انثى في عرين الاسد

الفصل السادس

♡انثى في عرين الاسد♡
         ~الحلقة السادسة~
سامي ركب عربيتو..رجع بي ذكرياتو لي زمان ايام الجامعة في لندن..لي حبو الاول والاخير..الخلاهو مجروح وبينزف بي صمت..كانو الحصل ليهو كان امبارح..كان عمرو وقتها 22 سنة..خريج من الجامعة..كان بيحب واحدة اسمها رفاء بيعشقها وبالنسبة ليهو كل حاجة..كان اخر يوم ليهم في الامتحانات..كان منظم ليها مفاجئة مع اصحابو نهاية اليوم عشان يطلب يدها .
كانت قاعدة جمبو وقامت عشان تشتري ليها قهوة..سامي كان بيراجع في شيت..اتزعج بي صوت نغمة الرسايل كان عايز يقفل التلفون لقا الرسالة جاية من اسم مسجل بي 7bibi ما كان من عاداتو يطفل على خاجة ما بتخصو..بس حسا بالفضول دا منو المسجل كدا..لقا نفسو بيفتح الرسالة كانت الصدمة لمن لقا الكلام المتبادل البيدل على اتنين بيعشقو بعض..الصدمة الامبر انو دا كان صحبو..طلعو خايننو..البيحبها..وصحبو الشايفو زي اخوه..ماقدر يصدق..حاول يكذب نفسو بس الكلام كلو قدامو..جات رفاء مع صحبو وهي بتضحك.
رفاء: سميوشن..الثلج دا مابردك ؟ يلا ندخل جوا .
سامي كان ساكت ومنزل راسو...ماف اي شي غير الدخان البيطلع مع نفسو من شدة البرودة ❄❄❄.
صحبو: سامي
رفع راسو وهو ماسك التلفون وفاتح ليهم الرسايل : Can you expalain to me
رفاء فتحت خشمها بي صدمة : سامي..سامي ما تفهم غلط انا .
سامي : انتي شنو ؟
رفاء سكتت
سامي عاين في وش صحبو ماكان في اي تعبير في وشو يدل على الندم او الذنب.
سامي قام بي سرعة ورما التلفون في الارض بقوة..رفاء صرخت بي خوف ورجعت لي ورا..مسك صحبو من ياقة معطفو  ولزاهو على الحيطة وصرخ في وشو " لي ؟ لي عملت فيني كدا ؟ انا كنت شايفك زي اخوي واكثر..دا جزائي ؟انا عملت ليك شنو؟ اذيتك في شنو؟
ياريت لو صحبو ما اتكلم..كلامو دخل زي السكاكين في قلب سامي: ياخ انا بكرهك وما ندمان على العملت وتستاهل كدا واكتر..لي؟ لي اي حاجة عندك ؟ جمال ؟ قروش ؟ وذكاء؟ لي انت احسن مني في شنو
سامي وهو بعاين ليهو بصدمة: انت..انت واحد مريييض
صحبو: اي مريض وما حابقى كويس الا لمن اشوف راسك تحت التراب وما عندك شرف.
