#نـصـيـبـي_فـيـك
الـحلـقـة الـخـامـسـة والـعـشـرون
طلعن البنات ونهى امتدت ورقدت اما سومة قعدت طول الليل وهي اتفكر ليش نبيل دار هكي طولت وهيا فكرة تاخدها وفكرة اتجيبها وبعدين امتدت ورقدت
""
صباح ثاني يوم والكل قاعدين يفطرو نبيل يتجاهل في سومة تماما وسومة قاهراتها تصرفات نبيل وتجاهله الها برغم انها مادارتله شي الكل ايهدرزو ونبيل يضحك وايهدرز ومش مدور شي وبيسان لاحظت الجو المتوتر بينهم وعرفت انهم مازال مااصالحو فكانت متشمته ولم نبيل كمل فطوره وطلع
نبيل:تبو حاجة من برا
ام نبيل:سلامتك
نبيل:باهي سلام
بيسان اتبحت في سومة:استنى نبيل نبيك اشوية وطلعت وراه
سومة غمتلها وطلعت فوق الدار نهى قمعزت عالسرير وهي حايرة ليش نبيل يتصرف هكي وبعد تصرف بيسان تأكدت ان نبيل ايدير هكي عشان الباين قعد ايحب بيسان حست بإحساس غريب في قلبها مع خشت نهى عليها ومدتلها فونها وقالتلها مرام رنت عليها تبيك
سالمة بفرحة:اهلين مرومة عاش من سمع صوتك
مرام:مرايفتله ياكلبة واجد
سالمة:وانا اكثر امتى روحتي
مرام:توا روحت وانتي اول وحدة انكلمها
سالمة:نجك ليا قوليلي شن اخبارك وشن اخبار الزواج امعاك
مرام;ناعليا ياسومة جو ايهبل وحسام قد مانحكيلك مانقدر نوصفه ايهبل بكل
سالمة بفرحة:ان شاءلله دوم متريحة مرومة
مرام:وانتي شن اخبار واخبار نبيل امعاك وليش مسكرة فونك
سالمة:اس مااتخطريش عليا هالبارد
مرام:مرام كنك شن فيه
سالمة:**حكتلها اللي صار
مرام:معقولة نبيل دار هكي اذكري اكيدة دايرتله حاجة
سالمة:والله مادرتله حاجة بروحه تغير بس انا متأكدة ان بيسان الحقيرة ورا الموضوع
مرام:من بيسان هذي وشن قصتها
سالمة;قعدت تحكيلها الموضوع
مرام:ريت الصايعة معقولة فيه بنت هكي
سالمة:اها هكي وشكله نبيل قعد ايحبها
مرام:انتي شن تحكي مستحيل نبيل ايحبك واجد وكان كل حلمه ياخدك
سالمة:وحقق حلمه وخذاني خلاص توا بيعيش حياته واكيد في بينهم شي انا الهبله اللي وثقت فيه وقلت نبيل يفرق طلع كيفه كيف وليد وقعدت تبكي
مرام:تو ليش تبكي ياسومة
سالمة:نبكي علي حظي معقوله هكي اثنين ايخونوني للدرجة هدي مانملش عين حد
مرام:بلا اهبال عليش تحكي هكي مستحيل نبيل ايخونك انا وانتي عارفين قد شنو ايحبك
سالمة:انا يكمل الفرح بكرا وبنروح مع صهيب الهلي وبنطلق
مرام:تي شن طلاق معقولة تطلقي عشان فستان ماخذاه لكي تخيلي عندش فلوس
سالمة:مش عشان فستان عشان استخصرة فيا يعني لو ماعنده فلوس كان قالي وانا بنت اصل نتفهم لكن لما ايقولي مش واخده عشان عندك انا بابا عمرش قالي هكي وقتله نبيش منك وحنكلم بابا ايجيبه ليا ولا صهيب خذا الفون مني
مرام:بالك بيشريه لكي مفاجئة
سالمة:لا لا مستحيل لو بيدير مفاجئة راه مااتجاهلني اليوم وماحكى مع بيسان لما طلعت وراه وانا هذا ليش قررت الطلاق
مرام:انتي شفتيه يحكي امعاها
سالمة:اها هي طلعت وراه لما طلع وانا شفتهم وانا راقيه فوق من الروشن وهو يحكي امعاها قهرني بكل
مرام:معقوله نبيل ايدير هكي
