انثى في عرين الاسد

الفصل الخامس

♡انثى في عرين الاسد♡
            ~الحلقة الخامسة~
بيان كانت نايمة ومغطية وشها بالبطانية تلفونا ضرب.. فتحت عيونها براحة وقعدت فتحت الابجورة لقت الساعة 6..اتخلعت منو حيضرب ليها في وقت زي دا ..مسكت التلفون وردت..جاها صوت رهف.
رهف: بيان الحقيني
بيان بي خلعة: مالك في شنو 😱
رهف: عبد الله 😭(خطيبها)
بيان:مالو 😱
رهف: عازمني الليلة الساعة 8 في كافيه وانا ماعايزة امشي براي 😭.
بيان بي صوت بكا: انعل ابو هبلك ياخ...مصحياني على ملا وشي الساعة 6 عشان تقولي لي ماعايزة امشي براي..انا قلت هسه حصلت ليك حاجة حرام عليك ياخ.
رهف: انتي ماحاسه بي 😭 ماعارفة البس شنو 😭 وماعايزة امشي براي😭واخواتي عندهم امتحانات ما حيقدرو يجو معاي .
بيان : انتي عارفة لو انتي قدامي هسه كنت هأحمل فيك شنو ؟
رهف: بيان 😢
بيان : خلااااص ...اتنيلي البسي اي حاجة..اجيك متين 😠.
رهف : انا بجيك الساعة 7 ونص ☺.
بيان : 7 ونص 😭 مدرسة هي ياخ.. عبدالله بتاعك مالقا غير يوم الجمعة وكمان الساعة 7 ونص .
رهف : ما تظلميهو هو مسافر الليلة الساعة 1 ضهر عشان كدا وحنتلاقى الساعة 8.
بيان : خلاص اقفلي مع السلامة
رهف : الله يسلمك ☺.
بيان ظبطت المنبه على سبعة ورجعت كملت نومتها .
عند عماد وهدى
عماد كان فاتح اللابتوب ومنتبه مع شغلو...وهدى ماسكة اوراق قضية بتقلب فيها باهتمام .
هدى : في بنت اسمها سارة..جات وحكت لي قصتها قالت اتخرجت من الجامعة بي امتياز وهي هسه لافه بي شهداتها ومحتاجة شغل عشان هي بتعيل البيت ..عايزاك تشغلها في الشركة.
عماد رفع راسو وصلح نضارتو: خليها تجي بكره وتقدم ورقها .
*******************
بيان صحت بي تكاااسل دخلت الحمام استحمت واتسوكت... لبست فستان اسود مخطط بالابيض..معاهو قميص جينز فاتح ومن فوقو سلسلة حلوة..عملت شعرها ذنب حصان (ضنب 😀) لبست شبط جلدي من قدام بني فاتح ومن ورا بصلي فاتح..لبست طرحة بنية بلون الشبط..عملت روج مات احمر داااااااكن وكان خطير مع لونها الجميل..شالت شنطة يد كبيرة بنية ونزلت (حنزل صورة اللبسة ).
لقت امها وابوها تحت صبحت عليهم واستأذنتهم..شوية كدا رهف وصلتها سلمت عليها ومشو..لقو عبدالله قاعد ومستنيهم..سلمو عليهو..عبدالله ظريف ومضحك وبيدخل في الناس طوالي اتونسو معاهو طويل لحدي مافي النهاية ودعوهو وادا رهف كيس كبير فيهو ميني شوكلت منوعة وباقة ورد واعتزر لي بيان انو لو كان عارفها جاية كان جاب ليها ووصى رهف تديها معاها.(تشربو حاجة 🐸🍷)..
في العربية :
رهف : 😛😛😛 جابو لي شوكلاتات وما جالو ليك وي وي وي .
بيان : حاشيل منها صح 😀؟
رهف:لا 😛
بيان: اي اي قلي ادبك تاني اضربي وقولي لي انا طالعة تعالي معاي 😒.
