انثى في عرين الاسد

الفصل التاسع

♡ انثى في عرين الاسد ♡
                   ~الجزء التاسع~
صحت من النوم على صوت اذان الفجر..اتمنت لو تفتح عيونها وهي اوضتها الدافية البتحبها..اتمنت لو تصحى تلقى كل الحصل دا كابوس وتفيق منو..مسحت الدمعة الجات نازلة لا اراديا من عينها..حست بالاذان كأنو بينده عليها عشان تجي وتصلي وتشكي لي ربنا كل همومها وتكلب منو يساعدها..مسحت وشها بيدها قبل ما تقوم على الحمام اتسوكت واتوضت وجات صلت بخشوع شديد ودعت الله ينصرها..طلعت على البلكونة الهواء كان بارد والقمر بدر والنجوم بتلمع كأنها مجوهرات..كان الجو مناسب جدا عشان تفكر فيهو بي مزاج وذهن صافي..كانت بتسأل نفسها ذنبها شنو ما غلطت كلو الحصل واحد ندل حبتو ووثقت فيهو وطلع حيوان وباين في معرفة قديمة بينو وبين سامي هي ماعارفاها..صح غلطت لمن صرخت في وشو واتكلمت معاهو بي وقاحة بس وقتها كانت غضبانة والواحد لمن يغضب بيقول كلام من دون قصد..هسه حياتها كيف حامشي مع سامي..ياتري حيفضل معاها كثير وحياتهم زي الشحم والنار ولا حينفصلو ولا حيحصل شنو ؟ ما حست بالوقت المرا الا لمن سمعت صوت باب الشقة اتفتح واتقفل..عرفت انو حيكون سامي مشا الجامع ورجع..قعدت في الاوضة لي دقايق وبعديها طلعت لمن سمعت صوت باب اتفتح واتقفل اعتقادا منها انو صوت باب اوضة سامي..مشت في الصالة بهدوء ودخلت المطبخ اتفاجأت لمن لقتو واقف..كان لابس جلابية بيضاء..وشايل علبة عصير في يدو.
جمان وهي خاتا يدها في قلبها: بسم الله
سامي بصوت مستفز: شفتي شيطان ولا حاجة 😒
عاينت ليهو بغيظ: ما الا اشوف شيطان قدامي..في ناس كدا الشياطين ارحم منهم 😒
سامي وهو زامي خشمو: اممممم
قرب منها ورفع يدو..وهي طوالي رجعت لي ورا بخوف وهي خاتا يدها في وشها ( الخوافة 🐸) اعتقادا منها انو حيديها كف..لكن اتفاجأت بي انو رما علبة العصير في السلة الوراها وهو بيقول: جهزي نفسك الليلة الضهر حنسافر
جمانة: حنسافر لي شنو ؟
سامي وهو بعاين ليها بقوة: شهر العسل.
ضحكت باستهزاء: شهههر العسل 😂
سامي: والله ماعشان ميت فيك ولا جاني عليك..كل الحكاية ماعايز اهلنا يحسو انو في شي غلط..عشان كدا بس جهزي نفسك من دون كلام كثير..عشان ما ازعل وانتي عارفة زعلي كعب .
سكتت شوية قبل ما تقول: حنسافر وين ؟
زحاها من قدام الباب وهو متوجه لي غرفتو: حتعرفي في الوقت المناسب.
اتنهدت بي اسى وحزن على حالتها..اتذكرت مصطفى بالرغم من انها هسه كارهاهو لكن كان دايما بضحكها ويفاجئها..بس يلا المظاهر خداااعة.
رجعت غرفتها وقفلت الباب وبدت تجهز في حاجاتها.
بعد ساعتين :
سامي صحا من النوم وطوالي على الحمام عشان يجهز نفسو..بعد حمام حلو رتب ذقنو وسرح شعرو..لبس بنطلون اسود وتيشيرت فيهو اسود سادة وجاكت رمادي كان خرافي 😍..طلع وقعد في الصالة منتظرها
جمان كانت بتخت في اللمسات الاخير لبست فستان اسود ومعاهو كيمونو رمادي ( جكت طوييييل) وجزمة رياضية رقيقة وفيها فيونكة لونها اسود..رفعت شعرها كعكة ونزلت خصلا بي قدام...عملت ميكب بسيط..عاينت لي شنطتها لقتها جاهزة..لكن في حاجة ناسياها ايوا شنطة الكاميرا في اول رف..شالت كرسي التسريحة وطلعت فيهو وبدت تمد يدها..في الوقت دا سامي زهج وجا على باب اوضتها ودقاهو ليها نظام اطلعي سريع.