سالمة:دارها وفضت خلاص المهم توا عدي الراجلك وعيت عمك اكيدة مرايفين عليك وراك تنسي اتجي بكرا للفرح
مرام:اكيدة حنجي اصلا روحت عشانه حسام كان يبينا انكملو شهر
سالمة:ربي ايهنيك يامرومة وانشوف بنوتك
مرام;انشوف بنتك قبل
سالمة:بنتي المهم توا سلام
مرام:سلام
سالمة صبت ومشت الجناحها عشان بتلم دبشها لانها فعلا قررت تطلق بعد شافت نبيل يحكي مع بيسان
""
نرمين تحكي مع صهيب
صهيب:سموحتي ناقصك شي تبي شي للفرح
نرمين:لالا حبيبي كل شي عندي
صهيب:باهي حبي تمام بس ليش انحس فيك متضايقة
نرمين:عشان البنات بيمشو وايخلوني بروحي
صهيب:بروحك وانا وين مشيت معقوله هكي
نرمين: ماقلنا شي بس انت مش امعايا بس هما ديما امعايا وبيسيبوني مش عارفة كيف اندير
صهيب:حبي حتى نحنا كلها سنة اخرى واتكوني عندي
نرمين:انت شن تحكي مش اتفقنا نين انكملو قرايتنا
صهيب:انا سنة اخرى وانكمل الجامعة
نرمين حطت يدها في نصها:وقرايتي انا ياشاطر
صهيب يضحك:سالتك بالله نرومتي ماحطيتي يدك في نصك توا
نرمين قعدت اتشوف ايمين وايسار:انت شن عرفك
صهيب يضحك:حافظ حركاتك ياام السان
نرمين:معش اتقول ام السان
صهيب:حاظر ياام السان
نرمين:صهيب بلا صماطة
صهيب:خلاص المهم قرايتك بتكمليها عندي مانقدرش نصبر الوقت هذا كله بدونك باهي
نرمين:اقنع بابا قبل
صهيب:يعني انتي موافقة
نرمين:انا بس خايفة نهملك اشوية وقت القراية وقصة شيل وجيب
صهيب:نرومتي انا راضي بأي حاجة اهم شي اتكوني امعايا
نرمين:خلاص اقنع بابا
صهيب:خلاص معناها انتي موافقة وعمي نقدر نقنعه
نرمين:تمام وقعدو وايهدرزو اشوي وسكرو
"""
نبيل روح للفيلا وتلاقه مع بيسان وايمان وبسنت ونرمين مقمعزات مع بعضهن ايهدرزن خش وقعد ايخرف امعاهن شفاته سومة من فوق وهي في دارها انقهرت وقعدت تبكي وكملت لم دبشها
خلاص كملت لم الدبش وقاعدة اتسكر في الشناطي نبيل خش عليها
نبيل:في شنو اديري
سالمة ساكته ومابتش اترد عليه
نبيل:نحكي امعاك في شنو اديري
سالمة:مادخلكش
نبيل:كيف مادخلني مش حظرتك مراتي
سالمة:لا وبكرا امروحة مع صهيب وبنطلق
نبيل:تطلقي وعليش هذا كله
سالمة:عارف روحك شن داير
نبيل:يعني هذا كله عشان فستان
سالمة:اها عشان فستان
نبيل:معناها انتي مااتقدري ظروف زوجك وان يمكن ماعنده فلوس
سالمة:انت ماحكيت هكي انا بنت ناس ولما ايجي راجلي وايقولي ماعنديش فلوس انقدر الشي هذا بس انت استخصرت فيا وانا ماعمري طمعت فيك لاني شابعة عند هلي ومن اول مااجوزنا هدي اول مرة نطلب منك شي بس باين اني غلطت وانعيش عند بابا اكرملي اقل شي مستحيل يستخصر فيا شي
نبيل:يعني عشان هكي بتطلقي
سالمة:لا مش عشان هكي بس عشان انخليك تاخد راحتك مع حبيبت قلبك لاني الباين قعدت عائق بينكم
نبيل:انتي شن تحكي
سالمة:اللي سمعته وجت بتطلع
نبيل مسكها من يدها:انتي متأكدة من اللي اتقولي فيه سالمة:اها متأكدة ولو سمحت اطلق يدي بنمشي
نبيل:مش طالقها شن بديري
سالمة:بنعيط وكلهم ايجو وبنحكيلهم كل اللي ادير فيه
نبيل مسك ايديها الاثنين:سومة اسمعي