سامي النار قامت فيهو وضربو بي كل قوتو..رماهو في الارض وعجنو عجن 💪...جو اصحابو جاريين بي سرعة  وحجزوهو منو..سامي كان معصصصصب وبيصرخ فيهو بصوت عالي..اصحابو هدوهو..ماكان قادر يصدق كيف صحبو يعمل فيهو كدا ورفاء البيعشقها برضو بالساهل عملت فيهو كدا..دخل الامتحان اشتغل القدر عليهو وطلع..رجع شقتو..وقف جمب المراية الفي المدخل لي دقايق..قبل ما يصرخ بي عصبية ويكسرها..كسر اي حاجة قدامو قعد بي بطئ في الارض وهو بعاين للدم السايل من يدو..فجأة لقا نفسو بيبكي..كيف قدرو يعملو فيهو كدا وثق فيهم وحباهم..كيف بين ليلة وضحاها اقرب اتنين لي قلبو يبقو اكتر اتنين مألمنو💔..التعب خلاهو نام..صحا بصوت الباب..فتحو لقاهو واحد من اصحابو الانجليز..لقا حالتو مأساوية عيونو وارمة من البكاء واثار الدموع في وشو يدو مجروحة جرح عميق ونازف..مدخل شقتو كل مكسر..جاب علبة الاسعافات الاولية ونضف ليهو جرحو بس كان عميق ومحتاج تخييط..جاب ليهو معطفو وخلاهو يغسل وشو ومشا معاهو المستشفى..خيطو ليهو جرحو ولفوهو ليهو..صاحبو رجع معاهو رتب ليهو شقتو واداهو مسكن ..سامي نام طويل ولمن صحا قرر انو حيرجع السودان وتاني ماعايز يقعد في بريطانيا.
بعد ما نتيجتو طلعت...وطلع متفوق كالعادة طوالي حجز للرجعة.
لما كل حاجاتو اصحابو كانو مستنينو برا..لمن طلع لقا رفاء واقفة ووشها احمر من شدة البكاء..اصحابو مشو بعيد منهم عشان يقدرو يتكلمو..سامي مشا فيها ولا كانها واقفة..جات جارية بي وراه: سامي عليك الله اديني فرصة..انا غلطت..وعارفة انو غلطت وغلط كبير كمان..بس سامحني عليك الله واديني فرصة.
سامي وهو بيضحك : اديك فرصة ؟؟؟ حلو والله..انتي عارفة اني كنت بحبك بي كل ما تعنيه الكلمة وكنت حافاجئك واخطبك؟ طلع الخاتم الالماسي من شنطتو💍..دا كان حيكون بتاعك..كنت عايزك تكوني اميرتي..بس جزائي شنو ؟ خنتيني ومع واحد كنت فاكرو صحبي..رخصتي نفسك قدامي وانا ماعايز اشوفك تاني.
رفاء بكت بي حرقة وندم: سامي والله انا ماعارفة كيف قدر يغشني.
سامي: معليش..بس بالنسبة لي دا ماعذر..انتي لو كنتي بجد بتحبيني ماكان عملتي كدا..انتي هسه جاياني عشان حاسة بالذنب ما اكتر..على كل حال انسيني وانا اصلا نسيتك..وخلي عندك شوية كرامة..سلام.
رما الخاتم في الارض ومشا على اصحابو وخلاها بتبكي بي حرقة ( يحرقوك في نار جهنم ).
سامي رجع لي واقعو بي صوت بوري العربية الوراهو..اتحرك بي سرعة..وصل المستشفى وبدا يسلم على العمال وعلى زمايلو..وبدا يتفقد المرضى بتاعنو..دخل مكتبو بعديها..قعد في الكرسي وسرح بعيد..جا دكتور عادل صحبو..ضربو في كتفو: سرحان وين يا صحبي.
سامي: الواحد ما يسرح بالفيهو بي راحة ؟
عادل: اوباااا..فيك شنو ؟
سامي زفر بضيق: ما بيتحكي.
عادل: لا الموضوع شكلو كبير..تعال اعزمك كباية كابتشينو حلللوة كدا..واحكي لي بي راحتك.
سامي وهو بيقلع اللاب كوت بتاعو : طيب يلا ( سترك يارب)
جمانة في الوقت دا وصلت.. وقعدت..لقت مصطفى ( جكسيها) مستنيها.
مصطفى: مالك في شنو؟ ان شاء الله خير.
جمانة: مصطفى انت ما ممكن تتقدم لي ؟
مصطفى: انتي عارفة انو انا حاجي واتقدم ليك بس اول ما اجهز نفسي.
جمانة: ولد خالي حيتقدم لي
مصطفى وشو قلب احمر واصفر واخضر ( اشارة مرور) .
