انثى في عرين الاسد

الفصل الثاني

#انثى_في_عرين_الاسد
#الحلقة_الثانية
مرت الساعات وخلاص شوية والضيوف يبدو يوصلو ..ريما جات لي بيان : مجد وين ؟
بيان كانت متربعة في الارض بتموج في شعرها : اااخ نسيت اصحيهو .
ريما : اعلو لسا نايم 😱؟
بسان : اي ... رسلي ليهو اي زول يصحيهو .
ريما : طيب خلاص جهزي نفسك سريع
في اللحظة دي رهف صحبة بيان وصلت .
بيان : جيتي في وقتك تعالي سريع عشان تساعديني .
رهف سلمت على ريما ودخلت تساعد بيان .
ريما لقت جوري ماسكة مصاصة وواقفة جمب الباب 🍭.
ريما : جوري حبيبتي
جوري ببرائة : ها
ريما : امشي صحي خالو مجد .
جوري طوالي جرت ... لقت باب الاوضة مفتوح جزئيا ... دخلت ... الاوضة ضلاااام وبااااردة .
جوري ركبت في السرير وبقت بتهز غي مجد : حالو حالو
مجد : امممممم ZzZzZzZzZ
جوري : كوم
مجد : خخخخخخخخ (بيشخر 😂)
جوري : حالووووو
مجد : جوري  حبيبتي 5 دقايق وبقوم .
جوري : لا ماما قلت اشحيك .
مجد اتقلب على الجهة التانية... فجأة نور الاوضة فتح وكان دا حسام ولد عمتو : مجد معقولة ياخ الضيوف وصلو قوم جهز نفسك .
مجد طنشو ... جاهو صوت لؤي وخالد : دا لسا نايم
مجد وهو بيخت المخدة فوق راسو : تمت الناقصة .
خالد شال ريموت المكيف وقفلو .
لؤي وهو بيجر الغطا بالقوة : مجد قوووم ياخ ... ضيوفكم وصلو .
بعد تلتلة حتن مجد قام وبدا يجهز نفسو .
بعد مسافة نزل مع اصحابو .
كانو لابسين كلهم بناطلين سوداء وقمصان لاكوست زرقاء غامقة .
بدو الضيوف يوصلو كلهم اصحاب بيان ودفعتها .
بيان نزلت كان شعرها مموج وجايباهو بالجنبة... لابسة تنورة قماشية بيجية وبودي كوبي سادة ومعاها عقد زهور (حنزل صورتو 😀)... مكياجها هادئ وحلووو ❤.
بدت تسلم على الضيوف البيباركو ليها وبيقدمو ليها في هداياهم ليها .
مجد اتلم مع شلتو .
حسام غمز لي لؤي
لؤي : غريبة يعني يا ريان انك تجي ما اتوقعت تفي بي وعدك .
ريان : والله وعد لي وعد يفرق .
لؤي : كيف يعني
ريان : يعني لو وعدت لي شفع معاطين وعويرين اكيد حاوعدهم عشان افتك منهم ما اكتر ... لكن لمن اوعد ناس حلوة كدا وانا بحبها اكيد حافي بي وعدي .
مجد وهو بيصفق ويضحك : الله الله 👏😂.
حسام : الاطفال العورة ديل احنا ؟؟؟
ريان : والله الحرامي في راسو ريشة😏 ( الله عليك يا ريري 😂)
في الوقت دا شيرين وصلت.. مجد من ماشافها مشا ليها .
ريان : نملة الريش جات 😒
لؤي : انا بس نفسي اعرف مجد دا عاجباهو في شنو .
حسام : حاولت اتكلم معاهو طوالي قال لي بحبها .
خالد : دي حياتو الشخصية مالينا دخل .
ريان : لكن احنا اصحابو ولازم نوريهو .
رؤى : خالد كلامو صح مجد ما طفل صغير وبيعرف مصلحتو وين .