سالمة بصوت عالي:انت كيف تفهم مانبيش نسمع منك شي
مع خشت نرمين وايمان جايبات في ايديهن علب الهدايا اكبار كل وحدة ماسكة واحد
سالمة سكتت واتبحت فيهن وهنا مبتسمات
نبيل:نرمين شنو هذا اللي في يدك
نرمين:استنى انوريك وفتحتهن وكان اول واحد فيه فستان خيال بكل معنى الكلمة لونه ابيض في الفضي ايجنن بكل واول ماشافاته هي وايمان انذهلن فيه والثاني كان فيه شوز وشنطة وطاقم حلو بكل ماشي مع الفستان
سالمة كانت اتشوفلهن ومصدومة
نبيل لف السومة:ها شفتي ليش كنت نبيش نشريلك الفستان اللي عجبك لاني كنت موصيلك علي فستان
سالمة:موصيلي
نبيل:اها من يوم اللي حددو الفرح وانا عالنت اندور في مصمم لين القيت واحد واتفقت امعاه ان ايصمم فستان مافي حد لبس زيه من قبل ولا حد يلبس زيه مرة ثانية يعني لكي انتي بس لكن هو تأخر كنت نبيش ايصير هكي وايجي بسرعه قبل ماتطلبي لكن تاخر في التصميم اليوم بس قدر يوصلني
سالمة نزلو ادموعها:أنا أسفة اني فهمتك غلط
نبيل قرب منها:عادي اي وحدة في مكانك بتفهم اللي فهمتيه
نرمين كرت ايمان اللي كان قلبها محروق من اللي اتشوف فيه وطلعن
سالمة:شكرا نبيل بجد مش عارفه شن نحكي منحرجة منك عالاخر
نبيل باس اكفوف ايديها من جوا:ماتنحرجي حبي عادي سوء الفهم ايصير وانا عاملتك بطريقة مش حلوة بس ماعرفتش كيف نتصرف اسف اني عليت صوتي عليك
سالمة ابتسمت:عادي خلاص وبعدين عقدت حواجبها
نبيل:كنك شن صار ليش عقدتيهم في شن فكرتي
سالمة:انا شفتك تحكي مع بيسان انتو فيه شي بينكم
نبيل يضحك:مجنونة هدا اللي فكرتي فيه
سالمة:انا شفتكم تحكو وانت وعدتني ماتحكيش امعاها
نبيل:وانا عند وعدي وتوا انقولك شن حكينا
انردو مع بعضنا اشوي لعند لحظة ما بيسان لحقت نبيل برا
(بيسان;نبيل استنى اشوية بنقولك شي
نبيل;مافيش شي بينا ينحكى
بيسان:انتو متعاركين وبتطلقو صح
نبيل:انتي شن تحكي مستحيل انطلق سومة
بيسان:انا امس هزبتها وماتبيش تشريلها الفستان اللي تبيه لانك معش اتحبها ومستخصرة فيها
نبيل يضحك:شكله ماعندكش عقل انا نستخصر شي في سومة هي لو تبي روحي نعطيها الها مش فلوس هدي حبي الوحيد
بيسان بزعل:وانا شنو بالنسبة لكي
نبيل;انتي ولا شي ولو تفهمي معش بنحكي امعاك لو اتحاولي تحكي امعايا مرة ثانية صدقيني معش تقعدو هنا نهائي وطلع وسيبها)
نبيل:هذا اللي حكيناه سومتي
سالمة:متأكد نبيل
نبيل;والله العظيم متاكد زي ماانشوف فيك توا
سالمة:باهي
نبيل:سومتي ثقي و
سالمة:باهي
نبيل:سومتي ثقي وتأكدي مستحيل انحب غيرك ولا انكون الغيرك في يوم من الايام تي انا والله انشوف فيك امعايا ومش مصدق عيوني انحس في روحي نحلم
سالمة:انا عندي ثقة فيك بس خايفة منها هي تلعبلك بعقلك
نبيل:ثقتك فيا مستحيل انهزها وعقلي امعاك مستحيل وحدة تلعبلي فيه او نعطيها حتى فرصة وعمرك مااتخافي منها لانها اخر همي قلبي وروحي وعقلي وكلي انا امعاك انتي انحبك سومتي والله انحبك
سالمة ابتسمت:طمنتني خليني توا انقيس الفستان عشان اتشوفه
نبيل:مقاسك بالزبط