جمانة اتخلعت قبلت وراها بسرعة ورقبتها لفت ( اححححي 😢) وجات واقعة في الارض على جنبتها واطلقت صرخة مرعوبة..سامي سمع صوت صرختها بسرعة فتح الباب كانت واقعة في الارض وخاتا يدها في رقبتها...امتر شي مؤلم لفة الرقبة 💔 ممكن في اللحظة ديك لو زول اتكلم معاك تقشطو كف تجيب اجلو.
بقت بتحرك في رقبتها وختت يدها في كتفها الوقعت عليهو ( سحروك يا السمحة )
اول ماشافتو واقف بعاين ليها اتظاهرت انو ماف شي واجعها..حاول يرفعها زحت يدو وقال ليهو بغيظ: زح مني بقوم براي
سامي ببرود رجع لي ورا: اوكي براحتك
حاولت تقوم بس ما قدرت وحست بي نظراتو بتخترقها بي شماتة.
سامي: سيبي حركات الاطفال وخليني اساعدك 😒
جمان: قلت ليك بقوم براااي 😠 ( يخربك )
سامي بي زهج : اوووف ..وما اداها فرصة طوالي قعد في الارض ومسك يدها اول ما ضغط عليها صرخت.
سامي: زي ما اتوقعت..دا رضخ بسيط..تعالي ( نصيحتي لليوم عرسي الدكتور اخير ليك 😉)
مسكها من كتافينها وقومها.
دخل المطبخ قعدها في كرسي الصفرة..فتح الثلاجة وطلع مكعبات ثلج ختاها في كيس وعصرها ليها في يدها..كانت منزلة راسها عشان ما تظهر انها متألمة من برودة الثلج..طلعت منها شهقة مكتومة بي الم..كانت فاكرة انها سمعتها براها..فاجأها صوت سامي: استحملي هسه بتخف. ( قسوة ممسحة بحنية 🐸)
رفعت عينا واتصادمت عيونهم بي بعض..كانت بيتبادلو في النظرات من دون مايرمشو كأنو في تحدي عشان اي واحد يثبت مقدار عنادو..شوؤة النظرات اتحولت لي نظرات استحقار بمن لاحظو انهم لابسين نفس الالوان..سامي رما الثلج من يدو: قومي بعد دا اتأخرنا 😒
طلع وخلاها براها..شالت نفس ورجعت اوضتها..عاينت للكاميرا الفوق بي اصرار وجرت الكرسي عشان تحاول تجيبها.
سمعت صوتو من وراها مليااان سخرية: تاني 😏
اتلفتت وراها لقتو واقف قصادها..في محاولة منها لي تجاهلو قبلت على الدولاب ووقفت على اطراف اصابعها ومدت يدها وبعد دا كلو ماحصلتها..حست بيدو في كتفها..زحاها وعاين لي بسخرية لاذعة قبل ما يمد يدو وبي كل سهولة شال شنطة الكاميرا ورماها ليها ( حبيباتي الطويلات تشربو حاجة 🍷🐼)
مسكتها وهي فرحانة قالت ليهو بسرعة: شكرا 😀
سامي حرك ليها راسو (يعني هسه يا ود امي لو قلت ليها عفوا بتموت ؟) جرا الشنطة وطلعو ( اتمنى انو السنافر يكونو عرفو قيمة الطوال 😌)
في العربية :
كانت بتعاين بالشباك وقالت بي تردد: سامي ممكن توديني اودع اهلي ؟
بس سامي طنشها ولا كانها بتتكلم..عادت ليهو الجملة تاني وكانت اجابتو التطنيش.
قالت بي صوت عالي مغيوظ : سااااامي😠
سامي ببرود: اياك وتعلي صوتك 😒
جمان: طيب عشان ما اعلي صوتي رد علي 😠😤
سامي: لا 😒
جمان: هو شنو اللا
سامي: ماف مشي
جمان : لكن لي 😟
سامي: بس كدا مزاج 😒
جمان : لكن.....
قاطعها : لمن اقول لا معناها لا وانتهينا مفهوم؟
جمان سكتت وهي حاسة بي قهر وظلم واهانة..حست انها حتنفجر..عملت شنو عشان يكون دا عقابها..مسكت دمعتها البتقاوم بي قوة عشان تنزل.
وصلو المطار وبعد مدة اعلنو عن الطائرة القطرية المتوجهة للدوحة..جمان مشت على الطيارة وهي ماعارفة سامي موديها وين..حتى الجواز والتذكرة ماسكهم هو..ما فتحت خشمها لحدي ما الطائرة اقلعت..كانو قاعدين في الدرجة الاولى..وبعد عدة ساعات وصلو الدوحة..وبعد انتظار دام لعدة ساعات كان النداء لي طيارتهم المتوجهة الى سيرلانكا.