رهف : خلاص بديك 😂.
بيان : كلبة 😏
رهف: السلسل الحلو دا جبتي من وين؟
بيان: اتخيلي جابو لي مجد
رهف: اي من وين يعني ؟
بيان : دقيقة اسألو ليك .
شالت تلفونا وضربت ليهو ومجد ولا هظر حتى قفل الخط طوالي في وشها طبعا هو وجماعتو نايمين عشان كدا ماعايزين ازعاج 😂😂😂😂.
بيان بي شهقة : قفل الخط في وشي 😠
رهف: تستاهلي 😂..بكون نايم هسه .
رهف وصلت بيان..وبيان اصرت عليها انها تنزل..رهف ما حبت تحرجها ونزلت معاها..قعدت مع امها في الحديقة واتونسو طوييييل وضحكو.
هدى: العرس متين ؟
رهف : قريب ان شاء الله.
بيان : لي مأخرنو؟
رهف: في واحدة صاحبت امي قالت يأجلوهو شوية عشان عندها اشغال 😂.
بيان : عاد تمام ..ظريفة المرة دي
رهف: خواجية
بيان : عشان كدا يعني 😂.
المهم بعد الونسة الطويلة بيان طلعت تقدم رهف..وهم ماشين لقو مجد جاي ..كان بيتكلم مع شيرين.
كان لابس بجامة تيشيرت رمادي غامض وبنطلون اسود فيهو مربعات بالرمادي..شعرو مبعثر من النوم وشكلو سمح شديد 😍.
مجد : اهلا اهلا اهلا رهف بي نفسها في بيتنا نورتي وشرفتي المكان.
رهف بي ضحكة : منور ومشرف بي ناسو .
بيان : لي قبيل قفلت الخط في وشي 😒
مجد : انتي ضاربة لي الساعة 8 ونص عايزاني ارد عليك مثلا 😒
بيان : في ناس كدا بتععععرف ترد عليهم 😏.
مجد: ااااي 😛😜
رهف : انا لازم اطلع بعد دا
بيان : طيب اقدمك
مجد: خلي بالك من نفسك 😍
بيان : ما تخاف علي يا عيونو 😍
مجد بي نص عين : عايني انتي الاتكلم معاك منو ؟ انا عارفك شديدة ولضيضة على نفسك..انا بتكلم عن الكائن الرقيق الجمبك 😌 (شاكوووووش 😂)
رهف ماتت من الضحك😂😂.
بيان ضربتو في صدرو : شافع قليل ادب 😠 ( لاااااااا الا صدرو 😭 )
مجد سكت شوية قبل ما يمسح وشو بيدو : يلا عن اذنكم .
وبي سرعة طلع اوضتو وهو بيتجاهل في جوري البتنده عليهو... اول مادخل اوضتو قعد في الارض جمب السرير وبدا يكح ويحكح بي قوة حسة بي حاجة في يدينو..لمن عاين لي يدو لقاها كلها دم..بدا النفس يبقا صعب والراس يلف..رفع راسو لقا جوري واقفة من ماشافت الدم صرخت وبكت : حالووو دا ثنو 😭 دا تم ؟
مجد فتح ليها يدينو في محاولة منو لي تهدئتها اتكل على السرير وقام جوري جاتو جارية حضنها :
جوري حبيبتي دا  ما دم ... مش قبل شوية شربت معاكي عصير فراولة؟
جوري وهي بتشهق بي برائة : اي
مجد: دا عصير الفراولة .
جوري وهي بتمسح في دموعها ولسا بتشهق : عصيل فلاولة ؟
مجد هز راسو وهو مبتسم ... كان حاسي بي الم لا يوصف كانو مطعون بي خنجر في ضهرو وكل مايشيل نفس الالم بيزيد.
مجد ما قدر يقيف قعد تاني في الارض..في اللحظة دي خالد وحسام جو داخلين ... اول ماشافوه جو جارييت عليه بي سرعة .