في اللحظات دي سامي وعادل وصلو قعد وراهم بي مسافة ( الليلة يا النبي 💔)
جمانة : مصطفى لازم تسرع .
عند سامي وعادل طلبو الكابتشينو وبدو يتكلمو.
مصطفى: يا جمان اصبري علي شوية
جمانة: هسه انت وضعك ما مأساوي يعني بتقدر تتقدم...اتقدم بس.. خطوبة بسيطة وخلاص.
مصطفى: ما حاقدر افهميني هسه ما بقدر.
جمانة وقفت على حيلها: انت بتستهبل علي صح ؟ قول لي ما عايز اتقدم و خلاص بدل اللف والدوران.
شالت شنطتها وطلعت...مصطفى جرا وراها ومسكها من يدها : استني خلينا نتفاهم...ساقا معاهو على جهة سلم الطواريئ.
النادل جاب لي الشباب الكابتشينو..ومن دون قصد كشحو في سامي.
سامي وقف بي سرعة وهو بجر في قميصو .
النادل: انا انا اسف والله ما قصدي
سامي : عادي عادي ماف مشكلة 😊..بس التوليت بي وين .
النادل: امشي على جهة سلم الطوارئ ( ووووب 💔) بتلقا الباب طوالي على وشك.
سامي مشا ودخل .
جمانة فكت يدها من يد مصطفى بي غيظ .
مصطفى : جمانة انتي ارفضيهو..وانا اوعدك والله اول ما اجهز نفسي حاجيك
جمانة: مصطفى انا ماعايزة منك اي شي ..بس خاتم يوضح انك خطيبي .
مصطفى بصوت عالي: قلت ليك هسه ما مكن .
جمانة عاينت لي مسافة وعيونها دمعت : اقول ليك شي ما تتقدم وما تجيني وما عايزاك وشنو رايك اني حاوافق بي ولد خالي..ومبروك 😠
واتحركت..لكن مصطفى مسكها تاني من يدها ولزاها على جهة الحيطة وبدا يقرب منها..لي درجة انفاسو الساخنة بقت في وشها.
مصطفى: ما حاخليك تقبلي بيهو يا جمانة مستحيل.
جمانة ما حست الا وهي بتديهو كف بي قوة اهتز لي صوتو المكان.
جمانة وهي بترجف من الانفعال: انت وقح .
سامي غسل المحل الاتكشح فيهو النسكافيه ونشف يدينو وطلع.
جمانة لزت مصطفى لكن تاني جراها وبي نفس الطريقة جا عليها وانفاسو بقت في وشها بدت تلز فيهو وهي بتصرخ : زح مني 😢
مصطفى وهو بيقرب منها اكتر: لا
بس فجأة زول مسك مصطفى ولزاهو ممنها .
جمانة فتحن عيونها بوسعها... وسامي بقا بعاين ليها بي صدمة..فجأة مصطفى قام ولزا سامي..اتلاقت العيون تااااني بعد 5 سنوات..فاكرين صاحب سامي الخانو مع رفاء ياهو زاااتو مصطفى .
مصطفى وهو بيضحك : مالك يا سامي مخلوع كدا..روق شوية يا ضاحبي..انا بي بساطة بنفذ في وعدي الوعدتك بيهو مع بنت عمك المصون.
جمانة ما فاهمة الحاصل شنو بس متأكدة انو في كارثة جاية في الطريق.
سامي بي غضب: مصون غصببببا عن عينك يا كللللب
وبوكس واحد منو 👊 بي غضب خلا مصطفى يقع في الارض.
جمانة : دا شنو دا انت ... انت كيف تتجرأ وتعمل كدا هسه لو مات ؟
سامي : انتي اخخخخرسي ماعايز اسمع صوتك.
