Unicode
မြတ်မင်းခန့်အိမ်ကထွက်မယ်လုပ်နေစဥ်လက်ထဲကဖုန်းကမြည်လာသည်။မြတ်မင်းခန့်ဖုန်းမျက်နှာပြင်ပေါ်ကနာမည်လေးကိုကြည့်လိုက်တော့သူ့ရဲ့အချစ်တော်လေးဖြစ်နေသောကြောင့်ပြုံးမိသွားသည်။
"ဟယ်လို သုသု"
"ကိုကို!!!! ဘာလုပ်နေတာလဲ ကျောင်းလိုက်ပို့ဖို့ပြောထားတယ်လေ ၊ မေ့နေတာလား သားနောက်ကျတော့မယ် ၊ မြန်မြန်လာ အိမ်ရှေ့မှာစောင့်နေမယ်"
"ကိုယ်တော်လေးရယ် ဖြေးဖြေးပြောပါ ကိုယ်အိပ်ရာထနောက်ကျသွားလို့ အခုလာပြီ စောင့်နေ"
သုခကဖုန်းအရင်ချသွားသည်။ဒီ့ထက်ကြာရင်သုခစိတ်ဆိုးတော့မည်ကိုမြတ်မင်းခန့်ကြိုသိနေသောကြောင့်မနက်စာတောင်မစားတော့ဘဲပိုက်ဆံအိတ်နဲ့ကားသော့ကိုသာဆွဲယူ၍ထွက်လာခဲ့သည်။အခုတောင်အသံကဒေါသနည်းနည်းပါနေတယ်လေ။သုခရှေ့ကိုကားရောက်လာသည်။ကားပေါ်သို့ဆောင့်အောင့်ကာတက်လာသည်။
"ဝုန်း"
"ဟာ သုသု ဖြေးဖြေးပိတ်ပါ"
"ဘာလဲ ငြိုငြင်တာလား တော်ပြီ သွားတော့မယ်"
ကားတံခါးပြန်ဖွင့်ပြီးဆင်းမယ်တကဲကဲလုပ်နေတဲ့သုခကိုအမြန်လှမ်းဆွဲလိုက်ရသည်။
"အဲ အဲ နေပါဦး မဆင်းပါနဲ့ ကိုယ်ကစတာ ၊ ဘာတွေစိတ်တိုလာတာလဲ ပြောပါဦး"
"အိုမားပေါ့ သားက ကူညီချင်လို့ ပန်းကန်တွေဝိုင်းဆေးပေးတာ မတော်တဆပန်းကန်ကျကွဲသွားတယ် အဲ့တာကိုဆူနေလို့ အဲ့တာကြောင့်ဒေါသထွက်လာတာ"
"ဘယ်နှစ်ချပ်ကျကွဲလို့လဲ"
"၅ချပ်တည်း"
သောက်ကျိုးနည်း၅ချပ်တည်းတဲ့။အန်တီဒေါသထွက်လည်းထွက်ချင်စရာပါပဲ။တကယ့်အမွှေစိန်လေး။
"သုသုရယ် အဲ့ပန်းကန်တွေကအန်တီကပိုက်ဆံပေးဝယ်ထားရတာလေ အဲ့တော့နှမြောလို့ဖြစ်မှာပေါ့"
"ဘာပဲဖြစ်ဖြစ်လေ အိုမားမှာအပေါဆုံးကပိုက်ဆံပဲကို ပြန်ဝယ်လိုက်ပေါ့ အဲ့တာကိုသားပဲလာဆူနေတာပဲ"
"ဟုတ်ပါပြီဗျာ စိတ်လျော့ ဟုတ်ပြီလား ၊ ကျောင်းနောက်ကျတော့မယ် သွားကြမယ်"
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
