#نـصـيـبـي_فـيـك
الـحـلـقـة الـثـالـثـة والـعـشـرون
سالمة مشت تجري وتبكي نبيل صبى بسرعه ولحقها
نبيل:سومة وقفي انفهمك
سالمة تبكي وتمشي بسرعه وماردتش عليه
نبيل تمى يجري ومسكها وكانت تبكي بكل حرقه
نبيل:سومة ماتفهميش غلط والله مافيه حاجة بكل
سالمة تبكي:انا شفتك بعيوني
نبيل:والله هي دارت هكي مافنطتلهش والله كانت تحكي في موضوع عادي وفجأة دارت هكي بروحها
سالمة تبكي:علي من تكذب كيف بروحها لو ماحست منك بقبول مادارت هكي وبعدين من الصبح قتلك بعد عنها كنت انقول انت تفرق لكن كلكم زي بعضكم زيك زي وليد اهم شي وحدة وخلاص ماجيتكش زي ماقتلك كلمتها هي
نبيل;واقسم بالله وحق ربي مافيه منه الكلام هذا والله هي جت بروحها وقلتلها اكثر من مرة عدي هي مابتش ورنيت عليك بعد ماجت نبيك اتجي انتي مارديتيش
سالمة:حول واطلق يدي وعدي كمل كلامك مع حبيبتك
نبيل;شن حبيبتي هذي انا ماعنديش حبيبه الا انتي انتي الوحيدة اللي واخدة عقلي وقلبي
سالمة تبكي:واضح واضح بكل الحمدلله بنت علي حقيقتك من توا
نبيل:انتي شن تحكي سومة انا انحبك والله العظيم انحبك سومة حبي لكي اكبر من اي شي وهيا والله ماتعنيلي حاجة انتي بس اللي اتهميني من الدنيا كلها
سالمة تبكي:بس شفتها شن دارت لو انت مكاني شن ادير
نبيل:شن مكانك والله نقتله اللي ايقرب منك
سالمة:ها شفت وقعد تبكي بصوت
نبيل قرب اكثر منها وحط ايديه علي وجها:سومة والله واقسم بربي انحبك انتي وهي ماتعنيلي شي والله انتي اللي في قلبي وانتي لو كان ماتجوزتك راه حرمت كل البنات بعدك ليا ثلاث اسنين انحبك وماتخليتش عن حبك برغم كل شي صار يعني بنتخله عليه بعد قعدتي ملكي وليا
سالمة ادموعها ينزلو والتفتت جنبها وشافت بيسان اتشوفلهم ومتشمته فيهم زادت تبكي
نبيل لف للجيهة اللي لفتلها سالمة وشاف بيسان كيف واقفة واتشوفلهم بحقد قرب من سومة زين وباسها علي شفايفها بكل حنية سومة استسلمت البوسته وكانت بوسه طويله نبيل حط فيها كل حبه السومة وكان بيحول بيها كل زعل سومة منه
بيسان شافتهم وانقهرت وكانت بتموت من القهر ومشت وخطمت من جنبهم ونبيل مازال ايبوس في سومة وعدت للشاليه
نبيل بعد من سومة وكانو ادموعها معبيين خدودها قعد يمسح فيهم
نبيل:اسف سومتي اسف سامحيني والله الله حتى دوة امعاها معش نحكي
سالمة:يعني لو جت حكت امعاك
نبيل:والله نمشي وانسيبها بدون مانحكي ولا كلمة
سالمة:حنشوفو ادير هكي ولا لا
نبيل ابتسم:والله انديرها بس قبل حتشوفي شن اندير
سالمة:شن بدير
نبيل;توا تعرفي بس توا بنسألك سؤال
سالمة:شنو
نبيل:انتي اتغاري عليا
سالمة:لا
نبيل ابتسم:باهي خليك داستيها في قلبك
سالمة:شنو داسة مش داسة شي
نبيل مسك يدها:هيا توا وبعدين نعرفو شن داسه
سالمة:باهي وقعدو يمشو
نبيل:سومتي انقولك حاجة
سالمة:قول حاجات
نبيل:انحبك
سالمة ابتسمت وسكتت
قريب يوصلو للشاليه
نبيل:سومتي ترا وقفي اشوية وبحتي فيا
سالمة وقفت:كنك
نبيل:لا تمام بنشوف عيونك باين انك كنتي تبكي او لا
سالمة;وشن شفت
نبيل:ناعليا شفت عيون ايهبلن وقرب وباسها علي خدها
