Unicode
"ကိုကိုရေ မပြီးသေးဘူးလား ၊ မြန်မြန်လာမေမေစောင့်နေတယ် ၊ အရမ်းပြင်မနေနဲ့ သားလောက်တောင် မချောဘဲနဲ့"
"လာပြီ လာပြီ"
အိမ်ရှေ့ကနေအသံပြဲနဲ့လှမ်းအော်နေတဲ့သုသုကြောင့်ကိုခန့်ပုဆိုးပင်ကောင်ကောင်းမဝတ်နိုင်ပဲပြေးလာရသည်။
"ဟဲ့ ကိုယ့်ယောကျာ်းကိုယ်အဲ့လိုပြောရလား"
ဘေးနားကမေမေကသုခလက်မောင်းကိုဖက်ခနဲလှမ်းရိုက်လိုက်ပြီးပြောသည်။နာသွားသည့်သူ့လက်မောင်းလေးသူပွတ်ပြီးမေမေ့ကိုဆူပုတ်ပုတ်မျက်နှာလေးနဲ့ပြန်ကြည့်ပြီးပြောသည်။
"မေမေကလည်း အဲ့သမက်ဘက်ကပဲပါနေသိလား"
"ငါကမှန်တဲ့ဘက်ပါတာဟဲ့ ၊ နင်နောက်ကျတဲ့အခါကိုခန့်ကနင့်ကိုအဲ့လိုပြောဖူးလား ၊ ငါတော့တစ်ခါမှမကြားဖူးဘူး"
ဒီနေ့မင်္ဂလာသက်တမ်းတစ်နှစ်ပြည့်မို့လို့ရွာဘက်ကဘုန်းကြီးကျောင်းလေးတစ်ကျောင်းမှာအလှူသွားလုပ်ကြသည်။ရွာဘက်ကိုသွားရမှာမို့လို့သုခလေးကအရမ်းစိတ်လှုပ်ရှားလို့နေသည်။ကိုခန့်ကလည်းအလုပ်ကိစ္စတွေနဲ့သွားဖူးတယ် ၊ မေမေကလည်းဖေဖေရှိတုန်းကသွားဖူးတယ် ၊ ကျေးလက်ရွာလေးတွေဘက်ကိုမရောက်ဖူးတာဆိုလို့သုခ တစ်ယောက်တည်းဖြစ်နေသည်။
"အမေ ခဏလေးနော် ကျွန်တော်ကားသော့ပျောက်နေလို့"
"ဟင်! မနောက်နဲ့နော် ၊ ကားသော့ပျောက်တော့ငါတို့ကလမ်းလျှောက်သွားရမှာလား"
"မဟုတ်ပါဘူး သားစားပွဲပေါ်မှာတင်ထား........သုခ!!!"
"ဗျာ ကိုကို"
"ပေး ကားသော့"
"မရပါဘူး သားမောင်းမှာ"
"မြို့ထဲကထွက်ရင်ပေးမောင်းမယ် ၊ အခုတော့ပေးလိုက်"
"ကတိနော် မြို့ထဲကထွက်ရင်သားမောင်းမှာနော်"
"ဟုတ်ပါတယ် ကတိ ကတိ"
ဘေးနားကမေမေကတော့ဘာမှပင်ဝင်မပြောနိုင်တော့ပါ။သူ့ကိုမောင်းခွင့်ပေးပါမယ်ပြောမှကားသော့ကိုမြတ်မင်းခန့်လက်ထဲထည့်ပေးသည်။
YOU ARE READING
အမွှေစိန်လေးရဲ့ကိုကို
Romance[Unicode]အရမ်းကိုမွှေလွန်းတဲ့အမွှေစိန်လေးနဲ့တည်ကြည်ခန့်ညားတဲ့သူဌေးလေး သူတို့နှစ်ယောက်ကြားမှာပေါ်ပေါက်လာတဲ့ဖြူစင်သောချစ်ခြင်းမေတ္တာဘယ်လိုအလွဲတွေနဲ့ဘယ်လိုဖြစ်ကြမလဲဆိုတာကတော့ ............. Date - 6.11.2018 [Zawgyi]အရမ္းကိုေမႊလြန္းတဲ့အေမႊစိန္ေလးနဲ႔တည္ၾက...
