#نـصيــبـي_فـيـك
الـحـلـقـة الـسـادسـة
نهى:حي كنكم شن صاير امعاكم
نبيل حامق;هالواطي كان بيمد يده عليها لكن الحق علي سالمة المفروض من اول مارنت قالتها
سالمة تبكي;انا خفت اتصير مشكلة وصهيب مش قاعد واهي صارت صارت المشكلة
نبيل;يعني معقوله اتخليه يطاول عليك وانا قاعد
نهى;خلاص نبيل قالتلك خفت اتسير مشكله معش اتكثر عليها هي خايفة بروحها
نبيل;ماعندها عليش اتخاف والله لو ايفكر حتى التفكير مرة ثانية ايقرب منها نمحيه من علي وجه الارض ولف علي سالمة سمعتي شن قلت
سالمة تبكي وهزت براسها بمعنى سمعت
نهى طلعت منديل;خود امسح خشمك ينزف
نبيل خدا المنديل وقعد ايشوف في المرايا ويمسح في خشمه وايشوف السالمة اللي كانت لافه وجها جيهة الروشن وتبكي نبيل غمتله لان ماايحب ايشوفها تبكي وطلع بسرعه غريبة
نهى;بشوية نبيل كنك
نبيل ماردش وكمل بنفس السرعه ووصلهم للفيلا البنات فتحن ابواب السيارة وبينزلو
نبيل;نهي انزلي انتي نبي سالمة في كلمة
نهي شافتله بصدمة;كيف
نبيل:زي ماسمعتي لو سالمة ماعندهش مانع نبيها في كلمة
سالمة سكرت بابها:لا مافيش مانع
نهى بينها وبين نبيل:اسمع البنت اللي فيها مكفيها مش داعي اتزيد عليها بنفس كلامك كل مرة
نبيل غمتله:خلاص نهى قلنا انزلي
نهى:تمام بس مااطولش مش داعي ايشوفكم حد
نبيل:اشوي وتلحقك مش مطولين
نزلت نهى ونست فونها في السيارة ونبيل لف شور سالمة
نبيل مدلها منديل:امسحي ادموعك
سالمة خذاته منه:شكرا
نبيل:اسمعي مااتخليش واحد زي هذا ايخوفك وتنزلي ادموعك علي خاطرة وخلاص معش اتخافي منه خذا اللي يستحقه ومش حيقدر ايقرب منك مرة ثانية
سالمة:شكرا نبيل علي وقفتك امعايا اكيد مش حننسالك اللي درته اليوم
نبيل:انتي شن تحكي هذا اقل شي انديره عشانك صدقيني لو اتقوليلي موت انموت عشانك شكلك مش عارفه مكانتك عندي
سالمة:سكتت ومعش عرفت اترد
نبيل:المهم توا اللي صار ماتحكيش الصهيب تمام
سالمة;عليش ماانقولهش له صهيب لازم يعرف افرض تعرضلي مرة ثانية
نبيل:صهيب مازال اصغير وطايش ممكن ايدير شي من غير تفكير وتكبر المشكله اكثر من هكي ومش حتقعد في انك درتيله حظر من قروب حيكثر كلام الناس وانتي عارفه كلامهم وانا مانبيش ايصير هكي وحد يحكي عليك
سالمة:بس صهيب يقرا في الجامعة واكيدة حيعرفها لان المشكلة حظروها ناس واجدة
نبيل:من الناحية هذي اطمني انا حنحكيله ان الشاب نابشك وانا وقفته بس
سالمة:بس مرات
نبي:عارف انك خايفة ايتعرضلك مرة ثانية المرة هذي خذا نصيبة ولو ماوقفوني وحزوها الناس والله راه قتلته علي خاطرك لكن مش حننساها له اليوم ومزال ماخذش حقه كله
سالمة;لالا خلاص نبيل لو سمحت معش نبي المشكله تكبر اكثر من هكي
نبيل:انشاءلله خير المهم توا لو سمحتي لو تعرضلك في اي يوم هو ولا غيره قوليلي انا دغري تمام
سالمة;انشاءلله
نبيل:اكيدة
سالمة:اكيدة خلاص
نبيل:باهي كيف بتقوليلي انك تعرضلك
سالمة:اه عادي حنرن علي نهى
نبيل:نهى لا ماايسيرش منها عطيني فونك
سالمة مصدومة:كيف