وقعدو يمشو
""
بات نبيل:هيا ياصهيب يااوليدي احكي
صهيب:شن انقولك ياعمي متحشم اشوي لكن اللي بنقوله انا عندي طلب وانشاءلله مااتردنيش
بات نبيل:انا نعطيك عيوني ياصهيب انت في معزت نبيل ولدي وكان طلبك عندي مااتصبي من هنا الا وانت واخده
صهيب:انا ياعمي طالب يد نرمين بنتك
نرمين مصبية بعيد انصدمت ماتوقعتش صهيب ايديرها معش عرفت تبكي ولا تضحك وخشت جوا
اما بسنت فنصت عيونها وبحتت في بيسان لان صهيب كان عاجبها وماكانت متوقعة ان فيه شي بينه وبين نرمين صبت من مكانها وخشت جوا ولحقتها بيسان
بات نبيل:والله قتلك ياصهيب انت في معزت نبيل واكيد مانعطيها الاعز منك لكن نرمين مازال اصغيرة توا
صهيب:عارف ياعمي وحتى انا مازال نقرا
بات سالمة:صهيب توا يبيها خطبة وبعد ايتخرج وهيا تبدى في الجامعه ويقعد مازاللها اشوي انطلعو الفرح يعني مش مستعجلين لكن انديرو بيان ونقرو فاتحة توا عشان البنت تقعد له
بات نبيل:والله مانقدر انقوللكم لا انت ياحاج خيي واعز وصهيب كيف نبيل بزبط اكيد موافق لكن الفاتحة والبيان بعد ادير امتحاناتها
بات سالمة:علي بركة الله معناها
وبدن ام سالمة وام نبيل ايزغرتن
نبيل وسالمة جوهم
نبيل:شن فيه خير انشاءلله عليش اتزغرتو
بات نبيل:صهيب طلب نرمين مني وانا وافقت
نبيل يضحك:صار رديتها ليا ياصهيب
صهيب يضحك:خذيت اختي وماقتلي رديتها
نبيل سلم عليه:الف مبروك ياخيي مش يانسيبي
صهيب:الله ايبارك فيك
نبيل;وين ام السان انكسد عليها
نهى تضحك:انحرجت خشت جوا
نبيل يضحك:هذي تنحرج
نبيل جا يبي ايخش وفطن ان بيسان مش برا وعرف انها جوا
نبيل:ايعيط من برا نرمين نرمين
نرمين من عند الروشن ودارت روحها عادي:كنك شن تبي
نبيل:تعالي نبيك
نرمين:انلا مش جاية
نبيل:قتلك تعالي
نرمين:اوووف باهي واشوي وجتهم
وصهيب عيونه فيها وماشالهم
نبيل:سمعتي صهيب ادبس فيك مسكين
نرمين حطت ايديها علي جنبها:شن اتشوف فيا اتقول ادبس فيك
قعدو كلهم يضحكو عليها
نبيل:اه واجعني حالك ياصهيب كيف بتعيش مع السانها المفروض ماايقولولك مبروك ايقولولك ربي ايعينك
صهيب يضحك:زعما
نرمين قلبت وجها في صهيب
نبيل:تي عيب الحركات هذينا هذا بيقعد راجلك
نرمين سكتت ومابتش اترد
صهيب بينه ويين نبيل:نبولي عادي انهدرز امعاها اشوي
نبيل عقد حواجبه:شنو
صهيب:اسف ياصاحبي سامحني خلاص اعتبرني ماقلتها بكل ولو تبي انروح توا
نبيل يضحك:خوفتك انبصر هدرزو هنا انحق فيكم مااتباعدوش
صهيب فرح:تمام
صهيب قال النرمين هيا مابتش كرها من يدها وخذها بس كانو بعيد منهم اشوي بس ايشوفو فيهم
""""
جوا في الشاليه بسنت تبكي
بيسان:بسنت خلاص فوتيه اليوم كيف عرفتيه وبعدين انتي امتى عدلتي عالرجاله اصلا
بسنت تبكي:صهيب يختلف كنت ماانحبش اندير علاقة ومش مقتنعه بالشي هذا بس اول ماشفت صهيب في شي غريب صارلي وقعد قلبي ايدق بسرعه
بيسان:شن هالكلام الفاضي معقولة تبكي علي واحد شفتيه في الصبح
بسنت:انتي مش فاهمتيني وبعدين مش حاسة بالنار اللي فيا المشكلة لاحظت ترصفات نرمين غريبة لما نحكيلها ان عاجبني وسالت صهيب قتله في بينكم شي كدب عليا وقال لا وبعدين خطبها 😭
