انثى في عرين الاسد

الفصل الرابع

#انثى_في_عرين_الاسد
#الحلقة_الرابعة
عند ريان و رؤى
ريان : رؤى براحة ياخ سوقي زي الناس .
رؤى وهي بتزيد سرعتها : شنو خوفتي ؟
ريان : رؤى بطلي .
رؤى وقفت العربية : مجد مالو ؟
ريان وهي بتشيل نفس : عندو مشكلة في القلب بتعمل ليهو مضاعفات احيانا اها ارتحتي .
رؤى : طيب لي ؟ لي بس انا اخر واحدة تعرف بي مرض مجد ..كل ما كنت اسأل بتقولي لي ما عندو شي ... ولا ما حاسبني منكم .
ريان : دا شنو الكلام دا يا رؤى ياخ .. كل القصة انو مجد ما كان عايز اي زول يعرف احنا كلنا عرفنا بالصدفة ..حتى اهلو لحدي هسه ما عارفين اي حاجة .. مجد كان خايف انتي تعرفي بالذات لانو عارف حركاتك .
رؤى سكتت مسافة وهي زامة خشمها وبتحاول تمسك في دموعها قالت وهي بتنتحب : انا خايفة عليهو .
ريان : رؤى اوعك تعاملي مجد بي اشفاق دي اكتر شي بتزعلو .. اتعاملي مع الوضع عادي وهو بدا العلاج وكلو على الله .
رؤى : ونعم بالله .
♢♢♢♢♢♢♢♢♢♢♢♢♢♢♢♢♢♢
في المستشفى مجد اصحابو وصلوهو لحدي تحت ووعدوهو انو حيجوهو بعد يمشو شوية ويرتاحو .
سامي كان واقف جمبو وفتح ليهو الباب : يلا سوق براحة .. نتلاقى في بيتكم .
مجد : ان شاء الله
ركب عربيتو..واتوجه على بيتو.
وصل بيتهم قرش العربية برا..تلفونو ضرب
ردا وهو داخل على جوه : الو .
هدى : مجد ازيك
مجد : تمام الحمد لله .
هدى : انت كويس ؟
مجد حسا كانو امو عرفت : كويس الحمد لله في حاجة ؟
هدى : لا ماف شي انت وين هسه ؟
مجد : وصلت البيت .
هدى : طيب تمام نتلاقى هناك .
مجد : يلا مع السلامة.
اول ما دخل لقا الشغالين بيرتبو في الصفر والشوايات والقعدات استعدادا للعزومة .
دخل جوه وسال الفلبينية من بيان.. وكلمتو انها طلعت .
مجد دخل اوضتو .. ودخل الحمام.. فتح الدش والموية الباردة مشت في جسمو 🚿 وادتو انتعاش.. اتوضا ونشف جسمو ولفا بشكيرو وطلع..قعد في طرف السرير.
تلفونو ضرب وكانت دي شيرين .
مجد : اهلا .
شيرين : مجودي بقيت كيف ؟
مجد : الحمد لله
شيرين : انت ماشفت انك قطعت قلبي كيف الليلة.. حسيت كاني امك من شدة الخوف .
مجد : امي عديل كدا .
شيرين : مجد بليييز خلي بالك من نفسك وياريت تهتم بي صحتك وبي اكلك وبي شرابك .. واتريض كتير.. واشرب فيتامينات ولبن واكل فواكه وحاجات كتير تانية بس ناسياها .
مجد : بعد دا كلو تاني في حاجات؟
شيرين : اسمع الكلام .
مجد : طيب يا ماما حاسمع الكلام وحاشرب اللبن تاني في شي ( قال ليها ماما 😢)
شيرين : بحبك
مجد : شكرا .
شيرين : شكرا في عينك يا حيوان يا كريه انا اصلا غلطانة اني اقول ليك بحبك 😠
مجد وهو بيضحك : 😂وانا بموت فيك والله العظيم بعشقك..بس دي زلة لسان 😂.
شيرين : اوكي باي نتلاقى بكرة في الجامعة .