ريان : طفل وصغير والله ... والعقربة القاهرة دي لاعبة بيهو 😠
شيرين لابسة بلوزة بيجية لامهة شيفون وتنورة سوداء منفوشة بتديك احاس كانها فستان وعاملة كعكة ولابسة حلق في شكل فراشة.
مجد : قممممر
شيرين بي دلع : thanx 😍
ومشت معاهو ...سلمت على اصحابو بي طرف اصابعها .
لؤي وهو بيكح : يا جماعة ما ملاحظين انو الجو بقا كتمة كدا فجأة .
ريان : انا برضو حسيت كدا .
حسام الكاتم الضحكة بالعافية ضرب لؤي في رجلو .
مجد وهو بيحاول يتدارك الموقف : شيرين شنو رايك تجي تسلمي على امي .
شيرين بي ابتسامة : يلا .
اول ما مشو حسام فكا الضحكة الماسكة : دا شنو القلتو دا ياخ مالك عايز تفضحني 😂.
خالد : حرام عليكم ياخ ما شفتو نظرت مجد كانت كيف ؟
ريان : كيفتني منك يا لؤي عفيت منك يا ود امي عسا تحس على دمها العقربة السغيلة .
رؤى : ماشايفة انك بتفقدي في حسناتك كدا .
ريان : استغفرتك يا مالك روحي .
رؤى قبلت وراها عاينت لي مجد الواقف بيضحك مع امو وشيرين مسافة ورجعت تاني مع اصحابها .
شيرين كانت بتتفحص في القصر الحديقة الكبيرة..النافورة..المسبح..الشلال..الزهور والورود الممتدة على طول اؤ مدخل " ياااااه دا كلو بيت غايتو ناس عاااايشة وناس دايشة..لكن قريبا دا حيبقى بيتي ..بيتي شنو دا حيبقى قصري.. حابقى صاحبة القصر ههههه بعد امو وابوه ديل ينقرضو يارب عجل في عمرهم واختو العاجباها نفسها دي يلفحها اي راجل وتغور حابقى انا ستو برااااي.. لا مابراي انا وخالد هههههه "
مجد : الحلو سرحان وين ؟
شيرين بي ابتسامة : اووه اتذكرت شكرا على الكاميرا الكانون حبيييتها 😍... لكن عرفت كيف انو انا كان نفسي فيها ؟
مجد وهو بيأشر على قلبو : عرفت بي دا ❤👉😉.
مجد فتح تلفونو ولقا رسالة من ريان : حتفضل واقف مع طفلة الحشرة دي طويل ... واحنا مستنيين ابو مفاجئتك 😒.
مجد وهو بيضحك دخل التلفون في جيبو : عن اذنك هسه برجع .
شيرين : دا منو الرسل ليك ؟
مجد: ريان
شيرين : اهااا قلت لي ريان .. لا لا تمام خلاص امشي .
مجد: شيرين احنا حنرجع للحركات دي تاني .
شيرين : من حقي اغير على حبيبي ( حبتك شكلوتة يا بعيدة 😒)
مجد : فديت الغيورين 😉 الحلوين السنافر الكبرو وبقو بغيرو 😍.
شيرين بدلع : انا ما سنفورة 😠
مجد : سنفوووورة 😛.
شيرين بي ضحكة : خلاص امشي (المشش😒)
بيان كانت واقفة مع زملائها فجأة الانوار كلها انطفت وبقت مولعة على ناحية الاستيج .
الناس كلها بقت مركزة وبتعاين ... مجد وقف في النص وهو ماسك المايك 🎤 : السلام عليكم جميعا ... اولا بشكركم جميعا لي تلبية الدعوة ومشاركتنا في فرحتنا بي اختي حبيبتي الكلبة بيان .(خربتها 😂)
علت اصوات ضحكة الناس .
مجد مواصل : طبعا انا عارف انو معظمكم دفعتها فبقول ليكم مبروك وحياة عملية موفقة ...بالنسبة ليك يابيان انا واصحابي حبينا نعمل ليك مفاجئة وبعد تفكير الفنا ليك معزوفة موسيقية واخدت كتير من وقتنا بتمنى تعجبك .
