#نصيبي_فيك
الـحـلـقـة الأولــى
دودي:الو ثلومي ادير في الغدا
سالمة بعصبيه:مع من تحكي بفوني
دودي:ملام ثاحبتك😥
سالمة تضحك:ملام هاتي هنا
خذت الفون من دودي
سالمة:سمعتي اسمك من دودي
مرام تضحك😂ياخية نجيها اتهبل😍
سالمة:غير مش عايشة امعاها كان هذا مشعفتك
مرام:حرام عليك خطرها قالت اديري في الغدا من امتى الشطارة هذي
سالمة تضحك😂تاخدي كلام دودي انساعد في ماما بس
مرام:حتى انا قلتها المهم كنك اليوم ماجيتي للجامعة
سالمة;خليني انخش للدار بس ~هذا ياحنة أمس الليل كله وانا نحكي مع ولودي في الصبح قعدت ناعسه رقدت
مرام:هذا اللي ايجيك من وراه توا قوليلي انتي هبلة ولا شنو
سالمة:عليش كنك 😳
مرام:امتى مااتصحله هو ايرن ولما تقعدي فاضية وتبيه مستحيل ايرد ويقعد باليومين ماايردش عليك
سالمة:كنك مرام امعاه حرام مايفضش ديما ولما يفضى ايكلمني دغري
مرام:يكذب عليك وانتي زي الهبله اتصدقي
سالمة:خلاص مرام كل مرة تحكي في نفس الكلام
مرام:علي اساس انتي سمعتي كلامي عموما انا بنجيك بعدين نقرو الامتحان مع بعض
سالمة;تمام نرجى فيك
وسكرو البنات وسالمة مشت اتساعد في امها في المطبخ اما مرام قعدت اتفكر في صاحبتها وخايفه عليها ان حبها الجنوني هذا ايضيعها
(انتعرفو علي بطلتنا سالمة م 98تقرا سمستر ثاني اقتصاد من عائله حالتها متريحة بوها عنده معرض مواد كهربائية تتكون عائلتها من 6 افراد ترتيبها الاسري اصغر وحدة الا وحدة عندها اختها الكبيرة متجوزة اسمها امال واخ اكبر منها {اسمه صهيب م95يقرا سمستر سادس اعلام }وبعدها هي وبعدين دودي واسمها(وداد) يسكنو في حوش كبير وحلو من طابق واحد وله اجنان كبير بطلتنا سموحه البشرة بيضاء والعيون واسعة وبنية والشعر قصير وبني الوجه مدور وعندها اخدود و جسمها حلو طبعا بطلتنا ذايبة في دباديب حبيب القلب اللي اتحبه من 4اسنين وتعشقه واللي هو وليد بس عمكم وليد ايحبها حب عادي يس مش زي ماهيا اتحبه ودايما مش مهتم بيها وتوا انتعرفو عليه بعدين) حطو الغدا وتغدو رفعت سالمة الصفرة وبتغسلها ساعدتها دودي (لانها غالي عليها دكت الخشم😂)
""
نهى خشت الغرفة نبيل
نهى:شن جوك نبولي 😂
نبيل😂دبينك قلتي نبولي معناها عندك طلب
نهي:نجيه اللي فاهمني
نبيل:حافظك والله هيا قولي شن تبي
نهى:نبيك نمشي الصاحبتي بسمة
نبيل:وشن المطلوب مني
نهى:اتشيلني لان بابا عنده شغل
نبيل:والله شن انقولك كان سمحة انشيلك الها
نهي:وااااو كلا انت شن هالصماطة
نبيل:انبصر خلاص اجهزي وانشيلك
نهى باساته;نجك ليا ياأحلي خي
نبيل:لا ماتضحكي عليا بالبوسه شن صار في موضوعي نهى بحزن:والله يانبيل تعبت وانا نحكي امعاها نفس الكلام وخايفة انزيد اكثر من هكي نخسرها خلاص نبيل طلعها من راسك