مجد : ان شاء الله مع السلامة.
شيرين : دقيقة دقيقة الدكتور قال عندك شنو ما وريتني .
مجد : شوية هبوط وعدا الحمد لله .
شيرين : الحمد لله اوكي باي .
مجد : باي وبحبك .
شيرين : شكرا 😛...وقفلت الخط.
شيرين ابتسمت بي خبث لمن شافت خالد صاحب مجد ضارب ليها : حبيبي.. كدي اهدا شوية.. ههههههه ما قادرة اصدق.. قول والله.. اوكي حنشوف يا قلبي.(القصة شنو ياربي)
مجد لبس  برمودة بنية داكنة وقميص لونو كحلي فيهو نقاط ضغيرة بالبني.. فرش المصلاية وصلا ركعتين شكر لله وسأل ربنا يشفيهو ويعافيهو والحس بيهو وشافو ما يجي لي اي زول من عائلتو.. خلص الصلاة وقف قدام المراية سرح شعرو واتريح.. لبس شبشب بيت اسود.. بلع حبوبو..ورقد على ضهرو في السرير وهو بيفكر.
♢♢♢♢♢♢♢♢♢♢♢♢♢♢♢♢♢
عند حسام:
بعد ما اخد ليهو دش.. لبس ليهو بنطلون اسود وتيشيرت لاكوست اصفر..ولبس ليهو كاب فيهو حرف M..شال مفاتيحو ونزل تحت لقا امو: انتو جايين معاي ؟
ماجدة: انا ونادين حنتأخر شوية ونجي مع اياد..انت سوق معاك يقين.
يقين جات نازلة  انا جهزت .
حسام وهو بمد ليها يدو : يلا.
طلعو وركبو العربية..حسام شغل المسجل جات غنية (One direction live we are young )
يقين: حسام على الصووت
حسام: اكتر من كدا القزاز حيتكسر .
يقين : حسام عليك الله عليهو..النبي..الله يخلي ليك اهلك وامك وابوك..ان شاء الله تسافر الحج..ان شاء الله نمشي اسبانيا وتحضر كورة بين برشلونة وريال مدريد.
حسام : 😂 خلاااااص خلاص عليهو..تنفعي تشتغلي شحادة.
يقين علت الصوت..وبقت ترقص وتصفق وتغني معاهم وتنقز قدرتها 😂.
حسام: يقين ما تكتريها الناس بتعاين ليك في الشارع.
يقين: وانا مالي ومال الناس..وبعدين هم بعاينو لي عشان انا حلوة☺.
حسام بهمس : استغفر الله وكمان وهمانة 😒.
يقين : قلت شنو ؟
حسام : ماقلت شي..سلامتك.
منذر وصل اول واحد.. واول مادخل بقا بيصرخ بصوت عالي: مجد يا مجد يا عالم يا دنيا وينكم .. وين الاكل والشواءات.
مجد سمع صوت الصريخ في اوضتو نزل بي سرعة وهو بيضحك 😂.
مجد: منذر طبعا منو غيرك قليل ادب وصوتو عالي .
منذر: سيبك من دا .. انتو كذبتو علينا ولا شنو ؟ وين الاكل والبيبسي.
مجد: كدي سلم علي اول.
منذر: اخ نسيتك.. جا عليهو وهو بيضحك وعانقو..مجد رفعو فوق ونزلو .
مجد: جديدك واخبارك.
منذر: الحمدلله..ماف اي جديد.
مجد: اشتغلت كيف في الامتحان
منذر: زي الزفت كلو بي سبب الفارة الاسمها سالي شخبطت ورقي..لكن دقيقة عرفت كيف اني كنت ممتحن .
مجد: ورتني العصفورة. ( يوم حفلة بيان وراهو انو عندو امتحان لكن شكلو عندو زهايمر 😂)
شوية شوية بدو كل الاهل يوصلو.
رهف وصلت بيان البيت وشافت عربات كثيرة شديد واقفة قدام قصر ناس بيان.
