرمين ليش معش درتي شي
بيسان:ماتستعجليش قاعدة انخطط وقريب تسمعي فراق العشاق الاربعة
بسنت:مليت وانا انشوف فيها امعاه
بيسان:هانت خلاص كلها كم يوم وتنجح خطتنا
بسنت:تمام
"
صهيب شال سومة دهورها وشالها للملاهي وللمول ومشو تعشو في مطعم وخدالها الحلو اللي اتحبه وخذا بريوش وحلو النرمين وعطاهن السومة تعطيهن الها غيرلها جوها اشوي وروح بيها للفيلا سومة خشت وعطت الحاجات النرمين قعدت امعاهن اشوي وبعدين رقت فوق واول ماخشت الدارها فقدت نبيل اللي كان ديما امعاها واللي تأكدت من حبها له لانها مش قادرة تقعد في الدار بلاه واللي حست ان سببلها فراغ كبير وان هي فعلا مرايفتله توا واجد ولو ان ايجي توا كانت بتحظنه وتعترف بحبها له واتقوله قد شنو فاقدته ورايفتله
مسكت فونها وحطت علي صورهم في تركيا مع بعضهم وقعدت تتفرج وتبكي وحست ان فعلا كانت غبية انها الوقت هذا كله ماحست بحب نبيل ماعرفت انها اتحبه الا لما سيبها وعدى وخافت ان ايكون كرها ومعش حيحبها مرة ثانية كملت الليل وهي تتفرج عالصور وتبكي لحدت ماراسها وجعها من البكى ورقدت
""
جا صباح ثاني يوم وليد ناض من الصبح وعدى للمحكمة عشان ايطلق هديل بس لما روح كان منهار البنت الوحيدة اللي حبها ادير هكي فيه كان قلبه محروق وكان متمني الموت خش الداره وسكر علي روحه وماحبش يحكي مع حد
""
مرو اربع ايام علي سومة وكانو اصعب ايام في حياتها مابين حب وارياف علي حبيبت اكتشفت بعد ماسيبها انها اتحبه وخوف من ان بعد ماحباته ان ايقرر انهم ينفصلو كملت طول الاربع ايام وهي تبكي وماتاكلش الا بالغصب من ام نبيل اللي كانت طول الوقت اتجيها حاولت ام نبيل توصل في نبيل عشان تحكيله علي سومة بس ماقدرت لان نبيل مسكر كل ارقامه حتى الدوليه وحتى نت مايفتحش وجعتها حاله سومة بكل اللي كانت مكملتها بكى وخلاص
"
مكملتها بكى وخلاص
""
اليوم الخامس في الصبح وتحديدا الساعة8 سومة فتحت عيونها بعد ماحست بيد علي يدها وانصدمت لما شافت نبيل مافطنتش الروحها الا وهي حاظنته وتبكي قعدت قريب 5دقايق في حظن نبيل وزي كانهم الهم سنة ماشافو بعضهم
سومة بعدت من نبيل:انا اسفة سامحني والله ماكان قصدي وتبكي
نبيل لاحظ وجه سومة التاعب:اس خلاص من دون بكى ماانحبش انشوف ادموعك
سالمة تبكي:كنت حاسة روحي بنموت بلاك
نبيل:بعيد السو عليك ليش واجك تاعب هكي
سالمة:عشان سيتني معش اتسيبني نقدرش انعيش من دونك لاني وسكتت
نبيل:لانك شنو
سالمة تبكي:نبيل انا انحبك انحبك واجد بكل وحظناته
نبيل حاظنها:متاكده من اللي تحكي فيه
سالمة:اها زي مامتأكدة ان انا في حظنك توا والله انحبك وانموت فيك ماتصورش قد شنو فقدتك وقديش ندمت علي كل لحظة ماكنت انحبك فيها رايفت عليك وعلي صوتك وعلي كل حاجة فيك
نبيل;ووليد
سالمة;والله ماعاد انحبه ولا انحس بأي شي تجاهه شوفتي له هي بس خلتني حايرة بين حاظر وماضي بس بعدين عرفت شن نبي وعرفت روحي اني انحبك انت بذات بعد بعدت عني تاكدت من حبك وان وليد معش يعنيلي شي
نبيل بعدها منه:اكيدة سومة
سالمة:والله اكيدة انت بس في قلبي توا انت حب حياتي وليد والله معش يعنيلي اي حاجة انت هو حبيبي وراجلي ونبيك اب لعيالي
نبيل ابتسم وقرب من سومة وقعد يمسحلها في دموعها:خلاص معش تبكي اهو انا جيتك
سالمة:انت تبينا ننفصلو
نبيل:مستحيل سومة ننفصل عنك انا بس كنت متضايق اشوي وحبيت نبعد وروحت عشان معش قدرت انبعد عنك اكثر من هكي سومة انتي حب حياتي مستحيل انتخلى عليك
سالمة حظناته:نبيي انكونو زوجين حقيقين
نبيل:يعني خلاص فترة الخطبة كملت
سالمة:اها كملت بنحس اني مراتك
نبيل زاد حظنها:انحبك سومتي
سالمة:وانا انموت فيك
نبيل:اه ياقلبي ليا ثلاث اسنين نحلم بيها منك واخيرا حلمي تحقق
سالمة:انحبك انحبك انحبك انحبك
نبيل بعدها عنه:عاودي قوليها وانا انشوف العيونك
سالمة:انحبك انحبك انح نبيل قاطعها ببوسه علي شفايفها كلها ارياف وشوق وحب وبكل حنية وزع باقي بوساته عليها والباقي #مشششششفر (واخيرا قعدو زوجين حقيقيين
