شفاه ذابلة

ذنب لا يغتفر

مساؤكم عافية...لاجل عيونكم...رغم ايدي توجعني وما اكدر اكتب بس لان طلبتوا ولحيتوا واني ما احب ارد احد...بارتوت صغير هذا الي كدرت عليه
...متابعة ممتعة...
البارت العشرين
همس ليل
بعد ماعطت من الالم وصفاء يسد بحلكي...
بس استمر ولا كأنه اني ارافس جواه...
ابتعد وهو يباوع للفراش جواية...
_شنو الموضوع هدى
جان ادموعي ادير...شبيك صفاء ليش هيج
شفته تعصب انتي كوليلي...شنو موضوعج ..
انسحب وهو يلبس ملابسه جريت الغطى على نفسي
واباوع عليه باستفهام
_شنو
_ليش ماكو دم
_شنو
_شبيج طرشة...داسأل
_ما ادري
_شنو ماتدرين...
كام يفتر بالغرفة مثل الاسد الاسير
رجع وكف يمي...فهميني مو كلتي ماكدر ياخذ مني شي
_اي والله...ماكدر
اني كمت ارجف مثل السعفة واختض
_لعد شلون هيج
هزيت راسي واني اجاوب ومخنوكة بشهكتي
_والله مادري
_اكو احد متحارش بيج من انتي صغيرة
رجعت لهزة راسي
رجع يفتر بالغرفة...
_زين هو اكو شي ...حسيت بشي...
ليش لعد ماطلع دم...
جان عبالك يحجي وية نفسه...
رجع قرب راسه لي...
_مو جنت تتوجعين من تقربتلج
ماكدرت اجاوبه واني ارجف...
_كافي راح يصير بيج شي...
اهدي ...
جاب بطانية ولفني بيها...
_صف..اء...والله محد...طاخني...والل..ه
جنت امتمت من الرجفة ...
رغم جان عصبي وشايط بس جرني لحظنه
_اهدي خلي نفهم...
_اذا..ما..مصد..كني ...ودي..ني للدكتورة
_اول شي بطلي ترجفين راح يصير بيج شي
وكومي بدلي نروح...بين ما اغسل
بس لا تحجين كدام امي شي
راح للحمام غسل...ورجع لاكاني على نفس الرجف اريد الزم ملابسي ما اكدر...
ساعدني ...روحي غسلي وجهج
بين ماغسلت ورجعت لكيته مبدل...
وجايبلي مي...شربت...
نزل واني وراه
تلكتنا امه..
_ها وين
صفاء...نطلع شوي بلكت تفكها وتروح الخوفة
التفت علية...يمة عروسة انتي شنو هيج طالعة قطرة مكياج ماكو بوجهج
صفاء...اني ماقبلت...
ام صفاء...يمة عاد اتخلي كحلة
صفاء تعصب وصاح
_داكولج ما اريدها تخلي...لا تلحين
جرني وراه  طلعنا...
جان اكو دكتورة قريبة...وقليل عليها السرة
ظلينا كاعدين...من وصل سرانا طلب من السكرتيرة نفوت وحدنا
راحت للدكتورة تسالها ورجعت دخلتنا
كعدنا مقابيل الدكتورة
_خيرج بنتي شبيج
دنكت ودموعي كامت ادير...
_شلون راح افتهم منج وانتي هيج تبجين
التفتت على صفاء...
_شصير منها
_زوجها
_احجيلي...شكلكم مزوجين جديد
_اي دكتورة...بس
_شنو
_يعني دكتورة اريد اتاكد بنية لو لا...
لان ماطلع شي.
_اني غالبا ما اقبل بهيج حالات...
بس دباوع مرتك تريد تموت من الخوف
وقبل ما افحص ...
توعدني ماتتسرع اولا...وثانيا مالي دخل بالموضوع
_اوعدج
_كومي ماما على السدية
صعدت واحس دايجيني الموت البطيء
كشفت علية...البسي وتعاي نحجي كدام زوجج
جان اكو ستارة كبال السدية...
_شوف ابني...اني احجي للامانة المهنية
اذا اكو شي اكول...
بس قبلها اسألك من تقربت لمرتك...
حسيت بحاجز لو لا
_اي
_زين ما حسيت تألمت
_لا بالعكس كامت اتصيح
_الظاهر عليك اول تجربة لك...
ابني ترة غشاء البكارة انواع...مو كل الانواع لازم يطلع دم...
هذا اعتقاد خاطئ...
ترة يكفي الي حسيته حتى تعرف مرتك بكر
وهذا نوع من الغشاء يسبب الالم عند فتحه بس ماينزل دم...وهو نادرا
وعموما مرتك سليمة ..
وجانت عذراء...
اني بقت ادموعي ادير...
التفت الدكتورة...لا تبجين هو شعب متخلف ...بس احمدي ربج زوجج متفهم وجابج...
طلعنا منها نتمشى للبيت بس احسه مهموم...
اول مادخلنا...كال اصعدي فوك...
صعدت...وبقيت فترة يلا صعد
كعد على الجرباية وراسه بين ايده...
مديت ايدي على جتفه...
_بعدك مامصدكني صفاء
رفع راسه يباوع علية...
_شراح يقنع امي...
لو مخليتنا فاضيها من اول ليلة...
بس هسة راح تلح الا انطيها دليل
_كوللها حجي الدكتورة...