سالمة;وشن عرفك
نبيل:عرفت مقاسك من فساتينك اللي في الدولاب
سالمة تضحك:انت مخطط الكل شيء
نبيل:انا خاطري انشوفه عليك بس بنشوفك بكرا مفاجئة
سالمة:كيف بكرا انا ماشية مع البنات للكوافير
نبيل:لا مافيش مشي
سالمة:وكيف هدا هنا يبني نمشي امعاهن
نبيل:سومتي حجزتلك في كوافير بيجيك هنا وتلبسي هنا وبكرا نطلعو مع بعضنا من هنا
سالمة:بس البنات
نبيل:انا حنحكي امعاهن وبعد ايكملن من الكوافير انا وانتي انجيبوهن باهي
سالمة:باهي
نبيل قرب منها بيبوسها رن فونه
سالمة;رد علي فونك
نبيل;اووف مش وقته ورد
نبيل:اهلا عادل
نبيل:لالا اي مستشفى جايك توا
سالمة:شن فيه
نبيل;محمود داير حادث بنمشي توا
سالمة:باهي وطمني شن ايصير امعاك
نبيل طلع فون سومة من جيبة:حاظر وهاكي فونك وطلع
""
البنات حكتلهن نرمين عالفستان اللي جابة نبيل السومة ولما شافن نبيل طلع رقن كلهن فوق وامعاهن بيسان دقن عالباب وفتحتلهن سومة
نهى:حكتلي نرمين عاللي صار
سالمة:تعالي انوريه لكي وخشن
نهى ونسمة عجبهن
نهى:الله ايهبل بكل
نسمة:مش غير ايهبل هذا ايطير العقل
نرمين:نبيل طلع مش ساهل وموصيلها عليه من برا
نهى:هذا كله عشان الحب نبيل ايموت في سومة ومااتحمل ايزعلها بكل واتشوف البيسان
نسمة:ربي ايهنيكم ياسومة
سالمة:ان شاءلله يارب
بيسان قالبه وجها واتشوف للفستان بنص عين وبعدين طلعت
هدرزن البنات مع سومة اشوي وبعدين نزلن كلهن لوطة
""
خشت ايمان علي بيسان وهي حامقه بكل وبيسان شر منها
ايمان:شفتيه شن دار ونحنا قلنا انهم بيطلقو
بيسان:ماتخيلتش ايحبها للدرجة هدي
ايمان:قتلك من الاول ان ايحبها بكل
بيسان:ساهل حنوريهم
ايمان تبكي:مش حنقدرو انفرقوهم هو متمسك بيها واجد
بيسان:اسكتي بلا اهبال وخليني انفكر وحتشوفي
"""
نبيل بات مع محمود في المستشفى ورن علي سومة وطمنها وقاللها ان ايروح في الصبح سومة امتدت ورقدت في دارها بعد ماردت كل الدبش اللي لماته
"""
جا صباح ثاني يوم وكان يوم الفرح فعلا نبيل روح في الصبح والكل كانو ايجهزو في روحهم للفرح نبيل كلم نهى وبيسان يمشن بروحهن وهو وسومة ايجو بعدين ياخدوهم والبنات وافقن
""
جت الكوافيرة اللي حاجزها نبيل السومة ومكيجتها ودارتلها تسريحة ولبست الفستان وطلعت اتهبل بكل ونبيل حتى هو لبس بدلة وتأنق وطلع طرف
كملت الكوافيرة وعدت ونبيل خش علي سومة في الدار
نبيل اول ماشاف سومة قعدو اعيونه قلوب وفتح فمه
سالمة تضحك;كنك
نبيل قرب منها:اتهبلي سومتي اتهبلي بكل
سالمة انحرجت
نبيل:معقوله السماحة هدي كلها ليا
سالمة:اها لكي بروحك
نبيل:ناعليا نا شن رايك انفوتو الفرح ونقعدو هنا
سالمة تضحك:مجنون هدا فرح خواتك
نبيل:تعرفي لو مافرح خواتي والله انفوته ومانمشي اصلا نمشي توا وانا مقتنع اني هبل انسيبك وانتي هكي
سالمة;مش طايرين انروحو في الليل
نبيل:اه ياقلبي امتى انروحو بس
سالمة شافت النبيل;وانت طالع طرف
نبيل:ناعليا منك
سالمة قربت منه:استنى انسقملك جاكتك
سالمة اتسقمله في الجاكة ونبيل مسكها من خصرها وقربها منه
