K'ADDARA TAH COMPLETE

20

'''K'ADDARA TAH!!!'''

🌹
🌹🌹
🌹🌹🌹
🌹🌹🌹🌹
🌹🌹🌹🌹🌹

~NAH~

*HAUWA A USMAN*
_(JIDDARH)_

*🌈KAINUWA WRITERS ASSOCIATION✍🏻*
_(DASHEN ALLAH)_

_Bismillahir rahamanir rahim, da sunan Allah mai rahama mai jin ƙai, godiya da yabo sun tabbata ga Ubangijin sammai da Kasai_

BAN MANTA DAKU BA, HAR KULLUM KUNA CIKIN RAINA

AUNTY FAUZA ('YAR AMANA)
AUNTY BATUL ADAM JATTKO
MARYAM AHMAD PAKI (KANWA TA)
KHRTY
NUSSEE

20

*EDITING BY MOMYN ZARAH*

Tunda Fauziyyah ta kwanta ba bacci takeyi ba, idon ta biyu, in banda kuka babu abinda yake yi, jikin ta duk ya mutu ga kanta dayakeyi mata masifar ciwo kamar zai tsage, tana cikin kuka Aisha ta shigo tsayawa tayi akanta tana kallanta sai can tace " Aunty mai akayi miki?

Kamar daga sama taji muryar Aisha dan bata san shigowarta ba sai kawai maganar ta taji, cikin zafin nama Fauziyyah ta goge fuskarta tacewa Aisha" bakomai kaina ne kawai yake man ciwo, Aisha batace mata komai ba sai fita datayi, dan kiran Mama, saboda Maman tace idan ta farka ta kira.

Da sauri Maman ta shigo d'akin a bakin gado ta zauna kallon Fauziyyah take kamar bazata daina ba, ajiyar zuciya Mama ta sauke tacewa Fauziyyah tashi kiyi wanka kiyi sallah, sai da Maman ta taimaka mata sannan ta iya mik'ewa, Aisha Mama ta saka takai mata ruwan wankan, bayan ta fito daga wanka ta shirya sannan ta shiga jero salloli, cikin nutsuwa take karatun Qur'aninta tanayi tana zubar da kwalla.

Har sai da akayi kiran sallar ishsha sannan ta rufe Qur'anin ta mik'e ta gabatar da sallar, tana idarwa Aisha ta shigo d'auke da farantin abinci ta dire a gabanta, fita ta kuma yi ta d'ebo mata ruwa ta kawo, itama waje ta samu ta zauna a gefen ta, sai da Fauziyyah ta gama azkar d'inta, ta ninke hijab d'in, ganin tana shirin komawa ta kwanta ne yasa Aisha cewa " Aunty ga abincinki nan fa na kawo, " na k'oshi ta bata amsa adak'ile, " Aunty dan Allah kitashi kici ko kad'an ne, " nace miki nak'oshi ko.

Bata kuma yi mata magana ba ta fita ta nufi d'akin Mama, ko sallama babu ta danna kanta d'akin, "Mama wai Aunty bata cin abincin, ta fad'a cikin shagwab'a, d'akin Mama ta shiga, Aisha na biye da ita a baya, tun daga k'ofar d'akin Mama ke jiyo shashshekar kukan ta, da sauri ta k'arasa d'akin tana kiran sunan ta, saurin goge hawayen fuskarta tayi, bata iya amsawa Mama kiran da take mata ba, saboda tana bud'e bakinta kuka zai biyo baya.

bakin gadon ta kuma zama batayi mata magana ba ido kawai ta zuba mata "Fauziyyah ta kira sunanta a hankali"Na'am kawai tace, shiru Mama tayi sai can tace " Fauziyyah wai mai yasa kike da zurfin ciki ne, nayi2 dake ki fad'amin damuwarki da matsalarki amma kink'i, ya kamata ace kin san ni kad'ai nafi kowa kusanci dake ni nafi cancanta dana san matsalarki ko sirrinki, saboda ni zan iya rufa miki asirin da duk duniya ba mai iya rufa miki shi.