نبيل تنهد:اخ يانهى حاولت كم مرة انشيلها من راسي ماقدرت تعرفت علي بنات اكثر من شعر راسي لكن مافيش وحدة قدرت تاخد قلبي غيرها وهيا ماعندها اي مشاعر تجاهي
نهى:مش حتقدر تنساها وانت طول الوقت اتفكر فيها وتمشي للجامعه علي خاطرها وموعد ترويحتها من الجامعة اتكون في روشن دارك ترجى فيها واالله يانبيل اتعب في روحك وخلاص سامحني بس انت عارف ان قلبها مع غيرك
نبيل:عارف والله عارف لكن مش بيدي المهم خلاص عدي جهزي روحك
نهى:حاظر
طلعت نهى ومشت اتجهز في روحها
(انتعرفو علي بطلنا نبيل شاب حلو بكل ومغرور م 93يقرا علم نفس ومازال ماكمل قرايته لانه ماايحب الدراسه سنه ايحمل سنه ايوقف قيده وهكي وايجي للجامعه بس عشان ايشوف سالمة نبيل عنده معرض سيارات دايره له بوه بطلنا شاب علي ثلاث بنات الكبيرة نسمه مخطوبة واللي بعدها نهى وهي اقرب وحدة النبيل وبعدها نبيل وبعده نرمين في ثانية ثانوي وهي اصغر وحدة وديما هيا ونبيل مشاغبات طبعا نبيل لانه وحيدهم فبوه وامه ايحبوه واجد وماايتحملو شي ايزعله بوه عنده شركة استيراد وتصدير ونبيل رافض ان يشتغل امعاه واختار مجال السيارات لان ايحبه نبيل زي ماقلنا شاب طرف😍 ومغرور متعرف علي بنات واجد وحاكي مع اكثر صداقاته عرم لكن الوحيدة اللي حبها هي سالمة وهي كانت رافضته رفض تام طبعا سالمة تقعد جارتهم ونبيل من اول يوم سكنو جنبهم من 3اسنين وهيا كانت في ثانية ثانوي وهو ايحبها ومن بعدها قلبه تسكر علي كل بنت ومافيش الا هي حكا مع غيرها بس قلبه امعاها ورافض الزواج نهائي من غيرها بوه وامه خاطرهم يفرحو بيه وعارفين ان ايحب سالمة بس مافيش في يدهم شي وامه ميته في سالمه وخاطرها تقعد كنتها بس عارفين ان سالمة رافضته وحاولو يقنعوه بغيرها من بنات العيله بس بطلنا رافض)
نهى;نبيل انا جاهزة
نبيل:معناها هيا انوصلك ونمشي للمعرض
طلعو نهى ونبيل ولقو نرمين مقمعزة في الجنان برا
نرمين;وين ماشيين 😒
نبيل;شن دخلك ياام السان
نرمين:مانحكيلك يامغرور😒
نبيل;تي انا طرف من حقي نقعد مغرور 😎
نرمين:هههه واخد مقلب في روحك
نبيل: باهي انقولك اسألي صحباتك مقلب ولا لا لاني لما جبتك من المدرسه شفت صحباتك كلهن كيف قعدن ايشاورن عليا 😒
نرمين;اصلا عجبتهن السيارة بس 😂
نهى:خلاص انت وياها وانتو اتحبو اتناقرو ديما
نبيل:قوليلها هيا ام السان
نرمين:معش اتقول ام السان
نهى:خلاص نبيل فكنا عاد
نبيل:تمام الحقيني للسيارة سلام ياام السان وغمزلها 😉
نرمين:يامغرور وطلعت السانها 😝
نهى:عيب عليك خوك اللي اكبر منك
نرمين:هو اللي بدى وبعدين انا انحب العرايك امعاه فيهن جو
نهي:كلا انتو هبل وهو ايقول في نفس الكلام 😂