ب
رهف: بيان دا شنو الحديد داكلو (العربات).
بيان: عندنا عزومة
رهف : ضيوفكم كتيرين
بيان : ديل اولاد اعمامي بس .
رهف : ماشاء الله تبارك الله.. عرفتيهم كيف ؟
بيان: بالعربات.
رهف: غايتو العارفاهو مجد عربيتو رينج وزاتو ما ظاهرة هنا .
بيان : ههههااااي مجد كل شهر بي عربية تانية.. انا من ما دخلت الجامعة لحدي ما طلعت بي نفس العربية غيرتها يادوب هسه.
رهف بي حماس : طيب وريني اي عربية حقت منو .
بيان : طيب نقول بسم الله .
1/ البنتلي الفي بداية الصف حقت مجد
2/ الi10 حقت جيهان بنت عمتو عبير بتخاف من العربات الكبيرة شديد..عشان كدا سايقة الصغنونة دي.
3/ السانديرو بتاعت جوان بنت عمتو عبير برضو
4/الSportage حقت جمانة .
5/ الKia حقت لؤي
6/ الBMWالسوداء حقت اياد
7/الJMC حقت رشاد
8/السنتافي بتاعت سامي
9/ التوسان بتاعت خالد صاحب مجد
رهف: ماشاء الله عائلة مواكبة..لكن العربية الرياضية الفظيعة التانية حقت منو 💔
بيان : دي بتاعت منذر .
رهف: انتي وقت عندك اولاد اعمام زي ديل مش كان تخطبي لي منهم يا زفتة لي خليتيني اطلع بعيد .
بيان: مامشكلة افسخي خطوبتك هسه..وبخطب ليك منهم..اها التحقيق الجنائي انتهى ؟
رهف : تم اطلاقك سراحك اتفضلي.
بيان : يلا
رهف : يلا وين ياختي.
بيان: حتتغدي معانا
رهف: لاااا شكرا وبعدين دي حاجة عائلية خاصة ماف داعي ادخل ساي
*ماعارفة انو مجد جايب اصحابو كلهم 😂.
بيان: انتي واحدة مننا..يلا ياخ انزلي.
رهف: لا معليش اعفيني.
بيان قعدت تترجى في رهف عشان تنزل بس رهف اصرت على رايها وابت تنزل .
بيان: طيب خلاص بي راحتك باي .
رهف : باي ما تكوني زعلتي
بيان : لا ما زعلتا😊..ونزلت من العربية..دخلت جوه ولقت كل العائلة قاعدة ديل يضحكو وديل يتونسو وموضوع..قعدو في صفرة طويلة..شوية كدا جو السيرفس وبدو يوزعو ليهم في الاقاشي🍡 والمشاوي 🍖 والسلطات.
منذر طلع تلفونو وضرب لي حمزة الفي لندن بالايمو.
حمزة كان نايم ومن ما منذر ضرب فتح التلفون وهو فرحان .
منذر: الكسلان
حمزة وهو بيمشي يدو في شعرو وبيضحك : كيفكم؟
حسام جا ناطي ليهو : بس ما تقول لي نايم
حمزة: للاسف .. انتو وين متلميين كدا كلكم ؟
منذر قلب ليهو التلفون عشان يشوف اهلو.
حمزة : حظكم ياخ
مجد : شوف انا باكل في شنوووو 😛.
حمزة: كفااااية عشان ما اقطع تذكرة واجيكم هسه .
سامي: كيف الجو عندكم ؟
حمزة : والله مطر بس .. كنت مع اصحابي في مطعم وجيت نمت ولحدي هسه المطرة ما وقفت .
البنات بي صوت واحد : حمزة مشتاقييين .
حمزة: 😂 بالاكتر والله انا برضو مشتاق ليكم .