Nice fa mahaifiyarki, ni na d'auki cikin ki wata tara da kwana tara, na shayar dake na yaye ki ban tab'a bawa kowa ruk'onki ba, ni na raineki, kin fi kusanci da sabawa dani fiye da kowa, ki fad'amin abinda yake damunki tun wuri mu tare shi da zafin addu'a kin san addu'ar mahaifi, kin san bakin mahaifi,saban kuka Fauziyyah ta saka tana cewa " Mama ni kaina na rasa meke damuna na rasa meye matsalata ban san meke damuna ba, kawai dai ina jin bak'in ciki araina ne, shiru Maman ta kuma yi can tace " Fauziyyah tunda kink'i fad'amin damuwarki shikenan rainan danayi muku baiyi min amfanin komai ba, kin san tashin hankalin ko fushin su bak'aramar masifa bace a rayuwar d'a ba, na dad'e ina tambayar ki matsalarki amma kinyi biris dani, in banda kuka babu abinda Fauziyyah ke yi, jikin Mama ne yayi sanyi dan ganin halin da 'yar tata ke ciki, tasan koma meye ba k'ara mun abu bane, amma bakomai in sha Allah zata taya ta da addu'a. "

Fuska Mama ta b'ata tace " idan bakya san fushi na a kanki ki d'auki abincin nan ki cinye tas ki mik'o min kwanan yanzu, "to tace badan ta so amma yaza tayi haka tamik'e, jin abincin take kamar magani, " Aisha jeki d'aki kan kobet ki d'auko min paracetamol, "to Aisha tace, cikin sanyin jiki, dan itama ta damu sosai ganin halin da 'yar uwartata ke ciki, dan ba k'aramar shak'uwa ce a tsakanin su ba, "gashi Maman mu, karb'ar maganin tayi ta b'allar mata biyu ta mik'a mata, sai da ta cinye abincin tas, ta shanye maganin ta kwanta Mama ta kalle ta tace, bazan matsa miki lalle sai kin sanar dani damuwarki ba, idan kinga na cancance hakan kya sanar dani, ta fice daga d'akin, bacci mai nauyi yayi awon gaba da ita ba tare data sani ba.

Director ne zaune a office d'insa sai gumi ne ke keto masa yana gogewa, sai tunane yake ya kasa sanin mafita, yakai wajen 2hrs, ya rasa mafita, dafarko yace idan har ya bari video ya fita to tabbas sai ta shafe shi, kuma ya zubar da mutuncin makarantar da d'aliban sa, idan kuma yace meeting zaiyi da gaba d'aya lecturers d'in makarantar nan ma dai bai tsira dan asirin ne zai tuno, da kyar dai ya nemo mafita, takarda ya rubuta ta neman mahaifin Fauziyyah da ita kanta Fauziyyah, takas ya tashi d'an aike har gidan su Fauziyyah, d'an aiken na zuwa yaci sa'a ya sami Abban su Fauziyyah a k'ofar gida yana alwala, hannu ya mik'a masa suka gaisa daga bisani ya sanar dashi daga inda yake da kuma sak'on dake tafe dashi, takardar ya amsa yayi masa godiya ya wuce.

Gida ya shiga ya sanar da Maman su Fauziyyah cewar ana neman sa gobe k'arfe 10:00am, jikin ta sanyaye tace "Allah yasa alkhairi ne, amma tabbas jikinta ya bata akwai wani abu a k'asa duba da yanayin da Fauziyyah ke ciki, "Amin shima yace, duk abinda ke faruwa akan kunnen Fauziyyah amma jikinta bai bata komai ba.

*WASHE GARI K'ARFE 10:00am A OFFICE D'IN DIRECTOR*

*ALHAMDULILLAH*

*MOMYN ZARAH*

'''KU BIYO NI DAN JIN YADDA ZATA KAYA YANZU AKA FARA WASAN'''