حسام : مجد
مجد : ماقادر يا حسام ..ماقادر اتنفس
خالد وحسام بي سرعة تكلوهو ونزلو تحت.
بيان كانت شايلة كباية عصير وطالعة في السلم اول ماشافتو الكبابة وقعت وصرخت بي خوف : مجد .
كان حالتو يرثى لها بقع الدم في تيشيرتيهو وفي يدو..وبشيل في نفسو بي صعوبة وعيونة لافة لي فوق .
بيان مسكت لؤي : مالو اخوي مممالو ؟
لؤي: بيان اهدي
ونزل بي سرعة وراهم .
بيان رجلينا بقت ماشايلاها...وهدى امو قربت تموت من الخلعة وكلهم جرو على المستشفى.
في الوقت دا سامي كان طالع من الحمام بعد ما اخد ليهو دش... تلفونو ضرب : الو ... اي..شنو ؟ طيب طيب جاي.
وبي سرعة وعصبية قلع التيشيرت اللابسو بدل هدومو سريع وشال مفاتيحو ونزل .
في المستشفى:
خالد : غريبة المضاعفات دي تجيهو كدا مرتين ورا بعض
حسام : ربنا يستر .
بيان جاتهم داخلة : مرتين ورا بعض ؟ يعني دي ما اول مرة صح ؟ انتو داسين علي حاجة ؟
حسام وخالد سكتو ونزلو ريسانهم..بيان كتفت يدينها : انا بتكلم معاكم ما تسكتو..في شنو ؟ مجد مالو انطقو.
خالد: مجد عندو.... عندو مشكلة في عضلة القلب.
بيان بقت منطرة عيونها وبتعاين ليهو : ها ؟ ال...الكلام دا من متين ؟
حسام: 7 شهور
بيان : مشكلة في القلب وعمرو يادوب 19 سنة ؟؟؟ ومن 7 شهور وانا يادوب عرفت.
قعدت في الارض لانو رجلينها بقت ما شايلاها: لي .. لي ياحسام ؟ لي ياخالد ما كلمتوني؟ لي اعرف هسه .
حسام قعد قدامها : بيان مجد طلب مننا انو ما نوري اي زول كلنا عرفنا بالصدفة .
بيان صرخت ودموعها نزلت وبقت بتنتحب وبتبكي ودخلت في حالة هستيرية.
حسام وخالد بقو واقفين وماعارفين يعملو شنو .
سامي جا طالع كان لابس اللاب كوت بتاعو وماسك السماعة في يدو...حسام ناداهو .
سامي جا وقعد جمبها : بيان
بيان كانت لسا في حالتها
سامي نهرا : بيان دا شنو البتعملي فيهو...مجد محتاج ليكم البتعملي فيهو دا ما حيفيد بي اي شي..ياخ قولي الحمدلله مجد في مرحلة العلاج فيها ساهل في ناس بيجو حالتهم مأساوية وحق العلاج ما عندهم .
بيان : .............
سامي : بيان ؟
هزاها ومالقا منها استجابة كان بس صوت شهقاتها المكتومة..وجسمها بيتهز بي قوة
سامي مسكها من يدها : بيان قومي
بس بيان ولا كأنو معاهم في دنيتهم..سامي نادا وحدة من النيرس..شالها براحة ووداها غرفة كشف عليها وعرف انو جاها هبوط.
امهم كانت صابرة وبتدعي ربنا يقوم اولادها بالسلامة... عين وصابتكم يا مجد وبيان 😢.
جا يركب ليها مغذي.. بس بيان صرخت وبقت بترفس بي قوة وبتبكي..ادوها حقنة مهدئة وركبو ليها المغذي.