جمانة في لحظة غضب رفعت صباعها في وش سامي : انت فاكر نفسك منو ؟ كمان بتسكتني
سامي: جمانة اقفلي خشمك احسن ماعايز اسمع صوتك 😠..لو عندك زول يسكتك ماكان بقيتي كدا.. يا خسارة فيك..دي الحالة انتي البقولو عليك مهذبة وعاقلة..ياريتك لو سمعتي الصباح امي كانت بتتكلم كيف عنك..كيف ها ؟ كيف رضيتي لنفسك كدا ؟
جمانة : انا ما عملت حاجة غلط..وانا اشرف منك ومن 10 زيك..واوعك تتكلم معاي بالاسلوب دا وانت ما فاهم حاجة.
سامي رفع يد بي عصبية ولا شعوريا وكان حيديها كف..جمانة قبلت وشها على الجهة التانية وهي مغطياهو..سامي مسك نفسو في اللحظة الاخير وضرب الحيطة بقوووووة..كان خلاص واصل حدو لمن ما قادر يتكلم..ولو الكف دا كان جا في وشها كان تاني ما حتصحى...عادل جا بعد ما حسا بي انو سامي اتأخر..لقا مصطفى في الارض ما قادر يقوم..وسامس واقف مع جمانة.
عادل : دا شنو دا ؟ في شنو يا سامي .
سامي بي هدوء مصطنع وهو بيغلي من جوه جرا ليها الطرحة في راسها وقال ليها وهو ضاغط على اسنانو: اتفضلي على بيتكم .
جمانة طوالي طلعت بره وركبت العربية..اول ما قفلت الباب ختت يدها في خشمها ودموعها نزلت..كانت مصدومة مصطفى بيعرف سامي من وين ووعد شنو القالو ؟ وهي ..هي كيف قدرت تتكلم مع سامي بالاسلوب دا..كيف قدرت ترفع صباعها في وشو وتصرخ فيهو..ختت كفينها في وشها وهي ماعارفة كيف اعصابها فلتت منها واتكلمت كدا ؟ وهسه سامي نظرتو ليهة بقت شنو 💔...حركت العربية ومشت وهي ماشايفة قدامها من شدة الزعل والبكى .
عادل صرخ في سامي الشات مصطفي في بطنو بي قوة: سامي دا شنو البتعمل فيهو دا استناني بره 😠.
سامي طلع العربية وهو شوية وحيتفجر..مصطفى الكلب كيف قدر يوصل لي جمان ؟ وجمان كيف سمحت لي نفسها تقعد معاهو ؟ كان بيغلي غليان..شوية عادل جاهو..
عادل: سامي فهمني في شنو ؟
سامي : عادل لو سمحت...لو سمحت ماعايز انكلم في اي حاجة وصلني بس المستشفى.
عادل سكت منو ورجعو.. سامي ركب عربيتو وطوالي رجع بيتهم.
جمانة وصلت البيت وطلعت اوضتها طوالي..وشها كان احممممر..قعدت في الكنبة الزهرية وهي هلكانة من الحصل..دخلت الحمام واخدت ليها حمام بارد رقدت في سريرها..وهي حاسة بالذنب كلام سامي كلو كان لافي في اضانها ودخل في قلبها زي السكاكين..حست كانها كانت برج عالي واتهدم..غطت وشها بالمخدة ودموعها ما وقفت.
سامي وصل بيتهم ودخل عربيتو ما نزل منها فضل قاعد لي وقت طويل وهو سرحان..فجأة جاهو منذر ناطي بالشباك: بوووو 👻
سامي ابتسم ونزل الشباك : خير ؟
منذر: لا ماف حاجة بس لقيتك قاعد براك سرحان قلت اشوفك مالك..اسااعدك يعني 😸
سامي قفل الشباك ونزل من العربية وختا يدو في كتف منذر: يا سبحان الله يعني حتساعدني بي انك تجيني زي الشيطان وتقول لي بو
منذر وهو بيضحك بي استهبال : افهما بي طريقتك 😸.
سامي ضربو بي خفة في راسو: طيب انجر قدامي.
#نهاية_الحلقة_السادسة