نبيل;مااتخافي انا نبيش انرن عليك ولا نبي اتصالات امعاك ولا ناخد رقمك نبي نكتبلك رقمي بس عشان لو اي شي صار امعاك او حد تعرضلك او احتجتي شي اترني عليا والله والله مستحيل انرن عليك الا لما انتي اترني عليا وعلى فكرة عندي الف طريقة ناخد بيها رقمك ونسكنلك بالرن بس انا ماعمري درت هكي لان انا ماانحبش الحركات هذينا ولاني راجل سمعتيها اكويس شنو
سالمة:ما تأسفتلك عليها مازلت امعلق عليها عليش
نبيل:وانا قبلت اسفك بس الكلمة مازال محرقة فيا اشوي بس المهم توا عادي نعطيك رقمي
سالمة سكتت اشوي وبعدين فتحت فونها ومداته له
نبيل خذا فونها وكتب رقمه وسجله عندها ومده الها:اهو كتبتلك رقمي ومارنتيش بيه علي رقمي عشان لما تقعدي حابه اترتي عليا تلقيه وعشان اتريحي حتي بعد اترني عليا حنمسح رقمك ومش حنحفظه في فوني ولا حنحفظه في راسي عشان ماانرنش عليك بكل تم
سالمة ابتسمت:تم ومعليش خششتك في مشكله بسببي نبيل:اتقولي هكي مرة اخرى والله نزعل منك مش نحنا اتفقنا نقعدو اصدقاء
سالمة:صح اتفقنا
نبيل;معناها مافيش الكلام هذا بين الاصدقاء صح
سالمة;صح خلاص طولت انا بننزل توا
نبيل:تمام خلاص انزلي
نزلت سالمة وخشت للفيلا اما نبيل طلع بسيارته وحاط في عقله شي بيديره
"""
سالمة ونهى حكن اللي صار امعاهن للبنات واكثر وحدة قهرها اللي صار وماحبت اتبين هيا ايمان وخشت للحمام بكت نين فشت خاطرها
ونهى خذت سالمة للدار وسالتها شن كان يبي نبيل منها لانها كانت خايفة ان ايكون عاود نفس كلامه اللي كل مرة يحكيه الها ويزعج في سالمة بيه وتريحت لما حست ان نبيل شكله بيطلعها من راسه وفي نفس الوقت ان سالمة معش تكره نبيل زي قبل وفرحت انهم حيقعدو اصدقاء
""
اما نبيل مشى سال عا الشاب اللي تعارك امعاه وعرفه دز اصحابه ايجيبوه له في مخازن شركة باته وهو قعد يرجى فيه جابوه له وحطوه عالكرسي
نبيل:اكيد عرفتني
الشاب خايف:اها عرفتك
نبيل:خايف توا صح واللي ايشوفك امبدري بتمد يدك عليها ايقول بطل ومافيش كيفك
الشاب طبس راسه وسكت
نبيل;عارف ان اللي ايمد يده علي بنت مش راجل
الشاب:انا ماكنت بنمد يدي عليها وقلتلها اتحيبلي رجاله
نبيل;والله تي انت اصلا لانك فرخ وعيل اتنزل في صور بنت في قروب مليان شباب اعتبرها اختك لكن تعرف اشكالك مفروض ايموتو
الشاب خاف من نبيل ومعش عرف يحكي
نبيل قرب منه ومسكه من قميصه;تعرف اللي درته اليوم معاها ماينغفرش بكل صار بتضربها وضربه بوكس علي وجه هيا وريني رجولتك توا وقعد يضرب فيه
اصحابه بعدوه عليه
نبيل;اسمعني اكويس المرة هذي حنمشيها لكي بجوي بس اعرف حاجة وحدة ان سالمة خط حمر تعرف لو نسمع انك بحتت فيها حتى نظرة بس مش كلمة تي واقسملك بالله نقتلك في مكانك وانت عارف نقدر نوصلك زي ماوصلتلك توا ولو حاب اتموت علي يدي تفضل قرب منها وتلقاني في وجك دغري فهمت
الشاب وجه دم وساكت
نبيل بصوت عالي:فهمت
الشاب:فهمت ومش حنجي شورها مرة ثانية
نبيل:معناها بكرا تمشي تعتذر عاللي درته الها
الشاب:تمام بكرا نعتذرلها
نبيل;تمام تقدر تنتلف من هنا توا
الشاب بيطلع
نبيل:خطرها بلاغ هكي هكي في المركز عندنا كلام ثاني راه
