K'ADDARA TAH COMPLETE

29

'''K'ADDARA TAH!!!'''

🌹
🌹🌹
🌹🌹🌹
🌹🌹🌹🌹
🌹🌹🌹🌹🌹

~NAH~

*HAUWA A USMAN*
_(JIDDARH)_

*🌈KAINUWA WRITERS ASSOCIATION✍🏻*
_(DASHEN ALLAH)_

_Bismillahir rahamanir rahim, da sunan Allah mai rahama mai jin ƙai, godiya da yabo sun tabbata ga Ubangijin sammai da K'assai_

*EDITING BY MOMYN ZARAH*

29

Abba na driving yayi zashi gida ,fitilar motar sa ce ta haska masa wani abu a kwance cikin jini kamar mutum ,har ya wuce sai yaga kamar abin yana motsi a hankali yayi parking motar sa ya fito ,mutum ya gani yayi jina-jina cikin jini,d'an ja da baya Abba yayi gaban sa ya fad'i dan ya d'an tsorata ,motar sa ya koma yaja ya tafi ,har yayi d'an nisa sai yaji gaban sa na fad'uwa sai yaga kamar bai kyauta ace yaga mutum cikin jini halin rai ko mutuwa amma yak'i taimakarsa sai ya tuna ranar daya fara shigowa kano shima ,a hankali ya karya kan motar sa ya koma ,da kyar da taimakon wasu mutane suka saka Fa'iz a mota,Abba yace "pls kuma ku shiga muje hospital d'in tare dan kuyi min shaida "ah to bakomai inji wani mutum daga cikin mutanan,dakyar Doctors suka karb'i Fa'iz,aka shigar dashi Emergency room,godiya Abba yayiwa mutanan,sannan suka tafi,wayarsa ya zaro ya kira Baba yake shaida masa abinda ya faru.

Anan Baba yazo ya sami Abba jikinsa shima duk jini,da gudu Baba ya k'arasa inda Abba yake yana k'ara tambayar abinda ya faru,ya bud'e baki zai bashi amsa aka fito da Fa'iz daga emergency aka tura gadon zuwa wani d'akin a baya suka busu,Doctor ya kira su Abba zuwa office,anan doctor yake shaida musu ya samu buguwa sosai amma sun bashi duk wani taimakon gaggawa daya kamata ,amma bazai farfad'o ba sai nan da bayan sati d'aya, "innalillahi wa'inna ilaihirraji'un Abba yace ,Baba yace " to yanzu wazai zauna a wajen sa ? " a'a badamuwa acikin ma'aikatan mu zamu samu wanda zai rinka kwana dashi in sha Allah,duk wani abu da ake buk'ata su Abba ne suka biya kud'in sannan suka tafi gidan,a hanya ne Abba yake bawa Baba labarin duk abinda ya faru,bayan sunje gida nan ma yake bawa Mama labarin komai.

Washe gari da misalin k'arfe 11:30am Abba,Baba,Mama,Umma suka shirya gaba d'ayan su suka nufi hospital ,direct d'akin da aka kwantar da Fa'iz suka wuce Doctor da nurses suka samu suna duba shi ,aka yi masa allura aka saka masa k'arin jini,hunnu Doctor ya mik'awa Abba da Baba suka gaisa sannan suka ya fita ,da yake jiya da daddare akayi komai Abba bai ga fuskarsa ba sai yau ,ji yayi tausayin Fa'iz ya kama shi farat d'aya kuma yaji k'aunarsa ta shige shi a hankali ya shafa kansa yace " Allah ya baka lafiya,"Amin ,amma duk yadda akayi yaron nan ba bahaushe bane,dan yafi kamata da Indian,cewar Baba ," gaskiya nima haka nake tunani kuma duk inda ya fito daga babban gida yake dan da ganinsa kasan daga gidan arziki yake ba gidan tsiya ba ,sun kai 30mts sannan suka tafi.

Rayuwa na tafiyarwa Barrister Fauza da Farhan yadda ya kamata,yani mugun so da kulawa Farhan yake bata ,ko k'uda bai kaunar ya tab'a masa BFauzan sa itama a hankali taji ya fara shiga ranta yana ratsa mata ko'ina na jikin ta kai har cikin jininta tana jinsa da yake Farhan mutum ne mai surutu da barkwanci ga wasa da dariya gashi da kyawawan halaye bashi da girman kai ko nuna isa idan ka ganshi bazaka tab'a cewa d'an gwamna bane, dan rayuwar sa yake cikin hankali da nutsuwa,haka ma a b'angaren Sadik kullum sai sun yi waya kusan sau 3 ,wani mugun so yake mata wanda ita kanta ta kasa gane wanne irin so Sadik ke yi mata,kusan kullum sai yayi mata kuka wai ta kular mishi da kanta ,wai ga missing d'inta yana samunsa in banda ta hana shi da tuni yayi zuwa yafi a irga,ita kanta ta kasa gane wa tafi so tsakanin Sadik da Farhan,amma acan k'ark'ashin zuciyarta tana jin wani abu wanda ta rasa menene data tuno Sadik ko Farhan sai taji gabanta yayi muguwar fad'uwa kirjinta na bugawa da sauri ta rasa mai yasa take jin haka.