مجد مسك الكمان بتاعو 🎻  وجمبو رؤى ... غمض عيونو وختا الكمان على جهة ذقنو ... وبدا يعزف موسيقى رقيقة عذبة بعديهو طوالي رؤى بدت تعزف ... حسام ولؤي كانو بيعزفو على الجيتار 🎸... وريان بتعزف على المزمار وخالد سكسافون 🎷.... اي واحد كان عليهو مقطع ومرات كلهم بيعزفو في وقت واحد ... عزفهم كان حلوووو وبيأثر والناس كلها بتتمايل بي تناغم مع موسيقتهم العذبة ... مجد نزل من الاستيج ووقف جمب اختو وبقا بيعزف جمبها ... وبيان مبتسمة وبتعاين ليهو .... بعديها رجع الاستيج تاني ... لكن فجأة ملامحو اتغيرت... وشو بقا احمر كان الدم الفي جسمو كلو طلع لي وشو ... وعرق جبهتو ظهر.... والعرق بلل جبينو...كان بيغمض ويفتح في عيونو كانو الرؤية انعدمت عندو... بقا واقف ماسك الكمان بيد والقوس بتاعو بيد 🎻.
بيان بقت بتعاين ليهو بي استغراب 😳... جا خالد جمبو وضربو في كتفو بي خفة... مجد ابتسم ليهو ابتسامة باهتة ورجع يعزف تاني ... بعد ما خلصو الناس كلها وقفت وصفقت ليهم وصفرت ليهم 👏👏👏👏👏.
بيان جاتو وعانقتو وباستو وهي بتضحك : رهييييب ما عرفتك يا نملة السكر 🐜.
حسام : بعد دا كلو نملة سكر ؟؟؟
بيان وهي بتعانقو برضو : والله ماشاء الله عليكم عزفكم حلو شديد .
* حسام اخوهم بالرضاعة .
مشت لي باقي شلتهم وهي بتهظر وتضحك معاهم : شكرا ليكم ياناس صيدلة طلعتو خطيرين .
لؤي : حترديها لينا في تخريجنا 😌
بيان : كدي انتو اتخرجو اول وكلو هين 😉.
جات هدى : يلا يا جماعة اتفضلو على البوفيه 🍣🍤🍗🍖🍕🍝🍮🍲🍛🍚🍙🍜🍞🍱🍥🍡🍘🍠🍷🍸🍻.
والناس كلها مشت .
رؤى حست انو في حاجة ما طبيعية... لانو مجد كان واقف ومنزل راسو وقدامو خالد المديها ضهرو وكان بيتكلم معاهو وخاتي يدينو في كتفو وواقفين جميو لؤي وحسام والقلق باين في وشوشهم وريان كانت بتمشي وتجي منهم كل دقيقة .
رؤى : في شنو ديل مالهم ؟؟؟
ريان : مالهم ؟؟؟ شكلهم مختلفين في حاجة لكن ابو يوروني اولاد الغتيتة .
بيان برضو حست انو في شي لكن كانت بتتكلم مع صحباتها بعد مسافة مشو منها لمن قبلت على ناس مجد لقتهم مافيشين... مشت لي رؤى وريان سالتهم منهم لكن ما لقت عندهم اجابة... جات وقفت جمب رهف وهي بتفرك في يدينها بي توتر .
رهف : مالك يابت في شنو ؟
بيان : حاسة انو في شي ما طبيعي حاصل لي مجد واصحابو.. كانو واقفين هنا وفجأة اختفو
رهف وهي بتضحك : يا بت كدي قولي بسم الله.. انتي عارفة الاولاد ما محتاجين منك اذن عشان يطلعو
بيان : اضرب ليهم ؟
رهف : اضربي يا قلق
بيان ضربت في تلفون مجد لقتو مغلق... حاولت تاني وثالث نفس الاجابة... عاينت لي رهف وعيونها باين فيها القلق: مغلق
رهف : اضربي لي حسام
بيان بي سرعة ضربت ليهو لكن حسام ما بيرد عليها
بيان بي توتر وهي بتخلل شعرها بيدها : يا ربي مالهم
رهف : بيان ما تكبري الموضوع وتخوفي نفسك وتخوفيني معاك... عادي احتمال تلفوناتهم قاطعة شحن كدي قولي بسم الله واضربي لي واحد من اصحابو .