نرمين:المهم وين ماشيين
نهى:ماشية البسمة صاحبتي
نرمين بخبث:اها بسمه 😉
نهى بعصبيه;يلا خلاص شن هالكلام
نرمين:ماشي ماشي خلاص اهم شي جيبيلي امعاك بريوش ومااتقولي للمغرور انا نبيه
نهى تضحك:😂باهي
وطلعت للسيارة وركبت
نبيل:تي كنك طولتي
نهى:غابي فيها دارتلي تحقيق نين عرفت وين بنمشي
نبيل:هههه عارفها ام السان اكيدة تبي بريوش صح
نهى:اها وقالتلي مااتقولي انا نبيه 😂
نبيل:نفس الحركة كل يوم 😂حفظتها صم
نهى:اللي ايحقكم وانتو تحكو ايقول مااتحبو بعضكم بكل 😂
نبيل:تي هذي اكبيدتي غير انحب جلاطتها بس
نهي:نجك لنا 😍
وقفت سيارة عند حوش سالمة نبيل سلح نظاراته وقعد امركز اشوي ونزلت صاحبتها
نهى:خلاص عرفت من هيا خلينا نمشو
نبيل:اها عرفت هيا
ومشى وصلها الصحبتها وعدى للمعرض
"""""
نرجعو البطلتنا اشوي
امقمعزة هيا ومرام في الدار يقرو
مرام:خلاص سيبي الفون
سالمة:فاتح فيس ويبيش ايرد عليا
مرام;خلاص يبقى سكري وفوتيه
سالمة;نقدرش بنموت بنعرف شن ايدير دزلي ماتسكنيش مش فاضي ومعش رد عليا
مرام;وااااو كلا انتي خلاص فوتيه وسكري واقفلي فونك وحسسيه ان عندك كرامة
سالمة بحزن:عندي كرامة وعارفه ان معاملته ليا جافه بس انا انحبه
مرام:اه ياصاحبتي اسمعي نصيحتي وفوتيه والله خايفة عليك من حبه
سالمة:مرام الف مرة قتلك انحبه نقدرش انعيش بلاه
مرام:عارفه ليش فايتك توا لان اكيدة يحكي مع وحدة اخرى
سالمة:لا مستحيل ولودي ايديرها صح هو يحكيش امعايا واجد ومايهتمش بيا بس هو ايحبني وديما ايقولي هذا طبعي وتحمليني
مرام:علي راحتك بس ياريت اتفكري بعقلك مش بقلبك ولو اتفكري مزبوط انتي عارفه من اللي ايحبك وميت فيك وايبيع الدنيا كلها علي خاطرك ويشريك انتي
سالمة:اوووف بترجعي للهم هذا مااتخطريش عليا كل يوم كان ماشفته في الجامعة نلقاه ماد وجه في سيارته قدام فيلتهم يرجى فيا وكل مرة دازلي نهى تحكيلي وانا نبيش نخسرها ولا نخسر هله كلهم غاليين عليا وانتي عارفه علاقتنا بهله وكيف هلي ايحبوهم
مرام:توا بالله عليك هذا هم حرام عليك هذا كله دليل علي انه نبيل ايحبك الف مرة يحكيلي وايقولي اقنعيها وخليها تعطيني فرصة وحدة بس
سالمة:لا فرصة لا شي انتي عارفه رأيي فيه مستحيل انحبه
مرام:والله انتي مجنونة فيه وحده ترفض شاب زي هذا البنات كلهن ميتات فيه وازيادة اخرى ميت فيها
سالمة:اها انا مجنونة تي افهمي يابنتي قلبي مش امعاه وبعدين انتي عليش ساكنتلي عليه
مرام:لاني نبي مصلحتك ومانبيك تتعذبي وثاني شي عشان انا حاسه بيه لان تقريبا نفس الوضع انا وياه
سالمة: صح خطرها مافيش اي تطورات مع حسام
مرام:ترا خليها ساكته مافيش اي احساس تجاهي ابدا