Haka zalika da wani daga cikin so ya kira ta da suna FAUZA MY ko FAUZA ko idan wani daga cikin su yayi mata maganar soyayya (dad'ad'an kalamai) sai taji gaba d'aya ta rasa mai yake yi mata dad'i hankalinta ya tashi wani abu yana taso mata daga zuciyarta ta rink'a jin k'unci tana san sanin dalili amma ta rasa,data rasa dalili sai ta mik'a lamuranta ga Allah ta dage da addu'a,dan gaba d'aya a 'yan kwanakin nan ta rasa mai ke damunta tana yawan jin fad'uwar gaba,tanaji a jikin ta kamar wani abu ya faru da ita.

" _TO MUDAI SAI DAI MUCE ALLAH YA KYAUTA,KO ME YAKE DAMUN BARRISTER FAUZA OHO_

Haka ma a b'angaren Sadik shima yana jin irin yanayin da Fauziyyah ke ji,haka yana cikin irin halin da take ciki gaba d'aya ya rasa mai ke damunsa kwata-kwata baya cikin kwanciyar hankali ga wasu mugayen mafarkai da yake yi akanta, yana yawan yin mafarkin wani ya kwace masa Fauzansa ko kuma suna zaune a wani lambu mai kyau suna hira wani yazo ya tsaya a kansu sai yaci gaba da tafiya kawai itama B FAUZA sai ta mik'e tabi bayansa, ko yana wayan ganin taran d'auren auren Fauza amma wai bashi bane angon ba kuma duk mutum d'aya yake gani amma ya kasa gane fuskarsa.

Yaune wa'adin Doctor zai cika,tun safe Abba da Baba suka zo amma har wajen 4:00pm Fa'iz bai farka shima doctor yayi mamaki kwarai da gaske,allurai akayi masa aka saka masa oxygen ba'afi 1hr da samai oxygen ba hannunsa ya fara motsi da gudu Abba ya ruga ya kira doctor tare suka shigo da doctor d'in a hankali Doctor ya cire masa oxygen,aiko nan take ya fara tari sai da tarin ya lafa sannan ya bud'e idonsa a hankali yake bin d'akin da kallo kamar marar hankali,wani irin abu yake yi daka kalle shi kasan baya cikin hankalin sa,ba'afi 1hr da farkawarsa ba ya fara surutai marasa kan kan gado,kasa motsi Abba yayi sai Baba ne yayi k'arfin halin zuwa kiran doctor ,bayan doctor yazo ya dudduba shi ne ya kalli su Abba yace " please kuyi hak'uri ya samu tab'in hankali "kamar ?ya cewar Abba " kwantar da hankalinka inyi muku bayani, sakamakon dukan da akayi masa da k'arfe akai shine ya jawo masa haukacewa mu godewa Allah ma da bai mutu ba dan da gani san kashe shi akayi ba,bawai a iya illatawar aka so tsayawa ba gaskiya.

" Innalillahi wa'inna ilaihirraji'un yanzu doctor meye abinyi ? "Eh to gaskiya yanzu bazamu iya sani ba ,amma zamuyi iya k'ok'arin mu dan ganin ya dawo hankalin sa, "nan da wane lokacin kenan? " magana ta gaskiya bazamu iya sani ba amma a kalla zai iya kaiwa 6mnts, kuma koda anyi hakan ma dakyar zai dawo normal kamar yadda yake a baya, "to yanzu doctor ina zamu nemo iyayensa ko danginsa?

"Sai dai ku d'auki photo nasa ku kai gida TV da radio ku bada cikiya ko Allah zai sa a dace,cikin sanyin jiki Baba yace " anan asibitin zaku barshi ko zaku kai shi na mahaukata? " a'a anan zamu barshi muma muna da secretary's (asibitin mahaukata),jiki ba gwari su Abba suka koma gida,kamar yadda Doctor yace haka su Abba sukayi amma an rasa iyaye ko dangin Fa'iz.

Su Fa'iz kuwa an samu duniya ana cin duniya da tsinke ita da abokanan Fa'iz na da rayuwar su sukeyi cikin jin dad'i da kwanciyar hankali in banda k'ara'in hulewa babu abinda suke yi ansanya dukiya gaba anacinta ba kama hannun yaro,yau ana Abuja gobe ana Lagos kullum ana yawan clubs asha giya fa kayan maye mazan su nemi mata ita kuma ta nemi maza in banda yad'a fasadi da anfasha babu abinda sukeyi a doran k'asa da mahaifinta ma ya nemi takura mata rashin kunya tayi mishi ta tara mishi mutane sannan ta kwashe kayanta ta bar gidan mahaifiyarta na kuka tana kama k'afarta ta fisge tayi ball da ita tayi tafiyar ta tabar iyayenta cikin k'unci da takaici ga kunyar jama'ar unguwa,haka dai Fa'iza ke rayuwa cikin jin dad'i da kwanciyar hankali ga daula an samu yanzu ta zama big gal ga kud'i ga kyau ga iskanci.

*BAYAN WATA SHIDA*
_(6 MONTHS LETTER)_

*Alhamdulillah*

*MOMYN ZARAH*

'''LOVE YOU SO MUCH MY FANS'''💋💋💋

_ONE LOVE ME & YOU_❤❤❤

💋💋💋💞💞💞

~BYE~