Unicode
"ရှူး တိုးတိုး ၊ ကျွန်တော့်ကလေးလေးကအိပ်နေတုန်းဗျ"
အိပ်နေတဲ့သုခကိုတစိမ့်စိမ့်ကြည့်နေတဲ့မြတ်မင်းခန့်ကပြုံးနေပါသည်။သူဘယ်အချိန်ချိန်ကြည့်ကြည့်ဒီကလေးလေးကအသည်းယားဖို့ကောင်းနေသည်။မြတ်မင်းခန့်အိပ်ပျော်နေသည့်သုခလေးကိုကြည့်နေရတာအရမ်းသဘောကျနေသည်။သုခရဲ့လည်တိုင်လေးကိုအနမ်းခြွေလိုက်သည်။အနည်းငယ်တော့လူးလွန့်သွားပေမဲ့နိုးသွားသည်တော့မဟုတ်ပါ။သူ့ခါးကိုဖက်ထားပြီးဆက်အိပ်နေပါသည်။မြတ်မင်းခန့်သုခအနားကိုကပ်ကာတိုးတိုးလေးပြောလိုက်သည်။
"ကလေး ထတော့လေကွာ ၊ ကလေးပဲဘုရားသွားမယ်ဆို"
"..........."
သုခလေးကနိုးမလာသည့်အပြင်သူ့ရဲ့အင်္ကျီမဲ့နေသည့်ရင်ခွင်ထဲသို့အတင်းတိုးဝင်လို့လာသည်။မြတ်မင်းခန့်သဘောတကျပြုံးလိုက်မိသည်။
"ကလေး ထတော့ ခေါက်ဆွဲကြော်ဝယ်ထားတယ် ၊ မထရင်ကိုယ်အကုန်စားပစ်မှာ"
"..........."
မြတ်မင်းခန့်ငုတ်တုပ်ထထိုင်ပြီးတင်ပလင်ခွေထိုက်ကာသုခလေးကိုသူ့ပေါင်ပေါ်ကိုပွေ့တင်လိုက်သည်။သူ့လုပ်လိုက်သည်ကြောင့် အင်း,အဲနဲ့အပျင်းကြောဆန့်ပြီးနိုးလာသည်။
သုခလေးမျက်လုံးဖွင့်ကြည့်တော့သူ့ကိုစိုက်ကြည့်နေသည့်မြတ်မင်းခန့်ကိုတွေ့လိုက်ရတော့လန့်သွားသည်။
"အမေ့!"
"နှိုးလိုက်ရတာကလေးရယ် ကိုယ်အမောဆို့တော့မယ်"
"ဟီး မောနင်းကိုကို"
အိပ်ချင်မူးတူးရုပ်ကလေးနဲ့မြတ်မင်းခန့်လည်တိုင်ကိုလှမ်းဖက်ပြီးအနမ်းခြွေလိုက်သည်။မြတ်မင်းခန့် သုခကိုပိုပိုပြီးအသည်းယားလာပါတော့သည်။
"မောနင်းမဟုတ်တော့ဘူးကလေး ၊ ညလယ်တောင်ကျော်တော့မယ်"
"ဟင်! ဟုတ်လား"
မျက်လုံးလေး ကလယ်ကလယ်နဲ့အပြင်ကိုလှမ်းကြည့်လိုက်သေးသည်။အပြင်ကအလင်းရောင်ကိုတွေ့တော့သုခ မြတ်မင်းခန့်ကိုမျက်စောင်းလေးထိုးလာသည်။
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