جمان اول مرة تشوف البلد دي...من المفترض انها عروس ودا شهر عسلها والي هو مفروض يكون اجمل ايام حياتها..بس كان حاصل معاها العكس..حزينة وزعلانة..ماف عروس زيها كدا..الم، قهر، وعذاب ( الله يصبرك 😢)
في الخرطوم:
مجد الوقت كلو بيفكر في لؤي..ضرب ليهو الف مرة ابا يرد عليهو..حتى الرسايل بشوفها وما برد.. مجد فاهم صحبو عشان كدا قرر يمشي ليهو.
*******************
لؤي كان قاعد في اوضتو بيلعب في بليستيشن وهو راقد على بطنو في السرير وبيحاول يتناسى في موضوعو مع مجد.
جات امو: لؤي اسمعني
لؤي وعيونو على الشاشة: ايون
امو: انا واخواتك حنمشي نبيت الليلة في بيت جدك..جهزت ليك الاكل والعصير واي حاجة عايزها..خلي بالك من نفسك وحافظ على نضافة البيت فاهم.
لؤي:فاهم
الام: يلا فتك بي عافية
لؤي: وانتي من اهله  ( لا دا انت ساطل رسمي )
الام: غايتو مخك دا ربنا يكبرو
بعد ما امو طلعت شوية كدا الجرس ضرب..قام بي زهج وفتح الباب..كان دا مجد..لؤي ما اتكلم معاهو خلا الباب مفتوح ودخل بعد ما اداهو حدرة.😒
مجد قفل الباب: لؤي استنا عايز اتكلم معاك.
لؤي مارد عليهو دخل اوضتو وكمل لعبو
مجد: لؤي انا بتكلم معاك
بس لؤي مطنشو ومنتبه مع لعبو.
مجد: اهااا يعني ماعايز ترد طيب .
بي غضب جرا وصلة البليستيشن ورماها في الارض..هنا يادوب لؤي فتح عيونو بي كبرها وبقا بعاين لي مجد الكفكف يدين قميصو وربع يدينو على صدرو وهو رافع حاجب وقال: اها كدا كيف معاك 😏.
لؤي ما حسا بنفسو الا وهو لازي مجد بقوة على الحيطة لمن طلع صوت عالي ومجد بقا بيكح بعنف ( 😱)
انتبه لي ردة فعلو القوية وجا على صحبو بي خوف : مجد انت كويس ؟
بس اتفاجأ بالبوكس الجاهو في وشو من مجد ( WWE مباشر ).
قعد في السرير وهو منذهل من الضربة الجات في وشو ...مجد وهو لسا بيكح ونفسو قايم..جا قعد جنبو ولزاهو في راسو : هسه لو كنت سمعت كلامي دا ماكان حصل .
لؤي وهو يبلزو بي كتفو: عايز مني شنو ؟ مش مالي دخل بيك وانت كبير وما طفل .
مجد: انا اسف .
لؤي سكت
مجد : انا عارف اني غلطان بس انت وصلتني الحد .
لؤي وهو بيحرك اصابع يدو بتوتر: انا......انا خايف عليك..عارف انو كلامي كان مستفز وانو ماف واحد بيرضا يتكلمو مع حبيبتو كدا قدامو...لكن يا صحبي انا ما بقدر اسكت على الغلط انت عارفني...وبعدين العرس دا ماحاجة ساهلة.
مجد: انا خطبتها ما عرستها
لؤي: خطبتها معناها حتعرسها...انا شيرين دي ما مقتنع بيها   وما خلقتك ولا بتشبهك قسما بدين الله مرات بحس بيها ثعبان متحول في شكل انسان..على الاقل استخير ياخ.
مجد: يعني انتي خايفة علي يا كتكوتة يا بيضا انتي .
لؤي: خليك جادي شوية 😒..بعدين تعال هنا دي نهاية قلة الادب بتضربني جوه بيتي 😠
مجد: انت البديت 😀...كدي زح لي شوية خليني ارتاح وبالمناسبة انا الليلة حابيت معاك.
لؤي: لا لا ما تبيت معاي .. امشي بيتكم انا ماصدقت الليلة قاعد براي في البيت .
مجد : عايز تعمل شنو يعني ؟
لؤي: ياخ احتمال عايز اشرب 🍺🍸...احتمال عايز اشيش..احتما  عايز اجيب رقاصة 💃 انت مالك ومالي
مجد: بس انت قلة ادبك دي لو خليتها تاني ما عندك مشكلة 😒.
لؤي: تشرب حاجة 😸
مجد: دا سؤال ليك مع الناس؟؟؟ اديني يد البليستيشن التانية وافتح لينا لعبة جديد .
لؤي وهو بيضحك : طيب
       ■            ■              ■
سامي وجمانة وصلو سيرلانكا بعد رحلة طويييلة.