مرت الساعات ببطئ ومجد فتح وبدا يرجع لي حالتو الطبيعية..ودي الحاجة الطمنت اهلو..كل الوقت دا وبيان ما فتحت عيونها..العشاء اذن..بيان بدت تفوق فتحت عيونها ببطئ وكانت شايفة قدامها طشاش..شافت واحد قدامها حكت عيونها عشان تتأكد انو ماحلم.
مجد وهو مبتسم : حمد لله على السلامة..معقولة ياخ لي اذان العشاء وماعايزة تفتحي عيونك.
بيان دموعها بدت تنزل..حاجة صعععبة اتخيل اخوك الصغير ( الله يحفظهم )يكون عندو مرض في قلبو وتشوف معاناتو وانت ما قادر تعمل شي .
بيان قعدت..مجد ختا يدو في كتفها: ها حاسة بي نفسك كويسة وقادرة تطلعي ؟
بيان رمت نفسها في صدرو ( تااااني ؟ -_-) وشبكت يدينها من ورا ضهرو..وبدت تبكي بصوت مكتوم..مجد ختا يدو في ضهرها وذقنو في راسها : بيان خلي العوارة ياخ.
بيان وصوتها طالع بي صعوبة : لي يا مجد ما كلمتني ؟ لي 😭.
مجد: شوفي انتي بتعملي في شنو وحتعرفي لي ما وريتك .
بيان : عايزني اعمل شنو ؟ اضحك ؟
مجد زحا منها ورفع ليها راسها : عايني لي يا بيان..انا مؤمن بقدر الله..والمؤمن مصاب..انتو املي بعد الله.. انا صابر بيكم الحمد لله على كل حال.. لمن انتي تعملي كدا انا حاتعب اكتر..الحصل حصل..انا عايزك تكوني قوية وشجاعة وتقويني معاك مش تبكي .
كلامو خلاها تبكي زيادة.. ودفنت وشها في صدرو وهي لسا بتبكي 😭😭😭.
مجد رفع وشها تاني ومسح ليها دموعها : ياخ خلاص ما تبكي.. بعدين عايني ..عايني تشيرتيني المفضل مليتي لي دموع ما معقولة زحي كدا .
بيان لا اراديا بين دموعها ضحكت.
جا سامي ومعاهو حسام داخلين
سامي : حمد لله على سلامتكم الاتنين.
بيان : الله يسلمك
حسام: ما نشوف فيك شر تاني يا بيان .
بيان: الله يخيليك
حسام وهو بعاين لي مجد : احسن من مجود..اقول ليهو ما نشوف فيك شر تاني بيقول لي اللهم امين جمعا كاني بقول ليهو ان شاء الله تعرس 😒 اتعلم فنون الرد من اختك.
مجد : احسن تتلهي 😒
حسام : لي؟ ما عايزني ابين جانبك المتخلف ؟
مجد صرة وشو..حسام حسا بالخطر😂 وجرا وقف ورا سامي😂.
جا عمهم عبد الرحمن داخل.
عبد الرحمن : السلام عليكم
كلهم : وعليكم السلام
عبد الرحمن قعد جمب بيان : ازيك يا بنتي ان شاء الله كويسة.
بيان : الحمد لله يا عمو .
عبد الرحمن: الف حمد لله على السلامة
بيان: الله يسلمك ان شاء الله .
شوية كدا وطلع..جو البنات داخلين قدامهم منذر.
منذر بهمس : هجوم عسكري دا ما زيارة .
جوان: حصحاصة في عينك قول ماشاء الله
منذر: انتي الكلام دا بتجيبيهو من وين 😳
جوان: من قاموس العائلة 😌
توالت كلمة حمد لله على السلامة من كل العائلة لي بيان ومجد..بيان جهزت نفسها عشان تطلع والباقيين مشو يخلصو ليهم اجراءتهم..بيان كانت قاعدة في كنبة جمب مكتب دكتور..سمعت الحوار الدار بين الدكتورين كلهم وياليتها لو ما سمعت💔.