سالمة:نبيل بطل
نبيل:مازال مادرت شي
سالمة تضحك:هكي مادرت شي
نبيل ايشوف الشفايفها وقرب وباسها وسومة استسلمت البوسته طولت البوسه وبعدها سومة بعداته سالمة:نبيل تاخرنا
نبيل:باهي هيا
سالمة بحتت الروحها عالمراية:ياصامط حولتي الروج
نبيل يضحك:هيتي توا انديره لكي انا
سالمة:انت تعرف
نبيل:انتعلم فيك
سالمة تضحك:لا خلاص انسقمه بروحي وسقماته ولبست عبايتها ووشاحها وطبعا الخمار لانهن اوامر نبيل وطلعو وخدو نسمة ونهى من الكوافير ووصلو بيهم للقاعة سومة خشت قبلهم للقاعة وسلحت وخلت نبيل هو اللي ايخشش خواته بروحه برغم هو كان مصر اتخش حتى هيا امعاهم بس هي حستها بايخة
خشش خواته جوا للمسرح وكانو كل العيون عليه وكل البنات عاجبهم وجا بيطلع وكانت سومة مقمعزة ابتسمتله جا ومدلها يده وطلع بيها برا
سالمة:يامجنون شن درت
نبيل;مراتي عادي ناخدك
سالمة تضحك
نبيل:شن رايك انروحو
سالمة;مجنون هيا اطلع خلاص ولا عاجبك البنات ايشوفو فيك
نبيل:الله اكبر غرتي هالمرة
سالمة:لا وقعدت ادف فيه لين وصل للباب
نبيل:مش حنطلع لين تعطيني بوسة توا هنا ووصف علي خده
سالمة:باهي وتبي اتبوسه علي خده لف وجت علي شفايفة
نبيل يضحك;خديتها منك وانتي اللي عطيتيها
سالمة انحرجت:هيا اطلع ياصامط وطلع وهيا خشت
وكانو الكل ايشوفولها والبنات مقهورات منها وطبعا لفتت كل الانظار بفستانها وعمتكم نرمين مستلمة كل ماحد يسأل علي فستانها تحكيله ان نبيل مصممه الها ومافيش زيه بكل
"""
كمل الفرح والكل روحو ونرمين من اول ماروحت وهي تبكي وسومة ماقدرت اتسيبها وباتت امعاها لانها كانت متأثرة بكل بفراق خواتها
وطبعا في الفرح مرام حكت السومة ان بكرا اخر يوم في تجديد القيد وسومة كانت ناسية الموضوع بكل وحكت النبيل واتفقو بكرا يمشو للجامعة لان هو بروحه قرر ايجدد قيده ويقرا مع سومة
""
وليد ايهدرز مع هديل
وليد:هدولي شن فيه حاسك متضايقة
هديل:قصة تجديد القيد ماقدرتش انجدد وبكرا اخر يوم
وليد;وليش ماجددتي
هديل:مافيش حد ايشيلني صاحبتي اللي نمشي امعاها السنة بتوقف قيدها وتبيش تقرا واصلا مش قاعدة بكل في طرابلس
وليد:خلاص نمشي انا بكرا انجدده لكي
هديل:مش حيرضو لازم حظور شخصي
وليد:خلاص حبي انشيلك انا بكرا
هديل:لا كيف اتشيلني شن بيقولو الناس
وليد:عادي هدولي انا راجلك
هديل:عارفه بس
وليد;مافيش بس احكي الامك توا ولو وافقت انشيلك ووعد من الحوش للجامعة ومن الجامعه للحوش
هديل:مش عارفه خليني انشوفها قبل
وليد:خلاص انا توا ناعس وشوفيها لو وافقت دزيلي رسالة وبكرا انجيك الساعة 10
هديل:تمام حبي وسكرت
#يتبع
زعما ام هديل اتوافق وحيتلاقو في الجامعه ولا ام هديل حترفض كله حنعرفوه في الحلقة الجاية 😊
طولتلكم الحلقة والحلقة الاخرى عطوني اشوي انتيريح ونكتبها لاني مازال ما كتبتها ولا رتبت افكاري ارجوني انرتب افكاري ونكتبها وحنزلها بعدين في الليل استنوني 😊
أسفة لو فيه أخطاء في الأسماء وأكيد رأيكم ايهمني 😉
گـتـابـتـي Koka Saleh😊
منقولة💖
