#نـصـيـبـي_فـيـك
الـحـلـقـة الـثـامـنـة عـشـر
رن فون نبيل ولما شافه لقاها ايمان اترن عليها بحت في سالمة لقاها لاهية في توتاي الشنطة دارلها مشغول وقعد ايحط في باقي دبشه في شنطته اشوي وجاته رسالة مكتوب فيها(معليش علي ازعاجي بس كنت حابة انباركلك لكن الباين المدام جنبك وشكلك انسيتني وانسيت هدرزتنا بس حط في عقلك انا ماانسيتكش ومش ححنساك لعند لما انموت واخيرا مبروك عليك)نبيل شاف الرساله ومادارش اي اهمية للكلام وسكر فونه وكملو توتاي دبشهم وطلعو سلمو علي هل نبيل وبعدين مشو الهل سالمة ودعوهم وعدو للمطار قعدو اشوية وجا موعد طيارتهم وركبو وطلعو التركيا اول ما وصلو للفندق اللي حاجز فيه نبيل مشو للدار تاعهم وكانو تعبانين من السفر
سالمة امتدت عالسرير:واااو تعبت من التقمعيزة عالكرسي ظهري وجعني
نبيل امتد جنبها:وانا زيك وقعد ايشوف السالمة وهيا مغمضة عيونها قرب منها وباسها علي خدها
سالمة فنصت عيونها وصبت من جنبه:انا بندير دوش ونرقد
نبيل يضحك عليها:باهي سومة
خذت سالمة دبشها وخشت للحمام وهي ترعش وخايفة وفي نفس الوقت مازال قلبها مامال النبيل ومش متخيله ان اتسير بينهم حاجة
طولت سالمة في الحمام لانها كانت خايفة تطلع وتلقى نبيل واعي وايدير حاجة هي مازال مش جاهزتلها
نبيل يرجى فيها وحسها طولت عرف انها خايفة منه دق عا الباب
نبيل:سومة خلاص اطلعي ارقدي عارفك تاعبة اليوم
فتحت سالمة الباب وطلعت:انت بترقد
نبيل:اها بنرقد وانتي ارقدي
سالمة:باهي ومشت تجري ورفعت الورغان وتغطت بيه وامتدت ورقدت
خش نبيل خذا دوش سريع وطلع لقى سالمة راقد امتد جنبها عالسرير وقرب منها طبع بوسة خفيفة علي خدها مسك يدها ورقد
"""
في فيلا نبيل نرمين في دارها وماسكة فونها وفاتحة نت وفي لحظة جتها فكرة وحبت اديرها وهي انها ادور صفحة صهيب عالفيس واتخش اتشوفها خشت علي صفحة سالمة لقاته من الاصدقاء خشت علي صفحته وبدت اتشوف فيها واتقصقص عليه ومالقتش عنده ولا بنت فرحت ولكن الفضول قاتلها وقعدت اتشوف في كل مناشيره ومن امعلق وفجأة ظغطت لايك بالغلط(وهذي اكثر مشكله انطيحو فيها اللايك بالغلط😂)المهم نرمين قعدت اطير وتنزل ومعش عرفت تصرف ومن حظها النزيك صهيب كان فاتح نت وفطن للايك ولما شاف الاسم عرفها هي خشلها خاص وكتبلها(عليش اتفتشي في صفحتي من سمحلك)وهنا نرمين جمدت في مكانها ومالقتش الا حل واحد ينقضها من المشكلة وهو الحظر وهوب شلفطاته حظر صهيب انصدم من تصرفها
صهيب;البنت هذي غريبة كيف بنتعامل امعاها بس
اما نرمين عشان تنسى عملتها سكرت النت وعلقت سماعات وولعت قرأن ورقدت
"""
صباح ثاني يوم وكان يوم جديد بالنسبة العرسانا نبيل وعى قبل سالمة بحت للساعة لقاها الساعة 10ماحب ايوعي سالمة وخلاها علي راحتها وقعد متتمد جنبها عالسرير وايشوف فيها وذايب في ملامحها وشكلها وهي راقدة قرب منها وقعد ايداعب في وجها بأطراف اصابعه
