K'ADDARA TAH COMPLETE

40

'''K'ADDARA TAH!!!'''

🌹
🌹🌹
🌹🌹🌹
🌹🌹🌹🌹
🌹🌹🌹🌹🌹

~NAH~

*HAUWA A USMAN*
_(JIDDARH)_

*🌈KAINUWA WRITERS ASSOCIATION✍🏻*
_(DASHEN ALLAH)_

_Bismillahir rahamanir rahim, da sunan Allah mai rahama mai jin ƙai, godiya da yabo sun tabbata ga Ubangijin sammai da K'assai_

DEDICATED TO

UMMIEN FAUZAN
UMMY ONYOP
KHAIRTY (YA SHEIK)
HAUWEE LOVE
UMMU FATIMA
FATIMA ZARAH

*EDITING BY MOMYN ZARAH*

40

A emergency room kuwa da kyar aka shawo kan Fa'iz, dan sai da suka b'ata lokaci sosai, turo shi suka yi zuwa d'akin sa, bayan nurses sun fita doctor ya kalle Fa'iz yayi murmushi yace " nasan idon ka biyu ka bud'e ido zamuyi magana, a hankali Fa'iz ya bud'e lumsassun idanun sa, ya sauke su a kan doctor, shima doctor kallon sa yake yi a hankali yace " Fa'iz ina baka shawara akan ka hak'ura ka mik'a dukkan lamuranka ga, duk wannan abun bashine zai fishsheka ba, idan Allah yayi yarinyar nan matar ka ce, to ka sani babu makawa sai ka aure ta, dan haka ka dangana ka nemi auren ta a wajen mahaliccinta, duk abinda kaga ya samu bawa daga Allah ne kuma da sanin sa, please brother kayi hak'uri ka maida komai ba komai ba, ka nutsu, ka maida hankali akan lafiyarka ka rink'a shan magungunan ka akan lokaci.

Shiru Fa'iz yayi jikin sa duk ya mutu, tabbas yasan komai daga Allah kuma wannan ba kumai bane face K'ADDARA SU, ganin ya fara samun nasara ne yasa doctor din ci gaba, yace " kar sai ka gama kashe kanka, ma'ana ka bari cutar ta gama shiga jikinka taci k'arfinka sannan Allah ya baka Fauziyyah kaga alokacin babu wani amfani, da sauri ya d'ago kai yace " no doctor in sha Allah hakan bazata faru ba, " to idan baka san hakan ta faru sai ka rinka ragewa kanka tension da tunani, ka maida hankalinka kan neman lafiyar ka, ka rink'a shan magungunan ka, da sauri yace " I will try my best doctor, so please help me, murmushin jin dad'i doctor yayi yace " in sha Allah zan taimakeka, yanzu tashi in taimaka maka kayi wanka, da taimakon sa yayi wanka yayi sallah yaci abinci.

Kafin 1 week da taimakon doctor Fa'iz ya murje yayi kyau yayi sumul, doctor ya zama tight friend din Fa'iz, dan tare suke yawa doctor yana d'auke masa kewa sosai, yana bala'il k'ok'arin akan Fa'iz, bayan Fa'iz ya warke an sallame shi, doctor ya tambaye shi ina ne gidan su, nan Fa'iz ya bashi labarin sa tun daga farko har k'arshe, amma bai gaya masa abinda ya shiga tsakaninsa da Fauza ba, doctor ya tausaya masa sosai, bayan ya tashi daga aiki ne, ya d'auki Fa'iz ya kaishi gidan su yayiwa Momyn sa bayanin komai, ita ta tausaya masa sosaiTa kuma k'arb'eshi hannu bibbiyu, da yake Momyn Doctor Adam mutance mai mutunci da sanin darajar dan Adam, sosai ta mutunta Fa'iz, yadda takeyiwa Adam haka take yi masa, in dai Doctor baya office to suna tare da Fa'iz tare suke zuwa ko'ina wani tym din ma har office, sosai Fa'iz yake jin dad'in zaman gidan su Adam.

Tunda abinda ya faru gidan ya zama kamar gidan makoki, kowa yana d'aki yayi jugum, ganin halin da gidan yake yasa Abba yanke hukuncin d'aura auren Sadik da Fauziyyah, Baba ya samu yake sanar dashi hukuncin daya yanke, murmushi Baba yayi yace " bakomai ai duk 'ya'yan ka ne, Abba yace " idan ka shiga ya sanar dasu za'ayi meeting bayan sallar la'asar, "to kawai Baba yace jikinsa a mace, Abba ya lura da yanayin Baban amma yayi kamar bai ma san yana yi ba.

Kowa ya hallara a babban parlon, Abba ya kalle Sadik yace " bud'e mana taro da addu'a, addu'a Sadik yayi suka shafa, Abba ya kalli Baba yace " Bissimillah, kayi musu bayani, gyaran murya Baba yayi yace " mun yanke hukuncin d'aura auren Sadik Da Fauziyyah, Aisha da Farouk, ranar asabar din nan mai zuwa in Allah ya yarda, yau lahadi kunga kenan saura kwana shida, satar kallon Fauziyyah Sadik yayi yaga ta zabura gaba daya ta gama fita hayyacinta, ya lura bata cikin farin ciki, duk ta zare, gashi tayi muguwar rama wayi bak'i sosai, ita ko Baba na sanar da d'aurin aurenta da Sadik gabanta yayi muguwar fad'uwa, da sauri ta d'ago kai ta kalli Baba, tayi rau-rau da ido zatayi kuka, Mama ma ita take kallo gaba d'aya hankalinta yana kan Fauziyyah, Aisha da Farouk duk sun sadda kai k'asa, alamar jin kunya.