بيان بي سرعة ضربت لي لؤي ونفس الحكاية ماف رد .
قعدت في اقرب كرسي ليها ورمت التلفون في التربيزة : اللهم اجعله خير يارب .
شوية كدا تلفونها ضرب شالتو بي سرعة لقتو لؤي راجع ليها .
لؤي : الو
بيان : لؤي انتو طرتو وين ولي ما بتردو على تلفوناتكم ومجد وينو ؟
لؤي وهو بيضحك : اهدي شوية.. كان عندنا صاحبنا مسافر ومشينا نودعو ... خير ان شاء الله ما يكون في شي .
بيان وهي بتشيل نفسها بي ارتياح بعد ما سمعت صوت الاولاد وقدرت تميز صوت مجد : لا ماف شي ... اديني مجد .
لؤي ادا مجد التلفون
مجد : بنبناية فجولة 😀
بيان : بنبان يفكو ليك في وشك ... غرت وين ولي ما بترد انت وحسام على التلفون.. مالكم عايزين تعملو لي وجع قلب  ؟
مجد : حماك الله مع وجع القلب ما تجيبي سيرتو يا زفته.. مشينا نودع صاحبنا مسافر ..  وانا ماشلت تلفوني عشان قاطع كهربة 🔌وحسام تلفونو عاملو سايلنت واحنا هسه جايين في الطريق .
بيان : طيب مع السلامة لحدي ما تجو .
مجد : مع السلامة .
بعد نص ساعة كدا وصلو ... شيرين من ماشافتهم جاتهم جارية .
شيرين وهي بتعاين لي خالد : مجود مشيت وين وخليتني مع صحباتك الشريرات ديل .
لؤي : هه الله اعلم من الشرير 😒
شيرين وهي بتعاين ليهو من فوق لي تحت وبتابع كلامها : مجد ممكن توصلني لي برة .
مجد : يلا
ومشا معاها ... لؤي : حيوانة 😠
وبعديها مشا ولحقوهو حسام وخالد .
خالد قبل وراهو  عاين لي مجد وشيرين اتنهد بي ضيق وتابع طريقو .
مجد كان مدخل يدينو قي جيب بنطلونو وحمبو شيرين وماشين في الممر الطويل البيطلع لي بره وعلى جوانبو الاشجار والزهور واعمدة الانارة .
شيرين وهي بتمسك يد مجد : شكرا ... كانت حفلة حلوة وعزفكم احلى .
مجد : انتي الحلوة .
شيرين : شنو رايك تعزف لي كدة في عرسنا ☺. ( لن يتزوجك يا قصيرة 😂😜)
مجد وهو بيبوس بطن يدها : ان شاء الله 😉.
طلع معاها بره ولقا امها مستنياها بالعربية سلم عليها وودع شيرين ودخل .
كمل الونسة مع اصحابو والحفلة والدي جي والناس تضحك وترقص وموضوووع .
شوية شوية الضيوف بدو يقلو ويمشو ... واخر ناس مشو كانو اصحاب مجد وفضلو الاهل بس .
يلا تعالو نتعرف على عائلة بيان... اها نقول بسم الله نبدا :
عمها الكبير اسمو عبد الرحمن بكري... مرتو جمييييلة اسمها سلمى عندو 4 اولاد وبنت واحدة .
اكبرهم اسمو رشاد عمرو 28 سنة هادئ ... وسيم .. مخو مخ ثعالب مكار وذكي شغال في شركتهم وعشان ذكائو دا دايما الشركة بتربح في اي صفقة تدخل فيها ودايما هو البيخطط لي كل حاجة .