بيسان:خلاص حبيبتي اكيدة نرمين حاطه عينها عليه قبلك وماتبكي علي واحد كذاب زيه والله يابسونتي ياحبيبتي ناخدلك حقك منه ومن اخته وحتشوفي شن بنديرلهم
بسنت تمسح في ادموعها:شن بديري
بيسان:كل شي في وقته حلو حتعرفي بعدين
""
صهيب ايشوف النرمين:فرحتي لما خطبتك
نرمين:لا
صهيب:تحكي جد
نرمين:اها انت درت هكي بروحك انا ماقتلك وبعدين انت مش عساس بتخطب بسنت
صهيب:بس خطبتك انتي
نرمين:وعليش خطبتني انا
صهيب ايشوفلها:عشان انحبك
نرمين بخجل:اها ☺
صهيب:وانتي اتحبيني
نرمين;لا
صهيب مصدوم;وعليش وافقتي وانتي مااتحبينيش
نرمين:مش انا وافقت بابا وافق
صهيب:يعني لو سألوك شن اتقولي
نرمين:اكيد نرفض
صهيب:تمام معناها نمشي توا انقوللهم غيرت رأيي ونبي بسنت ولف وبيمشي
نرمين فنصت عيونها ومسكت يده:لالا شنو بسنت
صهيب:يعني انتي موافقة
نرمين:اها موافقة
صهيب;وشنو اخرى
نرمين وهيا منحرجة:وانحبك تريحت هكي
صهيب:اه واخيرا سمعتها منك بعد هالتعب كله تعبتيني وراك وتعبتيني من السانك ياام السان
نرمين ابتسمت:لازم نختبر قد شنو اتحبني وقبل انجنيت وانت مع بسنت ولما قتلي بنخطبها كان خاطري انموت
صهيب:بعيد الشر عليك والله اللي درته كله لاني كنت متأكد انك حبيتيني ونختبر في غيرتك ولما قتلك حكيت عليها الباتي وامي كنت حاكيلهم عليك انتي وفرحو
نرمين ابتسمت وقعدو ايهدرزو ومنسجمين واخيرا اعترفو باللي في قلوبهم البعضهم وبطلو مناقرة زي قطوس وفار😂
""
صباح ثاني يوم الكل يفطرو مع بعضهم نبيل صبى اول واحد
ام نبيل:كول اوليدي كنك صبيت بسرعه
نبيل:الجو سمح واليوم بنروحو بنلحق نشبع من البحر
نطت بيسان:خودني امعاك نشبع انا وانت منه
نبيل بحت فيها تبحيته قسمتها نصين امتاع اللي ناقم عليها ومابش ايرد عليها بكل
نبيل;هيا سومة امعايا
صبت سومة مع نبيل
وبيسان انحرجت والكل قعدو ايشوفلها واستغربو من رد نبيل اللي عمره مادار الحد هكي
نبيل وهو وسومة يضحكو وايهدرزو وسومة عجبتها لقطة نبيل اللي دارها ومشو للبحر وخشت هيا ونبيل عامو طبعا نبيل كان سالح تيشرته واول مرة سومة اتكون قريبة منه بالشكل هدا وقعدت تتقبل قرب نبيل منها وكان جوهم رومانسي وفوق الخيال
نبيل ايعلم في سومة الغطس وكل مرة تشرق وتقعد اتكحكح
سومة:نبيل
نبيل ايعلم في سومة الغطس وكل مرة تشرق وتقعد اتكحكح
سومة:نبيل شكلك بتقتلني
نبيل;معقولة سومتي اتقولي هكي خلاص جربي اخر مرة
سالمة;اوووف منك وجربت
وشرقت قبل ماتت وبعدها معش قدرت اتفتح عيونها من المية اللي خشتلهم
سالمة:يحرقو مش قادرة نفتحهم
نبيل يمسح في عيونها:افتحي توا ترا
سومة:فتحتهم مازال يحرقو
نبيل قرب ومسكها من خسرها وقعد ينفخلها في عيونها وبعدها قعدو ايشوف العيون بعضهم نبيل قعد ايقرب بيعاود لقطة امس وايبوسها وسالمة مش رافضة الفكرة قرب منها
بيسان:نبيل نبيل
سالمة قلبت وجها;اووووف
نبيل;تي شني الهم هذي والله انوريها
مسك سومه من يدها وطلعو
واول ماطلعو عالشط سومة جابت تيشرت نبيل والبسه (طبعا باين ان الغيرة شغالة عند سومة)