جات جلنار براحة وجرت التلفون من يد منذر وقامت جارية بيهو : جاي متين ياخ.. خليتني لي منذر الحيوان الاهبل
حمزة وهو بيضحك : 😂 حبيبتي والله قربت اجيكم ومن حيث منذر عارفو اهبل ربنا يصبرنا بس..كيف اخواتك؟
منذر وهو بيقلع التلفون: اخواتها كويسين وجوان بقت شغالة بس قال الله وقال الرسول اما الشماسية دي ماف داعي اقول ليك عنها .
جلنار : هييييي 😠 ما تغلط
منذر: وبالنسبة لي انك سارقة تلفوني وبتقولي اني اهبل وحيوان يا ام تفه دا ما غلط 😠
جلنار ختت يدها في وسطها: سوري بس انا ما غلطت فيك..دي الحقيقة.. وعارفاها مرررة .
منذر: عايني انتي شكلك ضارباك كهربة وفايرة بيك ظاهر في شعرك .
جلنار: اسمو كيرلي يا متخلف .
منذر وهو بيضحك بي استفزاز : اسمو شنو 😂😳😂😳.. عليك الله قلتي شنووو؟ كيرلي ؟؟؟؟
الكيرلي دا حق البنات النعومات الرقيقات لكن انتي المسرحاهو دا اسمو نكشة وتفه قسم بدين الله بتشبهي البت سوكة الفي ابو علي 😂😂😂( الجبهة طارت )
جلنار بزعل : انا سوكة ؟
حمزة : يا جماعة انا هنا شكلكم نسيتوني .
منذر : ايييييوا سوكة 😀.
حمزة : ما تصدقيهو يا جلنارو انتي حلوة وكيوت وهو متغايظ منك ما اكتر .
منذر وهو بيودي التلفون لي امو : شفع اخر الزمن .
حمزة : حرام عليك ياخ ما تقول ليها كدا .
منذر ضحك وادا امو التلفون عشان تتكلم مع ولدها .
اياد : ها يا بيان بعد ما اتخرجتي حتشرفينا في الشركة ؟
بيان: والله ما عارفة ..بفكر اقدم في شركة تانية .
رشاد: لي ومكانك محفوظ ؟
بيان: والله انت واياد وجومانة ممشيين الشركة كويس.. انا عايزة اكون زي باقي الخريجين المعاي امشي وافتش وكدا.
جومانة: والله كويس...لكن احسن تجينا .
جو مجد ومنذر.
مجد: عايزين تلعبو طايرة ؟
جلنار بحماس: اكيد
منذر: استغفر الله 😒
جلنار: الحمد لله بقيت بتعرف تستغفر.
منذر: الحمد لله عندك مانع 😏
مجد مسك منذر من كتافينو ولفاهو عليهو :المهم العايز فيكم يجي .
قامو واتقسمو فريقين ..بنات واولاد .
سامي : مجد انت خليك الحكم 😉
مجد فهم من كلام سامي انو قاصد ليهو ما يجهد نفسو
مجد بي ابتسامة : طيب
المهم بدت اللعبة والبنات كل دقيقة راشين فيهم .
يقين شالت الكورة : يا جماعة استوب اللعبة دي ما عادلة .
حسام : كيف يعني ما عادلة
يقين : حرام عليكم البنات كلهم قصار مقارنة بيكم وانتو طوال شديد والسيرف بتاعكم عالي هم ما بيحصلوه .
منذر:طيب المطلوب شنو ؟
يقين: اتلخبطو مع بعض وكدا حتكون عادلة .
مجد وهو بيخت يدو في كتف يقين : صح كلامها انا موافق عليهو .. وبصفتي الحكم بأمركم بي انكم تتوزعو بين الفريقين 3 يجو من فريق البنات للاولاد و3 من الاولاد يمشو للبنات .
منذر بغرور: شفتو انتو من دونا ما بتقدرو تعملو حاجة 😌.
البنات لمو فيهو : قلت شنو 😒؟
منذر: ها ؟ ولا حاجة ... يلا اتقسمو .
اتقسمو فريقين الاول : اياد_سامي_خالد_بيان_جوان_جلنار
الفريق الثاني:
حسام_منذر_رشاد_جومانة_جهان_نادين
يقين كان مهمتها تجيب الكورة لو وقعت بره عشان هي قصيرونة 😂😍.