بعديهو سامي عمرو 26 سنة دكتور.. رزين..اسمح اخوانو..جذاب..انيق
حمزة 22 سنة بيقرا هندسة في بريطانيا بيشبه سامي شديد.
منذر 19 سنة بيقرا هندسة بترول ..شماسي العائلة 😂..ظريف ومستهبل  و Handsome
اخيرا حتالة البيت سالي 6 سنوات في اولة ابتدائي .. حلللوة وكيوت ودلوعة البيت 😍.
عمتهم ماجدة زوجها اسمو احمد .
اولادها
اياد 25 سنة هادئ وعاقل ومتريث .. سمح وجذاب .. شغال في شركتهم وهو ورشاد ثنائي لا يستهان به وهم الخالين شركتهم تمشي في نجاح كبير بعد الله واهلهم .
حسام طبعا عارفنو 19 سنة ... وبعديهو نادين ويقين وبرضو عارفنهم .
عمتهم عبير زوجها اسمو ابو بكر وخلفتها كلها بنات ... ربنا رزقها بنات جمالهم ما بيتوصف .
اكبرهم جمان 23 سنة ... جميلة جدا ... تلميذة رشاد واياد في الشركة وماشه على نفس طريقهم .
جيهان :22 سنة..طب.. ظريفة وجميلة..محجبة ومثقفة دينيا ❤.
جوان 19 سنة هندسة الكترونية .. جميلة وظريفة وذكية
اصغرهم جلنار 15 سنة في اولة ثانوي ... حلوة ومجنونة .
طبعا الدارسين ادارة اعمال كلهم ماسكين الشغل مع اهلهم .
بعد ما الاهل كلهم قعدو مع بعض وضحكو واتونسو بعديها طلعو علي بيوتهم ... الا حسام بايت مع مجد...الشغالين بدو ينضفو في الحاجات ويرتبو ... بيان طلعت اوضتها ولقت علب الهداية مرصوصة ومالية الاوضة .
دخلت الحمام اخدت ليهو دش 🚿منعش .. خلت شعرها مفكوك لبست برمودة بنفسجية ومعاها بلوزة كبيييرة بنفسجية فيها فراشات ..  وبدت تفتح في الهدايا وتشوف في الرسايل والكروت وتضحك 🎁✉.
واكتر هدية ضحتها هدية منذر كانت عبارة عن بزازة 🍼 ومعاها علبة نيدو 😂... اتعددت الهدايا من اصحابها واولاد اعمامها .. شي فساتين 👚👗👘 وجزم 👢👡👠 وشنط 👜👛👝🎒 وميكب 💄 وعطور ... وكتب 📚... ومجوهرات واكسسوارات..  ماخلو ليها شي حتى سالي الصغيرة جابت ليها باربي ❤.
رهف صحبتها ضربت ليها ... اتكلمت معاها طويل ...وبعديها بيان طلعت من غرفتها وهي ماشه في الممر سمعت صوت مجد وحسام .
مجد : والله اغلبك
حسام : والله ما تغلبني
مجد : والله اغلبك واغلب عشرة زيك
بيان فتحت الباب بي فضول بتعملو في شنووو ؟
مجد وحسام طنشوها ولا كانها بتتكلم ... كانو بيلعبو في بليستيشن... البليستيشن اللعبة المابيمل منها اي ولد مهما كان عمرو ومستعد يقعد طول الوقت فيهو من دون ما يطلع .
بيان قعدت في نصهم : اظن بتكلم 😒
مجد وهو مركز في الشاشة : اظن انتي شايفة بنعمل في شنو 😒.
بيان جرت يد البليستيشن بشقاوة : طيب علموني 😀
مجد جراها منها : بعد ما اخلص 😒
بيان تاني جرتها : لا هسه 😠
مجد قلعها بالقوة : لا قلت بعد ما اخلص😠
حسام عشان ينهي المشكلة قام قعد في نصهم وهو منتبه بي تركيز شديد على الشاشة : بعد ما نخلص الشوط دا حنعلمك .