طلعو من المستشفى واي زول مشا بيتهم..حسام رجع مع مجد..كانو تعبانين شديد..مجد نام في السرير وحسام جمبو في الكنبة البتتحول لي سرير برضو..الا بيان كانت واقفة في البلكونة لمدة طويلة والكلام السمعتو بيلف ويدور في راسها اتنهدت بضيق : يااااارب مالينا غيرك
لمت خصلات شعرها القدامية بي بينسة ودخلت لي سريرها.
الساعة 7 صباحا المنبه ضرب.
مجد: حسام
حسام:......
مجد: ولد..حسام
حسام:خخخخخخ
مجد: زفت
حسام: مالك ياخ ( رد في كلمة زفت بس 😂)
مجد: اقفل المنبه
حسام : وانت يدك مقطوعة مثلا .. حيوان دا 😠
مجد: خلي السخافة ياخ هو جمبك
حسام رفع راسو بتكاسل وقفل المنبه
مجد: انت ظبطو علي كم ؟
حسام: 5 فجر...يعني لسا في وقت نوم نوم
مجد : الحمد لله ... ورقد
لكن رفع راسو بسرعة: لو 5 فجر لي الشمس طالعة؟
حسام وهو بيتقلب على الجهة التانية : ربنا اراد كدا.
مجد عاين لي ساعة تلفونو لقا 7 وخمس دقايق..قعد بي سرعة : حسام يا حيوان الساعة سبعة وخمسة الامتحان حيفوتنا.
حسام: حيفوتنا شنو قلت ليك الساعة 5
مجد: يخمس قيدك (بيان مؤثرة 😂) الساعة 7 يا اهبل قوم..
حسام رفع راسو وعاين لي ساعة تلفونو..وعاين لي مجد ورجع تاني عاين للساعة وتاني عاين لي مجد..وفي وقت واحد قامو جاريين اي واحد على جها..سريع سريع جهزو نفسهم ونزلو .
وهم نازلين في السلم
حسام: بلعت الحبوب؟
مجد ختا يدو في جبهتو : اخخخه نسيتها .
حسام: خاتيها وين ؟
مجد: في الكومودينة.
حسام جرا سريع جابها.
مجد فتحها عايز يبلع
حسام : استنى يا غبي.. حتبلع ساي ومعدتك فاضية.. دي الحالة صيدلي.
مجد: ماف وقت للاكل يا ولدي .
حسام جرا سريع جاب ليهو تفاحة وكباية عصير .
مجد شرب شوية من العصير وختاهو..حسام : كملو
مجد: الامتحاااااان امشي سريع التفاحة باكلها في الطريق وببلع حبوبي... وبي سرعة طلعو بره
****************
في بيت عبير (ام البنات)
عبير وهي ماسكة فنجال القهوة(او فنجان الله اعلم 😸):
وين جلنار وجوان ؟
جيهان: جلنار لسا ما صحت.. وجوان طلعت من بدري.
جمانة: وانتي قاعدة لي ؟
جيهان: عشان انتي تسألي (رباطابية 😂)
جمانة: احترام للاخت الكبيرة ماف 😒
جيهان: ارتاحي زاتو انا طالعة 😛
جمانة : باي
جيهان: باي
عم الصمت لي دقايق بين جمانة وامها..جمانة كانت حاسه انو امها عايزة تقول حاجة لكن فضلت ساكتة.
عبير: جمان
جمانة: اهلا 😀
عبير: عايني يا بنتي انتي بعد دا كبرتي والعرسان بدو يدقدمو..وانا كاي ام عايزة اشوف بنتي بالابيض..حادخل في الموضوع طوالي..سلمى طلبتك لي سامي .
جمانة بي خلعة: سامي 😳
عبير: اي سامي..انتي عارفة سامي ماشاء الله عليهو محترم..مهذب جدا وملتزم..وسمعتو كطبيب زايداهو احترام..وسمح 😉..دا بالجد الراجل البتتمناهو كل ام لي بنتها.
