Unicode
"မောင် မ ဒီမှာ"
ဆွေဇင်သော်တစ်ယောက် သုခကို လက်လှမ်းပြရင်းပြုံးပြလိုက်သည်။
"မ ဆောရီး မောင်နောက်ကျသွားတယ် ကားတွေကပိတ်နေလို့"
"ရပါတယ်မောင်ရယ် ဒီနေ့ မောင်ဘာလို့အစောကြီးပြန်သွားတာလဲ"
"ဪ ဒီနေ့ မောင်နည်းနည်းပျင်းနေလို့ပါ ၊ မရော အတန်းတွေပြီးသွားပြီလား"
"ပြီးပြီ ဒီနေ့ ဘာနေ့လဲမောင်သိလား"
"ဒီနေ့လား ဗုဒ္ဓဟူးနေ့လေ"
ဆွေဇင်တစ်ချက်ပြုံးလိုက်သည်။သုခရဲ့မျက်လုံးကိုတည့်တည့်စိုက်ကြည့်ပြီးမေးခွန်းတစ်ခုမေးလိုက်သည်။
"မောင် မကိုချစ်ရောချစ်ရဲ့လား"
"ဗျာ ဘယ်လိုမေးလိုက်တာလဲမရယ် ချစ်တာပေါ့"
"ဟုတ်ရဲ့လားမောင်ရယ် မောင့်နှလုံးသားက တခြားတစ်ယောက်ဆီမှာမဟုတ်ဘူးလား"
"မ ဘာတွေပြောနေတာလဲ စကားနာမထိုးနဲ့ဗျာ"
"မထိုးပါဘူး ဒီနေ့ကမောင်နဲ့မနဲ့တွဲတာငါးလပြည့်တဲ့နေ့လေ"
သုခမျက်နှာတစ်ချက်ပျက်သွားသည်။ဆွေဇင်သော့်လက်ကိုသုခဆုပ်ကိုင်လိုက်ပြီး.......
"ဆောရီးမရယ် မောင် နည်းနည်းစိတ်ရှုပ်နေတာနဲ့မေ့သွားတယ်"
"ရပါတယ်မောင် မကမောင့်ကိုပြောစရာရှိလို့ချိန်းလိုက်တာပါ"
"ပြောလေမ ဘာပြောမလို့လဲ"
"မတို့လမ်းခွဲရအောင်"
"ဗျာ!!!မ ......"
"ဟုတ်တယ်မောင် မောင်နဲ့တွဲလာတဲ့တစ်လျှောက် မ သိလာတယ်မောင့်နှလုံးသားက ကိုမြတ်မင်းခန့်ဆီမှာမလား"
"မဟုတ်ဘူးမ မှားနေပြီ မောင်က ......"
"မငြင်းဆန်ပါနဲ့မောင်ရယ် ၊ မောင့်စိတ်ကဘယ်မှာဆိုတာမောင်နဲ့သိတဲ့လူတိုင်းအကုန်သိတယ် ၊ မောင်ကသာမောင့်စိတ် ကိုငြင်းဆန်နေတာ"
သုခ ဆွေဇင်သော်၏စကားကိုခွန်းတုံ့မပြန်နိုင်ခဲ့ပါ။
"ဘာမှမပြောနဲ့တော့မောင် မောင်ရွေးချယ်ပါ တစ်သက်လုံးပျော်ရွှင်ရမယ့်လမ်းကို သေချာရွေးချယ်ပါ ၊ မမှားစေနဲ့နော် ဘယ်လောက်ပဲအခက်အခဲတွေရှိနေပါစေ ချစ်ရတဲ့သူဘေးမှာရှိရင်အလိုလိုပြေပျောက်သွားမှာ ကျော်လွှားနိုင်မှာပါ ကံကောင်းပါစေမောင် မသွားတော့မယ်"
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