بيان زحت وهي بتحمر لي مجد ... وبراحة مدت يدها وادتو قرصة كدا سممممحة في ضهرو ... ولكن كانت الصدمة في انو مجد ما حسا بي قرصتها ( يا حبيبتي ديل لمن يكونو بيلعبو بليستيشن ببيطلعو من عالمنا 😂)
بعد اقل من دقيقة الشوط انتهى ... وفجأة مجد صرخ وقام بي سرعة وهو خاتي يدو في ضهرو ... يادوووب حس بالقرصة 😂😂😂😂💔
مجد بي الم : ااااخ في حاجة عضتني
طبعا بيان عملت رايحة .
حسام: احتمال نملة .
مجد : انا من ما فتحت عيوني على الدنيا دي ماف يوم شفت نملة في اوضتي .
طلع التيشيرت وضهرو بقا احمممر ..  ( بيان الشريرة 😂)
مجد دخل غرفة الهدوم وغير التيشيرت يا حليلو فاكرها نملة وما عارف انها دي بيان 😂.
بيان : يلا علموني ☺.
مجد : علمها يا حسام من ما دخلت جابت الكج معاها 😒.
بيان شالت اليد : ها ادخل القون كيف ( 😂 يا حليلك يا نوران )
مجد : ما حدخليهو طوالي ... بتضغطي في الازرار دي لحدي ما تدخليهو .
بيان : الاكس بيعمل شنو ؟
مجد : بيباصي 😒
بيان: طيب ال O
حسام : عكس الX
بيان : كيف يعني ؟
حسام وهو بيضغط على الX يعني كدا .
بيان : طيب ال□
مجد: بيشوت
بيان: والمثلث ؟
حسام : باص نسبي .
بيان : يعني ؟
حسام وهو بيضغط على المثلث: يعني كدا ... فهمتي ؟
بيان : اي فهمت .. لكن بدخل القون كيف ؟
مجد ختا يدينو في راسو ... وحسام بقا زي الكاشحين فيهو موية ...
مجد وهو بيجر منها اليد : بيان حبيبتي خليك مع مكياجك وهدومك احسن عشان تحافظي على نفسك وتحافظي علينا .
حسام وهو بيقيف بالقوة : انا طالع 😔
مجد استنى سوقني معاك ( حاسة بيكم 😪.. اعيد واكرر يا حليلك يا نوران 😂)
بيان قامت وهي بتضحك على العملتو فيهم ... نزلت تحت سخنت ليها اكل في المايكرويف شالتو وطلعت اوضتها .
مجد وحسام نزلو الحديقة تحت ... مجد : لا حول ولا قوة الا بالله تجيب وجع القلب .
حسام ابتسامتو زالت : مجد... انت ما ناوي تكلمهم ؟
مجد اتنهد بضيق وهو بيجر شعرو لي ورا : انا خايف عليهم لمن يعرفو .
حسام " اااخ يا مجد بعد الفيك دا كلو شايل هم اهلك " : لكن ما تنسى من حقهم انهم يعرفو .
مجد : عارف والله عارف... بس في الوقت المناسب حيعرفو .
حسام ختا يدو في كتف مجد : ربنا معاك يا مجد ... انا وخالد ولؤي وريان كلنا معاك ومستحيل نسيبك في يوم .
مجد بي ابتسامة حزينة : رؤى عرفت ؟
حسام : ما اعتقد .
#Spain اؤمن بالمقولة التي تقول اولئك الاشخاص الذين يضحكون دائما والسعادة بادية في وجوههم هم اكثر المعانين من الداخل .
سكتو لي مسافة قبل ما حسام يقول : الجو برد يلا ندخل جوا .
مجد : يلا .
صباح اليوم التالي :
مجد وحسام صحو بدري وجهزو نفسهم ونزلو تحت.
مجد وحسام : صباح الخير
هدى وعماد : ضباح النور .
مجد : وين بيان ؟
هدى : لسا ما صحت .