في النهاية اللعبة انتهت بالتعادل.
وطول اللعبة جلنار ومنذر مدورين قصف الجبهات 😂.. والناس ميتة فيهم .
عند الامهات:
سلمى: عبير انا عايزاك في موضوع
عبير : اتفضلي
سلمى: والله صراحة كدا انا عايزة اخطب جمانة لي سامي..ماشاء الله عليها بنتك ادب واخلاق وجمال .
عبير: والله انا لي الشرف  بالذات سامي دا ما فيهو اي كلمة وبريدو شديد واي ام بتتمناهو لي بنتها .
سلمى : يعني موافقين ؟
عبير: اشاور البنت اول..وبعدبها بديك خبر وكلو خير
سلمي : طيب ان شاء الله ربنا يكتب لينا الخير.
♢♢♢♢♢♢♢♢♢♢♢
عند مجد ولؤي .
لؤي : مجد مجد دي منو القاعدة هناك دي ؟
مجد : هناك وين ؟
لؤي: ياخ الابسة توب بني ديك .
مجد: يعني انت هسه خليت البنات كلهم ومشيت للابسة توب .
مجد فتح عيونو بدهشة : بس ما تقول لي الماسكة تلفون .
لؤي : اي
مجد: يا كلب دي مرة عمي ام منذر
لؤي : سمحة ياخ وصغيرة البشوفها بقول اختهم .
*سلمى اتزوجت صغيرة شديد..جميلة وطويلة وممشوقة.
مجد: خلاص اتلهي عشان لو منذر سمعك ممكن يقتلك هنا..
وفجأة جا منذر من وراهم وختا يدينو في كتوفهم : بتعملو في شنووو ؟
مجد ولؤي من شدة الخلعة بقو بيضحكو براهم .
مجد : 😂😂😂😂😂😂
لؤي: 😂😂😂😂😂😂😂😂😂😂😂
منذر باستغراب: مالكم ؟
لؤي:😂😂😂😂😂 احم .. انت هنا من متين ؟
منذر : بطلو هبل وتعالو الشباب عايزنكم..
الاولاد قعدو مع بعض يتونسو ويضحكو ونفس القصة مع البنات.
حسام نادا اختو : نادين تعالي
نادين : نعم
حسام : يلا
بيان : يلا وين لسا بدري
حسام : لا ما ماشين البيت
نادين بي استغراب : ماشين وين ؟
حسام: انتي مش قلتي عايزة تمشي لي صحبتك.. يلا عشان اوديك ليها .
نادين بي صرخة : بجد
حسام : سريع عشان ما اغير رايي
نادين وهي بتحضنو وتنطط زي الطفلة : يييييي .
حسام : اغير رايي ؟
نادين : لا لا خلاص... يلا
مشو وجو راجعين بعد نص ساعة كدا .
المهم بعد خلصو ونستهم وضحكم كلهم رجعو بيوتهم ما عدا لؤي وخالد وحسام ومنذر بايتين مع مجد.
ناس صيدلة عندهم امتحان يوم السبت عشان كدا بايتين مع مجد اما منذر قلة ادب منو بس قاعد معاهم..وهو اصلا اجز 😂.
كلهم كانو قاعدين في اوضة مجد بيزاكرو.. الا منذر فاتح تلفونو وراقد في الكنبة..لؤي ومجد وحسام قاعدين في الارض..لؤي راقد على بطنو في الارض..حسام نايم على ضهرو ورافع الشيت..مجد متربع في الارض..خالد رافع رجلينو في المكتب وبيلعب بالقلم ( قعدة الامتحانات حاااارة 💔)
حسام: مجد اشرح لي الكلام دا ما فهمتو .
مجد شال الشيت : امممم دا كلام بسيط جدا.
منذر : بسيط ولا اسبونج بوب .
حسام : هاهاها 😒
بعد شوية خالد بقا بيشرح ليهم : فاهمني يا جماعة يعني لمن يجيبو مسألة زي دي لازم تحلها بطريقة امنة عشان تضمن درجتها .
