Unicode
သုသုမှာ ပါးနီဆိုးစရာမလိုတဲ့ပါးဖောင်းဖောင်းလေးတွေရှိတယ်။နှုတ်ခမ်းနီဆိုးစရာမလိုတဲ့ပန်းနုရောင်နှုတ်ခမ်းဖူးဖူးလေးရှိတယ်။ဖြောင့်စင်းနေတဲ့နှာတံလေး၊ပျော့အိပြီးအမြဲတမ်းမွှေးနေတဲ့ဆံပင်အုပ်အုပ်လေး၊နားရွက်သေးသေးလေးရယ်၊နို့နှစ်ရောင်အသားအရည်လေး၊လက်သေးသေးလေးနဲ့လုံးပြည့်နေတဲ့ခန္ဓာကိုယ်လေးရှိတယ်။ဘယ်သူကသူ့ကိုဆယ်တန်းကျောင်းသားလို့ထင်မလဲ။ပုမှနုတာဆိုတဲ့စကားက သုသုနဲ့ကွက်တိပဲ။အဲ့လိုပြောရင်ထိုကလေးကစိတ်ဆိုးသေးသည်။သူကပုတာမဟုတ်ဘူးတဲ့။ကျန်တဲ့သူတွေကသာရှည်ချင်တိုင်းရှည်နေကြတာတဲ့။တကယ့်ကလေးလေး။ကျွန်တော်ကတော့ သူ့ဘေးနားမှာနေရင်းနဲ့ပဲအရည်တွေပျော်နေရပါပြီ။
"မိရွှေ မိရွှေ"
ရွှေရည်းလင်းရဲ့အိမ်ရှေ့မှသုခလှမ်းခေါ်နေခြင်းဖြစ်သည်။
"လာပြီဟဲ့ အာပြဲနဲ့အော်မနေနဲ့။"
တံခါးဖွင့်ပေးဖို့အရေး ဟိုကြည့် ဒီကြည့်လုပ်နေတဲ့ရွှေရည်လင်းကို သုခဒေါသထွက်လာတော့သည်။
"မသာမရေ ဖွင့်လေဟာ ဘာတွေကြည့်နေတာလဲ။"
"ဖွင့်မယ်။ဖွင့်မယ်။နင့်ကိုကိုမပါဘူးလား။"
"မပါဘူး။မနေ့ကအလုပ်ကိစ္စနဲ့စင်္ကာပူကိုထွက်သွားတယ်။"
"ဟုတ်လား။ဒါဆိုနင်လွမ်းနေတော့မှာပဲ။သနားပါတယ်ငါ့ရဲ့သုသုလေး။"
ပြောလည်းပြောခေါင်းကိုလည်းလာပွတ်တဲ့ရွှေရည်လင်းကိုပိုဒေါသထွက်လာသည်။ရွှေရည်ရဲ့လက်ကိုပုတ်ချပြီးဖယ်လိုက်သည်။
"ငါကဘာလို့လွမ်းရမှာလဲ။မလွမ်းဘူး။"
"အေးပါဟာ။အေးပါ။လာရင်းကိစ္စပြော။"
"မနက်ဖြန်ဖြေဖို့အဆင်သင့်ပဲလား။"
"အဆင်သင့်တော့ဖြစ်ပြီ။ရင်တော့ခုန်တယ်ဟ။"
"အေးငါရောပဲ။"
"အယ်!!!ဟုတ်လို့လား။နင်ရင်ခုန်တာနင့်ကိုကိုမဟုတ်ဘူးလား။"
"သောက်ကောင်မ စကားအကောင်းပြောနေတာဟာ။ထမဖောက်နဲ့။"
"အေးပါ။ကဲ လာရင်းကိစ္စပြောလို့။"
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