جمانة: لكن
عبير: اسمعيني كويس انا ابدا ما حاجبرك على واحد انتي ماعايزاهو..امبارح لمن كلمت ابوك فرح شديد بي سامي..لكن قال لي الراي راي جمان..بس عايزاك تفكري كويس وتستخيري لو وافقتي خير لو رفضتي خير.
جمانة : طيب حافكر ان شاء الله..مع السلامة.
عبير: مع السلامة.
جمانة ركبت عربيتها وبقت بتفكر..سامي ما محتاج تعريف عارفاهو كويس من كل النواحي واي بنت بتتمناهو..بس بالنسبة ليها كانت عندها معاهو حدود الوحيد بين اخوانو..سامي ورشاد وحمزة ومنذرطفولتهم قضوها في بريطانيا..لمن جو هنا كانو كبرو شوية..وسامي من ما خلص الثانوي رجع درس طب في بريطانيا ماكان حابي يقعد في السودان لكن فجأة غير رايو ورجع..ورفض يمشي بريطانيا تاني .
علاقتو بيها السلام عليكم..وعليكم السلام..المشكلة انها عندها واحد في حياتها وبتحبو..بس لو رفضت سامي حتغاين كيف تاني في وش خالها ومرت خالها العارفاهم بيحبوها موت .
جمانة : دي شنو الورطة دي بس.
تلفونا ضرب لقت الاسم :My mustfa
ردت : الو
مصطفى: حبيبي
جمانة: اهلا..كيفك ؟
مصطفى: جمانة مالك في حاجة؟
جمانة: اسمعني لازم نتلاقى في موضوع مهم عايزاك فيهو.
مصطفى: طيب حددي وين ؟
جمانة : في كافيه.......
مصطفى:طيب الساعة كم ؟
جمانة : عندي اجتماع بيخلص عشرة... يعني الساعة عشرة انت تعال.
مصطفى: ان شاء الله.
جمانة وصلت الشركة وبدت تراجع في شوية ملفات..
بعديها طوالي دخلت الاجتماع بتاع مجلس الادارة .
في الوقت دا عند سامي وامو:
سلمى: سامي عايزاك في موضوع.
سامي قفل الكتاب الكان بيقرا فيهو: خير ان شاء الله
سلمى: انت يا ولدي ما عايز تعرس بعد ده ؟
سامي وهو بيضحك: 😂 اتوقعت الموضوع يكون ليهو علاقة بالعرس..طيب انا مش كلمتك انو العرس دا اخر همي..بعدين مش يعرس رشاد اول .
سلمى: رشاد دا انا عارفاهو لا بيعرس لا شي ولا وش عرس..
سامي وهو بيضحك: طيب اها حجزتي لي واحدة .
سلمي : اي 😌
سامي: اها منو سعيدة الحظ
سلمى: جمانة
سامي: جمانة منو ؟
سلمى: جمانة بنت عمتك يعني جمانه منو ؟
سامي : جمانة الشاافعة.
سلمى : شافعة شنو عمرها 23 سنة..وانت 26 يعني مناسبين لي بعض..بعدين ما شفت الجمال والتهذيب كيف ؟
سامي : لا هي من النواحي دي ما فيها كلمة .
سلمى : يعني موافق .
سامي وهو بيضحك: هسه احتمال عندي واحدة 😉
سلمى : ماشفتك يوم لافي بتلفون ولا بتتكلم لي انصاص الليال.
سامي: لا خطيرة انتي مراقباني يعني.
سلمى بترجي: موافق ؟
سامي وهو بيقيف على حيلو : طيب افكر 😉
باسها في راسها وطلع... ركب عربيتو وهو ماشي في الشارع رجع بي ذاكرتو لي ورا ايام الجامعة في لندن.
#نهاية_الحلقة_الخامسة.
..تتوقعو حيحصل شنو في الجزء الجاي ؟