نبيل ايمرر في اصابعة علي وجها:سومة حبي هيا خلاص نوضي
سالمة حست بيه ووعيت وشافت قربه منها خافت
نبيل:صباح الورد
سالمة قلبها ايدق بسرعه:صباح النور
نبيل قرب من خدها ويبي ايبوسها سالمة لفت وجها للجيهة الثانية ونبيل حس ان سالمة تبيش ايقرب منها صبى من جنبها من دون مايحكي ولا كلمة وخش للحمام اما سالمة فقعدت تبكي وجعها اللي ادير فيه النبيل وفي نفس الوقت مش قادرة اتوافقة عالشي اللي يبيه لان الشي هدا لازم ايكون برضى واتكون حاس بشي تجاه الشخص اللي امعاك وهي مش حاسة بشي تجاه نبيل اشوي وطلع نبيل من الحمام وسالمة خشت تغسل في وجها وبعد ماطلعت
نبيل;سومة جهزي روحك عشان ننزلو نفطرو وبعدين ندهورو اشوي
سالمة;حاظر
نبيل طلع عشان ايخليها براحتها وبعد اشوي خاش لقاها لابسة وجاهزة
نبيل;كان كملتي هيا
سالمة:اها كملت
نبيل:شنو هدا
سالمة:شنو
نبيل:اللي علي فمك هذا شنو
سالمة:عادي نبيل مش واضح
نبيل:سومة واضح ياريت اتخفغيه
سالمة:نبيل والله مش باين وبعدين نحنا مش في ليبيا وهنا عندهم حرية
نبيل;الحرية ترجعلهم بس انا انغار عليك وماانحب حد ايشوفك بمكياج الا انا
سالمة:اووف نبيل شن هالتخلف
نبيل:سومة ماانحبش نغصب عليك بس خليها بجو حلو وخففي منه
سالمة:لا مش مخففة اصلا انا مش مكثرته
نبيل حمق من سالمة وكان فيه باكو مناديل عالزيانة كر منه طرف وجبد سالمة من خسرها وقربها منه وقعد يمسحلها فيه سالمة حست بيه وبقربه منها وبأنفاسه اللي علي وجها دفاته وبعداته منها
نبيل انصدم من تصرفها وقعد ايبحت فيها زين
سالمة تعقدت منه وفي نفس الوقت ماقدرت اتقول معش نمشي لان في عقلها خايفة ايسير شي بينهم وكانت بتطلع من الدار وخلاص
سالمة:خلاص مش حولته هيا نفطرو انا جيعانة بكل
نبيل:هيا بس طبعا تأكد من احساسه اللي حسه ان سالمة مش خوف منه لا سالمة رافضه ان ايقرب منها
ونزلو مع بعضهم وفطرو وبعد الفطور مشو يدهورو وايغيرو جو
"""
في بلادنا الحبيبة وفي الصبح تحديدا
وليد في صيدليته وفاتح نت وايفسفس خش علي زبون
الزبون:معليش خويا نبي بنادول
وليد رفع وجه :اووووو منيرو عاش من شافك وصبى سلم عليه
منير:عاش راسك وليد شن اخبارك شن داير
وليد:تمام التمام
منير:كيف صار مش هذي صيدليتك كنت في وحدة ثانية
وليد;غيرت الموقع هنا احسن
منير:فعلا والله لوله في مكان بروحها
وليد:اها لكن قولي شن جابك هنا انت
منير:كان عندي شغل والعزوز موصيتني علي بنادول القيت الصيدلية قدامي لكن مانحسابها صيدليتك
وليد:شن الشغل اللي جايبك هنا في الصبح ولا نقلت شغلك
منير;لا والله مازال مكاني لولي وانت مانقدر اندس عليك كنت عند الكبيدة
وليد يضحك:في الصبح
منير:والله هذا اللي صار طلبت اتشوفني وجيتها
وليد:باهي ربي ايتمملكم علي خير