مجد وحسام قعدو شربو عصايرهم واكلو ليهم تصبيرة وهم طالعين عماد قاليهم : ما تتأخرو الليلة عاملين عزومة عبد الرحمن .
* عبدر الرحمن عمهم الكبير كان في العمرة وجا .
مجد : ان شاء الله .
ركبو عربية مجد وبوابتهم اتفتحت واتحركو على الجامعة .
في قصر عبد الرحمن :
رشاد قاعد في الحديقة معاهو امو... كان خاتي ورف وملفات جمبو وفاتح الابتوب .. وامو بتقرا في كتاب وخاتا كباية قهوة جمبها 📖☕.
قطع هدوئهم صوت منذر وهو بيصرخ بصوت عالي وجاري ورا نور : والله الليلة ما اخليك 😠.
رشاد رفع راسو بسرعة : الحمد لله والشكر جنو وارتحنا .
سالي نطت في الكنبة ورا رشاد .
سلمى : في شنو يا اولاد مالكم ؟
منذر : والله العظيم البنت دي انا يوم بقتلها ليكم سامعني ؟ بقتتتتتلها ليكم 😠.. وما تلوموني.
رشاد : في شنو ؟
منذر : انا عندي امتحان الليلة.. جيت لقيت شيتاتي كلللها مشخبطة ومرسوم فيها .. ارسب انا الليلة ولا اطير وين ؟
طاهو صوت سامي من وراه : وانت لي بتقرا منها والامتحان 😏.
سامي شال تفاحة 🍎 وقعد جمب رشاد .
سلمى : سالي .. انا كلمتك كم مرة وقلت ليك ما تهبشي حاجاتو .
سالي بي برائة : كنت عايزة اجرب الالوان يا مامي 😇
منذر : مالقيتي غير شيتاتي انا عشان تجربي فيها الالوان ياروح مامي 😠😠😠.
سالي : اثفة 😔.
صوتها البريئ قدر يمتص الغضب من منذر القال بي هدوء : استغفر الله العظيم .
باس راس امو وودع اخوانو وطلع على الجامعة .
سامي : سالي حبيبتي... تاني ما تهبشي حاجاتو عشان كدا هو حيتأثر في دراستو اتفقنا .
سالي : اتفقنا .
سامي وهو بيأشر على خدو : يلا بوسة
سالي بي خشمها الصغير باستو في خدو وبعديها حكت خشمها وهي بتضحك : شعل وشك بيكلكلني 😂
كلهم ضحكو عليها 😂.
رشاد : وانا ما عندي يا سالي ؟
نور باستو بي سرعة خايفة من الكلكلة 😂.
سامي وهو بعاين لي ساعتو : انا بعد دا اطلع .
قرص نور في نخرتها الصغيرة... وباس راس امو وطلع .. شوية كدا سامي لملم حاجاتو وشال شنطة الشغل 💼 بتاعتو ...
سالي : استناني اجيب بطاكة الاسكول .
رشاد : يلا سريع .
طرت بي سرعة جابتها رشاد شالها وركبها في البص الكان مستنيها بره .. وبعديها ركب عربيتو واتوجه لي مكان شغلو .
نمشي لي ناس مجد :
كان يومهم بسيط شديد عندهم لاب ومحاضرة واحدة
الجو كان حلو ومغيم ... مجد واصحابو طلعو بره وهم بيتونسو ويضحكو .
مجد فجأة راسو بقا لاااافي والدنيا بدت تضلم في وشو .. بي سرعة اتقدم لي اقرب كنبة جمبو.. اصحابو ماكانو منتبهين ليهو .. عمر كان مراقب مجد من بعيد ولقاها فرصة .. مجد براهو وشكلو تعبان وماف زول من اصحابو معاهو واحلى شي قاعد في الكنبة بتاعت شلتو .
مجد راجع بي ضهرو لي ورا ورافع راسو وبالعافية بيشيل في نفسو .. فجأة حسا بي قدمو حيتكسر من الالم .. فتح عيون لقا عمر بي كل قوتو وتقلو ضاغط بي رجلو على قدم مجد ( عافصو )وعيونو مليانة حقد وكراهية
عمر : لا كمان قاعد في كنبتنا .