الشاب:لا بلاغ لاشي كأنه مافيش شي صار معش نبي المشكلة تكبر اكثر
نبيل;انت هكي تمام معناها مش حيجمعنا موضوع مرة ثانية
طلع الشاب واثنين من اصحاب نبيل مشو حتى هما وقعد امعاه صاحبه محمود
نبيل;هيا نمشو للمعرض
محمود:هيا لكن بنسألك سؤال
نبيل;شنو
محمود:شن قصة البنت هذي
نبيل:مافيش قصة بنت جيرانه والشاب ضايقها في الجامعه(طبعا نبيل لانه كان ايحب سالمة بكل صدق ماكان ايحب يحكي عنها الاصحابه)
محمد;عليا يانبيل اهتمامك بالموضوع ماايدلش علي انها بنت جيرانكم وخلاص يعني لو زي ماقلت بنت جيرانكم وبس راه ضربته في الجامعه عشانها وخلاص لكن مش اتجيبه هنا واتزيد اتنبه ان ماايقرب عليها واتهدده انك تقتله
نبيل صبى بيمشي:خلاص ياراجل فوت الموضوع
محمود:اتحبها
نبيل صبى في مكانه وسكت
محمود:سالتك اتحبها
نبيل:اها انحبها تمام هكي
محمود:انت مااتخبيش في شي عليا ليش مش حكيلي عليها يعني امداير علاقه حب وداسها عليا
نبيل:مش هكي ياحودة بس حب من طرف واحد ماينحكى عليه
محمود:كيف يعني
نبيل:انا انحبها بس هيا لا
محمود:معقوله فيه بنت مااتحبك ومااتأثر عليها انت صاحبي وعارفك اكويس مافيش بنت ماحكيت امعاها ماكبدت فيك
نبيل:الا هدي ليا 3اسنين انحبها من طرف واحد
محمود;واعترفلها بحبك في شن ترجى
نبيل:اعترفت وياما قلت مافيش فايدة بكل قلبها مع غيري واتحبه
محمود:شكلها قصتك قصة ياصاحبي
نبيل:خليها علي ربك وهيا نمشو
محمود:ونعمة بالله هيا
طلعو ومشو للمعرض
"""
سالمة تحكي مع مرام بالفون وحكتلها اللي صار بعد مشيتها
مرام:ناعليا نبيل ايهبل راجل بكل ياخيه نجيه
سالمة:صح مستحيل ننسي وقفته امعايا
مرام:يحي العدل قصدك اعجبتي بيه 😉
سالمة:كيف تفهمي انتي قلت مش حننسى وقفته امعايا مش معجبه بيه وانتي عارفه رايي اكويس فيه وعارفه اني انحب وليد وبعدين نحنا اتفقنا نقعدو اصدقاء بس وهو وافق عالشي هذا
مرام:امتى اتفقتو شكلي اخر من يعلم
سالمة:امس حكينا واتفقنا وحكتلها اللي صار امعاها امس
مرام زعلت:صاير هدا كله امعاكي وماتحكيلي شكرا ياسومة نحساب روحي صاحبتك
سالمة:بلا زعل ياباردة امس كيف صارت واليوم في الجامعه شفتي الجو بروحك ماقدرتش نحكيلك
مرام:تمام انمشيها توا لكن قوليلي مافيش شي صار امعاكي اخرى راكي تنسي حاجة والله نزعل
سالمة اتفكر:اها صار وحكتلها علي دوتهم في السيار
سالمة اتفكر:اها صار وحكتلها علي دوتهم في السيارة
مرام:قصدك خذيتي رقم نبيل توا 😍😍الله عليك جو
سالمة:اها هو كتبه ليا لكن تبي الحق مش امفكرة انرن عليه بكل لكن بعد اللي داره امعايا انحرجت انقوله لا
مرام:توا انشوفو اترني ولا لا
سالمة:انتي عارفه رايي وبعدين عطاه ليا عشان لو الشاب تعرضلي مرة ثانية بس
مرام:اها باهي اهم شي عطاك رقمه
سالمة:المهم توا بنسكر بنرقد اشوي قبل الغدا
مرام:سلام حتى انا بنرقد وسكرت مرام
سالمة جت بترقد وبعدين فكرت في وليد وكلامه الها امس وانها زعلانه منه مسكت فونها بترن عليه وبعدين غيرت رايها وحطت فونها جنبها غمضت عيونها وبدا النعاس ايسيطر عليها رن فونها مسكاته وشافاته وفرحت لما لقت اللي ايرن عليها وليد 😍
