Unicode
"ကလေး ဒါလေးသောက်လိုက်ပါနော် ၊ အစာဝင်မှအားရှိမှာပေါ့"
"မသောက်ဘူး မသောက်ဘူး ၊ သောက်ရင်သားပြန်အန်မှာ"
သုခက အစာစားတိုင်းပြန်အန်နေလို့မြတ်မင်းခန့်လည်းဘာကျွေးလို့ကျွေးရမှန်းမသိဖြစ်နေသည်။
"ကလေးရယ် နည်းနည်းလေးပဲသောက်လေနော် ၊ ကလေးအစာမရှိတော့ဘယ်လိုလုပ်မလဲ"
"ကိုကိုသားမသောက်ချင်ဘူး ၊ သားအန်ရတာမောတယ်"
သုခပြောရင်းပြောရင်းနဲ့မျက်ရည်တွေဝဲလာသည်။
"ဟုတ်ပြီ ဟုတ်ပြီ ၊ မသောက်ချင်ရင်မသောက်နဲ့တော့"
သုခနဖူးကိုစမ်းကြည့်တော့ကိုယ်လည်းပူနေသည်။
"ကလေး ကိုယ်ပူနေတာပဲ ၊ မဖြစ်ဘူး ဆေးခန်းပြမှရမယ်"
"ဟင့်အင်း မပြချင်ဘူး ဟင့်"
မြတ်မင်းခန့်ရင်ခွင်ထဲအတင်းတိုးဝင်လာပြီးစပြီးအီလာပါတော့သည်။
"ကလေးရယ် မပြလို့မရဘူးလေ ၊ ဂျီမကျနဲ့ကွာ"
"ကိုကိုကလည်း"
ဆေးရုံ ဆေးခန်း သွားရမှာလုံးဝမနှစ်သက်သည့်သုခနေမကောင်းဖြစ်သည့်အခါအရမ်းကိုပြောရခက်လွန်းပါသည်။ အခုလည်းရင်ခွင်ထဲမှာငိုနေပြန်ပါသည်။
"ဟာ ကလေးရာ မငိုနဲ့လေ ၊ ဒီမှာကြည့် ကိုယ့်ကိုကြည့်"
သုခကိုရင်ခွင်ထဲကနေလည်းပြန်ထုတ်လို့မရ။မြတ်မင်းခန့်ကိုအတင်းဖက်ထားတော့သည်။ငိုနေတာကလည်းတော်တော်နဲ့မရပ်။နေမကောင်းရင်အီနေတာအရင်ကအတိုင်းပဲ။အသက်ကြီးတဲ့အထိအဲ့အကျင့်လေးကပျောက်မသွားဘူး။ဒီအချိန်မှအမေကလည်းခရီးသွားနေသည်။
"ကလေး မငိုနဲ့တော့ ခေါင်းကိုက်မယ်လေ ၊ တိတ်တော့ တိတ်တော့"
ရုတ်တရက်ရင်ခွင်ထဲမှာငြိမ်ကျသွားလို့မြတ်မင်းခန့်လည်းထူပူသွားသည်။
"ကလေး ကလေး!!!"
မြတ်မင်းခန့်ခေါ်သော်လည်းနည်းနည်းလေးတောင်မလှုပ်တော့လို့ဆေးခန်းမဟုတ်ဘဲဆေးရုံပြေးလိုက်ရသည်။
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
