Unicode
"ကိုကိုရေ သားလမ်းထိပ်ခဏသွားဦးမယ်နော်"
"နေဦး သု ......"
မြတ်မင်းခန့်စကားပင်မဆုံးလိုက်ပါ။သုခကလမ်းမရောက်သွားခဲ့ပြီ။သူကလေးကိုမတားပါဘူး။ကလေးကသူ့ကိုကတိပေးထားတယ်မလား။သူကလေးကိုယုံကြည်တယ်။
သုခမြင့်မြတ်တစ်ယောက်မေမေပေးထားတဲ့မုန့်ဖိုးတစ်သောင်းနဲ့ဗျောက်အိုးဝယ်ဖို့ထွက်လာခြင်းဖြစ်သည်။
"သုခမြင့်မြတ်!!!"
"မေမေ .. မေမေက ဒီကို ဘယ်လိုလုပ်ပြီး......"
"သိတယ်လေ သိနေတယ် ၊ နင့်ကိုမွေးထားတဲ့အမေပါအေ လာ လာ လာခဲ့"
ဒေါ်ခင်သန္တာ သုခနားရွက်ကိုဆွဲပြီးအိမ်ကိုပြန်ခေါ်သွားသည်။သုခလေးနားရွက်အဆွဲခံထားရတာနာလွန်းလို့မျက်နှာလေးကရှုံ့မဲ့လို့နေသည်။
"မေမေ အာ့ နာတယ် လွှတ်ပါဦး"
"မလွှတ်ဘူး အသက်ကဖြင့်ဖင်ဆောင့်နေပြီ ၊ အခုထက်ထိ ကစားချင်သေးတယ် ဟမ် နင့်ကိုကိုရော"
"အပေါ်မှာရှိတယ် ဟင့် မေမေနာလို့ လွှတ်ပေးပါဦး"
"မလွှတ်ဘူလို့ငါပြောနေတယ်လေ ၊ ကိုခန့်ရေ ကိုခန့် ဆင်းခဲ့ဦး"
"ဗျာ လာပြီအမေ"
မြတ်မင်းခန့်အမေ့အသံကိုကြားတော့အပေါ်မှကပျာကယာပြေးဆင်းလာသည်။
"ဟဲ့ ကိုခန့် နင်ဘာလုပ်နေတာလဲ"
"သားမီးပူတိုက်မလို့ ၊ အမေ ကလေးကိုလွှတ်ပါဦး နော် ၊ ကလေးနာနေတော့မှာပဲအမေရယ်"
"ဪ ကောင်းသားပဲ ၊ သုခ နင်ကကိုခန့်ကိုမကူညီဘဲ ထွက်ဆော့နိုင်သေးတယ်ပေါ့လေ"
"မေမေကလည်း ကိုကိုကသူ့ဘာသာသူလုပ်မယ်ပြောတာကို"
"ငါနော် သေသာသေလိုက်ချင်တယ်အေ ၊ ကိုခန့် နင့်ဟာလေးကလမ်းထိပ်မှာဗျောက်အိုးသွားဝယ်နေတာ သိရဲ့လား"
"သိတယ်အမေ ၊ ကလေးကပြဿနာမဖြစ်စေရဘူးလို့ကျွန်တော့်ကိုကတိပေးထားတယ်အမေရဲ့"
ဒေါ်ခင်သန္တာဘာဆက်ပြောရမှန်းတောင်မသိတော့ပါ။ကိုခန့် သူမသားကိုအလိုလိုက်ချက်ကတော့သူမတောင် လိုက်မမီတော့ပါ။
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