سالمة نست زعلها:ايوا حبيبي💞
وليد;اهلين حبي شن جوك
سالمة:تمام شن جوك انت
وليد;تمام التمام وينك اليوم مارنيتي عليا غريبة
سالمة بدلع:زاعله منك😊
وليد:ياساتر عشان امس
سالمه:اها
وليد:ياستي اسف😘
سالمة:وحق ربي انحبك 😍
وليد;حتي انا انحبك
سالمة:حي حبي كان تعرف شن صار امعايا اليوم
وليد;شن صار
سالمة***وحكتله اللي صار كله
وليد بعصبية:انتي الغلطانه
سالمة:كيف غالطة هو اللي تهجم عليا في الجامعه
وليد:انتي غالطة عشان مسحتي الصور وحظرتيه شن دخلك بيه انتي اللي بديتي ودورتي عنده
سالمة;هو نزل صور البنت وشافوها كلهم وانا مانرضى هكي ايصير فيها
وليد:وانتي شن دخلك بيه اينزلهن ولا ينحرق وبعدين بالك البنت غالطة فيه هذا عليش دار هكي
سالمة:حتى ولو غالطة فيه مش من حقخ ايدير هكي هذينا مش حركات راجل
وليد;مرات داير امعاها علاقة وخاينته معناها تساهل ايدير هكي فيها واكثر
سالمة مصدومة;تحكي من جدك انت
وليد:اها من جد جدي اصلا لما البنت اتخونك وتبي اتردها الها مافيش الا الحل هدا اديره الها
سالمة:يعني قصدك لو انت في مكانه ادير هكي
وليد:اكيد لو نكتشف انك اتخوني فيا ولا تعرفي حد غيري اكيد انديرلك هكي واكثر
سالمة حست بخوف منه وسكتت
وليد:كنك سكتي
سالمة:انت عارف ان عمري مافكرت انخونك بكل
وليد:معناها مش حنديرلك شي
سالمة;بس انا خايفة منه ايتعرضلي اخري في الجامعة
وليد;تستاهلي من قالك ادخلي في امور ماتعنيك
سالمة:انا مادرتله شي هذي حركة انسانية واي بنت في مكاني ادير هكي
وليد:دبينك مش معترفه بغلط تحملي اللي ايجيك وخليك انسانيتك تنفعك لما بكرا ايتعرضلك مرة ثانية في الجامعة
سالمة:حي عليا شن اندير بعدها
وليد;شن دخلني بيك مشكله درتيها حليها بروحك وبعدين مش عندك خوك خليه يدخل
سالمة;صهيب طايش وخايفة القصة تكبر اكثر ويكثر كلام الناس
وليد:والله تحملي نتيجة تدخلك في الشي اللي مايعنيك
سالمة:يعني مش هامك تخيل ايمد يده عليا
وليد;انا مادخلني عندك هل ايحلوها امعاك
سالمة:تحكي جد
وليد:اها جد عشان مرة ثانية اتحرمي تدخلي في شي مايعنيك وتوا سلام عندي شغل
سالمة وقلبها مكسور💔سلام
وسكرت وقعدت تبكي من كلامه
سالمة:ياربي حتى لما فرحت ان اتصل بروحه وفقدني لان مارنيت ايقولي هكي ليش كل يوم يثبتلي اني مش هامته يارب خليه ايحبني زي ماانا انحبه يارب والله انحبه ومش قادرة انتخيل حياتي من دونه وتبكي
"""
نبيل روح للفيلا وجا بينزل من السيارة رن فون في السيارة لما شافه لقاه فون نهى نزله امعاه وخش للفيلا سأل علي نهى قالوله في دارها رقى فوق بيعطيها الفون جا للدار فتح دغري من غير ماايدق الباب نبيل;---
#يتبع
زعما شن الوضع اللي حيشوف فيه سالمة وشن حيصير بينهم كله حنشوفوه في حلقة بكرا 😊
نزلتها قبل الوقت عشان فيه بنات جني خاص وكانن يرجن في الرواية بفارغ الصبر قراءة ممتعة حبيباتي 😍😍
اسفة لو فيه اخطاء في الأسماء وأكيد رأيكم ايهمني 😉
گـتـابـتـي Koka Saleh 😊
منقولة💖