نبيل:شن تبي كنك
بيسان:شن اللي درته عالفطور توا ليش تتجاهلني
نبيل;اتجاهلتك لاني مانبيش نحكي امعاك فهمتي فياريت معش اتحاولي اتقربي مني
بيسان:انت شن تحكي انسيت كل اللي كان بينا زمان
نبيل:زمان كان بينا شي واحد صداقة وتوا حتى صداقة مانبيش
بيسان:وعليش هدا كله
نبيل مسك يد سومة:لان توا فيه سومة وانا انحبها وانموت عليها ومانبيش اي بنت ثانية في حياتي لا صديقة ولا غيرها انا الها هي وبس
بيسان تبكي:امالا انسيت كلامنا امس واللي صار بينا
نبيل كر سومة شوره وخلاها علي صدره:اسمعي بلاش اطروح انتي عارفه اكويس امس شن حكينا وسومة عارفه انا ماانحبش الا سومة ومش مسؤول علي مشاعر حد ثاني وانت لو تفهمي انا مانبيش بيني وبينك اي كلام يعني ياريت حتى صباح الخير معش اتقوليها ليا وقلتها لكي وانعاود انقولها مرة اخرى انا ماانحبش الا سومة ومافيش في عقلي وقلبي الا هي فياريت معش اتقربي مني ولا منها لان لو قربتي حتشوفي مني شي مايعجبك وخدا سومة وعدى وسيبها
بيسان:ماشي يانبيل شكلك مش عارفني اكويس حتشوفو انت وهي
'"'
قدام الشالية مقمعزة ام نبيل وام سالمة وانتصار ونهى ايهدرزن وجوهم سالمة ونبيل وقعدو ايهدرزو
نهى:عمتو عشاني تمشيش نين تحظري فرحي قريب
انتصار:اكيدة حنحظره اصلا انا خلاص معش بنرد علي امريكا بنستقر هنا تعبت من الغربة الغربة شينة ومهما تبعد ومهما اتكون البلاد اللي انت فيها سمحة ومتقدمة مش حتكون زي بلادك اللي اوتلدت فيها وتربيت فيها ولا الناس كيف ناس بلادك
ام نبيل:فعلا مافيش زي وطنك
ام سالمة:مهما ايصير امعاك في بلادك ومها ايكون ظروف معيشتك لكن في الاول والاخير قاعد في وطنك بين هلك وناسك مستحيل ايصيرلك شر وانت بينهم
(والله يابنات الكلام من قلبي لان فعلا مهما تبعد مافيش زي بلادك برغم كل الظروف اللي فيهن #ليبيا سوا الحرب او الدولار الى اخره الا اني مستحيل انبدلها باي دوله ثانية مهما كانت متحظرة ومتقدمة اكثر منها #ليبيا في دمي ونفديها بروحي لو طلبت
فعلا زي ما قال الفنان
خذو المناصب والمكاسب لكن خلولي الوطن لان الوطن مستحيل تقدر تشريه بمال الدنيا كله ربي يحفظ #ليبيا الحبيبة وربي ايوحد اهلها علي كلمة وحدة لان في الأول والاخر كلنا خوت 😊)
انتصار:حكيت مع بو نبيل واتفقت امعاه بنقعد امعاكم لين انكمل فيلتي
نرمين:فرحتيني يااعميمة
سالمة انصدمت وشافت النبيل ونبيل غمتله بكل
"""
في العشية الكل لمو دبشهم وبيروحو ووزعو بعضهم عالسيارات بالنسبة السالمة طلبت من نبيل ان ماايكربش امعاهم بيسان ووافق دغري ولما جت بتركب امعاهم ماخلاهش وكلا نرمين زرت صهيب وقالتله اتركب بسنت امعاك نزعل وطبعا صهيب كله الا زعل نرمين وركبن هنا الاثنين مع خالهن ونسمة ونهى ركبن مع نبيل
#يتبع
زعما شن حيصير بين نبيل وسالمة بعد مااتعيش امعاهم بيسان والباين انها معبية شر ومش ناوية علي خير ابدا كله حنعرفوه في الحلقة الجاية 😊
أسفة لو فيه أخطاء في الأسماء وأكيد رأيكم ايهمني 😉
گـتـابـتـي Koka Saleh 😊
منقولة💖