"""
وليد في داره دق الباب ولما فتح لقاه امجد صاحبه وامعاه خو وليد
وليد بعصبية:انت شن تبي جاي هنا
أمجد:جاي انفهم فيك ياصاحبي
وليد بعصبيه;مافيش شي اتفهمة ليا وانا مش صاحبك اطلع برا
امجد:مش طالع لين تسمعني والله والله والله مانعرف انها خطيبتك وحق ربي متعرف عليها من سنة وكل بعد فترة نمشيلها
وليد:لو سمحت خلاص اسكت
امجد:لو كنت عارف اكيد كنت حكيتلك انت خويا وعشرة عمر وصحبة من الابتدائي مستحيل انشوفك اتضيع وماانقولك
وليد:وجعتني اني حبيتها من قلبي
امجد:احمد ربي انك عرفتها علي حقيقتها قبل ماتجوزها
وليد:طلعت مغفل
امجد:انت مش مغفل ذنبك حبيتها بس
وليد:ياريت ماحبيتها كنت عايش حياة طبيعية ياريت ماشفتها
امجد:كل شي نصيب
وليد:نار في قلبي نار مابتش تطفى
امجد:صدقني حتنسى مع الوقت ياصاحبي
وليد;كيف نبي ننساها بس
امجد:اطلع سافر كم يوم غير جوك
وليد:هي هدي
امجد:خلاص نطلع من هما نحجزلك اول رحله بكرا
وليد:تمام
وقعدو ايهدرزو
""
سومة في حظن نبيل وهو يلعب بشعرها
نبيل:حاس روحي نحلم
سالمة:لا حقيقة مش حلم نحنا مع بعضنا
نبيل باس علي جبينها:انحبك سومتي
سالمة:انموت في حبك
نبيل:صار رايفتيلي
سالمة:واجد واجد واجد بكل
نبيل:خلاص خلينا ننسو الماضي ونفتحو صفحة جديدة وكأن اليوم غير اجوزنا باهي
سالمة:باهي
نبيل ايرحك في يده علي وجها وشفايفها وهوب ونزل وباسها علي شفايفها ةطبعا الباقي #مشششششر😂
نبيل وسومة كملو اليوم مع بعضهم نزلوش بكل
"""
صباح اليوم الثاني وتحديدا الساعة 11سومة في حظن نبيل
نبيل:سومتي حبي هيا نوضي
سالمة:مازال ناعسة ماشبعتش نوم انت ماخليتنيش نرقد
نبيل:منك انتي
سالمة:وانا شن درتلك
نبيل:عشانك اتهبلي ينشبعش منك
سالمة زادت حظناته:باهي خلينا انرقدو
نبيل:سومتي عندي شغل انا والوقت تاخر
سالمة:انلا مافيش طلوع
نبيل:تبيني جنبك
سالمة;اها نبيك جنبي
نبيل:انتي طلبتي تحملي اللي ايجيك وباسها علي شفايفها والباقي#مششششفر
""
نبيل صبى وخلى سومة مازال متمددة عالسرير دوش وطلع ولبس ادبشه وجا جيهة سومة
نبيل:هيا ياكسوله نوضي
سالمة:لالا مازال ناعسة
نبيل:خلاص قلنا صبي هيا بنمشي اشوي للمعرض وبعدين انرد نطلعو نتغدو برا
سالمة نطت بفرحة:تحكي جد
نبيل:اها جد
سالمة باساته علي خدة:انحبك واااجد
نبيل ايعظ علي شفايفه:شكلي حتى اليوم نبيش نطلع بكل
سالمة:بلا صماطة خلاص نبيل
نبيل حط يده علي خدها:ينشبعش منك بكل انتي اتهبلي وقرص خدها
سالمة:اي ياصامط خلاص هيا امشي
نبيل:اه ياقلبي خلاص معش فيه هروب مني انتي ليا العمر كله
سالمة:وانت ليا وممنوع عليك اي بنت اخرى
نبيل:تي كلي لكي وبنت غيرك تحرم عليا
سالمة:خلاص عدي عشان اتكمل شغلك بسرعه واتروح
نبيل:حاظر وقرب وباسها علي شفايفها وطلع
""
وهو نازل عالدروج فتح فونه اللي مقفل من امس وقعدن ايجنه في مكالمات فائته ورسائل ولما فتح عليهن كلهن من ايمان
نبيل:اووف هذي كنها شكلي درتلها سريب حتى انا عليك قصة
نزل خرف مع امه وعمته اشوي وطلع طلعت في جرته ايمان
ايمان:نبيل نبيل ممكن لحظة
نبيل:شن فيه ايمان
ايمان:ليش مااترد علي رسائل ومكالماتي
نبيل:اسمعي ياايمان انا رنيتي عليا في وقت كنت متضايق والدنيا متسكرة في وجي هدا ليش رديت عليك بس توا انتي عارفه ان انا متجوز وانحب مراتي لو سمحتي انسي اي شي في بالك ومعش اترني عليا ونوعدك مستحيل عاد انرد او انرن عليك
ايمان:يعني انتو توا اصالحتو
نبيل:اها اصالحنا
ايمان:يعني معش بتنفصلو
نبيل:الله لا ايقدرها مستحيل انفكر في الشي هدا
ايمان:اها ربي ايهنيكم بس نبي منك شي واحد
نبيل:تفضلي شنو
ايمان:دزيتلك حاجة عالوتس ياريت اتشوفها
نبيل:شنو
ايمان:بعد اتشوفها حتعرف
نبيل:تمام وعدى وسيبها
#يتبع
زعما شنو اللي ايمان دزاته وهل هو شي خطير وحيفرق سومة ونبيل عن بعضهم كله حنعرفوه الحلقة الجاية 😊
أسفة لو فيه أخطاء في الأسماء وأكيد رأيكم ايهمني😉
گـتـابـتـي Koka Saleh😊
منقولة💖