منير:ان شاءلله مافيش اخبار علي امجد ليا واجد عليه بعد نقلو من جنبنا معش تلاقيت امعاه ورقمه راح من عندي
وليد;مازال ايكركر في الجامعه
منير:يضحك من يوم يومه ماايحب القراية تذكر ايام الثانوي ديما طالع من الحصة ومسيبها
وليد يضحك;مااتذكرنيش مازال لعند توا نفس الحركات
منير:عطيني رقمه
وليد:اهو اكتبه ومله عليه
منير:صحيت ياوليد انتلاقو ان شاءلله ومدله حق البنادول
وليد:خلي افلوسك امعاك هالمرة علينا
منير:لا والله مااتسير
وليد:تي بلا حركات للحاجة مش لكي
منير:بارك الله فيك سلام توا
وليد:سلام
"""
عرسانا منسجمين وجوهم سمح بكل عدو للملاهي وللحدائق ودهورو في المولات
سالمة:نبيل بطلت بنقمعز اشوية
نبيل:باهي سومة نمشو لعند امتاع الجولاطي ناخدو جولاطي وانقمعزو
سالمة بححت في مكان البياع:واااو بعيد معش نقدر
نبيل كرها من يدها:هيا خلاص بلا تنبله
ومشو خدو جولاطي وقمعزو ياكلو فيه
"""
صهيب قاعد مع اصحابه وماسك فونه وسارح في اللي داراته نرمين
منذر:عقلك وين ماشي ياصهيب صهيب ماردش
محمد:صهيب صهيب وين ماشي
صهيب:اه امعاكم
منذر:تي وين سارح ياراجل
صهيب:من قاللكم سارح قاعد هنا
محمد:تي نحنا الاثنين نحكولك مش امعانا بالله عليك في شنو اتفكر
صهيب:اطلعو من راسي قلتلكم مافيه شي
منذر:شكله الحب
محمد:لا مستحيل صهيب ماايديرهش
صهيب:ساكت
منذر:وحق ربي شكلها صح
صهيب:تبو الحق لنقنه صاحبكم طاح فيه
محمد:كيف صار مش نحنا الثلاثة متفقين علي شعار لا للحب
منذر:قصدك خلفت الوعد اللي بينا
صهيب:والله ياجماعه هذا اللي صار
محمد:تي باهي من
صهيب;والله مازال ماعرفتها
منذر:كيف هدي اتحب وحدة ماتعرفهش
صهيب:هدا اللي محيرني لعند توا مش عارف شاك في وحدة لكن مش متأكد
محمد:هدي قصة
منذر:لازم تعرفها
صهيب:حتى انا مش مستسلم لازم نعرفها
"""
في المغرب مرام تحكي مع حسام
حسام:مرومتي بكرا هلي بيجوكم
مرام:بكرا عليش
حسام:بيحددو الفرح
مرام بصدمة:شنو
حسام:كنك انفجعتي
مرام:مازال بدري
حسام:شنو اللي بدري انا كل شي واتي عندي في شن نستنو
مرام:انتعرفو اكثر
حسام يضحك:انتي يامهبولتي نحنا ولاد عم راه شن بنتعرفو
مرام بخوف:مش عارفه بس مازال بدري
حسام:انتي خايفة مني صح وخايفة من فكرة الزواج
مرام:انت هكي اكويس امعايا انخاف بعد نجوزو اتغير عليا
حسام:مرومتي انا انحبك مستحيل انتغير عليك وحنخليك اميرتي وانعيشك ملكة عندي مااتخافيش مني
مرام:يعني حبك ليا مش حينقص
حسام:بالعكس حيزيد مرومتي ونقعد انحبك اكثر واكثر وبذات لما اتجيبيلي اعويله منك
مرام بفرحة:كلامك ايهبل
حسام:وحتى العيشة امعايا تعجبك وحنخليه فعل مش بس كلام وانخليك اسعد وحدة في الدنيا
مرام:انحبك حبيبي
حسام:انموت فيك حبي
""""
في تركيا عرسانا كملو اليوم برا وتعشو في مطعم حلو وبعدين روحو للفندق تعباني