باوع علية وصفن...
جرني للجرباية واني متفاجأة...
مجان قربه هالمرة حب...
عبالك جان يأدي واجب...
_اريد اطلعين صوت
_شلون
_صيحي...
ماعرفت امثل...ضربني راشدي...
من قوته صحت صدك...
انسحب مني...
فتح المجر...وطلع شي ابيض..
_روحي اغسلي
_شدسوي
_معليج...صاح بعصبية
كمت دخلت للحمام...
واثناء مااسبح سمعت هلاهل امه...
شلون فض الموضوع...
طلعت للغرفة دابدل واجت امه تباركلي...
_عفية عمة...يوم تفرحين بالولد الصالح
مرت الايام لحد مابدى دوامي...
بس علاقتي وية صفاء مو علاقة محبين
جان اكو شرخ بزواجنا...
ماعرف اوصل لاعماقه...
جاف من ناحية المشاعر...
مامقصر وياي بشي ولا اني..
بس اكو شي نقص....
جانت عام ٢٠٠٧ عام الطائفية والقتل ...
اذا يطلع واحد منهم نموت خوف عليهم
صفاء بعد ماخلاني اوصل لبيت امي...
بس هية واحمد دائما يجوني...
خلصت السنة الاولى واحمد تخرج وعلاء تعين
وبديت بالثاني...
بداية ٢٠٠٨ صار تغيير بوضع بغداد وبدت تقل الطائفية...
بس المفخخات والعبوات مالية الشوارع...
علاء راد يزوج وخطب بنت خاله جان اصلا يريدها
واليوم جان المهر...طبعا صفاء ابد ماطالع وياي يوم ومشترلي...
دائما ينطيني فلوس واطلع وية امه..
رحنا قبل كم يوم واشتريت فستان فضي طويل...
ردنه شفافة وهو مكسم على الجسم...
ومابي اي تفصيل بس قماشته وكعدته على الجسم حلوة...
عمتي هم اخذتني خصلت شعري على طوله وعفته مفتوح...
وخليت مكياج...
طب صفاء...تفاجأ...
_هاي شنو...شوكت سويتي شعرج..
_اليوم...حلو
انداريت اشوفه شعري
_لج هاي شنو الفتحة مال الفستان
_ماتبين....وبعدين كلنا بنات
شفته راح كعد على الجرباية...
ويباوع علية...
جان نفسي لو يجي يحظني...
اريد يوم يبوسني بعيد عن الجرباية
او يحسسني مشتاقلي...
خلال هالسنتين من زواجنا...
_شكالولج عني واخليج هيج اطلعين
_صفاء ترة كلها لابسة هيج...
وبعدين كعدة بنات
_علاء راح يدخل
بس اني ابد مالابسة حجاب كدام علاء
_تلبسين منة وهيج...
وبدلي ملابسج
_ماعندي صفاء...بس هالمرة
_كتلج بدلي اغسل وارجع الكاج مبدلة...
بقيت بملابسي كلت بلكت يقنع
طب ينشف بشعره...
_هاي بعدج...
_مو كتلك ماعندي شي مناسب
_البسي اي شي
_ما اروح لعد
كعدت على الجرباية
_تسوين فضل
بدل ولبس غاطه وكف على المراية يمشط شعره ويلبس ساعته ولا كانه...
واني اتكرضم...
_ليش باقية بملابسج
_كتلك ما اروح ماعندي شي
_خلاص كومي بدلي ملابس بيت لا تبقين هيج
عافني ونزل...
سمعت هلاهل عمتي ...وصوت علاء من يهرج...
وهواي اصوات اكيد اجو خالاته...
وانتظر هسة يجي..
بعدين خفت الاصوات...
واختفت...عرفت راحوا..
حيل انقهرت...ولا اهتم لي...
هاي من المواقف الي ما احسه ماموجه اهتمام بيها انو اني زوجته...
شوي سمعت صوت دك على الباب
فتحته...
_من هاي مايقبل رجلج تجين...
والله تكسرين على العروسة
_شعندك لسة مارايح
_شلون اروح بدون خيتي ...
_لا صدك شرجعك...
_امي كالت صفاء ماخلاج تجين...
رجعت علمودج...
_روح علاء...ما اكدر مادام ماقبل
سمعت صوت عمتي من جوة
_تعاي يمة غير انتي مرت الجبير
ومعليج بصفاء اني احاجيه
_عمة خاف يتعصب..
جاوبني علاء...مو عجيزنا كالتلج بضمانتي
ليش بعد منو يكدر يحجي وياج
امشي يلا
فكرت شوية وكلت شيصير...
جبت عبايت ورحنا طلع ابن خالهم ينتظر بالسيارة
وصلنا لبيت العروسة وخلصناه ركص وهلاهل...
لحد ماكالوا راح يدخل العريس...
وكفت بزاوية برة البنات كلت خاف احد يدخل وياه
دخل علاء ووياه صفاء يصور
بلحظتها خفت...كلت لو باقية احسن...
بقيت خاتلة...لحد ما علاء صاح وين خيتي هدى تجي تساعدني بالذهب...
شفت صفاء نزل الكامرة وكام يتلفت ...
عمتي اجت جرتني ...تعاي يمة
شفته خزرني بعينه...ومن فتت يمه...
شاورني...بسيطة من نرجع حسابي وياج...
...وللحكاية بقية....