منذر وهو بيتقلب على بطنو وعيونو في التلفون: امنة ولا عائشة ؟
مجد : اسفهوهو ولا كأنو موجود كمل يا دكتور خالد .
بعد ما خالد خلص بقا لؤي هو البيشرح ليهم : يلا انتبهو معاي..في معامل ملابسها خاصة .
منذر: خاصة ولا حكووومية ؟
لؤي: اللهم صبرك يا روح 😠
تابع كلامو: فاهمني؟ يعني ملابس كدا زي البارشوت غشان المواد الكيميائية .
منذر : باراشوت ولا جارنيه 😀
لؤي وهو بيرمي الشيت : لا لا انت كدا كترتها شديد .
وقامو عليهو كلهم .
منذر : يا شباب اهدو شوية ياخ الدنيا دي زايلة مافيهاشي انا بس عايز اخفف عليكم ضغطة الامتحان
حسام : في زول قال ليك تخفف علينا 😠 شكينا ليك مثلا ؟
لؤي : هسه دا نعمل فيهو شنو .
مجد : نطردو وبس دا الحل الوحيد .
وطردوهو بره الاوضضة 😂😂😂😂.
طلع بره الحديقة ولقا بيان قعد معاها وفطسها من شدة الضحك .
بعد ساعة كدا طلع للاولاد وكانو خلصو مذاكرتهم.
منذر فتح الباب : ها خلصتو؟
حسام : خلصنا ولا بدينا؟
منذر : لا بالجد ياخ ؟
لؤي: بالجد ولا بالحبوبة 😂.
حسام وهو بيضحك وبيضرب كفو كف لؤي: حلوة حلوة 😂✋.
منذر : انت ظريف ياخ 😒
خالد : ظريف ولا مستر سلطع 🙊
منذر: اهدا منك ليهو يا شاطر وبطلو هبل.
مجد: شاطر ولا بليد 😳🙊
كلهم اتفجرو من الضحك واحد وقع في الارض وواحد وقع في الكرسي وواحد اترمى في السرير... طبعا هو ماف شي بيضحك .. بس هدفهم يغيظوه زي ما عمل فيهم .
منذر: انا كان اقعد مع بيان اصلا ماف داعي اجيكم ..ولفا عايز يطلع .
جوهو جاريين .
لؤي: تعال تعال بنهظر معاك والله
حسام وهو بيقفل الباب: بس عشان تعرف الكنت بتعملو فينا 😂
مجد : كنت عايز شنو ؟
منذر: حملت ليكم فيلم رعب خطيييير لسا ما نزل في الشاشات.
وصلو اللاب توب بالتلفزيون واي واحد رقد في محلة ... فجأة بيان فتحت الباب : بالنسبة لي انكم عندكم امتحان يوم السبت .
مجد: بالنسبة لي انك داخلة اوضتي من دون ما تدقي الباب
بيان : كنت عايزة اشوفكم عايزين حاجة.. فاكراكم مجتهدين بتقرو  ( اصلا اهلك مستحيل يشوفوك وانت بتذاكر.. بشوفوك وانت ماسك التلفون او قاعد في التلفزيون فكط  -_-)
مجد: وحلاتي يا ناس اصلا كنت جعان .
بيان : لا معليش ما تحاول معاي انا قصدي باقي الشباب انت اخدم نفسك بي نفسك 😒.
مجد وهو بعاين لي اصحابو: ما هو لو ما جبتي لي معاهم ما حاخلي حاجة تدخل هنا وحتكوني تعبتي نفسك على الفاضي... بعد مناقرات في الكلام بين مجد وبيان ... بيان نزلت تحت جهزت ليهم حاجاتهم ورفعتها ليهم.. الاولاد اكلو وكملو فيلمهم وبعديها نامو .
#نهاية_الحلقة_الرابعة
الحلقة الجاية فيها احداث كثيرة مولعة.. انتظروني 😀