مجد جرة رجلو من تحت رجل عمر بي قوة خلت عمر يفقد توازنو..ومسكو من ياقة قميصو بي قوة وهو مبتسم ابتسامة ممزوجة بالثقة والسخرية : انا مجد.. اقعد في المكان العايزو وفي الوقت العايزو وبي راحتي (حتى وانت تعبان شرير)ولزاهو لمن جا واقع في الارض.. مجد خلاص استخدم كل قوتو غلبتو الوقفة والنفس قطع ووشو بقا بنفسجي ما قادر يدخل اوكسجين.. قام عمر زي التور الهايج وعايز يضرب مجد بي كل ما عندو من قوة.. لكن في راجل مسمو بي سرعة من يدو ولزاهو من مجد.. لمن عاين ليهو لقاهو راجل طويل ومعضل ولابس بدلة عملية سوداء وسماعة ونضارة فعرف انو دا الحارس الشخصي بتاع مجد .
حسام لاحظ لي ريان قامت جارية بي سرعة وانو في ناس متلميين حول زول وكان حارس مجد واقف فعرف انو دا مجد... قام جاري بي سرعة واصحابو لحقوهو.. ريان شالت شنطتها ونزلت ضرب في عمر : اتفو عليك انت عايز منو شنو خليهو في حالو يا ثور يا حيوان الله يلعنك .. شهقت بي قوة ورمت شنطتها لمن شافت اصحابها متلميين في مجد البيشهق وما قادر يشيل نفسو وبيأشر على جهة صدرو .
رؤى كانت مخلوعة وجسمها كلو بيرجف وصوتها مهزوز : م مجد مالك .. مجد بسم الله في شنو
حسام فتح ليهو زراير قميصو وهو بيصرخ بي عصبية : جيبو العربية سريييع .
خالد وحسام تكلو مجد وركبو العربية..
لؤي: حسام خليني اسوق انا انت ما حتقدر.
حسام رمى لي لؤي المفتاح وركبو بي سرررعة.. لؤي ساق بي طريقة جنونية لدرجة انو اتخطى اشارات المرور .
مجد خاتي راسو في كتف رؤى.. البتدلك ليهو في صدرو عشان يقدر يتنفس.. رؤى كانت دموعها جارية غصبا عنها وما خلت دعاء ولا ايه ما قرتها ليهو .
النضارة كانت في راسو.. شالت ليهو النضارة ...الشبابيك كانت مفتوحة عشان الهواء وامتزجت ريحة شعر مجد العطرية مع الهواء البارد وفاحت في ارجاء العربية .. حسام كل دقيقة بيتلفت على مجد وبيسأل رؤى بي خوف : بيتنفس ؟
رؤى كانت بتعاين ليهو وتنزل عيونها كانها حاسا بيهو شايفة.. كانت بتعاين لي حبها الماقادرة تتكلم بيهو.. حبها المن طرف واحد وبتتعذب بيهو بي صمت من غير ما اي زول يحس بيها قالت بي صوت مكتوم : ياارب وقت ما خليتو من نصيبي ما تاخدو من جمبي يا الله 😢.
وصلو المستشفى.. ريان وخالد كانو وراهم طوالي.. دخلوهو الطواريئ وجا الدكتور بي سرعة لمن عرف انو في حالة جديدة .. وبي صدمة قال : مججججد ؟
حسام اتلفت على الدكتور واتخلع لمن لقاهو سامي..  سامي ركب لي مجد اوكسجين ونقلو لي غرفة خاصة بعيد من ازعاج الطوارئ .
#نهاية_الحلقة_الثانية
ياريت تدوني ارائم من غير كلمة اب دي لانو الجزء متعوب عليهو الصراحة  ... رايكم سامعني ؟؟؟ ان شاء الله تكون الحلقة عجبتكم 😀.. وسامحوني اذا فيها اخطاء