Unicode
မနက်ဖြန်ညသည်၂၀၁၈၏နောက်ဆုံးညဟုဆိုရမည်။အခုရက်ပိုင်းတွင် ရန်ကုန်ဆောင်းကအေးလာသည်။
"ကလေး နေဦး ကိုယ်ရေနွေးစပ် ........"
မြတ်မင်းခန့်ပြောမယ့်စကားလုံးများဘယ်ရောက်သွားမှန်းမသိ။မြတ်မင်းခန့်တားမယ်ဆိုတာကိုကြိုသိနေသည့်သုခကရေချိုးခန်းထဲအမြန်ဝင်ပြီးရေပန်းကိုဖွင့်ချလိုက်သည်။
"မအေးဘူးကိုကို နွေးနေတာပဲ"
အပြင်ထွက်ရင်ရေမချိုးရဘဲမထွက်ချင်တဲ့သုသုနဲ့အအေးလှိုင်းဖြတ်လို့အေးနေတဲ့ဆောင်းတွင်းနဲ့ပြုံးပြုံးကြီးတွေ့ဆုံလေသည်။ရေလည်းချိုးပြီးရောချမ်းတဲ့သူကသူ့အပြင်နှစ်ယောက်မရှိ။ရေနွေးစပ်ချိုးပါလို့ပြောတော့လည်းအသားခြောက်တယ်ဆိုပြီးမချိုး။
"ကိုကိုရေ သားချမ်းတယ် ၊ အဲကွန်းပိတ်လိုက်မယ်နော်"
ကားထဲတွင်ချမ်းလို့ဆိုပြီးကုတ်ကုတ်လေးထိုင်နေသည်။ဒီနေ့တနင်္ဂနွေနေ့မို့လို့ ပဲခူးဘက်ကိုသွားကြသည်။
အမေ့ကိုခေါ်တော့အမေကဒီနေ့ကျောင်းကအာစရိယပူဇော်ပွဲရှိလို့ငယ်သူငယ်ချင်းတွေနဲ့ပြန်တွေ့မယ်ဆိုပြီးမလိုက်ဘဲနေခဲ့သည်။
"ကိုကိုပြောသားပဲ ရေနွေးလေးစပ်ချိုးပါဆိုတာကို"
"ကိုကိုကလည်း သားအသားအရည်တွေပျက်ဆီးတာပေါ့ ၊ အသားတွေခြောက်ပြီးကြမ်းလာရင်ဘယ်လိုလုပ်မလဲ"
"Lotionလိမ်းလို့ရတာပဲကို"
"မလိမ်းချင်ပါဘူး"
မြတ်မင်းခန့်ဘာမှဆက်မပြောနိုင်တော့ပါ။
"ကလေး ကိုယ်အိပ်ချင်လို့ ကလေးမောင်းပေးမလား"
"အဲ့တာကြောင့်သားပြောပါတယ် ၊ ညဘက်ဆိုစောစောအိပ်ပါလို့ပြောသားပဲ ၊ အခုတော့ဖြစ်ပြီ ရှေ့နားမှာရပ်လိုက် နေရာချိန်းမယ်"
"ဖြည်းဖြည်းမောင်းနော် နောက်ကျမှရောက်လည်းကိစ္စမရှိဘူး ၊ ကြားလား"
"အင်း"
သုသုတစ်ယောက်အမြန်လမ်းပေါ်မှာစိတ်ကြိုက်မောင်းနေသည်။မြတ်မင်းခန့်ကတော့ညဘက်ကစောစောမအိပ်ထားတော့အခုအိပ်လိုက်တာသိုးနေတာပဲ။
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