سالمة:باهي هذا ولد سيدك عادي اعترفيله بحبك
مرام:تي شن تحكي انتي مستحيل انديرها
سالمة;شن فيها ولا قصدك مرات يطلع ايحب وحدة ثانية
مرام:لا هو طبعه صامط وماعندش في سريب البنات بكل لكن انا مستحيل نعترفله بحبي وبعدين يستحقرني خليها هكي لو عندي فيه نصيب حناخده
سالمة:قصدك بتعذبي بحبه هكي
مرام:اها هكي احسن خلاص فكينا من سيرته كل مانحكي عليه قلبي يوجعني خلينا انكملو اقرايتنا احسن
وكرت الفون من سالمة قفلاته وقعدن يقرن
""
وليد;تفضل ياخويا زي ماقتلك مرة وحدة في اليوم وتستمر عليه اسبوعين وكتبتلك عليه
الزبون:تمام شكرا وطلع
وليد; باهي كملي عالمزة الجديدة
امجد:خلاص تلاقيت امعاها ولنقنها طرف اطلع طول
وليد;ديما حظك سمح شوفلنا بالك عندها صاحبه زيها
امجد:انت ماتبطلش بكل
وليد;نحنا امكسدين امكسدين
امجد:كان اتبطل وتجوز واتريح روحك خيرلك
وليد;وليش ماتجوز انت
امجد:انت شايف الوضع بروحك مازلت نقرا وخاطي هكي مازال في قبلي اثنين لكن انت اكبر واحد وامكمل اقرايتك وحوشك واتي وهلك ميتين انهم ايجوزوك
وليد;ووين اللي نبي نجوزها
امجد:اكيد اتبصر وبنت الناس اللي امعلقها امعاك لكي 4اسنين
وليد;انا مازريتها هيا تبي تقعد امعايا وبعدين انا ماوعدتها بشي
امجد;حرام عليك البنت اتحبك وامكبدة فيك
وليد;عارف وماننكر اني انحبها بس ماانشوفش فيها زوجه ليا بصراحة
امجد:وليش مااتقوللها هالكلام
وليد;شن انقولك هيا اتحبني واجد خايف نحكيلها ادير في روحها شي وناخد ذنبها
امجد:ياطيب انت والله حرام عليك تعشم فيك البنت
وليد;وعليش تعشم
امجد:عشان تضحك عليها وماتبي تاخدها
وليد:انا ماقلت هكي يعني كان ماالقيت اللي اتناسبني ماعنديش مشكله ناخدها هيا وخلاص
امجد:تعرف ياوليد فيه غيرك متمني يلقى وحده اتحبه نص ماالبنت هذي اتحبك راه توا معش فيه بنت اتحب بصدق وهذي فرصه لكي البنت امربيها علي يدك وانت اول شخص في حياتها
وليد;تي خلاص فكنا ياراجل ماصدقت معش دزتلي
وافتكيت من سكنانها
امجد:علي راحتك المهم سلام توا عندي بكرا امتحان وبنقرا
وليد;سلام انشاءلله بالنجاح
أمجد:انشاءلله ووطلع
(انتعرفو علي بطلنا وليد م90متخرج من كلية الصيدله وعنده صيدلية خاصة بيه عنده اخ واحد يقرا في الطب وماعنده خوات وبوه دكتور وامه معلمة حالتهم متريحة وليد هو الكبير ومجهز حوشه وهله خاطرهم وليد يجوز بس وليد ايقوللهم ان مازال مالقى البنت اللي اتناسبه طبعا وليد امخلي سالمة زي ماايقولو احتياط يعني لو مالقش البنت اللي في راسه ياخدها وخلاص لان زي ماقال ايحبها بس مش الدرجة الزواج )
#يتبع
بكرا حنشوفو شن بيصير مع ابطالنا
وانشاءلله اتكون عجبتكم
ورأيكم ايهمني أكيد😉
گـتـابـتـي Koka Saleh
منقولة💖
